Published:Updated:

ஃப்ரான்சைஸ் தொழில் - 7 - ஃப்ரான்சைஸ் கொடுப்பவருக்கும் எடுப்பவருக்கும்...

ஃப்ரான்சைஸ் தொழில்
பிரீமியம் ஸ்டோரி
ஃப்ரான்சைஸ் தொழில்

பொறுப்பும் கடமையும்!

ஃப்ரான்சைஸ் தொழில் - 7 - ஃப்ரான்சைஸ் கொடுப்பவருக்கும் எடுப்பவருக்கும்...

பொறுப்பும் கடமையும்!

Published:Updated:
ஃப்ரான்சைஸ் தொழில்
பிரீமியம் ஸ்டோரி
ஃப்ரான்சைஸ் தொழில்

ந்த உறவிலும் இரு தரப்பிலிருந்தும் எடுக்கப்படும் முயற்சிகளும் முனைவுகளும்தான் உறவை வளர்த்தெடுக்கும். ஃப்ரான்சைஸ் வணிகத்திலும் இதுதான் அடிப்படை. ஃப்ரான்சைஸருக்கும் ஃப்ரான்சைஸிக்கும் இடையே இருக்கும் உறவு உங்கள் வணிகத்துக்கு ஒரு வடிவத்தைத் தரும். இதற்கு ஃப்ரான்சைஸரும் ஃப்ரான்சைஸியும் தங்கள் கடமைகளை, தங்களுக்கு விதிக்கப்பட்டிருக்கும் விதிமுறைகளைத் தெரிந்துகொள்ள வேண்டியது அவசியம். அந்த வகையில், ஒரு ஃப்ரான்சைஸருக்கு இருக்கும் பொறுப்புகளும், கடமைகளும் என்னென்ன என்று பார்ப்போம்.

ஃப்ரான்சைஸ் தொழில் - 7 - ஃப்ரான்சைஸ் கொடுப்பவருக்கும் எடுப்பவருக்கும்...

வணிக வழிகாட்டுதல்!

ஃப்ரான்சைஸ் துறையில் புதிதாகக் காலடி எடுத்துவைக்கும் ஃப்ரான்சைஸிகளை வழிநடத்துவது ஃப்ரான்சைஸரின் முதல் கடமை. ஒரு புதிய விஷயத்தைக் கற்றுக்கொள்ளத் தொடங்கியிருக்கும் ஃப்ரான்சைஸிக்கு ஏகப்பட்ட சந்தேகங்களும், குழப்பங்களும் ஏற்படும். இதை ஒரு ஃப்ரான்சைஸர் புரிந்துகொண்டு அவற்றைத் தீர்க்க உதவ வேண்டும்; அவர்களுக்கு அடுத்த கட்டம் என்னவாக இருக்கும் என்பதை விளக்க வேண்டும். கூடவே, சிக்கல்களை எப்படிச் சமாளிப்பது என்பதைச் சொல்லித் தர வேண்டும்.

வணிக விரிவாக்கம் மற்றும் புது முயற்சிகளைச் செய்தல்!

ஒரு பிராண்டைக் கட்டியெழுப்பியிருக்கும் நிறுவனராக உங்களுக்கு இருக்கும் பெரிய ஆசை... உங்கள் நிறுவனத்தை விரிவாக்கம் செய்வதும், புது முயற்சிகளால் சந்தையை உங்கள் வசப்படுத்துவதும்தான். உங்களுடன் இன்னும் பலர் அந்த வேலையைச் செய்யும்போது, அதை நீங்கள் இன்னும் சிறப்பாகச் செய்யலாம் அல்லவா... எனவே, இந்தக் காலத்தில் நிறைய பரிசோதனைகள் செய்து பார்த்து, புது சேவைகளை, தயாரிப்புகளை உங்கள் நிறுவனத்தில் அறிமுகம் செய்வார்கள்.

வளமான நிறுவனத்தை உண்டாக்குங்கள்!

ஃப்ரான்சைஸி, ஃப்ரான்சைஸர்... இருவருமே ஃப்ரான்சைஸ் தொழிலின் சலுகைகளை, பலன்களை அனுபவிக்கும்போது அங்கு வளர்ச்சி ஏற்படுகிறது. இதற்கு அடித்தளமாக இருப்பது தெளிவான வரைமுறைகள். அதாவது, ஒரு வணிக அமைப்பில் எது எப்படி நடக்க வேண்டும், எந்தப் பாதை வழியே எங்கு செல்ல வேண்டும், எந்த விஷயத்தில் எங்கே முற்றுப் புள்ளிவைப்பது போன்ற பல வணிக நடவடிக்கைகள் முன்னரே பேசப்பட்டு பதிவு செய்யப்பட வேண்டும். இதைச் செய்யும்போது, புதிதாக வரும் ஃப்ரான்சைஸி பார்ட்னர்களுடன் இதை எளிதாக நடைமுறைக்குக் கொண்டுவர முடியும்.

ஒட்டுமொத்த விகடனுக்கும் ஒரே ஷார்ட்கட்!

ஃப்ரான்சைஸ் தொழில் - 7 - ஃப்ரான்சைஸ் கொடுப்பவருக்கும் எடுப்பவருக்கும்...

பிராண்ட் மதிப்பைக் கையாளுதல்!

ஒரு பிராண்டுக்கு ஏற்கெனவே உண்டாகியிருக்கும் நன்மதிப்பைக் கட்டிக் காப்பது முழுக்க முழுக்க ஃப்ரான்சைஸரின் வேலை. இதற்கு ஒத்துழைப்பு தருவது வேண்டுமானால், ஒரு ஃப்ரான்சைஸியின் கடமையாக இருக்கலாம். ஆனால், பிராண்டின் நன்மதிப்பு ஃப்ரான்சை ஸரின் முடிவுகளையும், நடவடிக்கைகளையும் பொறுத்தே அமையும்.

இவற்றைத் தவிர்த்து, தேசிய அளவிலான மார்க்கெட்டிங் மற்றும் விளம்பரங்கள், புதுத் தயாரிப்புகள், சேவைகளுக் கான ஆய்வு, ஒரு ஃப்ரான்சைஸியின் ஏரியா அடுத்த ஃப்ரான்சைஸியின் ஏரியாவுக்குள் வருகிறதா போன்ற ஃப்ரான்சைஸி ஏரியாக்களை மேற்பார்வை செய்வது, ஃப்ரான்சைஸிகளுக்கும், ஃப்ரான்சைஸிகளின் ஊழியர்களுக்கும் பயிற்சி அளிப்பது, குறிப்பிட்ட கால அளவுக்கு ஃப்ரான்சைஸிகளை மதிப்பீடு செய்வது, எந்த விற்பனையாளரிடமிருந்து பொருள்கள் வாங்குவது என ஃப்ரான்சைஸிகளுக்குப் பரிந்துரை செய்வதும் ஃப்ரான்சைஸரின் பொறுப்புகளே.

இனி ஃப்ராசைஸிக்கு இருக்கும் பொறுப்புகள் என்னவென்று பார்ப்போம்.

பிராண்டுக்கு ஏற்கெனவே இருக்கும் நன்மதிப்பைக் கட்டிக் காப்பது முழுக்க முழுக்க ஃப்ரான்சைஸரின் வேலையே!
விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

ஃப்ரான்சைஸின் அமைப்பையும், செயல்பாடுகளையும் பின்பற்றுவது...

நன்கு வடிவமைக்கப்பட்ட வணிகத் திட்டம் உங்களுக்குக் கிடைக்கும். இன்று என்ன வேலை, நாளை என்ன திட்டம் என ஒவ்வொன்றையும் யோசித்துக் குழப்பமடையா மலிருக்க, இந்தத் தொழில் திட்டத்தை ஃப்ரான்சைஸி பின்பற்றினாலே போதுமானது. இது ஃப்ரான்சைஸி மற்றும் ஃப்ரான்சைஸர் ஆகிய இருவரின் வெற்றிக்குமே வழிவகுக்கும்.

Franchise
Franchise

வெற்றி மற்றும் வளர்ச்சியை நிர்வகிப்பது

ஃப்ரான்சைஸ் பார்ட்னர்களின் வளர்ச்சிக்கு ஃப்ரான்சைஸர் முழு ஆதரவும், வளங்களும் தருவார்; அவ்வபோது அறிவுரையும் சொல்வார் என்பதெல்லாம் உண்மைதான். ஆனால், ஒரு ஃப்ரான்சைஸியாக உங்கள் நிறுவனத்தின் வளர்ச்சிக்கு நீங்கள் பொறுப்பு என்பதை மறக்க வேண்டாம். உங்களுக்கு இருக்கும் இடத்தில் நிறுவனத்தின் வளர்ச்சிக்காக இயங்கும் அதே சமயம், வணிகத் திட்டத்தையும், விதிமுறைகளையும் பின்பற்றுங்கள்.

பிராண்ட் நன்மதிப்பைக் கூட்டுதல் மற்றும் மார்க்கெட்டிங்

முன்னரே சொன்னது போல, தேசிய அளவிலான பிராண்டிங், மார்க்கெட்டிங் மற்றும் விளம்பரங்களுக்கு ஃப்ரான்சைஸர் பொறுப்பேற்றுக்கொள்வார். ஆனால், உங்கள் ஏரியாவுக்குள் உங்கள் நிறுவனத்தின் இமேஜைக் கட்டி எழுப்புவதும், அதைப் பார்த்துக் கொள்வதும் உங்கள் பொறுப்பு. தலைமை அலுவலகத்தின் அனுமதியுடன் மார்க்கெட்டிங் பிரசாரங்கள் செய்வது தொடங்கி, பல முயற்சிகளின் வழியே உங்கள் நிறுவனத்தின் நற்பெயரை, தரத்தை வளர்க்கவும்.

ஃப்ரான்சைஸியின் கடமைகள்

ஃப்ரான்சைஸுக்கான கட்டணத்தையும், ராயல்டியையும் செலுத்துவது. இதன் மூலம் நீங்கள் உங்கள் பிராண்ட் நிறுவனம் வளர பங்களிக்கிறீர்கள். உங்கள் ஃப்ரான்சைஸ் நிறுவனத்தை நடத்தத் தேவையான இடத்தை அல்லது கட்டடத்தை வாடகைக்கோ, குத்தகைக்கோ எடுப்பது. பெரும்பாலான ஃப்ரான்சைஸ்கள் இதற்கு உதவும் என்றாலும், இதை நீங்கள் கையில் எடுத்துச் செய்யும் போது, நிறுவனத்தின் மீது பற்று உண்டாகும். கூடவே, நீங்கள் ஒரு நல்ல பிசினஸ்மேன் என்றும் தெரியும்.

ஃப்ரான்சைஸ் தொழில் - 7 - ஃப்ரான்சைஸ் கொடுப்பவருக்கும் எடுப்பவருக்கும்...

ஊழியர்களை வேலைக்கு அமர்த்தி, அவர்களுக்குப் பயிற்சி கொடுப்பதைப் பெரும்பாலான ஃப்ரான்சைஸிகள் செய்கிறார்கள். ஆனாலும், உங்கள் ஃப்ரான்சைஸின் ஊழியர்கள் தொடக்கநிலைப் பயிற்சியைப் பெற்றிருப்பதை நீங்கள் உறுதி செய்ய வேண்டும்.

ஃப்ரான்சைஸரின் எதிர்பார்ப்புகளைப் பூர்த்தி செய்யும் அளவில் உங்கள் நிறுவனத்தை வளர்த்துக் காட்டுவது அவசியம். கருத்துமோதல் இல்லாத உரையாடல்கள், தீர்க்கமான நடவடிக்கைகள் இருப்பதுதான் சீரான ஃப்ரான்சைஸர் - ஃப்ரான்சைஸி உறவுக்கு அடையாளம். அதாவது, ஃப்ரான்சைஸர் என்பவர் ஃப்ரான்சைஸிக்கு வழிகாட்டுதலும் ஆறுதலும் தருபவர். இதனிடையே அவர் வணிகத் தந்திரங்களையும், விவரங்களையும் கணிப்பார்.

ஃப்ரான்சைஸியாக இருப்பவர் தன்னுடைய தொழில்முனைவுத் திறன்களை வைத்து வணிகத்தை வளர்க்க வேண்டும். அதேசமயம், ஃப்ரான்சைஸைரின் வணிகத் திட்டத்தை மறக்கக் கூடாது.

இவைதான் பெரும்பாலான ஃப்ரான்சைஸ்களுக்குப் பொருந்தும் கடமைகளும் பொறுப்புகளும். ஆனால், ஒவ்வொரு ஃப்ரான்சைஸும் வித்தியாசமானவை. ஒவ்வொரு ஃப்ரான்சைஸ் ஒப்பந்தமும் வித்தியாசமானவை. எனவே, ஒப்பந்தத்தை முழுமையாகப் புரிந்துகொண்டு, அதற்கேற்றபடி திட்டங்களை வகுத்துக்கொள்ளுங்கள்!

(ஜெயிப்போம்)

இளைஞர்கள் விரும்பிச் சாப்பிடுகிறார்கள்!

முத்துகுமார், தி கட்டி ரோல் ஷாப்

ஃப்ரான்சைஸ் தொழில் - 7 - ஃப்ரான்சைஸ் கொடுப்பவருக்கும் எடுப்பவருக்கும்...

‘‘ரோல் (சப்பாத்திக்கு உள்ளே காய்கறி அல்லது பனீர் வைத்துத் தருவது) வட இந்திய உணவாக இருந்தாலும் இன்றைக்கு நம்மவர்கள், குறிப்பாக இளைஞர்கள் விரும்பிச் சாப்பிடுகிறார்கள். ஃபிரான்சைஸ் தொழிலில் நுழைய நினைத்தபோது, உணவுதான் என் சாய்ஸாக இருந்தது. தரமான உணவைத் தந்தால், வாடிக்கையாளர்கள் நம்மைத் தேடி வருவார்கள் என்பதால்தான் 11 மாதங்களுக்கு முன்னர் இந்த ஃப்ரான்சைஸியை ஆரம்பித்தேன். கடந்த நான்கு மாதங்களாக விற்பனை சூப்பராக இருக்கிறது. இந்தத் தொழிலுக்கு இன்னும் சிறப்பான எதிர்காலம் இருக்கிறது.’’