Published:Updated:

கைகொடுக்கும் கடன் ஃபண்டுகள்... அதிகரிக்கும் ஃபண்ட் முதலீடு!

Mutual Fund
பிரீமியம் ஸ்டோரி
News
Mutual Fund

மியூச்சுவல் ஃபண்ட்

ந்திய மியூச்சுவல் ஃபண்ட் துறை நிர்வகிக்கும் தொகை கடந்த ஆகஸ்ட் மாதம் 4% அதிகரித்து, ரூ.25.47 லட்சம் கோடியாக உள்ளது. கடன் ஃபண்டுகளில் முதலீடுகள் கணிசமாக உயர்ந்ததே இதற்கு முக்கியமான காரணம்.

கடந்த ஆகஸ்ட் மாதத்தில் லிக்விட் மற்றும் கடன் ஃபண்டுகளில் மட்டும் ரூ.91,127 கோடி (ஜூலையில் ரூ.61,846 கோடி) முதலீடு செய்யப்பட்டது. அதாவது, ஏறக்குறைய ரூ.29,500 கோடி அதிகம்.

இதில் லிக்விட் ஃபண்டுகளில் முதலீடான தொகை ரூ.79,428 கோடியாக (ஜூலையில் ரூ.45,441 கோடி) உயர்ந்திருக்கிறது. கடந்த சில மாதங்களாகவே பங்குச் சந்தை இறக்கத்தில் இருந்துவருவதால், பங்கு சார்ந்த ஃபண்டுகளில் முதலீட்டைக் குறைத்துக்கொண்டு, கடன் சார்ந்த ஃபண்டுகளில் குறிப்பாக, லிக்விட் ஃபண்டுகளில் முதலீட்டை அதிகரித்திருக்கிறார்கள் நம்மூர் முதலீட்டாளர்கள்.

மேலும், தரக்குறியீட்டுடன் தொடர்புடைய மற்றும் ரிஸ்க் கொண்ட கிரெடிட் ஃபண்டுகளில் முதலீடானது ரூ.2,270 கோடியாகக் (ஜூலையில் ரூ.3,411 கோடியாக இருந்தது) குறைந்துள்ளது.

பங்கு சார்ந்த ஃபண்டுகளில் செய்யப்பட்ட முதலீடு 13% அதிகரித்து, ரூ. 9,152 கோடியாக உள்ளது. லார்ஜ்கேப் ஃபண்டுகளில் முதலீட்டை ரூ.2,583 கோடியாக (ரூ.1,915 கோடி)அதிகரித்திருக் கிறார்கள். இதேபோல், மல்டிகேப் ஃபண்டுகளிலும் முதலீட்டை ரூ.1,581 கோடியாக (ரூ.327 கோடி) அதிகரித்திருக்கிறார்கள். சந்தை இறக்கம் தொடரும் வரை இந்தப் போக்கு இப்படித்தான் இருக்கும் என்கிறார்கள் ஃபண்ட் நிபுணர்கள்!