Published:Updated:

கேள்வி பதில் : பி.எஃப்-லிருந்து பணம் எடுத்தால், வரி கட்ட வேண்டுமா? - ஒரு விளக்கம்..!

பி.எஃப் பணம்
பிரீமியம் ஸ்டோரி
பி.எஃப் பணம்

ஏழு வருடங்கள் வைப்பு நிதி செலுத்திய ஒருவர், தன் பங்கில் 50% வரை பணம் பெறலாம்!

கேள்வி பதில் : பி.எஃப்-லிருந்து பணம் எடுத்தால், வரி கட்ட வேண்டுமா? - ஒரு விளக்கம்..!

ஏழு வருடங்கள் வைப்பு நிதி செலுத்திய ஒருவர், தன் பங்கில் 50% வரை பணம் பெறலாம்!

Published:Updated:
பி.எஃப் பணம்
பிரீமியம் ஸ்டோரி
பி.எஃப் பணம்

என் பிராவிடெண்ட் ஃபண்ட் (பி.எஃப்) கணக்கில் ரூ.18 லட்சம் இருக்கிறது. மகளின் திருமணத்துக்கு இதிலிருந்து எவ்வளவு தொகை எடுக்க முடியும்? அந்தத் தொகைக்கு வருமான வரி உண்டா?

செந்தில், பூந்தமல்லி.

கேள்வி பதில் : பி.எஃப்-லிருந்து பணம் எடுத்தால், வரி கட்ட வேண்டுமா? - ஒரு விளக்கம்..!

‘‘ஏழு வருடங்கள் வைப்பு நிதி செலுத்திய உறுப்பினர் ஒருவர் தன் (தொழிலாளியின்) பங்கில் 50% வரை மகளின் திருமணத்துக்காகப் பணம் பெறலாம். பாரா 68 K-யின்படி அதில் குறிப்பிடப்பட்டுள்ள காரணங்களுக்காக ஒருவர் தனது மொத்த பணிக் காலத்தில் மூன்று முறை மட்டுமே பணம் எடுக்க முடியும். இந்தத் தொகைக்கு வரி கிடையாது.’’

ஒட்டுமொத்த விகடனுக்கும் ஒரே ஷார்ட்கட்!

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

நான் வெளிநாட்டில் பணியில் உள்ளேன். எங்கள் ஊரில் ஒரு விவசாய நிலம் விலைக்கு வருகிறது. நான் வெளிநாட்டில் இருக்கும்போது என் பெயருக்கு கிரயம் வாங்க முடியுமா?

அன்புமணி, இ-மெயில்

கேள்வி பதில் : பி.எஃப்-லிருந்து பணம் எடுத்தால், வரி கட்ட வேண்டுமா? - ஒரு விளக்கம்..!

‘‘வெளிநாடு வாழ் இந்தியரோ (என்.ஆர்.ஐ) வெளிநாட்டைச் சேர்ந்தவரோ இந்தியாவில் விவசாய நிலம் வைத்திருக்க அனுமதி இல்லை. நிதி ஆண்டில் 182 நாள்களுக்கு மேல் வெளிநாட்டில் இருந்தால், இந்த விதிமுறை பொருந்தும். ஆகவே, உங்கள் பெயரில் விவசாய நிலம் வாங்க முடியாது என்பது ஆர்.பி.ஐ விதிமுறையாகும்.’’

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

பிள்ளைகளின் மேற்படிப்புக்கான முதலீட்டை எப்போது ஆரம்பிப்பது சரியாக இருக்கும்?

- கே.சரண்யா, மயிலாப்பூர், சென்னை

கேள்வி பதில் : பி.எஃப்-லிருந்து பணம் எடுத்தால், வரி கட்ட வேண்டுமா? - ஒரு விளக்கம்..!

“முதலீடு செய்யத் தொடங்குவதற்கு மிகச் சிறந்த நேரம் இப்போதுதான்’ என்று சொல்வார்கள். ஏற்கெனவே நிர்ணயித்த இலக்குத் தொகையை அடைய நீங்கள் முதலீட்டை இப்போதே ஆரம்பிக்க வேண்டும். நீங்கள் சீக்கிரமாகத் தொடங்கினால், உங்கள் ரிஸ்க் எடுக்கும் திறனுக்கேற்ப, டைவர்சிஃபைடு மியூச்சுவல் ஃபண்டுகள், ஹைபிரிட் ஃபண்ட், கடன் சார்ந்த ஃபண்டுகள், 15 ஆண்டுக் கால நீண்டகாலத் திட்டமான பப்ளிக் பிராவிடென்ட் ஃபண்ட் (பி.பி.எஃப்) போன்றவற்றில் முதலீடு செய்து வரலாம்.”

மூத்த குடிமக்களுக்கான முதலீடுகளில் பெரும்பாலான சலுகைகள் ஓய்வு பெறும் அரசு ஊழியர்களுக்கு உண்டானதாக இருக்கிறதே?

சி.கார்த்திகேயன், சாத்தூர்

கேள்வி பதில் : பி.எஃப்-லிருந்து பணம் எடுத்தால், வரி கட்ட வேண்டுமா? - ஒரு விளக்கம்..!

‘‘மூத்த குடிமக்களுக்கான முதலீட்டுத் திட்டங்களைப் பொறுத்தவரை, எந்தத் திட்டங்களும் அரசு ஊழியர்களுக்கு மட்டும் சலுகைகள் தருவதில்லை. இந்த முதலீட்டுத் திட்டங்கள் தனியார் ஊழியர்கள் மற்றும் அரசு ஊழியர்கள் என அனைவருக்கும் பொருந்தும்.’’

