Published:Updated:

சந்தைக்குப் புதுசு : அனைத்து வயதினருக்கும் ஏற்ற முதலீடுகள்..! - குறைந்த அளவு ரிஸ்க் உள்ளவை...

முதலீடு
பிரீமியம் ஸ்டோரி
News
முதலீடு

NEW OFFER

ண்மையில் சந்தைக்கு புதிதாக வந்திருக்கும் சில முதலீட்டுத் திட்டங்களைப் பார்ப்போம்!

ஃப்ளெக்ஸிகேப் ஃபண்ட் ஆஃப் ஃபண்ட்!

நிப்பான் இந்தியா மியூச்சுவல் ஃபண்ட் நிறுவனம் ‘நிப்பான் இந்தியா பாசிவ் ஃப்ளெக்ஸிகேப் எஃப்.ஓ.எஃப்’ (Nippon India Passive Flexicap FOF) என்ற ஃபண்டை அறிமுகம் செய் துள்ளது. இது ஓப்பன் எண்டடு வகை யைச் சேர்ந்தது; குறைந்தது ரூ.5,000 முதல் முதலீட்டை ஆரம்பிக்கலாம்.

இந்த ஃபண்ட் வெளியீட்டுக்கு டிசம்பர் 24-ம் தேதி வரை விண்ணப் பிக்கலாம். திரட்டப்படும் நிதி, ஈக்விட்டி அல்லது இண்டெக்ஸ் ஃபண்டுகளில் முதலீடு செய்யப் படுகிறது. இதில் முதலீடு செய்யும் போது நுழைவுக் கட்டணம் கிடையாது. வெளியேறும் கட்டணமும் இல்லை. இதில் ரெகுலர் மற்றும் டைரக்ட் பிளான் மூலம் முதலீடு செய்யலாம். ரிஸ்க் ஓரளவுக்கு குறைவு என்பதால் அனைத்து வயதினரும் முதலீடு செய்யலாம்.

முதலீடு
முதலீடு

ரெய்ட் ஃபண்டு ஆஃப் ஃபண்ட்!

கோட்டக் மஹிந்திரா மியூச்சுவல் ஃபண்ட் நிறுவனம் ‘கோட்டக் இன்டர்நேஷனல் ஆர்.இ.ஐ.டி எஃப்.ஓ.எஃப்’ (Kotak International REIT FOF) என்ற புதிய ஃபண்டை அறிமுகம் செய்துள்ளது. இது ஓப்பன் எண்டடு வகையைச் சேர்ந்தது; குறைந்தபட்சம் 5,000 ரூபாயிலிருந்து முதலீட்டை ஆரம்பிக்கலாம். இந்தப் புதிய வெளியீட்டுக்கு டிசம்பர் 21-ம் தேதி வரை விண்ணப்பிக்க முடியும்.

திரட்டப்படும் நிதி, சர்வதேச அளவிலான ரெய்ட் ஃபண்டுகளில் முதலீடு செய்யப்படுகிறது. இதில் முதலீடு செய்யும்போது நுழைவுக் கட்டணம் கிடையாது. 12 மாதங் களுக்குள் வெளியேறினால் 1% வெளி யேறும் கட்டணமாக வசூலிக்கப்படும். இதில் ரெகுலர் மற்றும் டைரக்ட் பிளான் மூலம் முதலீடு செய்யலாம். ஓரளவுக்கு ரிஸ்க் குறைவு என்பதால் அனைத்து வயதினரும் முதலீடு செய்யலாம்.

ஸ்மார்ட் ஃய்யூச்சர் சாய்சஸ்!

எஸ்.பி.ஐ லைஃப் இன்ஷூரன்ஸ் நிறுவனம், ‘எஸ்.பி.ஐ லைஃப்-ஸ்மார்ட் ஃப்யூச்சர் சாய்சஸ்’ (SBI Life-Smart Future Choices) என்ற பாலிசியை அறிமுகப்படுத்தியுள்ளது. இந்தத் திட்டமானது ‘கிளாஸிக் சாய்ஸ்’ (Classic Choice), ஃப்ளெக்ஸி சாய்ஸ் (Flexi Choice) என்று இரண்டு விருப்பங்களை வழங்குகிறது. வாடிக்கையாளர்களின் விருப்பத் துக்கேற்ப ஒவ்வோர் ஆண்டிலும் கேஷ் போனஸ் அல்லது தாமதப் படுத்தப்பட்ட கேஷ் போனஸ் ஆகிய இரண்டில் ஏதாவது ஒன்றை வாடிக்கையாளர்கள் தேர்வு செய்து கொள்ளலாம். அதோடு, பாலிசி காலத்தில் எந்தக் காலகட்டத்திலும் போனஸைப் பெற முடியும். சேமிப்பு போன்று இதை தேவைக்கேற்ப பயன் படுத்திக் கொள்ளலாம்.

அஸ்யூர்டு இன்கம் ப்ளஸ்!

ஆதித்ய பிர்லா சன் லைஃப் இன்ஷூரன்ஸ் நிறுவனம் ஏ.பி.எஸ்.எல்.ஐ அஸ்யூர்டு இன்கம் ப்ளஸ்’ என்ற பாலிசியை அறிமுகம் செய்துள்ளது. இந்தப் பாலிசியானது 30 வருடங்கள் வரை மாத வருமானம் தரும் வகையில் வடிவமைக்கப் பட்டுள்ளது.

இதற்கான பிரீமியத்தை முதிர்வுத் தொகைக்கு ஏற்ப ஆண்டுக்கு ஒரு முறை, இருமுறை மற்றும் மூன்று மாதங்களுக்கு ஒருமுறை என கட்டலாம். 20, 25 மற்றும் 30 ஆண்டுகள் என மூன்று முதிர்வுக் காலங்களில் ஏதாவது ஒன்றை வாடிக்கையாளர்கள் தேர்வு செய்து கொள்ளலாம். பாலிசி காலங்களுக்கு இடையில், பாலிசிதாரர் இறந்து விட்டால், நாமினிக்கு பாலிசி மூலம் முதிர்வுத் தொகை வழங்கப்படும்.

குறிப்பு: இது புதிய முதலீடுகள், காப்பீடுகள் பற்றிய தகவல்களின் தொகுப்புதான். பரிந்துரை அல்ல. முதலீட்டாளர்கள் அவர்களின் தேவை, ரிஸ்க் எடுக்கும் திறனுக்கு ஏற்ப முதலீட்டு முடிவை அவர்கள்தான் எடுக்க வேண்டும்.