Published:Updated:

ஃப்ரான்சைஸ் தொழில் - 10 - ஃப்ரான்சைஸ் வாங்கும் வழிமுறைகள்!

ஃப்ரான்சைஸ் தொழில்
பிரீமியம் ஸ்டோரி
ஃப்ரான்சைஸ் தொழில்

கவனிக்க வேண்டிய அம்சங்கள்!

ஃப்ரான்சைஸ் தொழில் - 10 - ஃப்ரான்சைஸ் வாங்கும் வழிமுறைகள்!

கவனிக்க வேண்டிய அம்சங்கள்!

Published:Updated:
ஃப்ரான்சைஸ் தொழில்
பிரீமியம் ஸ்டோரி
ஃப்ரான்சைஸ் தொழில்

ரு ஃப்ரான்சைஸ் என்பது, ஃப்ரான்சைஸ் தருபவர் மற்றும் பெற்றுக்கொள்பவர் ஆகிய இரு தரப்பினரையும் சார்ந்தது. ஃப்ரான்சைஸ் மூலம் கிடைக்கும் லாபம், நஷ்டம் ஆகியவை இந்த இரு தரப்பினரையும் சேரும். ஒரு ஃப்ரான்சைஸானது குறைந்தபட்சம் பத்து ஆண்டுகளுக்குப் பெறப்படுகிறது எனில், அடுத்த பத்து ஆண்டுகளுக்கு இந்த இருவருக்கான உறவும் பிணைக்கப்படுகிறது. அத்தகைய ஒரு பிணைப்பு ஓரிரு நாளில் தொடங்குவதில்லை. அதற்கென சில வழிமுறைகள் இருக்கின்றன. அந்த வழிமுறைகள் என்னென்ன, ஒரு ஃப்ரான்சைஸ் பெறுவதற்கான நடைமுறைகள் யாவை என்பதைப் பற்றி விவரமாகப் பார்ப்போம்.

online shop
online shop

விருப்பமான துறை

ஃப்ரான்சைஸ் பெற விரும்பும் ஒருவர், தன் விருப்பத்துக்குரிய தொழில் என்ன என்பதைத் தேர்வுசெய்வதில் உறுதியாக இருக்க வேண்டும். சலிப்படையவைக்கும் இயந்திரத்தனமான வேலையை நிராகரித்துதான் நாம் சொந்தமாக ஒரு முயற்சி எடுக்கப்போகிறோம். அப்படிப்பட்ட முயற்சியில் மிகச்சில இடங்களில் மட்டுமே நம்மை சமரசம் செய்துகொள்ள வேண்டும். உங்களுக்கு விருப்பமான துறை எதுவானாலும் அதைச் சார்ந்து உங்கள் தொழில் அமையும் வரை காத்திருக்கலாம்.

ஒட்டுமொத்த விகடனுக்கும் ஒரே ஷார்ட்கட்!

online shop
online shop

உங்கள் துறைக்கான ஃப்ரான்சைஸ் வழங்கும் நிறுவனங்களைப் பற்றி, சிறு ஆராய்ச்சி செய்வது நல்லது. இதன்மூலமாகத்தான் செளகர்யமான ஒரு ஃப்ரான்சைஸை நீங்கள் பெற முடியும்.

ஒரு நிறுவனத்திடம் நீங்கள் முதலில் ஆராய வேண்டியது, ஃப்ரான்சைஸர் உங்களுக்கேற்ற கொள்கைகளைக்கொண்டிருக்கிறாரா என்பதைத்தான். உங்கள் சுதந்திரத்தின்மீது எந்த அளவுக்குக் கட்டுப்பாடுகள் இருக்கின்றன என்பதையும் அறிந்துகொள்ள வேண்டும்.

உங்களுக்கான தகுதி

ஒரு ஃப்ரான்சைஸர் ஃப்ரான்சைஸியிடம் எதிர்பார்க்கும் சில தகுதிகள் உண்டு. அவை...

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

முதலீடு மற்றும் தொழில் அனுபவம்

நீங்கள் தேர்வுசெய்திருக்கும் தொழிலின் அளவு பெரிதாக இருக்கும்பட்சத்தில் உங்களிடம் அதற்கான முதலீடு இருக்க வேண்டும் அல்லது அதற்கான கடன் பெறும் வசதிகளை நீங்கள் பெற்றிருக்க வேண்டும். பெரும்பாலான நிறுவனங்கள் தொழில் அனுபவங்களை எதிர்ப்பார்ப்பதில்லை. ஆனால் உங்கள் துறை சம்பந்தப்பட்ட சிறிய அனுபவம் இருக்கும் என்றால், உங்களுக்கான வாய்ப்புகள் அதிகரிக்கக்கூடும்.