எனக்கு 35 வயது. 15 ஆண்டுகளில் ரூ.2 கோடி தொகுப்பு நிதியைச் சேர்க்க வேண்டும் என்பது என் இலக்கு. இதற்கு நான் எவ்வளவு முதலீடு செய்ய வேண்டும். இதில், ஸ்மால்கேப், மிட்கேப், லார்ஜ்கேப் மற்றும் மல்ட்டி கேப் ஃபண்டுகளில் எவ்வளவு சதவிகிதம் முதலீடு செய்ய வேண்டும் என விளக்கமாகச் சொல்லவும்.

தரங்கிணி நடராஜன், இ-மெயில்

கேள்வி பதில் : பி.எஃப்-லிருந்து பணம் எடுத்தால், வரி கட்ட வேண்டுமா? - ஒரு விளக்கம்..!

‘‘நீண்டகாலத்தில் ஈக்விட்டி மியூச்சுவல் ஃபண்டுகளிலிருந்து சராசரியாக 11% வருமானத்தை எதிர்பார்க்கலாம். ரூ.2 கோடி இலக்கை அடைய நீங்கள் ஒருமுறை அல்லது எஸ்.ஐ.பி மாதாந்தர முறை அல்லது இரண்டு முறைகளிலும் முதலீடு செய்யலாம். ரிஸ்க்கை ஈடுகட்டி வருமானத்தைப் பெற எஸ்.ஐ.பி முறையில் செய்வது நல்லது. ரூ.2 கோடியின் இலக்கை அடைய 15 வருட காலத்துக்கு 11% வருமானம் கிடைக்கும்பட்சத்தில் மாதம் ரூ.45,760 முதலீடு செய்து வர வேண்டும்.

கேள்வி பதில் : பி.எஃப்-லிருந்து பணம் எடுத்தால், வரி கட்ட வேண்டுமா? - ஒரு விளக்கம்..!

லார்ஜ்கேப் மற்றும் மிட்கேப் பிரிவைச் சேர்ந்த மிரே அஸெட் எமெர்ஜிங் புளூசிப் ஃபண்டில் ரூ.7,500, மிட்கேப் பிரிவைச் சேர்ந்த கனரா ராபிகோ டைவர்சிஃபைடு ஈக்விட்டி ஃபண்டில் ரூ.7,500, வேல்யூ ஃபண்ட் பிரிவை சேர்ந்த ஐ.சி,ஐ.சி.ஐ புரூடென்ஷியல் வேல்யூ டிஸ்கவர் ஃபண்டில் ரூ.7,500, மிட்கேப் பிரிவைச் சேர்ந்த கோட்டக் எமெர்ஜிங் ஈக்விட்டி ஃபண்டில் ரூ.7,500, லார்ஜ்கேப் ஃபண்ட் பிரிவைச் சேர்ந்த ஆதித்ய பிர்லா சன் லைஃப் ஃப்ரன்ட்லைன் ஈக்விட்டி ஃபண்டில் ரூ.5,000, ஸ்மால் கேப் பிரிவைச் சேர்ந்த எஸ்.பி.ஐ ஸ்மால்கேப் ஃபண்ட் மற்றும் டி.எஸ்.பி ஸ்மால்கேப் ஃபண்டில் தலா ரூ.5,000 முதலீடு செய்ய வேண்டும். ஆக ரூ.45,000 எந்தெந்த ஃபண்டுகளில் முதலீடு செய்ய வேண்டும் எனச் சொல்லியிருக்கிறோம்.

உங்களால் மாதம் ரூ.45,760 முதலீடு செய்ய முடியவில்லை என்றால், 15 ஆண்டு இலக்கு என்பதை 20 ஆண்டுகள் என அதிகரித்துக்கொள்ளவும். ரூ.2 கோடியை 20 ஆண்டுகளில் அடைய வேண்டுமானால் மாதம் ரூ.24,522 முதலீடு செய்தால் போதும். மேலே உள்ள ஃபண்டுகள் நீண்ட காலத்துக்கு வெவ்வேறு முதலீட்டுபாணி மற்றும் போர்ட்ஃபோலியோ வருமானத்தை உருவாக்கித் தரக்கூடும்.

தற்போதைய சூழ்நிலையில், ஈக்விட்டி ஃபண்டுகளில் ஒருமுறை முதலீட்டைத் தவிர்ப்பது நல்லது. மொத்தமாகப் பணம் இருந்தால், அதை லிக்விட் ஃபண்டில் முதலீடு செய்துவிட்டு, சிஸ்டமேட்டிக் இன்வெஸ்ட்மென்ட் பிளான் மூலம் ஒன்று முதல் இரண்டு ஆண்டுகளுக்கு படிப்படியாக மேலே குறிப்பிட்ட ஈக்விட்டி ஃபண்டுகளுக்கு முதலீட்டை மாற்றிக்கொள்வது லாபகரமாக இருக்கும்.’’

கேள்விகளை அனுப்புபவர்கள் தங்கள் செல்போன் எண்ணையும் குறிப்பிடவும்.

அனுப்ப வேண்டிய முகவரி: கேள்வி-பதில் பகுதி, நாணயம் விகடன், 757, அண்ணாசாலை, சென்னை-2. navdesk@vikatan.com

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism