Published:Updated:

கூடுதல் வருமானத்துக்கு கைகொடுக்கும் முதலீட்டுத் திட்டங்கள்! - குறையும் எஃப்.டி வட்டி..!

எஃப்.டி
பிரீமியம் ஸ்டோரி
News
எஃப்.டி

அசலுக்குப் பாதுகாப்பு, ஓரளவுக்கு வருமானம் எனில், மக்களின் தேர்வு வங்கி எஃப்.டி-தான்..!

சேமிப்பு என வரும்போது நம் மக்களில் பலரும் பார்ப்பது இரண்டே இரண்டு விஷயங்களைத்தான். முதலாவது, நாம் முதலீடு செய்யும் பணத்துக்கான பாதுகாப்பு. இரண்டாவது, முதலீடு செய்யும் பணத்துக்குக் கிடைக்கும் வருமானம்.

இந்த இரண்டும் ஒருசேர தரும் முதலீடுகள் மிகச் சில மட்டுமே. தங்கத்திலும் நிலத்திலும் செய்யும் முதலீட்டின் மூலம் கிடைக்கும் வருமானத்துக்கும் உறுதியில்லை; பாதுகாப்புக்கும் நிச்சயமில்லை. பங்குச் சந்தை முதலீடு அள்ளித் தரும் வாய்ப்பும் உண்டு. அசலுக்கு மோசம் வரும் நிகழ்வுகளும் உண்டு.

கூடுதல் வருமானத்துக்கு கைகொடுக்கும் முதலீட்டுத் திட்டங்கள்! - குறையும் எஃப்.டி வட்டி..!

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

அசலுக்குப் பாதுகாப்பு, அதே நேரம் ஓரளவுக்கு வருமானம் என்ற இரண்டு அம்சங்களின் அடிப்படையிலும் பார்க்கும்போது, நம் மக்களின் தேர்வு வங்கி ஃபிக்ஸட் டெபாசிட்டுகள்தான். நம் நாட்டில் எல்லா வங்கிகளிலும் உள்ள ஃபிக்ஸட் டெபாசிட் திட்டங்களில் மக்கள் போட்டிருக்கும் பணம் சுமார் ரூ.140 லட்சம் கோடிக்கு மேல்.

ஆனால், கடந்த சில வருடங்களாக வங்கிகள் தரும் ஃபிக்ஸட் டெபாசிட்டின் வட்டி விகிதம் குறைந்துகொண்டே வருகிறது. தற்போது எஸ்.பி.ஐ வங்கி கொடுக்கும் வட்டி விகிதம் அட்டவணையில் (பார்க்க, எஃப்.டி-க்கான தற்போதைய வட்டி விகிதம்) தரப்பட்டுள்ளது.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

பொதுவாக, வட்டி வருமானத்தையே நம்பியிருக்கும் பலரும் 1, 2 அல்லது 3 வருட வங்கி டெபாசிட்டில்தான் முதலீடு செய்வார்கள். வங்கி டெபாசிட்டுகளின் வட்டி விகிதமோ ஒரு பக்கம் குறைந்துகொண்டே செல்கிறது. மறுபக்கமோ, நுகர்வோர் பணவீக்கம் அதிகரித்துக்கொண்டே செல்கிறது (Consumer Price Index Industrial Workers). ஆகஸ்ட் மாத முடிவில் 5.63 சதவிகிதமாக இருந்தது. பணவீக்கத்தைவிடக் குறைவாகத்தான் வங்கி ஃபிக்ஸட் டெபாசிட் வட்டி வருமானம் பலருக்கும் வந்துகொண்டிருக்கிறது.

கூடுதல் வருமானத்துக்கு கைகொடுக்கும் முதலீட்டுத் திட்டங்கள்! - குறையும் எஃப்.டி வட்டி..!

இந்தச் சூழலில் பணவீக்கத்தைவிட சற்று அதிகமான வருமானத்தைப் பலரும் எதிர் பார்க்கின்றனர். அவ்வாறு எதிர்பார்ப்பவர் களுக்கு என்னென்ன முதலீட்டு வாய்ப்புகள் உள்ளன என்பதைப் பார்ப்போம்.

சீனியர் சிட்டிசன்ஸ் சேவிங்ஸ் ஸ்கீம்

இந்தத் திட்டம் இந்திய அரசாங்கத்தால் வழங்கப்படுகிறது. போஸ்ட் ஆபீஸ் மற்றும் முன்னணி வங்கிகள் மூலம் இந்தத் திட்டத்தில் முதலீடு செய்யலாம். இந்தத் திட்டத்தைப் பற்றிய விவரம் கீழே தரப்பட்டுள்ளது. முதியவர்களுக்கு அரசாங்க கேரன்டியுடன் வரும் ஓர் அற்புதமான திட்டமாகும்.