ஃப்ரான்சைஸ் தொழில் - 10 - ஃப்ரான்சைஸ் வாங்கும் வழிமுறைகள்!

உங்கள் தொழில் நிலையான ஓர் இடத்தை அடையும் வரை அதை நடத்துவதற்கான அல்லது நெருக்கடியான நிலைகளில் உங்கள் தொழிலை ஈடுசெய்ய ஒரு மாற்று வருமானம் உங்களிடம் இருக்க வேண்டும். அன்றாடச் செலவுகளைச் சமாளிக்கவும் உங்களிடம் ஒரு இருப்புத்தொகை இருப்பது அவசியம்.

பணியாள்களும் நிர்வாக அனுபவமும்

ஃப்ரான்சைஸி என்பவர், தனக்குக்கீழ் சில பணியாள்களை வழிநடத்திச் செல்லும் பொறுப்பில் இருப்பவர். அதற்கான திறன் நீங்கள் பெற்றிருக்கிறீர்களா என்பது முக்கியம். மேலும், ஆரம்பக்கட்டத்தில் உங்களால் எத்தனை பணியாள்களை ஏற்பாடு செய்ய இயலும் என்பதையும் முடிவு செய்துவிடுவது நல்லது.

விண்ணப்பித்தல்

உங்களுக்கான தொழிலையும் நிறுவனத்தையும் முடிவுசெய்துவிட்டால், அந்த நிறுவனத்துக்கு உங்கள் விண்ணப்பத்தை அனுப்பலாம். உங்கள் தொழிலுக்காக விண்ணப்பிக்கும் இந்தத் தருணத்தில் அந்த விண்ணப்பம் சில காரணங்களால் மறுக்கப்படும்பட்சத்தில் இரண்டாவது ஆப்ஷனாக சில நிறுவனங்களைத் தேர்வுசெய்து வைத்துக்கொள்வது நல்லது. நீங்கள் தகுதியான நபராக அமையும்பட்சத்தில், விண்ணப்பித்த சில வாரங்களில் நிறுவனத்திடமிருந்து பதிலை எதிர்ப்பார்க்கலாம் அல்லது நிறுவனத்தின் பிரதிநிதியான ஒருவரை நீங்கள் நேரடியாகச் சந்தித்து ஆலோசிக்கலாம்.

எஃப்.டி.டி (FDD)

அடுத்தகட்டமாக, நீங்கள் விண்ணப்பித்த நிறுவனத்திடமிருந்து எஃப்.டி.டி (Franchisor Disclosure Document) உங்களுக்கு அனுப்பி வைக்கப்படும். ஒவ்வொரு நிறுவனத்துக்கான எஃப்.டி.டி வேறுபடும். எஃப்.டி.டி என்பது, ஒரு ஃப்ரான்சைஸருக்கும் ஃப்ரான்சைஸிக்கும் இடையில் போடப்படும் ஓர் ஒப்பந்தம். இது கிட்டத்தட்ட 200 பக்க ஆவணம். ஃப்ரான்சைஸர் நிறுவனத்தின் கொள்கைகள், எதிர்ப்பார்ப்புகள், நீங்கள் அளிக்க வேண்டிய வாக்குறுதி, குறைந்தபட்சமாக ஃப்ரான்சைஸிங் பெறக்கூடிய கால அளவு, உரிமக் கட்டணங்கள் ஆகிய அனைத்தும் அடங்கியிருக்கும். இந்த ஆவணத்தை நீங்கள் படித்து உங்களுக்கான சந்தேகங்களைத் தெளிவு படுத்திக்கொள்ள 14 நாள்கள் அவகாசம் அளிக்கப்படும்.

உங்கள் ஃப்ரான்சைஸரை முடிவு செய்தபின், அந்த நிறுவனத்துக்கு நேரில் சென்று சந்தித்துப் பேசுவது முக்கியம்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

ஃப்ரான்சைஸர் சந்திப்பு

உங்கள் ஃப்ரான்சைஸர் யார் என்பதை நீங்கள் முடிவுசெய்த பிறகு, அந்த நிறுவனத்துக்கு நேரில் சென்று சந்தித்துப் பேசுவது முக்கியம். ஒரு ஃப்ரான்சைஸிங் ஒப்பந்தம் கையொப்பமானதும் நீங்கள் அந்த நிறுவனத்தின் தலைமை அலுவலகத்தைப் பார்வையிடவும், உங்களுடன் தொடர்பில் இருக்கப்போகும் நிர்வாகக் குழுவையும் சந்திக்கும் வாய்ப்பு அளிக்கப்படும்.

shop
shop

எஃப்.டி.டி-யில் குறிப்பிடப் படாத சில அம்சங்கள் ஃப்ரான்சைஸிங் ஒப்பந்தத்தில் இருப்பதாகத் தோன்றினால் அல்லது அது தொடர்பாக உங்களுக்கு ஏதேனும் குழப்பமோ குறையோ இருந்தால், அதைப் பற்றி நேரில் பேசி சரிசெய்துகொள்ள வாய்ப்புண்டு.

மேலும், உங்கள் நிறுவனம் தன் ஃப்ரான்சைஸிகளிடம் முறையான வகையில் தொடர்புகொண்டிருக் கிறதா என்பதைத் தெரிந்துகொள்ளுங்கள். முக்கியமாக, உங்கள் நிறுவனம் தனது பிராண்டை விரிவுபடுத்த திட்டவட்டமான ஒரு பிளான் வைத்திருக்கிறதா என்பதையும் தெரிந்துகொள்வது அவசியம். அப்படி முறையான திட்டங்களைக்கொண்டிருக்க வில்லையென்றால், அதன்மூலம் நீங்கள் பாதிக்கப்படும் வாய்ப்புகள் இருக்கின்றன என்பதைப் புரிந்துகொள்ளுங்கள்.

பிற ஃப்ரான்சைஸிகளிடம் கலந்தாலோசிப்பது

உங்கள் ஃப்ரான்சைஸர் நிறுவனத்தைப் பற்றிய கூடுதலான தகவல்களை அறிந்துகொள்ள, அதே நிறுவனத்திடம் ஃப்ரான்சைஸ் பெற்றிருக்கும் பிறருடன் நீங்கள் கலந்தாலோசிக்கலாம். அவர் உங்கள் துறையைச் சேர்ந்தவராக இருக்கும்பட்சத்தில் இன்னும் உதவிகரமாக இருக்கும். ஒரு ஃப்ரான்சைஸி சந்திக்கும் சவால்கள் எப்படிப்பட்டவை, அவற்றை எப்படி எதிர்கொள்வது, இக்கட்டான நிலைகளில் ஒரு ஃப்ரான்சைஸர் எந்த அளவுக்கான உதவியை வழங்குகிறார் என்பதை ஒரு ஃப்ரான்சைஸி மட்டுமே உங்களுக்குச் சொல்ல முடியும். மேலும், உங்கள் வணிக எல்லைக்குள் உங்களுக்குப் போட்டியான நிறுவனம் எது என்பதையும் தெரிந்துவைத்து கொள்ளலாம். தொழிலுக்கான ஆரம்பக்கட்ட முதலீடு என்ன என்பதையும், அவற்றை எப்படிப் பயன்படுத்தலாம் என்பதையும் இன்னொரு ஃப்ரான்சைஸியிடமிருந்து கேட்டுத் தெரிந்துகொள்வது சிறப்பு.

online shop
online shop

பயிற்சிகளைப் பெற்றுக்கொள்வது

உங்கள் தொழிலை நடத்துவதற்குத் தேவையான பயிற்சிகளை நிர்வாகம் வழங்கும். இந்தப் பயிற்சிகள் நிறுவனத்தின் தலைமை அலுவலகத்தில் நேர்முகமாக அல்லது இணையம் வாயிலாக ஒன்றிலிருந்து இரண்டு வாரங்களுக்கு நடைபெறும். இதில் நிர்வாகம், இடத்தைத் தேர்வுசெய்வது, பணியாள்களை நியமிப்பது, உபகரணங்களை மொத்தமாகப் பெறுவது, விளம்பரங்கள் முதலியவை இடம்பெறும். கடைசியாக, உங்கள் தொழிலின் திறப்பு விழாவையும் நீங்கள் முடிவுசெய்யலாம்.

இந்த வாரம், ஒரு ஃப்ரான்சைஸை வாங்கும் முன்பும், வாங்கும்போதும் கவனிக்க வேண்டிய அம்சங்கள் குறித்துப் பேசினோம். இனி, ப்ரான்சைஸ் வாங்குவதற்கான முக்கியக் காரணிகள் என்னென்ன எனப் பார்ப்போம்!

(ஜெயிப்போம்)

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism