Published:Updated:

கேள்வி பதில் : டேர்ம் இன்ஷூரன்ஸ்... விளக்கமாகச் சொல்ல முடியுமா? - வழிகாட்டும் ஆலோசனை

கேள்வி பதில்
பிரீமியம் ஸ்டோரி
கேள்வி பதில்

ஒருவரது இறப்புக்குப்பிறகு குடும்பத்தினருக்கு அதிக இழப்பீட்டுத் தொகை கிடைக்க வேண்டுமெனில், டேர்ம் இன்ஷூரன்ஸ் எடுப்பதே சரி!

கேள்வி பதில் : டேர்ம் இன்ஷூரன்ஸ்... விளக்கமாகச் சொல்ல முடியுமா? - வழிகாட்டும் ஆலோசனை

ஒருவரது இறப்புக்குப்பிறகு குடும்பத்தினருக்கு அதிக இழப்பீட்டுத் தொகை கிடைக்க வேண்டுமெனில், டேர்ம் இன்ஷூரன்ஸ் எடுப்பதே சரி!

Published:Updated:
கேள்வி பதில்
பிரீமியம் ஸ்டோரி
கேள்வி பதில்

டேர்ம் இன்ஷூரன்ஸ் பற்றி கொஞ்சம் விளக்கமாக எடுத்துச் சொல்லுங்கள்.

சூரியகாந்த், இ-மெயில் மூலம்

கேள்வி பதில் : டேர்ம் இன்ஷூரன்ஸ்... விளக்கமாகச் சொல்ல முடியுமா? - வழிகாட்டும் ஆலோசனை

“ஆயுள் காப்பீடு (லைஃப் இன்ஷூரன்ஸ்) என்பது டேர்ம் இன்ஷூரன்ஸ், எண்டோவ்மென்ட், யூலிப் எனப் பல வகையில் உள்ளன. டேர்ம் இன்ஷூரன்ஸ் என்பது ஒருவரின் இறப்புக்குப் பிறகு, அவரின் குடும்பத்துக்கு உதவும் சிறந்த, எளிய காப்பீட்டுத் திட்டம். இதற்குக் குறிப்பிட்ட கால இடைவெளியில் தொடர்ந்து பீரிமியம் கட்டி வர வேண்டும். பிரீமியம் கட்டத் தவறினால் புதிதாகத்தான் பாலிசி எடுக்க வேண்டும். அப்போது உங்கள் வயது மற்றும் நலனைப் பொறுத்து கூடுதல் பிரீமியம் கட்ட வேண்டி வரும். இந்த டேர்ம் இன்ஷூரன்ஸில் முதிர்வுத் தொகை எதுவும் கிடையாது. பாலிசிதாரர் பாலிசி காலத்தில் இறக்கும்பட்சத்தில் குடும்பத்தினருக்கு இழப்பீடு சென்று சேரும். ஒருவரது இறப்புக்குப் பிறகு குடும்ப உறுப்பினர்களுக்கு அதிக தொகை கிடைக்க வேண்டும் என்றால், டேர்ம் இன்ஷூரன்ஸ் எடுப்பதே சரி.’’

ஒட்டுமொத்த விகடனுக்கும் ஒரே ஷார்ட்கட்!

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

நான் (வயது 42) சொந்தமாகப் பலசரக்கு கடையையும் விவசாயத்திலிருந்து வரும் வருமானத்தையும் வைத்து என் குடும்பத்தையும் என் இரு பெண் குழந்தைகளின் (4, 6-ம் வகுப்பு) பள்ளிப் படிப்பையும் கவனித்து வருகிறேன். ஐந்து வருட காலத்துக்கு குளோஸ்டு எண்டட் மியூச்சுவல் ஃபண்டில் ரூ.4 லட்சமும், எஃப்.டி-ல் ரூ.5 லட்சமும் முதலீடு செய்திருந்தேன். இந்த முதலீடு முதிர்ச்சி பெற்று மொத்தமாக என் வசம் ரூ 10.50 லட்சம் உள்ளது. என் குழந்தைகளின் மேற்படிப்புக்காக இன்ஷூரன்ஸ் பாலிசி மற்றும் மியூச்சுவல் ஃபண்டில் முதலீடு செய்ய தகுந்த ஆலோசனை வழங்குங்கள்.

