ஃபண்ட் கிளினிக் : போர்ட்ஃபோலியோ உருவாக்கும்போது எது முக்கியம்? - முதலீட்டு வழிகாட்டல்
உங்கள் இலக்கு ஐந்து வருடங்களுக்கு மேல் இருப்பின் பங்குச் சந்தை சார்ந்த ஃபண்டுகளில் முதலீடு செய்வது சிறந்தது!
என் வயது 39. நான் முதல்முறையாக இரண்டு மாதங்களாக மியூச்சுவல் ஃபண்டில் எஸ்.ஐ.பி முறையில் மாதம்தோறும் முதலீடு செய்து வருகிறேன்.
என் முதலீடுகள்... எஸ்.பி.ஐ கோல்டு ஃபண்ட் ரூ.1,000, நிப்பான் இந்தியா மல்ட்டி அஸெட் ஃபண்ட் ரூ.1,000. இந்த இரண்டு ஃபண்டில் மேலும் தலா ரூ.2,000 வீதம் 20 வருடங்களுக்கு முதலீடு செய்யவும், 5 ஆண்டுகளுக்கு ரூ.3,000 முதலீடு செய்ய விரும்புகிறேன். எனக்கு தகுந்த முதலீட்டு ஆலோசனை வழங்கி வழிகாட்டுமாறு கேட்டுக் கொள்கிறேன்.
- ஜி.சுரேஷ் குமார், மெயில் மூலமாக
“உங்கள் இலக்கு 5 வருடங்களுக்குமேல் இருக்கும்பட்சத்தில் பங்குச் சந்தை சார்ந்த ஃபண்டுகளில் முதலீடு செய்வது சிறந்தது. உங்கள் இரண்டு இலக்குகளும் 5 வருடங்களுக்குமேல் இருப்பதால், அட்டவணையில் தரப்பட்டுள்ள முதலீட்டுப் பரிந்துரையைப் பின்பற்றி, உங்கள் முதலீட்டை அமைத்துக்கொள்ளுங்கள். எனவே, உங்களுக்குப் பரிந்துரை தனித்தனியாகக் கொடுக்கப் படவில்லை.
5 வருடங்களுக்குப் பிறகு தொடரும் ஃபண்டுகளாக கனரா ராபிகோ புளூசிப் மற்றும் எடெல்வைஸ் ஸ்மால்கேப் ஃபண்ட் இரண்டையும் குறிப்பிடலாம். அப்போதைய சூழலுக்கேற்ப முடிவு செய்துகொள்ளலாம்.”
விகடன் Daily
Quiz
சேலஞ்ச்!
ஈஸியா பதில் சொல்லுங்க...
ரூ.1000 பரிசு வெல்லுங்க...
Exclusive on APP only
உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க
VIKATAN DEALSநான் மியூச்சுவல் ஃபண்டில் எஸ்.ஐ.பி முறையில் மாதம்தோறும் முதலீடு செய்து வருகிறேன். பிரின்சிபல் எமெர்ஜிங் புளூசிப் ஃபண்ட் ரூ.3,000, நிப்பான் ஃபோகஸ்டு ஈக்விட்டி ஃபண்ட் ரூ.2,000, கோட்டக் ஸ்டாண்டர்டு மல்ட்டிகேப் ஃபண்ட் ரூ.2,000, எஸ்.பி.ஐ ஃபோகஸ்டு ஈக்விட்டி ஃபண்ட் ரூ.3,000, எஸ்.பி.ஐ ஈக்விட்டி ஹைபிரிட் ஃபண்ட் ரூ.3,000, எஸ்.பி.ஐ நிஃப்டி இண்டெக்ஸ் ஃபண்ட் ரூ.5,000, எஸ்.பி.ஐ மேக்னம் ஈக்விட்டி இ.எஸ்.ஜி ஃபண்ட் ரூ.2,000, ஹெச்.டி.எஃப்.சி டாப் 100 ஃபண்ட் ரூ.5,000, ஐ.சி.ஐ.சி.ஐ புரூ. புளூசிப் ஃபண்ட் ரூ.2,000, ஐ.சி.ஐ.சி.ஐ புரூ. பார்மா ஹெல்த்கேர் ஃபண்ட் ரூ.2,000. என்னுடைய முதலீட்டு போர்ட்ஃபோலியோ சரியாக உள்ளதா?
- பென்கூர், மெயில் மூலமாக
“ஒரு போர்ட்ஃபோலியோவை உருவாக்கும் போது நாம் எந்த அளவுக்கு ரிஸ்க் எடுக்க முடியும்; அத்துடன் நம் இலக்குகளான கால அளவு எவ்வளவு என்பதை நிர்ணயம் செய்து முதலீடு செய்தால், அது சரியான தீர்வாக இருக்கும். இப்போது உங்களுடைய போர்ட் ஃபோலியோவில் லார்ஜ்கேப் 41% மற்றும் மல்ட்டிகேப் 35% இருக்கிறது. கூர்ந்து கவனித்தால், மல்ட்டிகேப்பில் லார்ஜ்கேப் பங்கு 80% உள்ளது. அப்படியானால் உங்கள் முதலீட்டில் 69% லார்ஜ்கேப்பில் உள்ளது. இதனால் உங்கள் முதலீட்டின் வருமானம் குறைவதற்கு வாய்ப்புள்ளது. எனவே, உங்களுக்குப் பரிந்துரை செய்யப்பட்டுள்ள மாற்றங்களைச் செய்து அதற்கேற்றாற்போல் முதலீடு செய்யவும்.
உங்கள் இப்போதைய முதலீட்டில் ஹெச்.டி.எஃப்.சி டாப் 100 மற்றும் கோட்டக் ஸ்டாண்டர்டு மல்ட்டிகேப் ஃபண்டை நிறுத்திவிடவும். நிறுத்தப்பட்ட ஃபண்டுகளுக்கு இன்வெஸ்கோ மிட்கேப் ஃபண்ட், எடெல்வைஸ் ஸ்மால்கேப் ஃபண்ட் போன்ற ஃபண்டுகளில் முதலீட்டை மாற்றிக்கொள்ளவும்.”
ஒரு போர்ட்ஃபோலியோவை உருவாக்கும் போது நாம் எந்த அளவுக்கு ரிஸ்க் எடுக்க முடியும்; அத்துடன் நம் இலக்குகளான கால அளவு எவ்வளவு என்பதை நிர்ணயம் செய்து முதலீடு செய்ய வேண்டும்!
Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.
என்னுடைய மியூச்சுவல் ஃபண்ட் முதலீட்டு போர்ட்ஃபோலியோவில் மாற்றங்கள் ஏதும் தேவையா என அறிய விரும்புகிறேன். என் போர்ட்ஃபோலியோவில் உள்ள ஃபண்டுகள்... எஸ்.பி.ஐ ஸ்மால்கேப் ரூ.5,000, பராக் பரிக் லாங் டேர்ம் ஈக்விட்டி ஃபண்ட் ரூ.11,000, மிரே அஸெட் எமெர்ஜிங் புளூசிப் ஃபண்ட் ரூ.5,000, ஹெச்.டி.எஃப்.சி மிட்கேப் ஆப்பர்ச்சூனிட்டீஸ் ஃபண்ட் ரூ.2,500, ஃப்ராங்க்ளின் டெம்பிள்டன் ஸ்மால்கேப் ரூ.2,500.
இந்த ஃபண்டுகளில் கடந்த இரண்டு வருடங்களாகக் குழந்தைகளின் மேற்படிப்பை இலக்காக வைத்து முதலீடு செய்துவருகிறேன். இந்த முதலீடுகளைத் தொடர்ந்து செய்யலாமா? தவிர, எஸ்.பி.ஐ ஃபோகஸ்டு ஃபண்ட் அல்லது எஸ்.பி.ஐ ஹைபிரிட் ஈக்விட்டி ஃபண்டில் மாதம் ரூ.5,000 எஸ்.ஐ.பி முறையில் முதலீடு செய்யத் திட்டமிட்டுள்ளேன். உங்கள் ஆலோசனையை ஆவலுடன் எதிர் பார்க்கிறேன்.
- முகம்மது, மெயில் மூலமாக
“உங்கள் முதலீட்டில் உள்ள ஹெச்.டி.எஃப்.சி மிட்கேப் ஆப்பர்ச்சூனிட்டீஸ் மற்றும் ஃப்ராங்க்ளின் இந்தியா ஸ்மால்கேப் ஃபண்டுகளை நிறுத்திவிடவும். இவற்றுக்குப் பதிலாக, எடெல்வைஸ் ஸ்மால்கேப்பில் முதலீடு செய்யவும். எஸ்.பி.ஐ ஹைபிரிட் ஃபண்டுக்குப் பதிலாக, மிரே அஸெட் ஹைபிரிட் ஃபண்டில் முதலீடு செய்யவும்.”
