Published:Updated:

ஃபண்ட் கிளினிக் : முதலீடு... ஆண்டுக்கொரு முறை ஆய்வு அவசியம்! - முதலீட்டாளர்கள் கவனத்துக்கு..!

முதலீடு
பிரீமியம் ஸ்டோரி
News
முதலீடு

கல்வி, ஓய்வுக் காலத்துக்கு நீண்டகால நோக்கில் லார்ஜ், மிட், ஸ்மால்கேப் ஃபண்டுகளில் முதலீடு செய்யலாம்!

என் மகனின் படிப்பு, என்னுடைய ஓய்வுக்காலத்துக்காகச் சில ஃபண்டுகளில் மாதம்தோறும் எஸ்.ஐ.பி முறையில் நானும் என் மனைவியும் முதலீடு செய்து வருகிறோம். தற்போது பெரிதாக லாபம் எதுவும் இல்லை. நாங்கள் முதலீடு செய்துள்ள ஃபண்டுகளில் மாற்றம் எதுவும் செய்ய வேண்டுமா? நாங்கள் செய்துவரும் முதலீடுகள்... ஐ.சி.ஐ.சி.ஐ புரூ. புளூசிப் ஃபண்ட் ரூ.5,000, ஆதித்ய பிர்லா சன் லைஃப் ஃப்ரன்ட்லைன் ஈக்விட்டி ஃபண்ட் ரூ.6,000, ஹெச்.டி.எஃப்.சி டாப் 100 ஃபண்ட் ரூ.6,000.

- கோபி, மெயில் மூலமாக

ஃபண்ட் கிளினிக் : முதலீடு... ஆண்டுக்கொரு முறை ஆய்வு அவசியம்! - முதலீட்டாளர்கள் கவனத்துக்கு..!

“உங்கள் முதலீடுகளில் அனைத்தும் லார்ஜ்கேப் வகையைச் சேர்த்தது. உங்கள் முதலீடுகளின் இலக்கு உங்கள் மகனுடைய கல்வி மற்றும் ஓய்வுக் காலத்துக்காக நீண்டகால நோக்கில் இருப்பதால், லார்ஜ், மிட், ஸ்மால்கேப் பங்குகள் கொண்ட ஃபண்டுகளில் அஸெட் அலோகேஷன் முறையில் முதலீடு செய்தால், சராசரி வருட வருமானம் 12% பெற வாய்ப்புள்ளது. உங்கள் முதலீடுகளைக் கீழ்க்காணும் வகையில் மாற்றியமைக்கவும். ஆக்ஸிஸ் புளூசிப் ஃபண்ட் ரூ.1,600, கனரா ராபிகோ புளூசிப் ஃபண்ட் ரூ.1,600, யூ.டி.ஐ ஈக்விட்டி ஃபண்ட் ரூ.3,200, பராக் பரிக் லாங் டேர்ம் ஈக்விட்டி ஃபண்ட் ரூ.3,200, யூ.டி.ஐ மிட்கேப் ஃபண்ட் ரூ.2,400, இன்வெஸ்கோ மிட்கேப் ஃபண்ட் ரூ.2,400, எடெல்வைஸ் ஸ்மால்கேப் ஃபண்ட் ரூ.1,600.”

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

நான் 2018-ம் ஆண்டு முதல் எஸ்.ஐ.பி முறையில் மாதந்தோறும் முதலீடு செய்து வருகிறேன். 15 ஆண்டுகள் முதலீடு செய்யத் திட்டமிட்டு உள்ளேன். என் போர்ட்ஃபோலியோவில் மாற்றங்கள் ஏதும் அவசியமா..?

என் முதலீடுகள்... கோட்டக் ஸ்டாண்டர்டு மல்ட்டிகேப் ஃபண்ட் ரூ.2,000, ஃப்ராங்க்ளின் இந்தியா ஃபோகஸ்டு ஈக்விட்டி ஃபண்ட் ரூ.2,000, டி.எஸ்.பி மிட்கேப் ஃபண்ட் ரூ.2,000, ஐ.சி.ஐ.சி.ஐ புரூ. புளூசிப் ஃபண்ட் ரூ.2,000, ஹெச்.டி.எஃப்.சி ஈக்விட்டி ஃபண்ட் ரூ.1,000, ஹெச்.டி.எஃப்.சி ஹைபிரிட் ஈக்விட்டி ஃபண்ட் ரூ.2,000, ஹெச்.டி.எஃப்.சி மிட்கேப் ஆப்பச்சூனிட்டீஸ் ஃபண்ட் ரூ.1,000, ஆக்ஸிஸ் லாங் டேர்ம் ஈக்விட்டி ஃபண்ட் ரூ.4,000.

- எஸ்.சஞ்சய், மெயில் மூலமாக

“நீங்கள் தற்போது முதலீடு செய்துவரும் ஃப்ராங்க்ளின் இந்தியா போக்கஸ்டு ஈக்விட்டி ஃபண்ட், ஹெச்.டி.எஃப்.சி ஈக்விட்டி, ஹெச்.டி.எஃப்.சி ஹைபிரிட் ஈக்விட்டி ஃபண்ட் மற்றும் ஹெச்.டி.எஃப்.சி மிட்கேப் ஃபண்ட் முதலீடுகளின் செயல்பாடு சரியாக இல்லாததால் நிறுத்திவிடவும்.

முதலீடு
முதலீடு

இவற்றுக்கு பதிலாக, கனரா ராபிகோ ஈக்விட்டி டைவர்சிஃபைடு ஃபண்ட், இன்வெஸ்கோ மிட்கேப் ஃபண்ட், மோதிலால் ஆஸ்வால் ஹைபிரிட் ஈக்விட்டி ஃபண்ட், ஐ.டிஎஃப்.சி ஸ்மால்கேப் ஃபண்ட் போன்ற ஃபண்டுகளில் முதலீடு செய்யவும்.

முதலீட்டாளர்கள் ஒன்றை நினைவில் வைத்துக்கொள்ளவும். இப்போதுள்ள நிலவரங்களின்படிதான் நான் பண்டுகளைப் பரிந்துரை செய்கிறேன். இந்த ஃபண்டுகளின் போக்கு சில காலாண்டுகள் அல்லது வருடங்கள் கழித்து மாறலாம். நான் சொல்லிவிட்டேன் என்கிற ஒரே காரணத்துக்காக ஒரு ஃபண்டை ஆண்டுக்கணக்கில் மறுபரிசீலனை செய்யாமல் வைத்திருப்பது சரியல்ல. உங்கள் போர்ட் ஃபோலியோவில் உள்ள ஃபண்டுகளை ஆண்டுக்கு ஒருமுறையாவது மறுஆய்வு செய்து தேவையான மாற்றம் செய்வது அவசியம்.

நீங்கள் நீண்டகால நோக்கில் 15 வருடங்களுக்கு முதலீடு செய்வதாக உத்தேசித்து இருப்பதால், உங்களுடைய போர்ட் ஃபோலியோவில் ஸ்மால்கேப் ஃபண்ட் இருப்பது அதிக வருமானத்தைக் கொடுக்க வாய்ப்புள்ளது.”

உங்கள் போர்ட் ஃபோலியோவில் உள்ள ஃபண்டுகளை ஆண்டுக்கு ஒருமுறையாவது மறுஆய்வு செய்து தேவையான மாற்றங்களைச் செய்வது அவசியம்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

நான் தற்போது மூன்று ஃபண்டுகளில் முதலீடு செய்துவருகிறேன். நான் முதலீடு செய்து வரும் ஃபண்டுகள்... ஆக்ஸிஸ் மிட்கேப் ஃபண்ட் ரூ.4,000, ஆக்ஸிஸ் ஃபோகஸ்டு 25 ஃபண்ட் ரூ.4,000, இன்வெஸ்கோ இந்தியா குரோத் ஆப்பர்ச்சூனிட்டீஸ் ஃபண்ட் ரூ.3,000.

நான் என் மகனுடைய ஓய்வுக்காலத்துக்காக முதலீடு செய்து வருகிறேன். 20 ஆண்டுகள் முதலீடு செய்ய திட்டம் வைத்துள்ளேன். ஒவ்வோர் ஆண்டும் 10% முதலீட்டை அதிகரிக்கவும் முடியும். என் முதலீடுகள் சரியா எனச் சொல்லவும்.

- ஆர்.சங்கரநாராயணன், கோவில்பட்டி

“தற்போதுள்ள உங்கள் போர்ட் ஃபோலியோவில் ஒரேயொரு மாற்றம் மட்டும் தேவை. இன்வெஸ்கோ இந்தியா குரோத் ஆப்பர்ச்சூனிட்டீஸ் ஃபண்டை நிறுத்திவிட்டு, அதற்குப் பதிலாக கனரா ராபிகோ எமெர்ஜிங் ஈக்விட்டீஸ் ஃபண்டில் முதலீடு செய்யவும். இப்போதுள்ள போர்ட் ஃபோலியோவில் வருட சராசரி வருமானம் கடந்த ஏழு ஆண்டுகளில் 15 சதவிகிதமாக உள்ளது. எதிர்வரும் 20 ஆண்டுகளில் உங்களுடைய போர்ட்ஃபோலியோவில் வருமானம் சராசரியாக 12% இருக்கும்பட்சத்தில், உங்களின் எஸ்.ஐ.பி முதலீடு வருடத்துக்கு 10% உயரும் எனக் கணக்கிட்டால், உங்கள் முதலீட்டின் மொத்த மதிப்பு ரூ.1.75 கோடியாக இருக்கும்.

முதலீடு
முதலீடு

எனினும், உங்கள் மகனின் ரிட்டையர்மென்ட் காலத்துக்குத் தேவையான தொகை அவரின் தற்போதைய வயது, அவர் ரிட்டையர் ஆக உத்தேசித்துள்ள வயது, அப்போது அவருடைய மாதச் செலவு, அவரின் வாழ்வுக் காலம் ஆகியவற்றைப் பொறுத்து அமையும். இவற்றைக் கணக்கில் கொண்டு உங்கள் மகனின் ரிட்டையர்மென்ட் காலத்துக்குத் தேவையான தொகையைக் கணக்கிட்டு, அதற்கு ஏற்றாற்போல் முதலீடு செய்துவருவது நல்லது.”

என் வயது 41. நான் கடந்த இரண்டு வருடங்களாகச் சில ஃபண்டுகளில் எஸ்.ஐ.பி முறையில் முதலீடு செய்துவருகிறேன். அடுத்த 15 வருடங்களுக்கு முதலீடுகளைத் தொடர உள்ளேன். என்னுடைய முதலீடுகளில் ஏதாவது மாற்றம் தேவையா..?

என்னுடைய முதலீடுகள்... சுந்தரம் மிட்கேப் ஃபண்ட் ரூ.5,000, ஹெச்.டி.எஃப்.சி சில்ட்ரன்ஸ் கிப்ஃட் ஃபண்ட் ரூ.5,000, ஆதித்ய பிர்லா சன் லைஃப் ஃப்ரன்ட்லைன் ஈக்விட்டி ஃபண்ட் ரூ.5,000, ஹெச்.டி.எஃப்.சி கேப்பிட்டல் அண்ட் பில்டர்ஸ் ஃபண்ட் ரூ.5,000, ஹெச்.டி.எஃப்.சி ஸ்மால்கேப் ஃபண்ட் ரூ.5,000. மேலும், ஆக்ஸிஸ் குரோத் ஆப்பர்ச்சூனிட்டீஸ் ஃபண்டில் ரூ.5,000 கடந்த மாதம் முதல் புதிதாக முதலீடு செய்யத் தொடங்கியுள்ளேன்.

- கவிதா, கோவை

ஃபண்ட் கிளினிக் : முதலீடு... ஆண்டுக்கொரு முறை ஆய்வு அவசியம்! - முதலீட்டாளர்கள் கவனத்துக்கு..!

“உங்கள் போர்ட்ஃபோலியோவில் ஒருசில மாற்றங்கள் செய்ய பரிந்துரை செய்கிறேன். சுந்தரம் மிட்கேப், ஆதித்ய பிர்லா சன் லைஃப் ஃப்ரன்ட்லைன் ஈக்விட்டி ஃபண்ட், ஹெச்.டி.எஃப்.சி ஸ்மால்கேப் ஃபண்ட் ஆகிய வற்றின் செயல்பாடுகளில் தொய்வுள்ளதால் முதலீடுகளை நிறுத்திவிடலாம். அதற்குப் பதிலாக ஆக்ஸிஸ் மிட்கேப் ஃபண்ட், மோதிலால் ஆஸ்வால் ஃபோகஸ்டு 25 ஃபண்ட் மற்றும் எடெல்வைஸ் ஸ்மால்கேப் ஃபண்டுகளில் உங்கள் எஸ்.ஐ.பி முதலீடுகளை அதே அளவில் தொடருங்கள். உங்கள் முதலீடுகளை ஆண்டுக்கு ஒரு முறை மறு ஆய்வு செய்வது நல்லது.”

உங்கள் ஃபண்ட் போர்ட்ஃபோலியோவை மாற்றியமைக்க வேண்டுமா?

finplan@vikatan.com என்ற மெயில் முகவரிக்கு நீங்கள் முதலீடு செய்யும் ஃபண்டுகள் குறித்த விவரங்களை அனுப்பவும்.