கேள்வி பதில் : டேர்ம் இன்ஷூரன்ஸ்... விளக்கமாகச் சொல்ல முடியுமா? - வழிகாட்டும் ஆலோசனை

“மனைவி, இரண்டு குழந்தைகள் உங்களையும் உங்கள் வருமானத்தையும் சார்ந்து இருக்கும்பட்சத்தில், முதலில் உங்களுக்கென்று குறைவான பிரீமியத்தில் அதிகமான காப்பீட்டுத் தொகையுடன் கிடைக்கும் டேர்ம் இன்ஷூரன்ஸ் 65 வயது வரை பாலிசி ரூ.25 லட்சம் + விபத்துக் காப்பீடு ரூ.25 லட்சம் (ADBR Rider), அனைவருக்குமான மருத்துவக் காப்பீடு (கொரோனா கவரேஜுடன் கூடிய) ரூ.5 லட்சத்துக்கும் எடுத்துக்கொள்ளுங்கள். ஆக்ஸிஸ் லிக்விட் பண்டில் அவசர நிதிக்காக ரூ.50,000, கோட்டக் பேலன்ஸ்டு அட்வான்டேஜ் ஃபண்டில் ரூ.3 லட்சம்: ஆண்டுதோறும் கிடைக்கும் வருமானம் காப்பீடு பிரீமியத்தைக் கட்ட உதவும். ஆக்ஸிஸ் புளூசிப் ஃபண்ட் ரூ.1 லட்சம்; மிரே அஸெட் லார்ஜ்கேப் ஃபண்ட் ரூ.1 லட்சம்; கோட்டக் ஸ்டாண்டர்டு மல்ட்டிகேப் ஃபண்ட்; டி.எஸ்.பி ஹெல்த்கேர் ஃபண்ட் ரூ.1 லட்சம் எனத் தொடர்ந்து முதலீடு செய்துவாருங்கள். முடிந்தால், உங்களது கடை வருமானத்திலிருந்து எடுத்து தினசரி ரூ.100 x 2 என இரு மகள்களுக்காக மாதம் எஸ்.ஐ.பி ரூ.3000 + ரூ.3,000 என ஆறு ஆண்டு எட்டு மாதங்களுக்கு ஆக்ஸிஸ் ஸ்மால்கேப் ஃபண்டில் முதலீடு செய்து பலன் பெறுங்கள்.”

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

குடும்பத் தலைவியான நான் பிள்ளைகளின் பள்ளிக்கூட ஆண்டுக் கல்விக் கட்டணம் மற்றும் இன்ஷூரன்ஸ் பாலிசிக்கான ஆண்டு பிரீமியத்துக்கு தலா ரூ.2,500-ஐ வங்கி ஆர்.டி-யில் போட்டு வருகிறேன். இதற்கு 6.3% வட்டி கிடைக்கிறது. நான் செய்வது சரியா? இல்லை, இதைவிட அதிக வருமானம் கிடைக்கும் ரிஸ்க் இல்லாத திட்டங்கள் ஏதும் இருக்கிறதா?

கேள்வி பதில் : டேர்ம் இன்ஷூரன்ஸ்... விளக்கமாகச் சொல்ல முடியுமா? - வழிகாட்டும் ஆலோசனை

“முதலீட்டுக்குக் கிடைக்கும் வட்டி வருமானம் இப்போது மிகக் குறைவாக உள்ளது. இந்தக் கட்டத்தில் அதிக வட்டி வருமானத்தையும் முதலீட்டில் பாதுகாப்பையும் ஒன்றாகப் பெறுவது கடினம். ஒவ்வோர் ஆண்டும் உங்களுக்குப் பணம் தேவைப்படுவதால், ஆர்.டி போன்ற பாதுகாப்பான முதலீடுகளில் பணத்தைப் போட்டு வருவது நல்லது. இதற்கு அடுத்த வாய்ப்பாக லிக்விட் மியூச்சுவல் ஃபண்டுகள் இருக்கக் கூடும். ஆனால், அவற்றின் மூலம் கிடைக்கும் வருமானம் இப்போது ஆர்.டி-யைவிடக் குறைவாகவே இருக்கிறது. எனவே, முதலீட்டுக்கான வட்டி விகிதம் அதிகரிக்கும் வரை சிறிது காலம் நிலைமையைச் சமாளிக்கவும்.”

கேள்வி பதில் : டேர்ம் இன்ஷூரன்ஸ்... விளக்கமாகச் சொல்ல முடியுமா? - வழிகாட்டும் ஆலோசனை

2009-ம் ஆண்டு சென்னையில் அடுக்குமாடிக் குடியிருப்பு ஒன்றை பில்டரிடமிருந்து வாங்கினேன். இதில் மொத்தம் நான்கு அடுக்குமாடிக் குடியிருப்புகள் இருந்தன. இப்போதுதான் நாங்கள் நான்கு பேரும் இந்த ஃபிளாட்டுக்கான பட்டா எங்களிடம் இல்லை என்பதை அறிந்தோம். பில்டரிடம் இது குறித்து கேட்க, அவர் பழைய பட்டா பிரதி ஒன்றை எங்கள் அனைவருக்கும் கொடுத்தார். இந்தப் பட்டா பிரதி, எங்கள் அடுக்குமாடிக் குடியிருப்புக்குப் போதுமா? இல்லை, நாங்கள் தனியே பட்டாவுக்கு விண்ணப்பித்து வாங்க வேண்டுமா?

சரவணா, இ-மெயில் மூலம்

கேள்வி பதில் : டேர்ம் இன்ஷூரன்ஸ்... விளக்கமாகச் சொல்ல முடியுமா? - வழிகாட்டும் ஆலோசனை

“பில்டரிமிருந்து பெறப்பட்ட பட்டா பிரதியில் நீங்கள் வாங்கிய அடுக்குமாடிக் குடியிருப்பின் முன்னாள் உரிமையாளரின் பெயர் இருப்பின், அதையே பயன்படுத்திக்கொள்ளலாம். ஒருவேளை, பட்டாவை உங்களின் பெயரில் மாற்ற விரும்பினால், உங்கள் குடியிருப்பு உள்ளடங்கியிருக்கும் பகுதிக்குரிய தாசில்தார் அலுவலகத்துக்குச் சென்று, அடுக்குமாடிக் குடியிருப்புக்கு தற்போதைய உரிமையாளர்களான நால்வரும் அதற்கான சான்றிதழ்களையும், பழைய பட்டா பிரதியையும் வழங்கிவிட்டு கூட்டுப் பட்டா வாங்கிக்கொள்ளலாம். அதில் உங்கள் நால்வரின் பெயரும் பதிவாகிவிடும். அடுக்குமாடிக் குடியிருப்பில் உங்களுக்கான இடம், பிரிக்கப்படாத மனைப் பகுதியாக (யூ.டி.எஸ்) இருப்பதால் தனிப் பட்டா தர மாட்டார்கள்.”

நான் ஏற்கெனவே ஓர் உயில் எழுதி பதிவும் செய்து வைத்துள்ளேன். அதில், எங்கள் நிலத்தின் பட்டா எண் மற்றும் சப் டிவிஷன் தவறாகக் குறிப்பிடப்பட்டுள்ளன. இதற்கு என்ன தீர்வு?

கேள்வி பதில் : டேர்ம் இன்ஷூரன்ஸ்... விளக்கமாகச் சொல்ல முடியுமா? - வழிகாட்டும் ஆலோசனை

“நீங்கள் எழுதி பதிவு செய்து வைத்துள்ள உயிலில் பட்டா எண் மற்றும் சப் டிவிஷன் எண்கள் தவறாகக் குறிப்பிடப்பட்டுள்ளதைச் சுட்டிக்காட்டி, ஓர் ஆவணம் எழுதி, அதை அந்த உயிலின் இணைப்பாக இணைத்துப் படிக்கும் விதமாகப் பதிவு செய்து வைக்கலாம். இத்தகைய ஆவணம் கோடிசில் (CODICIL) எனப்படும். இவ்வாறு பதிவு செய்வதற்கு முத்திரைக் கட்டணம் எதுவும் செலுத்தத் தேவையில்லை.”

கேள்விகளை அனுப்புபவர்கள் தங்கள் செல்போன் எண்ணையும் குறிப்பிடவும்.

அனுப்ப வேண்டிய முகவரி: கேள்வி-பதில் பகுதி, நாணயம் விகடன், 757, அண்ணாசாலை, சென்னை-2. navdesk@vikatan.com

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism