Published:Updated:

ஹெல்த் பாலிசி... இனி எடுப்பது ஈஸி!

ஹெல்த் இன்ஷூரன்ஸ்
பிரீமியம் ஸ்டோரி
ஹெல்த் இன்ஷூரன்ஸ்

ஐ.ஆர்.டி.ஏ.ஐ நடவடிக்கை

ஹெல்த் பாலிசி... இனி எடுப்பது ஈஸி!

ஐ.ஆர்.டி.ஏ.ஐ நடவடிக்கை

Published:Updated:
ஹெல்த் இன்ஷூரன்ஸ்
பிரீமியம் ஸ்டோரி
ஹெல்த் இன்ஷூரன்ஸ்

ந்தியாவில் பொதுக் காப்பீட்டு நிறுவனங்கள் மற்றும் ஹெல்த் இன்ஷூரன்ஸ் நிறுவனங்கள் பல்வேறு வகையான ஹெல்த் இன்ஷூரன்ஸ் பாலிசிகள் வழங்கிவருகின்றன. இவற்றில் எதைத் தேர்வு செய்வது என்பதில் பலருக்கும் குழப்பம். இதைப் போக்கும்விதமாக இந்தியக் காப்பீடு ஒழுங்குமுறை மற்றும் மேம்பாட்டு ஆணையம் (ஐ.ஆர்.டி.ஏ.ஐ) அனைத்து ஆயுள் காப்பீட்டு நிறுவனங்களுக்கும் ஒரே மாதிரி இருப்பதுபோல ஹெல்த் இன்ஷூரன்ஸ் பாலிசி ஒன்றை நடைமுறைக்குக் கொண்டுவரவிருக்கிறது.

Health Insurance
Health Insurance

ஆரோக்ய சஞ்ஜீவனி பாலிசி

ஸ்டாண்டர்ட் ஹெல்த் இன்ஷூரன்ஸ் புராடக்ட்-ஆக (Standard Health Insurance Product (SHIP) ஆரோக்ய சஞ்ஜீவனி பாலிசியை (Arogya Sanjeevani Policy) அனைத்துப் பொதுக் காப்பீட்டு நிறுவனங்களுக்கும் அறிவுறுத்தியிருக்கிறது ஐ.ஆர்.டி.ஏ.ஐ. இந்த பாலிசி 2020, ஏப்ரல் 1-ம் தேதி நடைமுறைக்கு வரவிருக்கிறது.

குறைந்தபட்ச கவரேஜ்

இந்த பாலிசி வாடிக்கையாளர்களுக்கு அடிப்படை ஹெல்த் பாலிசி தேவைகளைப் பூர்த்தி செய்வதாக இருக்கும். இந்த பாலிசியில் ஹெல்த் கவரேஜ் ரூ.1 லட்சம் தொடங்கி, அதிகபட்சம் ரூ 5 லட்சம் வரை இருக்கும். எந்த நிறுவனமாக இருந்தாலும் அதன் பெயருக்குமுன் ‘ஆரோக்கிய சஞ்ஜீவனி பாலிசி’ என்ற பெயரைச் சேர்த்து, இந்த பாலிசியை வெளியிட வேண்டும். உதாரணமாக, ‘ஆரோக்ய சஞ்ஜீவனி பாலிசி எஸ்.பி.ஐ ஜெனரல் இன்ஷூரன்ஸ்.’

இந்த பாலிசியில் 18 - 65 வயது வரை சேரலாம். இது தனிநபர் பாலிசி மற்றும் குடும்பக் கூட்டு பாலிசியாக கிடைக்கும்.
விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

இது ஒரு கட்டாய பாலிசி. அந்த வகையில், அனைத்துப் பொதுக்காப்பீட்டு நிறுவனங்களும் இந்த பாலிசியைக் கொண்டுவர வேண்டும். இதில் கூடுதல் சலுகை அல்லது விருப்பத் தேர்வு எதுவும் அனுமதிக்கப்படாது.

ஹெல்த் இன்ஷூரன்ஸ்
ஹெல்த் இன்ஷூரன்ஸ்

18 வயது முதல் 65 வயது வரை...

காப்பீடு நிறுவனம் என்னென்ன கவரேஜ் அளிக்கிறது என்பதைப் பொறுத்தும், பாலிசிதாரரின் வயதைப் பொறுத்தும் பிரீமியம் இருக்கும். இந்த பாலிசியில் 18 - 65 வரை உள்ளவர்கள் சேர்ந்துகொள்ளலாம். தனிநபர் பாலிசி மற்றும் குடும்பக் கூட்டு பாலிசியாக கிடைக்கும். ஃப்ளோட்டர் பாலிசி மூன்று மாதம் முதல் 25 வயது வரை வாரிசுகளை சேர்த்துக்கொள்ள முடியும். ஆண்டுக்கு ஒரு முறை பாலிசியைப் புதுப்பிக்க வேண்டும். மருத்துவமனைச் செலவுகள் இந்த பாலிசியில் கவர் ஆகும். காட்ராக்ட் கண் அறுவை சிகிச்சை, பல் பராமரிப்பு சிகிச்சை, பிளாஸ்டிக் சர்ஜரி போன்றவற்றுக்கான சிகிச்சைச் செலவுகள் அனுமதிக்கப்படும். இந்த பாலிசியில் தினசரிப் பராமரிப்புச் செலவுகள் மற்றும் மருத்துவமனைக்கு வருவதற்கான ஆம்புலன்ஸ் செலவு அதிகபட்சம் ரூ.2,000 கிடைக்கும்.

ஆயுஷ் மருத்துவச் சிகிச்சை

இதில், ஆயுஷ் (AYUSH) அதாவது, ஆயுர்வேதம், யோகா, இயற்கை மருத்துவம், யுனானி, சித்தா மற்றும் ஹோமியோபதி மருத்துவமுறைகளில் எடுத்துக்கொள்ளும் சிகிச்சைக்கு க்ளெய்ம் கிடைக்கும். க்ளெய்ம் செய்யாத ஆண்டுக்கு 5% கவரேஜ் தொகை அதிகரிக்கப்படும். இந்த பாலிசியில், சிகிச்சைச் செலவில் 5% தொகையை பாலிசிதாரர் ஏற்க வேண்டும். பாலிசியைப் புதுப்பிக்கக் கருணைக் காலம் 30 நாள்களாகும்!