Published:Updated:

சந்தைக்குப் புதுசு! : டேர்ம் & ஹெல்த் இன்ஷூரன்ஸ் பாலிசி..! - யாருக்கு ஏற்றது..?

ஹெச்.எஸ்.பி.சி கார்ப்பரேட் பாண்டு ஃபண்டில் ரிஸ்க் அளவு குறைவு என்பதால் அனைத்து வயதினரும் இதில் முதலீடு செய்யலாம்.

பிரீமியம் ஸ்டோரி
ண்மையில் சந்தையில் அறிமுகமான புதிய திட்டங்களில் சில...

ஹெச்.எஸ்.பி.சி கார்ப்பரேட் பாண்டு ஃபண்ட்

ஹெச்.எஸ்.பி.சி மியூச்சுவல் ஃபண்ட் நிறுவனம், ‘ஹெச்.எஸ்.பி.சி கார்ப்பரேட் பாண்டு ஃபண்ட்’ (HSBC Corporate Bond Fund) என்ற திட்டத்தை அறிமுகம் செய்துள்ளது.ஓப்பன் எண்டட் வகையைச் சேர்ந்த இதில் குறைந்தபட்சம் 5,000 ரூபாயிலிருந்து முதலீட்டை ஆரம்பிக்கலாம். செப்டம்பர் 28-ம் தேதி வரை விண்ணப்பிக்கலாம்.

சந்தைக்குப் புதுசு! : டேர்ம் & ஹெல்த் இன்ஷூரன்ஸ் பாலிசி..! - யாருக்கு ஏற்றது..?

முதலீட்டாளர்களிடமிருந்து திரட்டப்படும் நிதி, AA+ தரக்குறியீடு மற்றும் அதற்கு மேற்பட்ட தரக் குறியீடு பெற்ற கார்ப்பரேட் சார்ந்த கடன் ஆவணங்களில் முதலீடு செய்யப்படுகிறது. நுழைவு மற்றும் வெளியேறும் கட்டணம் கிடையாது. இந்த ஃபண்டில் ரிஸ்க் அளவு குறைவு என்பதால், அனைத்து வயதினரும் இதில் முதலீடு செய்யலாம்.

என்.எஸ்.டி.எல் பேமென்ட்ஸ் வங்கி வாடிக்கையாளர்களுக்கு பாலிசி

ஐ.சி.ஐ.சி.ஐ புரூடென்ஷியல் லைஃப் இன்ஷூரன்ஸ் நிறுவனம், என்.எஸ்.டி.எல் பேமென்ட்ஸ் வங்கியுடன் இணைந்து, ‘ஐபுரொடெக்ட் ஸ்மார்ட்’ (iProtect Smart) எனும் திட்டத்தையும், ‘ஐ.சி.ஐ.சி.ஐ புரூ. ஏ.எஸ்.ஐ.பி’ (ICICI Pru ASIP) எனும் சேமிப்புத் திட்டத்தையும் அறிமுகப்படுத்துகிறது.

சந்தைக்குப் புதுசு! : டேர்ம் & ஹெல்த் இன்ஷூரன்ஸ் பாலிசி..! - யாருக்கு ஏற்றது..?

என்.எஸ்.டி.எல் பேமென்ட்ஸ் வங்கி வாடிக்கையாளர்களின் குடும்பங்களுக்கு நிதி பாதுகாப்பை அளிக்கவும், அவர்களது நிதி இலக்குகளை அடையவும் இந்தக் காப்பீட்டுத் திட்டங்கள் உதவும் எனத் தெரிவிக்கப்பட்டுள்ளது. இளம் வயதிலேயே இந்தத் திட்டங்களில் முதலீடு செய்தால், கூடுதல் பலன்களைப் பெற முடியும். இந்தக் காப்பீட்டுத் திட்டங்களை இணையதளம் மூலமாகவும் எடுக்கலாம்.

பஜாஜ் அலையன்ஸ் ஸ்மார்ட் புரொடெக்ட் கோல் டேர்ம் லைஃப் இன்ஷூரன்ஸ்

பாலிசிபஜார்.காம் நிறுவனம், பஜாஜ் அலையன்ஸ் மற்றும் ரெலிகேர் ஹெல்த் இன்ஷூரன்ஸ் நிறுவனத்துடன் இணைந்து பஜாஜ் அலையன்ஸ் ஸ்மார்ட் புரொடெக்ட் கோல் டேர்ம் லைஃப் இன்ஷூரன்ஸ் (Bajaj Allianz’s Smart Protect Goal term life insurance) திட்டத்தை அறிமுகப்படுத்தியுள்ளது.

இந்த பாலிசியானது டேர்ம் மற்றும் ஹெல்த் ஆகிய இரண்டு பாலிசி திட்டங்களையும் ஒரே பாலிசியில் கொண்டிருப்பது போல வடிவமைக்கப்பட்டுள்ளது. இந்த பாலிசியின் மூலம், 30 வயதுள்ள ஒருவர், டேர்ம் மற்றும் ஹெல்த் இன்ஷூரன்ஸ் கலந்த பாலிசியை ரூ.1 கோடிக்கு எடுத்துக்கொள்ளலாம். தனது 70 வயது வரை இந்தப் பாலிசியானது அவருக்கு பாதுகாப்பு தரும். இதற்கான மாதாந்தர பிரீமியம் தொகை 2,177 ரூபாய். இதே 35 வயதுள்ள ஒருவர் இந்த பாலிசியை எடுத்துக்கொள்கிறார் எனில், அவருக்கான பிரீமியம் தொகை 2,464 ரூபா யாகவும், 40 வயதுள்ளவர் எடுத்துக்கொள்ளும்போது அவருக்கான பிரீமியம் தொகை 3,082 ரூபாயாகவும் நிர்ணயிக்கப்பட்டுள்ளது.

ஐ.சி.ஐ.சி.ஐ லொம்பார்டு - யெஸ் பேங்க் கூட்டு

ஐ.சி.ஐ.சி.ஐ லொம்பார்டு இன்ஷூரன்ஸ் நிறுவனம், யெஸ் பேங்க் நிறுவனத்துடன் இணைந்து, யெஸ் பேங்க் வாடிக்கையாளர் களுக்கான பிரத்யேக காப்பீட்டுத் திட்டங்களை அறிமுகப்படுத்தத் திட்டமிட்டுள்ளது. இதன் மூலம் இரு நிறுவனங்களின் வாடிக்கையாளர் களும் பயனடைவார்கள் என எதிர்பார்க்கப் படுகிறது.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு