Published:Updated:

மியூச்சுவல் ஃபண்ட் என்.ஏ.வி... புதிய மாற்றங்கள்..! - முதலீட்டாளர்கள் அறிய வேண்டியவை...

முதலீடு
பிரீமியம் ஸ்டோரி
News
முதலீடு

FUND NAV

மியூச்சுவல் ஃபண்டுகளில் பணத்தை முதலீடு செய்யும் போது யூனிட்டுகளை வாங்கும் விலை நிர்ணயம் செய்யப்படும் என்.ஏ.வி தேதி குறித்த விதிமுறைகள் மாறிக்கொண்டே இருக்கின்றன. தற்போது 01.01.2021 முதல் புதிய விதிமுறைகள் நடைமுறைப்படுத்தப்பட உள்ளது.

வாங்கும் விலைக்கான காரணிகள்

யூனிட்டுகள் வாங்கும் விலை நிர்ணயம் செய்யப்படும் என்.ஏ.வி தேதியை நிர்ணயம் செய்வதற்குத் தேவையான மூன்று முக்கியமான அடிப்படை விஷயங்கள்...

எம்.கண்ணன்  ஆலோசகர், Radhaconsultancy.blogspot.in
எம்.கண்ணன்  ஆலோசகர், Radhaconsultancy.blogspot.in

நாம் எந்த தேதியில் ஃபண்ட் வாங்கும் படிவத்தைப் பூர்த்தி செய்து நிறுவனத்தில் எந்த நேரத்தில் சமர்ப்பித்தோம் என்ற விவரம்.

நமது முதலீட்டு பணம் ஃபண்ட் நிறுவனத்துக்கு எந்தத் தேதியில் எந்த நேரத்தில் போய் சேர்ந்தது என்ற விவரம்.

நாம் வாங்கும் ஃபண்ட் எந்த வகையானது என்பது மேற்கூறிய காரணிகளில் எந்தத் நேரத்தில் கொடுத்தோம் என்பதை செபி குறிப்பிட்ட நேரத்துக்கு முன்னதாகக் கொடுத்தோமா, பின்னர் கொடுத் தோமா என்று பார்க்கப்படும். இதை ஆங்கிலத்தில் ‘கட் ஆஃப் டைம்’ (Cut off Time) என்று சொல்வார்கள்.

முதலீடு
முதலீடு

ஃபண்ட் எந்த வகையானது?

ஃபண்ட் எந்த வகையானது என்பதை முதலில் பார்ப்போம். இதை இரண்டு பிரிவாகப் பிரிக்கலாம். முதல் பிரிவு லிக்விட் மற்றும் ஓவர்நைட் ஃபண்டுகள் (Liquid and overnight) ஆகும். இதைத் தவிர, மற்ற எல்லா ஃபண்டுகளும் இரண்டாவது பிரிவில் அடங்கும்.

முதல் பிரிவான லிக்விட் மற்றும் ஓவர்நைட் ஃபண்டுகளின் வாங்கும் விலையில் எந்தவித மாற்றங்களும் செய்யப்படவில்லை. இரண்டாவது பிரிவில் மாற்றங்கள் கொண்டு வரப்படுகிறது.

இரண்டாவது பிரிவில் லாக்டெளனுக்கு முன், மதியம் 3 மணிக்கு முன்னர் செலுத்தப்படும் படிவங்களில் முதலீடு தொகை ரூ.2 லட்சத்துக்குக் குறைவாக இருக்கும்போது அன்றைய தேதியில் என்.ஏ.வி கணக்கிடப்பட்டது.

நடைமுறைக்கு வரும் புதிய மாற்றம்...

புதிய மாற்றம் 2021 ஜனவரி 1-ம் தேதி முதல் அமலுக்கு வருகிறது.

* ரூ.2 லட்சத்துக்கு மேல், கீழ் என்ற வேறுபாடு இல்லாமல் முதலீட்டுத் தொகை மியூச்சுவல் ஃபண்ட் நிறுவனத்துக்கு வந்த தேதியும், நேரமும் பிரதானமாகக் கொள்ளப்பட்டு வாங்கும் என்.ஏ.வி கணக்கிடப்படும் முறை அறிவிக்கப்பட்டுள்ளது.

மாற்றத்தின் தாக்கங்கள்...

நீண்டகால முதலீட்டு முறையில் முதலீடு செய்பவர்களுக்கு இந்த ஒரு நாள், இரு நாள் என்.ஏ.வி மாற்றங்கள் பெரிய பாதிப்பு எதையும் தராது. அதே நேரத்தில் சிறு முதலீட்டாளர்கள் முதலீடு செய்த தேதியிலேயே என்.ஏ.வி கிடைப்பதற்கு முதல் வகை தவிர மற்ற வகைகளில் கிடைக்கப்போவதில்லை. எனவே, நாம் இன்று சந்தை மிகவும் இறங்கியுள்ளது; உடனே இன்றைய என்.ஏ.வி-யில் வாங்கிவிடுவோம் என்ற முறையில் செயல்படுவது அவ்வளவு எளிதாக இருக்காது.

மியூச்சுவல் ஃபண்ட் என்.ஏ.வி... புதிய மாற்றங்கள்..! - முதலீட்டாளர்கள் அறிய வேண்டியவை...

நினைவில் கொள்ள வேண்டியவை...

ஃபண்டில் முதலீடு செய்வதற்கு நாம் விண்ணப்பம் செய்யும் தேதிக்கும், முதலீட்டுத் தொகை ஃபண்ட் நிறுவனத்துக்கு கிடைப்பதற்கும் ஓரிரு நாளிலிருந்து ஒரு வாரத்துக்கு மேல்கூட காலதாமதம் ஆகலாம். முதல் வகையில் நாம் ஆன்லைன் தளங்களில் விண்ணப் பத்தைச் சமர்ப்பித்து ஆன்லைன் மூலமாகப் பணத்தைச் செலுத்தும்போது அன்றைய தேதியில் என்.ஏ.வி கிடைக்க சாத்தியமானது. அதே சமயம், ஐந்தாவது வகையில் வங்கிகள் மற்றும் இடை நிறுவனங்களில் ஏற்படும் கால தாமத்தால், ஃபண்ட் நிறுவனத்துக்குப் பணம் கிடைக்க நான்கு நாள் ஆகிறது.

தாமதத்துக்கான காரணங்கள்...

ஃபண்ட் நிறுவனத்துக்கு பணம் கிடைக்க காலதாமதம் ஏற்படக் காரணங்கள் என்னென்ன?

பணம் செலுத்தும் முறை: நேரடியாகச் செலுத்துவது அல்லது எம்.எஃப்.யு (MFU) போன்ற மூன்றாம் தரப்பு நிறுவனம் மூலம் செலுத்துவது.

செலுத்தும் வடிவம்: காசோலை / ஆர்.டி.சி.எஸ் (RTGS) / நிஃப்ட் (NEFT).

சம்பந்தபட்ட வங்கிகளின் பரிவர்த்தனை முறை: என்.ஏ.வி மதிப்பு கணக்கிட நமது வங்கிக் கணக்கில் பணம் எடுக்கப்பட்ட நேரத்தை எடுத்துக்கொள்ள மாட்டார்கள். ஃபண்ட் நிறுவனத்துக்குப் பணம் கிடைத்த நேரமே கணக்கில் எடுத்துக் கொள்ளப்படும்.