குறைந்தபட்ச முதலீடு - ரூ.1,000

அதிகபட்ச முதலீடு - ரூ.15 லட்சம்

தற்போதைய வட்டி - 7.40% (ஒவ்வொரு காலாண்டிலும் வட்டி வழங்கப்படும்)

காலம் - 5 வருடங்கள் (அதற்குமேல் 3 வருடங்கள் நீட்டிக்கலாம்)

யார் இந்தக் கணக்கைத் திறக்கலாம் எனத் தெரிந்துகொள்வோம். பொதுமக்கள்: 60 வயதுக்கு மேற்பட்டோர், அரசாங்கத்தில் வேலை செய்து ஓய்வு பெற்றவர்கள், 55 வயதுக்கு மேற்பட்டோர் ராணுவத்தில் வேலை பார்த்து ஓய்வு பெற்றவர்கள்.

டெபாசிட் காலத்துக்கு முன்கூட்டியே முடித்தால், 1 வருடத்துக்குள் குளோஸ் செய்தால் வட்டி ஏதும் கிடைக்காது; 1 – 2 வருடங்களுக்குள் குளோஸ் செய்தால், 1.5% வட்டி பிடிக்கப்படும். 2 வருடத்துக்குமேல் குளோஸ் செய்தால் 1% வட்டி பிடித்துக்கொள்ளப்படும்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

ஆர்.பி.ஐ பாண்டுகள்!

இதற்கு முன் சொன்ன திட்டத்தில் மூத்த குடிமக்கள் மட்டுமே முதலீடு செய்ய முடியும். ஆனால், இந்த ஆர்.பி.ஐ பாண்டுகளில் அனைத்து வயதினரும் முதலீடு செய்யலாம்.

கூடுதல் வருமானத்துக்கு கைகொடுக்கும் முதலீட்டுத் திட்டங்கள்! - குறையும் எஃப்.டி வட்டி..!

இந்தத் திட்டத்தின் தற்போதைய வட்டி ஆண்டுக்கு 7.15%. இந்த வட்டி விகிதம் ஆறு மாதங்களுக்கு ஒருமுறை மாறுபடக்கூடியதாகும். ஆனால், எப்போதும் அஞ்சலகத்தில் விற்கப்படுகிற என்.எஸ்.சி-யைவிட 0.35% வட்டி கூடுதலாகக் கிடைக்கும். அதிக வட்டியுடனும் அரசாங்க உத்திரவாதத்துடனும் கிடைக்கக் கூடிய அரிய முதலீடாகும்.

இந்த பாண்டுகளில் உச்சபட்ச வரம்பு என்று எந்த வரம்பும் கிடையாது. ஒருவர் எவ்வளவு தொகையை வேண்டுமானாலும் முதலீடு செய்யலாம். ஏழு வருட லாக்-இன் உடையது.

அனைவருக்கும் மூலத்தில் டி.டி.எஸ் வரி பிடிக்கப்படும். பொதுவாக, அரசாங்க சிறு சேமிப்பு முதலீடுகளில் வெளிநாடுவாழ் இந்தியர்கள் முதலீடு செய்ய முடியாது என்பது முக்கியமான விஷயம். அது இந்த முதலீட்டுக்கும் உரித்தாகும்.

பப்ளிக் பிராவிடன்ட் ஃபண்ட் (PPF)

இது பலரும் பரவலாக அறிந்த முதலீடாகும். 80சி பிரிவின்கீழ் கிடைக்கும் வரிச்சலுகைக்காகப் பலரும் செய்யக்கூடிய முதலீடாகும். இன்றைய சூழலில், அதில் கிடைக்கும் வட்டி விகிதத்துக்காகவே மக்கள் முதலீடு செய்யலாம். இதில் ஆண்டுக்கு 7.10% வட்டி கிடைக்கும். பல வங்கி டெபாசிட்டுகளைவிட இது அதிகமாகும். மேலும், இதில் கிடைக்கும் வட்டிக்கு வரி கட்ட வேண்டாம்.

கூடுதல் வருமானத்துக்கு கைகொடுக்கும் முதலீட்டுத் திட்டங்கள்! - குறையும் எஃப்.டி வட்டி..!

இந்தப் பணம் அரசு கஜானாவுக்குச் செல்வதால், அரசு உத்திரவாதத்துடன் வருகிறது. எந்த நீதிமன்றமும் இந்த பாண்டில் உள்ள பணத்தை எடுத்துக்கொள்ள முடியாது என்பது இதற்கே உள்ள சிறப்பம்சம்.

ஒருவர் அதிகபட்சமாக வருடத்துக்கு ரூ.1.50 லட்சம்தான் இந்தத் திட்டத்தில் சேமிக்க முடியும். இது 15 வருடத் திட்டமாகும்.

வாலண்டரி பிராவிடன்ட் ஃபண்ட் (VPF)

நிரந்தர வேலையில் இருப்பவர்களுக்கு இது ஒரு நல்ல ஆப்ஷன். அவர்களுக்கு ஒரு குறிப்பிட்ட தொகையை மாதம்தோறும் பிராவிடன்ட் ஃபண்டாகப் பிடிப்பார்கள். நாமாக முன்வந்து வாலண்டரி பி.எஃப்பும் செலுத்தலாம்.

இந்த முதலீட்டின் மூலம் கிடைக்கும் வட்டி விகிதம் வங்கி டெபாசிட்டுகளைவிட அதிகமாக உள்ளது. மேலும், சம்பளம் மூலம் பிடித்தம் செய்யப்படுவதால், ஆட்டோமே ட்டிக்காகவும் சென்றுவிடும். 2019-20-ல் இது 8.50 சதவிகிதமாக இருந்தது. 80சி பிரிவின் கீழ் வரி விலக்குக்கும் இதைப் பயன்படுத்திக்கொள்ளலாம்.

பிரதம மந்திரி வயவந்தனா யோஜனா

இந்தத் திட்டம் சீனியர் சிட்டிசன்களுக்காக மத்திய அரசாங்கத்தால் அறிமுகப்படுத்தப்பட்ட திட்டம். ஒரு நபர் அதிகபட்சமாக ரூ.15 லட்சம் வரை முதலீடு செய்யலாம். எல்.ஐ.சி நிறுவனம் இந்தத் திட்டத்தை விநியோகம் செய்கிறது. மொத்தமாக, ஒரு தொகையைச் செலுத்திவிட்டு, மாதம்தோறும்/ காலாண்டு/ அரையாண்டு/ முழு ஆண்டு இடைவெளிகளில் பென்ஷன் பெற்றுக்கொள்ளலாம்.

இந்தத் திட்டத்தின் முதலீட்டுக்காலம் 10 ஆண்டுகள். குறிப்பிட்ட சில காரணங்களுக்காக முதிர்வுக் காலத்துக்கு முன் சிறிய அபராதத் துடன் வெளியேறலாம். மூன்று வருடங்களுக்குப் பிறகு கடன் பெறும் வசதியும் இருக்கிறது. இந்தத் திட்டத்தில் மார்ச் 2023 வரை முதலீடு செய்யலாம்.

இந்த வருடம் முதலீடு செய்து மாதாந்தர வருமானத்தை எதிர்பார்ப்பவர்களுக்கு 7.40% வட்டி கிடைக்கும். எந்த வகையிலும் ரிஸ்க் எடுக்க விரும்பாத முதலீட்டாளர்களுக்கு இது ஓர் அருமையான திட்டம்.

ஸ்மால் ஃபைனான்ஸ் பேங்க் டெபாசிட்டுகள்

ஸ்மால் ஃபைனான்ஸ் வங்கிகளுக்கு நம் ரிசர்வ் பேங்க் லைசென்ஸ் கொடுக்க ஆரம்பித்து பல ஆண்டுகளாகிவிட்டது. தற்போது 10 வங்கிகள் இந்தக் கேட்டகிரியில் இந்தியாவில் உள்ளன. இந்த வகை வங்கிகள் டெபாசிட்டுகளுக்கு பெரிய வங்கிகளைவிட ஓரிரு சதவிகிதம் அதிகமாகக் கொடுக்கின்றன.

இந்த வங்கிகள் இப்போதுதான் வளர்ந்துவரும் வங்கிகள் என்பதால், பெரிய வங்கிகளைவிட சற்று அதிக ரிஸ்க் உடையவை. ஆர்.பி.ஐ-யின் கட்டுப்பாட்டுக்குள் வருகின்றன. மேலும், இந்த வங்கி டெபாசிட்டுகளுக்கு பிற வங்கி டெபா சிட்டுகளைப்போல, ரூ.5 லட்சம் வரைக்கும் இன்ஷூரன்ஸ் உள்ளது குறிப்பிடத்தக்கது.

சுமாராக 7 – 7.50% ரெகுலர் டெபாசிட்டுக்கும், 7.50 – 8.0% சீனியர் சிட்டிசன் டெபாசிட்டுக்கும் வட்டி வருமானம் கிடைக்கிறது. அவரவர் தேவைக்கேற்ப இந்த வங்கிகளில் டெபாசிட் டைத் தேர்வு செய்துகொள்ளலாம்.

வங்கிசாரா நிதி நிறுவனங்களின் டெபாசிட்டுகள்

வங்கிசாரா நிதி நிறுவனங்கள் மற்றும் ஹவுஸிங் ஃபைனான்ஸ் நிறுவனங்கள் டெபாசிட்டை பொதுமக்களுக்கு வழங்கு கின்றன. இந்த டெபாசிட்டுகள் வங்கி டெபா சிட்டுகளைவிட ஓரிரு சதவிகிதம் அதிக வட்டியை வழங்குகின்றன.

கூடுதல் வருமானத்துக்கு கைகொடுக்கும் முதலீட்டுத் திட்டங்கள்! - குறையும் எஃப்.டி வட்டி..!

AAA ரேட்டிங் உடைய நிறுவனங்கள் சற்று குறைவான வட்டியையும் (6.30% - 6.85%), குறைவான கிரெடிட் ரேட்டிங் உடைய நிறுவனங்கள் சற்று அதிக வட்டியையும் வழங்குகின்றன. முதலீட்டாளர்கள் தங்களின் தேவை மற்றும் ரிஸ்க் லெவலுக்கு ஏற்ப நிறுவனங்களைத் தேர்வுசெய்து, முதலீடு செய்துகொள்ளலாம்.

கடன் சார்ந்த மியூச்சுவல் ஃபண்டுகள்!

அடிக்கடி பணம் எடுத்துக்கொள்ள விரும்புபவர்களுக்கு, உச்ச வருமான வரி வரம்பில் இருப்பவர்களுக்கு, வரியைச் சேமிக்க விரும்புபவர்களுக்கு கடன் சார்ந்த மியூச்சுவல் ஃபண்ட் திட்டங்களில் முதலீடு செய்வது மிகச் சிறந்த வாய்ப்பாக அமையும்.

மியூச்சுவல் ஃபண்டுகளில் லிக்விடிட்டி அதிகம். வேண்டுகிறபோது எளிதாக எடுத்துக் கொள்ளும் வசதியுள்ளது. பணத்தை வெளியில் எடுக்காதவரைக்கும் வரி வராது. மேலும், மூன்று வருடங்களுக்குமேல் வைத்திருந்து பணத்தை வெளியில் எடுக்கையில், பணவீக்கத்துக்கு அட்ஜஸ்ட் செய்த பிறகுதான் வருகிற லாபத்துக்கு வரி கட்ட வேண்டும்.

ஓவர்நைட், லிக்விட் ஃபண்டுகளிலிருந்து, கார்ப்பரேட் பாண்ட் ஃபண்ட், கிரெடிட் ரிஸ்க் ஃபண்ட், கில்ட் ஃபண்ட் என ஒவ்வொருவரின் தேவை மற்றும் ரிஸ்க் எடுக்கும் திறனுக்கு ஏற்ப பல ஃபண்ட் வகைகள் உள்ளன.

இதுபோன்ற பல வசதிகளுக்காக ஒரு பகுதி முதலீட்டைக் கடன் சார்ந்த மியூச்சுவல் ஃபண்டுகளில் வைத்துக்கொள்வது சிறந்தது. நீண்டகாலங்களில் ஃபிக்ஸட் டெபாசிட்டுக்கு மேல் மியூச்சுவல் ஃபண்டுகள் வருமானத்தைக் கொடுத்துள்ளது குறிப்பிடத்தக்கது.

உங்களுக்கேற்ற திட்டம் எது?

வங்கி ஃபிக்ஸட் டெபாசிட்டைவிட கூடுதல் வருமானம் தரும் திட்டங்களைச் சொல்லி விட்டோம். இந்தத் திட்டங்களிலிருந்து உங்களுக்கேற்ற திட்டத்தை உங்கள் தேவைக்கேற்ப தேர்வு செய்யும் முன் நன்கு ஆய்வு செய்வது மிகவும் அவசியம்!