Published:Updated:

ஃப்ரான்சைஸ் தொழில் - 3 - ஃப்ரான்சைஸ்... ஏணிகளும் பாம்புகளும்!

ஃப்ரான்சைஸ் தொழில்
பிரீமியம் ஸ்டோரி
ஃப்ரான்சைஸ் தொழில்

பாசிட்டிவ் - நெகட்டிவ் அம்சங்கள்

ஃப்ரான்சைஸ் தொழில் - 3 - ஃப்ரான்சைஸ்... ஏணிகளும் பாம்புகளும்!

பாசிட்டிவ் - நெகட்டிவ் அம்சங்கள்

Published:Updated:
ஃப்ரான்சைஸ் தொழில்
பிரீமியம் ஸ்டோரி
ஃப்ரான்சைஸ் தொழில்

ந்தத் தொழில்துறையாக இருந்தாலும், அதில் நன்மைகள் மட்டுமே இருக்கும் என்று சொல்லிவிட முடியாது. இது அனைத்து விஷயங்களுக்கும் பொருந்தும். புதிதாக எதிலும் கால் வைப்பதற்கு முன்னதாக அதைப் பற்றி எவ்வளவு தெரிந்துகொள்ள முடியுமோ அவ்வளவு தெரிந்துகொள்ள வேண்டியது மிக மிக அவசியம்.

ஃப்ரான்சைஸ் தொழில் - 3 - ஃப்ரான்சைஸ்... ஏணிகளும் பாம்புகளும்!

ஃப்ரான்சைஸ் என்றால் என்ன, அதன் வகைகள் என்னென்ன, எப்படிச் செய்யலாம் என்பதைத் தெரிந்துகொண்ட பிறகு, அதிலுள்ள நன்மைகள் மற்றும் தீமைகளைப் பற்றித் தெரிந்துகொள்ள வேண்டும். பொதுவாக, பிசினஸ் என்பதே பாம்புகளும் ஏணிகளும் நிறைந்த பரமபத விளையாட்டு போன்றதுதான். ஃப்ரான்சைஸ் பிசினஸும் அப்படிப்பட்டதுதான்.

ஏணிகள்

நீயே உனக்கு ராஜா!

என்னதான் இருந்தாலும் அது உங்களுடைய பிசினஸ். அதன் வெற்றிகள், தோல்விகள் அனைத்தும் உங்களையும் உங்கள் வேகத்தையும் சார்ந்தே இருக்கின்றன. பிறருடைய கட்டளைகளுக்குக் கீழ்படிந்து இயங்க வேண்டிய9 மணி-5 மணி வேலையாக அல்லாமல் முதன்முறையாக நீங்கள் ஒரு நிறுவனத்தை நடத்துவீர்கள். `நானே ராஜா நானே மந்திரி’ என்பதற்கேற்ப நீங்கள் எடுக்கும் முடிவுதான் அதற்கான சாதக, பாதகப் பலன்களைத் தீர்மானிக்கும்.

வாடிக்கையாளார்கள் வட்டமும் அவர்களின் விசுவாசமும்

‘வாங்கினா XXX பிராண்ட் பேப்பர்தான்... இல்லைன்னா எனக்கு பேப்பரே வேண்டாம்’ எனச் சொல்லும் குணம்கொண்ட வாடிக்கையாளர்கள் நம்மூர்க்காரர்கள். நீங்கள் எந்த பிராண்டின் ஃப்ரான்சைஸை வாங்கியிருக்கிறீர்களோ, அதற்கென இருக்கும் பிரத்யேக வாடிக்கையாளர் வட்டம் உங்களுக்குக் கிடைக்கும். எனவே, எதை ஃப்ரான்சைஸ் எடுக்கிறோம் என்பதில் கவனமாக இருக்க வேண்டும்.

ஒட்டுமொத்த விகடனுக்கும் ஒரே ஷார்ட்கட்!

ஃப்ரான்சைஸ் தொழில் - 3 - ஃப்ரான்சைஸ்... ஏணிகளும் பாம்புகளும்!

புதுத்துறை, புது அனுபவம்

நீங்கள் ஒரு ஃப்ரான்சைஸை வாங்கும்போது, அந்தத் துறையில் உங்களுக்கு முன்அனுபவம் இருக்கிறதா இல்லையா என யாரும் பரீட்சை நடத்தப்போவதில்லை. காபி, ஐஸ்க்ரீம், ஹார்டுவேர், டிபார்ட்மென்ட்டல் ஸ்டோர் என எதை வேண்டுமானாலும், யார் வேண்டுமானாலும் ஃப்ரான்சைஸாக வாங்கி நடத்தலாம். அந்தப் புதுத்துறை தரும் அனுபவங்களையும் உங்கள் வாழ்வின் பிற அனுபவங்களோடு சேர்த்துக்கொள்ளலாம்.

ஸ்டார்ட்அப்களைவிட ஃப்ரான்சைஸ்களுக்கே வெற்றி விகிதம் அதிகம்1

ஸ்டார்ட்அப் மற்றும் ஃப்ரான்சைஸ் ஆகிய இரண்டையும் ஒப்பிட்டு நடக்கும் பல ஆய்வுகள் சொல்லும் முடிவு ஒன்றுதான். `ஃப்ரான்சைஸுகளுக்கு வெற்றி வாய்ப்பு அதிகமாக இருக்கிறது.’ இதற்குப் பின்னால் ஏகப்பட்ட காரணங்கள் இருக்கலாம். ஆனால், அதை நடத்துபவரின் ஸ்பிரிட்... அதுதான் முக்கியம்.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

அருமையான சலுகைகள்

ஒரு பிரமாண்டமான பிராண்டின் ஃப்ரான்சைஸை வாங்கப் போகிறீர்கள் என்றால், அவர்கள் உங்களுக்குப் பயிற்சி அளிப்பார்கள்; உங்கள் கடையைத் தொடங்குவதற்குப் பெரிய விழா ஏற்பாடு செய்வார்கள்; சைட் தேர்வு செய்வது தொடங்கி வடிவமைப்பு வரை உதவி செய்வார்கள். ஏனென்றால், அது அவர்கள் நிறுவனமும்கூட,

ஈஸி லோன்

`சுயமாக ஒரு பிசினஸ் தொடங்கப் போகிறேன்’ என்று வங்கிகளை அணுகுபவர்களைவிட, `ஃப்ரான்சைஸ் தொடங்கப்போகிறேன்’ என்பவர்களுக்கு பிசினஸ் லோன் சுலபமாகக் கிடைக்கிறதாம். பெரிய கார்ப்பரேஷன்களின் ஆதரவு, தொழில் தலைவர்களின் அறிவுரை எல்லாம் கிடைக்கும் போன்ற பல்வேறு காரணங்களுக்காக ஃப்ரான்சைஸ் தொடங்குபவர்கள்மீது வங்கிகளுக்கு நம்பிக்கை ஏற்படக்கூடும்.

ஏணிகளும் பாம்புகளும்
ஏணிகளும் பாம்புகளும்

நல்ல விஷயங்களெல்லாம் அவ்வளவு சுலபமாக, எந்தச் சிக்கல்களும் இல்லாமல் வந்து விடாது. பரமபதத்தில் ஏணிகளும் இருக்கும் பாம்புகளும் இருக்கும்தானே! அடதுபோல ப்ரான்சைஸ் வாங்கி, அதை வெற்றிகரமாக நடத்திச் செல்வதிலும் சில சிக்கல்கள் ஏற்படலாம்.

பாம்புகள்

முதலீடு

இதை நீங்கள் ஏற்கெனவே அனுமானித்திருக்கலாம். நாம் வாங்கப்போவது ஒரு பெரிய பிராண்டின் ஃப்ரான்சைஸ் எனும் போது அதற்கான விலையைக் கொடுத்துத் தானே ஆக வேண்டும்... பெரிய பிராண்ட் என்றால் ஒரு பெரிய அளவிலான முதலீடு இங்கே தேவைப்படும்.

ஃப்ரான்சைஸை வாங்கும்போது, அந்தத் துறையில் முன்அனுபவம் இருக்கிறதா இல்லையா என யாரும் பரீட்சை நடத்தப் போவதில்லை!

எனவே, நம் பொருளாதார நிலைக்கேற்ப, ஃப்ரான் சைஸ் எடுக்க ப்போகும் நிறுவனத்தைத் தேர்வு செய்ய வேண்டும்.

