Published:Updated:

கடன் சந்தைகளிலும் கவர்ச்சிகரமான முதலீட்டு வாய்ப்புகள்..!

நிமேஷ் ஷா
பிரீமியம் ஸ்டோரி
நிமேஷ் ஷா

‘ஐ.சி.ஐ.சி.ஐ புரூ. மியூச்சுவல் ஃபண்ட்’ நிமேஷ் ஷா

கடன் சந்தைகளிலும் கவர்ச்சிகரமான முதலீட்டு வாய்ப்புகள்..!

‘ஐ.சி.ஐ.சி.ஐ புரூ. மியூச்சுவல் ஃபண்ட்’ நிமேஷ் ஷா

Published:Updated:
நிமேஷ் ஷா
பிரீமியம் ஸ்டோரி
நிமேஷ் ஷா

INTERVIEW

ந்திய மியூச்சுவல் ஃபண்ட் துறையில் ரூ.3.6 லட்சம் கோடிக்கும் மேலான தொகையை நிர்வகித்து வரும் ஐ.சி.ஐ.சி.ஐ புரூடென்ஷியல் மியூச்சுவல் ஃபண்ட் நிறுவனத்தின் நிர்வாக இயக்குநர் மற்றும் முதன்மை செயல் அதிகாரி நிமேஷ் ஷா. நிதித் துறையில் கால் நூற்றாண்டுக்கு மேல் அனுபவம் கொண்ட இவர் நாணயம் விகடன் இதழுக்கு சிறப்புப் பேட்டி அளித்தார்.

தற்போதைய இந்தியப் பங்குச் சந்தையின் தொடர் ஏற்றதுக்குக் காரணம்..?

“கடந்த சில ஆண்டுகளாக, மற்ற உலகளாவிய பங்குச் சந்தைகளைப் போலவே, இந்தியப் பங்குச் சந்தையும் மத்திய வங்கிகளால் இயக்கப்படும் ஏற்ற சுழற்சியின் நடுவே செயல்பட்டு வந்தது. சமீபத்திய ஏற்றம் என்பது சாதகமான செய்திகளின் தொகுப்பால் நடந்து வருகிறது. இது ஒருசில நிறுவனங்களின் கோவிட் -19 தடுப்பூசி கண்டுபிடிப்பு வெற்றிச் செய்தி களுடன், அமெரிக்க அதிபர் தேர்தலில் ஜோ பைடன் வெற்றி பெறுவார் என்ற எதிர்பார்ப்புடன் தொடங்கியது.

உள்நாட்டை எடுத்துக் கொண்டால், கோவிட் -19 பாதிப்பு படிப்படியாகக் குறைந்து வருவதோடு, பல ஆண்டுகளில் இல்லாத அளவுக்கு செப்டம்பர் காலாண்டு நிறுவனங் களுக்கு சிறந்த வருவாய் ஈட்டிய பருவமாக உள்ளது. மேலும், மின் தேவை அதிகரித்து வருகிறது. நிறுவனங்கள் கடன் வாங்குவது சற்று உயர்ந்து வருகிறது. ரியல் எஸ்டேட் பரிவர்த்தனைகளும் மேம்பட்டு வருகின்றன. கோவிட் காலத்துக்குப் பிறகு, வட்டி விகிதங்கள் குறைக்கப்பட்டிருப்பது, இந்தியப் பொருளாதாரத்துக்கு ஒரு பெரிய ஊக்கத்தை அளித்துள்ளது. மேலும், வெளிநாட்டு நிறுவன முதலீட்டாளர் களின் (எஃப்.ஐ.ஐ) முதலீடு மிகவும் அதிகரித்துள்ளது. இதுவரையில் இல்லாத வகையில், முதல் முறையாக, நவம்பர் மாதத்தில் எஃப்.ஐ.ஐ-களின் பங்கு முதலீடு ரூ.50,000 கோடியைத் தாண்டியிருக்கிறது.

இந்தக் காரணிகள் அனைத்தும் சேர்த்து 2020–ம் ஆண்டில் நவம்பர் 30 வரைக்குமான காலகட்டத்தில், இந்தியப் பங்குச் சந்தையின் முக்கிய குறியீடுகள் 7%-க்கும் அதிகமாக உயர காரணமாக உள்ளன. தற்போது, இந்தியப் பங்குச் சந்தைகள் அதிக மதிப்பில் இருப்பதாகத் தோன்றக்கூடும். இது அதிகப்படியான பணப்புழக்கத்தால், வளர்ச்சி நிறுவனப் பங்குகளின் விலை உயர்வுக்கு வழிவகுக்கிறது. இந்தப் போக்கு புதியதல்ல. 1992 - 1994, 2003 - 2008, 2014 - 2017 ஆகிய ஆண்டுகளிலும் இதேபோன்ற போக்கு காணப்பட்டது.”

தற்போதைய சூழ்நிலையில் இந்தியப் பங்குச் சந்தையின் வளர்ச்சி, மதிப்பு... இதில் எதன் அடிப்படையில் முதலீடு செய்வது லாபகரமாக இருக்கும்?

“நடப்பு 2020-ம் ஆண்டில் இதுவரை செயல்திறன் பரவல் அடிப்படையில் நடந்த வளர்ச்சி மற்றும் மதிப்பு (growth and value) இரண்டுக்கும் இடையிலான வேறுபாடு, 2000–ம் ஆண்டின் தொழில்நுட்பத்துறை வீழ்ச்சியைவிட மிகப்பெரியதாகவும் மிக அதிக மாகவும் உள்ளது. ஒப்பீட்டளவில் வளர்ச்சியைவிட மதிப்பீட்டு கருப்பொருள் (Value theme) கவர்ச்சிகரமாக மதிப்பிடப் படுகிறது. மேலும், ஏராளமான பணப்புழக்கம் காரணமாக அமெரிக்க டாலரின் வெளிமதிப்பு மேலும் குறையக்கூடும்.

வரலாற்றுப் போக்குகளின் அடிப்படையில், வளர்ந்து வரும் சந்தைகள் (Emerging markets) அமெரிக்க டாலர் மதிப்பு குறைவுடன் சிறப்பாகச் செயல் படுகின்றன. வரலாற்று ரீதியாக, மதிப்புக் கருப்பொருள் வளர்ந்து வரும் சந்தைகளுடன் இணைந்து செயல்பட்டுள்ளது. இதன் விளைவாக, ஒரு கருப்பொருளாக மதிப்பு என்பது வளர்ச்சியைவிட சிறந்தது என நம்புகிறோம்.”

தற்போதைய சந்தையில் முதலீட் டாளர்கள் எப்படிச் செயல்பட வேண்டும்?

“தற்போதைய சூழலில் பல நாடுகளில் கோவிட் இரண்டாவது பரவல் இருக்கும் என எதிர் பார்க்கப்படுகிறது. எனவே, குறுகிய காலத்தில் சந்தை ஏற்ற இறக்கத்துடன் இருக்கக்கூடும். எனவே, முதலீட்டாளர்கள் அவர்களின் அஸெட் அலோ கேஷன்படியே பங்குச் சந்தை மற்றும் கடன் சந்தை சார்ந்த திட்டங்களில் முதலீட்டைத் தொடர கேட்டுக் கொள்கிறோம். இதுவரைக்கும் வளர்ச்சிப் பங்குகளால் சந்தை ஏற்றம் கண்டிருக்கிறது. பல மதிப்பு மிக்க பங்குகள் நியாயமான மதிப்பீட்டில் உள்ளன. எனவே, தற்போதைய நிலையில் மதிப்பு சார்ந்து முதலீடு செய்வதைக் கவனிக்கலாம். அடுத்து, சிறப்பாக டிவிடெண்ட் வழங்கும் நிறுவனப் பங்குகள் நல்ல முதலீட்டு வாய்ப்பாக இருக்கும். அந்த வகையில், நிலையான நல்ல டிவிடெண்ட் வழங்கும் நிறுவனப் பங்குகளில் முதலீடு செய்யும் டிவிடெண்ட் யீல்டு மியூச்சுவல் ஃபண்டுகளையும் முதலீட்டுக்கு கவனிக்கலாம்.

கடன் சார்ந்த திட்டங்கள், குறுகியகாலம் முதல் நடுத்தர காலம் வரை சிறப்பாகச் செயல்படும் என எதிர் பார்க்கிறோம். கடன் பத்திரத்தின் வட்டி, கடன் பத்திரத்தின் தரக்குறியீடு பார்த்து முதலீடு செய்வதால் நல்ல வருமானம் கிடைக்கும். கிரெடிட் ரிஸ்க் ஃபண்டுகளின் மதிப்பீடு கவர்ச்சிகரமாக இருக்கிறது.”

ஃபிக்ஸட் இன்கம் திட்டங்களில் இப்போது முதலீட்டைத் தொடரலாமா?

“கடந்த மூன்று ஆண்டுகளாக ஃபிக்ஸட் இன்கம் ஃபண்டுகள் சிறப்பாகச் செயல்படும் என்றோம். முதலீட்டாளர்கள் இப்போதும் அவற்றில் முதலீட்டைத் தொடரலாம். எங்களின் ஃபிக்ஸட் இன்கம் ஃபண்டுகள் எல்லாம் சிறப்பான வருமானம் கொடுத்திருக்கின்றன (கடந்த கால வருமானம் எதிர் காலத்தில் நிச்சயமில்லை). எங்களின் ஐ.சி.ஐ.சி.ஐ புரூடென்ஷியல் ஃபண்டுகளில் வலுவான செயல்முறைகள் மற்றும் இடர்ப்பாடு மேலாண்மை நடைமுறைகளால் முதலீட் டாளர்கள் முதலீட்டைத் தொடர்ந்து வருகிறார்கள். கடந்த சில ஆண்டுகளைப்போல் வரும் ஆண்டுகளில் அடிக்கடி வட்டி குறைக்கப்படாது. எனவே, வட்டி வருமான உத்தி சிறந்ததாக இருக்கும்.

அஸெட் அலோகேஷன் உத்தியாக, குறிப்பாக பேலன்ஸ்டு அட்வான்டேஜ் ஃபண்டுகளை அதிக முதலீட்டாளர்கள் பயன்படுத்திக் கொள்வார்கள் என நம்புகிறோம். பேலன்ஸ்டு அட்வான்டேஜ் ஃபண்டுகளில் பங்குச் சந்தை மற்றும் கடன் சந்தையின் பலன்களை ஒருசேர பெற முடியும்.”

கச்சா எண்ணெய் விலை கடந்த ஓராண்டில் சுமார் 25% குறைந்துள்ளது. இது இந்தியப் பொருளாதாரம் மற்றும் பங்குச் சந்தையில் என்ன விளைவை ஏற்படுத்தும்?

“கச்சா எண்ணெய் விலை ஒரு பீப்பாய்க்கு 10 டாலர் குறைந்தால், இந்தியாவுக்கு 1,500 கோடி டாலர் (இந்திய ரூபாய் மதிப்பில் சுமார் 1,10,400 கோடி) கச்சா எண்ணெய் இறக்குமதி செலவு மிச்சப்படும். இந்தியா, தனது கச்சா எண்ணெய் தேவையில் கிட்டத்தட்ட 85 சதவிகிதத்தை இறக்குமதி செய்கிறது. இதனால், கச்சா எண்ணெய் விலை சரிவின் மூலம் இந்தியா அதிக பயன் அடையும். விலை குறைவால், கச்சா எண்ணெய் இறக்குமதி செலவு குறைவது தவிர, பண வீக்கம் குறைவதோடு, நடப்புக் கணக்கு பற்றாக்குறையும் குறையும். எனவே, கச்சா எண்ணெய் விலை வீழ்ச்சியால் இந்தியா ஒரு பெரிய பயனாளியாக உள்ளது. இதனால், இந்தியப் பொருளாதாரம் பயன் அடைந்து வருகிறது. இது இந்தியப் பங்குச் சந்தை களுக்கு ஓர் ஊக்கியாக உள்ளது.”

நிமேஷ் ஷா
நிமேஷ் ஷா

முதலீட்டை பரவலாக்குவதற்காக வெளி நாட்டுப் பங்குகள், குளோபல் ஃபண்டு களில் இந்திய முதலீட்டாளர்கள் முதலீடு செய்ய ஆரம்பித்திருப்பது பற்றி..?

“கடந்த சில ஆண்டுகளாக முதலீட் டாளர்கள் வளர்ந்த நாடுகளின் சந்தைகளில் ஈக்விட்டி மியூச்சுவல் ஃபண்டுகள் மூலம் முதலீடு செய்ய ஆரம்பித்திருக்கிறார்கள். முதலீட்டாளர் களின் பார்வையில் பார்த்தால், அவர்களுக்குப் பிடித்த சந்தையாக பெரும்பாலும் அமெரிக்கா உள்ளது. அங்கே உள்ள தொழில்நுட்ப நிறுவனங் களின் பங்குகள், குறியீடுகளின் புதிய உயர்வுக்கு உதவி வருகின்றன. ஆனால், உள்நாட்டில் அத்தகைய ஃபண்டுகளின் கடந்தகால செயல்திறன் மிகவும் ஊக்கமளிப்பதாக இருந்தாலும் முதலீட்டாளர்களிடம் ஆர்வம் இல்லை. அமெரிக்கப் பங்குச் சந்தை நீர்க்குமிழி மண்டலத்துக்குள் செல்கிறது என்பதையும், ஓர் இறக்கம் உடனடியாக வரக்கூடும் என்பதையும் கவனத்தில் கொள்ள வேண்டும். அமெரிக்கப் பங்குச் சந்தை ஏற்றத்தைத் தக்க வைக்க, பொருளாதார வளர்ச்சித் தூண்டுதல்கள் நடக்க வேண்டும்.

ஐ.சி.ஐ.சி.ஐ புரூ. குளோபல் அட்வான்டேஜ் ஃபண்ட் (ஃபண்ட் ஆஃப் ஃபண்ட்) மூலம் அமெரிக்கா அல்லாத, உலகளாவிய பங்குச் சந்தைகளில் முதலீடு செய்ய வேண்டிய நேரம் இது என்று நாங்கள் நம்புகிறோம். காரணம், ஐரோப்பா அல்லது ஜப்பான் இதுவரை சிறப்பாகச் செயல்படவில்லை. யூரோ மற்றும் யென் ஆகிய இரு நாணயங் களும் குறைவாக மதிப்பிடப் பட்டிருக்கிறது. இவை எதிர்காலத்தில் நல்ல வளர்ச்சி காணும் என மதிப்பிடப்பட்டிருக்கிறது. ஐ.சி.ஐ.சி.ஐ புரூ. குளோபல் அட்வான்டேஜ் ஃபண்ட் பல்வேறு சர்வதேச சந்தைகளில் முதலீடு செய்கிறது.”

நீண்டகாலத்தில் ஈக்விட்டி மியூச்சுவல் ஃபண்டுகள் மூலம் எவ்வளவு வருமானம் எதிர்பார்க்கலாம்?

“நீண்டகாலத்தில், இதர சொத்துப் பிரிவுகளைவிட பங்குச் சந்தை சார்ந்த முதலீடுகள் நல்ல வருமானத்தைக் கொடுக்கும் என்பது அறிந்த ஒன்று. டைவர்சிஃபைடு ஈக்விட்டி ஃபண்டு களில் முதலீடு செய்ய விரும்புவோர் குறைந்தது 10 ஆண்டுகள் எஸ்.ஐ.பி முறையில் முதலீடு செய்வதைக் கருத்தில்கொள்ள வேண்டும். ஏனென்றால், ஒரு முழுமையான சந்தை சுழற்சியில் முதலீடு செய்யும் போது, கிடைக்கும் வருமானம் மிகவும் ஊக்கமளிப்பதாக இருக்கும். தற்போது எஸ்.ஐ.பி முறையில் முதலீடு செய்பவர்கள் அவர்களின் நிதி இலக்குகளில் கவனம் செலுத்தி முதலீட்டைத் தொடர வேண்டும்.”

புதிய முதலீட்டாளர்களுக்கு உங்களின் ஆலோசனை என்ன?

“தாமதமாக, பல முதலீட்டாளர்கள் நேரடியாகப் பங்குச் சந்தையில் முதலீடு செய்துள்ளார்கள். அப்படி செய்யும்போது, முதலீட்டாளர்கள் பெரும்பாலும் அவர்களின் முதலீட்டு போர்ட்ஃபோலியோவில் உருவாக்கக் கூடிய ஏற்ற இறக்க தன்மையைக் குறைத்து மதிப்பிடுகிறார்கள். எனவே, முதலீட்டாளர்கள், பங்குச் சந்தையின் செயல்பாடுகளை நன்கு அறிந்திருக்க வில்லையென்றால், அவர்கள் மியூச்சுவல் ஃபண்ட் மூலம் பங்கு களில் முதலீடு செய்வது நல்லது.

மியூச்சுவல் ஃபண்டுகள் செபி அமைப்பால் நன்கு நெறிமுறைப் படுத்தப்பட்டிருகின்றன. மேலும், அவை பெரிய மற்றும் அனுபவம் வாய்ந்த ஆராய்ச்சி குழுக்கள் மற்றும் வலுவான இடர்ப்பாடு கட்டமைப்பு/ செயல்முறைகளைக் கொண்ட சந்தை நிபுணர்களால் நிர்வகிக்கப் படுகின்றன. இத்தகைய அணுகுமுறை, நீண்டகாலத்தில் சிறந்த முதலீட்டு அனுபவத்தை உருவாக்கும்.

முதல்முறையான முதலீடு செய்பவர்கள் அஸெட் அலோகேஷன் ஃபண்டுகளை முதலீட்டுக்குக் கவனிக்கலாம். மியூச்சுவல் ஃபண்ட் மூலம் பங்குகளில் முதலீடு செய்யும் வாய்ப்பையும், நிலையற்ற காலங் களில் பயனடையவும் இதைப் பயன்படுத்தலாம். முதலீட்டுத் தேவைகளின் அடிப்படையில் கடன் சார்ந்த ஃபண்டுகளில் புதியவர்கள் முதலீடு செய்து வரலாம். அனுபவம் வாய்ந்த மியூச்சுவல் ஃபண்ட் விநியோகஸ்தரின் வழிகாட்டலைப் பெறுவதன் மூலம் நிதி இலக்குகளில் அதிக வெற்றியை அடைய உதவும்.”

சிறு முதலீட்டாளர்கள் அவசியம் செய்ய வேண்டியவை!

“தொடர்ந்து முதலீடு செய்து வர வேண்டும். தற்காலிகமாக ஃபண்டின் மதிப்பு குறைந்தால் வெளியேறுவதைத் தவிர்க்க வேண்டும். நிச்சயமற்ற தன்மை, சந்தையில் ஏற்ற இறக்கத்தை உருவாக்கும் என்பதை நினைவில் கொள்ள வேண்டும். அதிக ஏற்ற இறக்கத்தைக் கொண்ட ஒரு ஃபண்டில் முதலீடு செய்வது லாபகரமாக இருக்கும். சந்தையின் ஏற்ற இறக்கத்தைப் பயன்படுத்தி லாபம் பார்க்கும் அஸெட் அலோகேஷன் அல்லது பேலன்ஸ்டு அட்வான்டேஜ் ஃபண்ட் பொருத்தமானது. கடன் சார்ந்த திட்டங்களில் முதலீடு செய்வதைப் புறக்கணிக்காதீர்கள். கடன் சந்தைகளும் கவர்ச்சிகரமான முதலீட்டு வாய்ப்பை வழங்குகின்றன. ஒரு நல்ல மியூச்சுவல் ஃபண்ட் விநியோகஸ்தரின் சேவைகளைப் பெறுங்கள். அவர் நீண்டகாலத்தில் செல்வத்தை உருவாக்க உறுதுணையாக இருப்பார்.”

கடன் சந்தைகளிலும் கவர்ச்சிகரமான முதலீட்டு வாய்ப்புகள்..!

“தற்போதைய சூழலில் பல நாடுகளில் கோவிட் இரண்டாவது பரவல் இருக்கும் என எதிர்ப்பார்க்கப் படுகிறது. எனவே, குறுகிய காலத்தில் சந்தை ஏற்ற இறக்கத்துடன் இருக்கக்கூடும் என்று சொல்லலாம்!”

கடன் சந்தைகளிலும் கவர்ச்சிகரமான முதலீட்டு வாய்ப்புகள்..!

முதல் முறையான முதலீடு செய்பவர்கள் அஸெட் அலோகேஷன் ஃபண்டுகளை முதலீட்டுக்குக் கவனிக்கலாம். மியூச்சுவல் ஃபண்ட் மூலம் பங்குகளில் முதலீடு செய்யும் வாய்ப்பை இதன் மூலம் பெறலாம்!