Published:Updated:

பாதுகாப்பான என்.சி.டி-க்கள் வெளியீடு! - முதலீட்டாளர்களுக்கு வாய்ப்பு!

சந்தைக்குப் புதுசு
பிரீமியம் ஸ்டோரி
சந்தைக்குப் புதுசு

சந்தைக்குப் புதுசு!

பாதுகாப்பான என்.சி.டி-க்கள் வெளியீடு! - முதலீட்டாளர்களுக்கு வாய்ப்பு!

சந்தைக்குப் புதுசு!

Published:Updated:
சந்தைக்குப் புதுசு
பிரீமியம் ஸ்டோரி
சந்தைக்குப் புதுசு

ற்போது புதிதாக அறிமுகப்படுத்தப்பட்டுள்ள மியூச்சுவல் ஃபண்டுகள், இன்ஷூரன்ஸ் பாலிசிகள், பங்கு வெளியீடுகள், கடன் பத்திரங்கள் குறித்துப் பார்ப்போம்.

பென்ஷன்4லைஃப்!

கனரா ஹெச்.எஸ்.பி.சி ஓரியன்ட்டல் பேங்க் ஆஃப் காமர்ஸ் லைஃப் இன்ஷூரன்ஸ் நிறுவனம் `பென்ஷன் 4லைஃப் பிளான்’ (Pension4life Plan) என்ற இன்ஷூரன்ஸ் திட்டத்தை அறிமுகப்படுத்தியிருக்கிறது. இது பணி ஓய்வு பெற்றவர்களுக்கு, ஓய்வு பெறும் வயதுக்கு அருகில் அல்லது அதற்கு முந்தைய வயதில் இருப்பவர்களுக்கு ஏற்றாற்போல வடிவமைக்கப்பட்டுள்ளது.

NCD
NCD

இந்தத் திட்டம், அதன் வாடிக்கையாளர்களுக்கு ஆயுள் காப்பீடு, மருத்துவச் சிகிச்சை, நிரந்தர இயலாமைக்குக் காப்பீடு, ஓய்வூதியம் உள்ளிட்ட ஏழு வகையான வசதிகளை வழங்குகிறது.

ஃபண்ட் ஆஃப் ஃபண்ட்ஸ்!

ஆக்ஸிஸ் மியூச்சுவல் ஃபண்ட் நிறுவனம் ‘ஆக்ஸிஸ் ஆல் சீஸன்ஸ் டெப்ட்’ என்ற புதிய ஓப்பன் எண்டட் ஃபண்ட் ஆஃப் ஃபண்ட்ஸ் திட்டத்தை அறிமுகப்படுத்தியிருக்கிறது. இதில் எஸ்.ஐ.பி முறையில் முதலீடு செய்யலாம்.

குறைந்தபட்ச முதலீடு ரூ.5,000. இந்தப் புதிய ஃபண்ட் வெளியீட்டுக்கு ஜனவரி 24-ம் தேதி வரை விண்ணப்பிக்கலாம். திரட்டப்படும் நிதியில் 95-100% வரை கடன் சார்ந்த திட்டங்களில் முதலீடு செய்யப்படுகிறது. 0-5% பங்குச் சந்தை சார்ந்த ஆவணங்களில் முதலீடு செய்யப்படுகிறது. இதில் ரிஸ்க் அளவு குறைவு என்பதால், குறைவான ரிஸ்க் எடுக்க விரும்பும் முதலீட்டாளர்கள் இந்த ஃபண்டைப் பரிசீலிக்கலாம்.

ஐ.டி.ஐ மியூச்சுவல் ஃபண்ட் நிறுவனத்தின் ஐ.டி.ஐ ஸ்மால்கேப் ஃபண்ட் திட்டத்தில் எஸ்.ஐ.பி முறையில் முதலீடு செய்யலாம்.
விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

ஸ்மால்கேப் ஃபண்ட்

ஐ.டி.ஐ மியூச்சுவல் ஃபண்ட் நிறுவனம், ஐ.டி.ஐ ஸ்மால்கேப் ஃபண்ட் திட்டத்தை அறிமுகப்படுத்தியுள்ளது. இதில் எஸ்.ஐ.பி முறையில் முதலீடு செய்யலாம். இந்தப் புதிய ஃபண்ட் வெளியீட்டுக்கான விண்ணப்பத் தேதி ஜனவரி 27-ல் ஆரம்பித்து, பிப்ரவரி 10-ல் முடிவடைகிறது. குறைந்தபட்ச முதலீடு ரூ.5,000.

Non-convertible debentures
Non-convertible debentures

பாதுகாப்பான என்.சி.டி-க்கள்!

ஸ்ரீராம் டிரான்ஸ்போர்ட் ஃபைனான்ஸ், பாதுகாப்பான என்.சி.டி (Secured NCD) வெளியிட்டுள்ளது. ஜனவரி 22-ம் தேதி வரை இதற்கு விண்ணப்பிக்கலாம்.

இதன் முகமதிப்பு ரூ.1,000. குறைந்தபட்சம் 10 என்.சி.டி-க்களுக்கு அதாவது, 10,000 ரூபாய்க்கு விண்ணப்பிக்க வேண்டும். இதன் முதிர்வுக்காலம் 3, 5 மற்றும் 7 ஆண்டுகள். அதிகபட்சம் ஆண்டுக்கு 8.52 முதல் 9.10% வரை வட்டி கிடைக்கும். 10,200 கோடி ரூபாய்க்கு இந்த என்.சி.டி-க்கள் வெளியிடப்பட்டுள்ளன.

டாடா கேப்பிட்டல் ஃபைனான்ஷியல் சர்வீஸ் நிறுவனம் பாதுகாப்பான என்.சி.டி வெளியிடுகிறது. ஜனவரி 17-ம் தேதி வரை விண்ணப்பிக்கலாம். இதன் முகமதிப்பு ரூ.1,000. குறைந்தபட்சம் 10 என்.சி.டி-க்களுக்கு அதாவது, 10,000 ரூபாய்க்கு விண்ணப்பிக்க வேண்டும். இதன் முதிர்வுக்காலம் 3, 5, 7 மற்றும் 10 ஆண்டுகள். அதிகபட்சம் ஆண்டுக்கு 8.5% வரை வட்டி கிடைக்கும்.

இந்த என்.சி.டி-க்கள் பி.எஸ்.இ மற்றும் என்.எஸ்.இ-யில் பட்டியலிடப்படும். தற்போது வங்கிகள் டெபாசிட்களுக்கு 5-8% மட்டுமே வட்டி வழங்கி வருவதால், இந்தக் கடன் பத்திரங்கள் வழங்கும் வட்டி கவர்ச்சிகரமானதாக இருக்கிறது.

யூகோ பேங்க்: கடன் திருவிழா!

யூகோ பேங்க், தனது வாடிக்கையாளர்களுக்கு 4,000 கோடி ரூபாயை அடுத்த 45 நாள்களில் கடனாக வழங்க முடிவு செய்திருக்கிறது. 2,700 கோடி ரூபாயை வீட்டுக் கடன், கார் கடன் மற்றும் நகைக் கடனாக வழங்கவும், 1,300 கோடி ரூபாயை குறு, சிறு மற்றும் நடுத்தரத் தொழில் நிறுவனங்களுக்கு (MSME) கடனாக வழங்கவும் யூகோ பேங்க் முடிவுசெய்திருக்கிறது. புதிதாகக் கடன் வாங்க நினைப்பவர்கள் இதை கவனிக்கலாம்.