என் வயது 35. நான் 2017 முதல் எஸ்.ஐ.பி-யில் சில ஃபண்டுகளில் முதலீடு செய்து வருகிறேன். இதில் ரூ.10,000 என் மகனின் உயர்கல்விக்காக முதலீடு செய்து வருகிறேன். இன்னும் 13 ஆண்டுகளில் ரூ.5 லட்சம் தேவை. ரூ.10,000 ஓய்வுக்காலத்துக்கு முதலீடு செய்து வருகிறேன். இன்னும் 20 ஆண்டுகளில் ரூ.1.5 கோடி தேவை. என்னுடைய முதலீட்டு முறையில் ஏதாவது மாற்றம் தேவையா?
என் முதலீடுகள்... ஆக்ஸிஸ் புளூசிப் ஃபண்ட் ரூ.4,000, மிரே அஸெட் எமெர்ஜிங் புளூசிப் ஃபண்ட் ரூ.4,000, கனரா ராபிகோ எமெர்ஜிங் புளூசிப் ஃபண்ட் ரூ.4,000, ஆக்ஸிஸ் மிட்கேப் ஃபண்ட் ரூ.4,000, எஸ்.பி.ஐ ஸ்மால்கேப் ஃபண்ட் ரூ.4,000.
- எஸ்.ராஜ்குமார், தாம்பரம்
“உங்கள் மகனின் உயர்கல்விக்கு நீங்கள் இப்போது முதலீடு செய்துவரும் ரூ.10,000 ஆண்டு ஒன்றுக்கு சராசரியாக 12% வருமானம் கொடுத்தால் நீங்கள் ரூ.54 லட்சத்தை அடைய முடியும். உங்கள் ஓய்வுக்கால நிதியான ரூ.1.5 கோடியை அடைய வேண்டுமென்றால் மாதம் ஒன்றுக்கு ரூ.11,200 முதலீடு செய்ய வேண்டும்.
நீங்கள் கூடுதல் முதலீடு செய்யாமல் இந்த இலக்கை அடைய வேண்டும் என்றால், மார்க்கெட் உச்சத்தில் இருக்கும்போது நீங்கள் 30 - 40% உங்கள் போர்ட்ஃபோலியோவில் பிராஃபிட் புக் செய்து மறு முதலீடு செய்துவர வேண்டும். அப்படிச் செய்தால் இந்த இலக்கை அடைய முடியும். இருப்பினும் உங்களிடம் மாத உபரி இருந்தால் மாதம் ரூ.1,200 முதலீட்டை அதிகரிக்கவும். இப்போது உங்களிடம் இருக்கும் முதலீட்டில் இன்றைய நிலவரப்படி, எந்த மாற்றமும் செய்யத் தேவையில்லை.”
எனக்கு வயது 24. நான் கடந்த நான்கு மாதங்களாக ஆக்ஸிஸ் லாங் டேர்ம் ஈக்விட்டி ஃபண்டில் ரூ.2,000 முதலீடு செய்து வருகிறேன். ஆக்ஸிஸ் குளோபல் ஈக்விட்டி ஆல்பா ஃபண்ட் ஆஃப் ஃபண்ட் என்.எஃப்.ஒ வருகிறது. இதில் எஸ்.ஐ.பி முறையில் மாதம் ரூ.1,000 முதலீடு செய்யப் போகிறேன். இது தவிர, இன்னொரு ஃபண்டில் மாதம்தோறும் ரூ.1,000 முதலீடு செய்ய இருக்கிறேன்.
அடுத்த ஐந்து வருடங்களில் ரூ.10 லட்சம் சேர்க்க வேண்டும் என்பது என் இலக்கு. நான் எப்படி முதலீடு செய்தால் இலக்கை அடைய முடியும்?
- ரவிதாஸ், மெயில் மூலமாக
“மாதம் ஒன்றுக்கு ரூ.13,000 முதலீடு செய்து வந்தால், அடுத்த ஐந்து ஆண்டுகளில் ரூ.10 லட்சம் என்ற இலக்கை அடைய முடியும். ஆனால், நீங்கள் செய்துவரும் முதலீட்டை வைத்துக்கொண்டு உங்களால் ரூ.3.26 லட்சம் என்ற இலக்கைத்தான் அடைய முடியும். இந்த இரண்டு இலக்குகளுக்கும் நீங்கள் 12% வருமானம் ஈட்ட வேண்டும். கூடுதலாகச் செய்யும் ரூ.1,000 முதலீட்டை கனரா ராபிகோ புளூசிப் ஃபண்டில் செய்யவும்.”
உங்கள் ஃபண்ட் போர்ட்ஃபோலியோவை மாற்றியமைக்க வேண்டுமா?
finplan@vikatan.com என்ற மெயில் முகவரிக்கு நீங்கள் முதலீடு செய்யும் ஃபண்டுகள் குறித்த விவரங்களை அனுப்பவும்.