குறுகும் படைப்புச் சுதந்திரம்

நீங்கள் சொந்தமாக ஒரு நிறுவனத்தைத் தொடங்கினால், எப்போது வேண்டுமானாலும் அதில் மாற்றங்களைக்கொண்டு வரலாம். லோகோ வடிவமைப்பு, தயாரிப்புகள்... ஏன், பெயரைக்கூட மாற்ற முடியும். ஆனால், ஃப்ரான்சைஸில் அப்படிப்பட்ட மாற்றங்களைக் கொண்டு வர முடியாது. பிற ஃப்ரான்சைஸ்களின் தவறுகள் உங்கள் பிராண்டின் நன்மதிப்பைக் குறைக்கலாம்.

இது எப்போதும் நடக்கும் தவறு கிடையாது. அரிதினும் அரிதாக இப்படியும் ஒரு சம்பவம் நடக்க வாய்ப்பிருக்கிறது. பிற ஃப்ரான்சைஸ்கள் வாடிக்கையாளர்களை நடத்தும்விதமோ அல்லது அவர்கள் சமூக வலைதளங்களில் பதிவுசெய்யும் எதாவது ஒரு கருத்தோ மொத்த பிராண்டையே நிலைகுலையச் செய்யும் வாய்ப்பிருக் கிறது.

பிராண்டின் கட்டுப்பாடு

முன்னர் சொன்னது போல நீங்கள் எந்தத் தயாரிப்புகளை விற்கலாம், யாரையெல்லாம் சப்ளையர்களாகப் பயன்படுத்தலாம் என்பதில் இறுதி முடிவு உங்களுடையதாக இருக்காது.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

மாதாந்தர ராயல்டி தொகை

பெரும்பாலான ஃப்ரான்சைஸர்கள் இப்படி ஒரு தொகையை வசூலிக்கிறார்கள். அது துறையைப் பொறுத்து மாறுபடும். உணவு மற்றும் பானங்கள் துறையில் 5-10%, கல்வித்துறையில் 15-18%, அழகுத்துறையில் 15% என்று விற்பனை மாறுபடும். இது குறித்த தகவல்களை நீங்கள் ஒப்பமிடும் ஒப்பந்தத்தில் தெளிவாக எழுதியிருப்பார்கள். இதை நீங்கள் ஏற்றுக் கொண்டு மனதளவில் தயாராகிவிட்டால், இது ஒரு பெரிய சிக்கலாகத் தெரியாது.

ஃப்ரான்சைஸ் தொழில் - 3 - ஃப்ரான்சைஸ்... ஏணிகளும் பாம்புகளும்!

உங்கள் ஃப்ரான்சைஸின் நிதி/பொருளாதாரத் தகவல்களை மேலிடத்துடன் பகிர்ந்துகொள்ள வேண்டும்.

நீங்கள் சொந்தமாக ஒரு நிறுவனத்தைத் தொடங்கினால், எப்போது வேண்டுமானாலும் அதில் மாற்றங்களைக்கொண்டு வரலாம். ஃப்ரான்சைஸில் மாற்றங்களைக் கொண்டு வர முடியாது.

தங்கள் பிசினஸ் மாடலை வடிவமைத்துக் கொள்வதற்கும், ராயல்டி தொகையை மறுபரிசீலனை செய்வதற்கும் அத்தனை ஃப்ரான்சைஸ்களின் நிதி தொடர்பான விவரங்களையும் ஃப்ரான்சைஸர்கள் வாங்கிக் கொள்வார்கள். இதனால், பிரைவசி இல்லாமல் போகிறது என்று நீங்கள் உணரலாம். ஆனால், ஒரு சிறந்த ஃப்ரான் சைஸர் இந்த உரையா டலை இருவழிப் பாதையாகவே வைத்திருக்கிறார். அதாவது, தன்னுடைய நிதிநிலையை தனக்குக் கீழ் இருக்கும் ஃப்ரான்சைஸ்களுக்கு அவர் சொல்கிறார். அதன்வழியே ஒரு கூட்டு முயற்சியாக பிராண்ட் வளர்கிறது.

ஃப்ரான்சைஸ் வாங்குவதில் இருக்கும் நன்மைகளை மட்டுமே சொல்லிவிட்டு, அதில் இருக்கும் சிக்கல்களை எல்லாம் தவிர்த்து இந்த உரையாடலை நடத்திவிட முடியாது. ஏனென்றால், நாம் கடந்துவரும் தடைகள்தான் நம் வெற்றி விகிதத்தைக் கணிக்கின்றன. வெற்றிக் காரணிகளைவிட தடைகளைக் குறித்தே அதிகம் நாம் தெரிந்துகொள்ள வேண்டும்!

(ஜெயிப்போம்)

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism