Published:Updated:

ஃபண்ட் முதலீடு பாதிப்பு! - கொரோனாகால யோசனைகள்

ஃபண்ட் முதலீடு
பிரீமியம் ஸ்டோரி
News
ஃபண்ட் முதலீடு

சந்தையில் இழப்புகள் ஏற்படும் சமயங்களில், உங்கள் எதிர்கால இலக்கின்மீது மட்டும் கவனம் வையுங்கள்.

லக அளவில் `கோவிட் 19’ என்று அழைக்கப்படும் கொரோனா வைரஸ், மக்களிடையே மரண பீதியை ஏற்படுத்தியிருக்கிறது.

அதன் விளைவால் பங்குச் சந்தையில் ஏற்பட்டிருக்கும் இமாலய இறக்கம், பங்குச் சந்தையில் முதலீடு செய்திருக்கும் முதலீட்டாளர்களிடமும், பங்கு சார்ந்த மியூச்சுவல் ஃபண்டுகளில் முதலீடு செய்திருப்பவர்களிடமும் `நாம் செய்திருக்கும் முதலீடு என்னவாகும்...’ என்ற பீதியை ஏற்படுத்தியிருக்கிறது.

ஃபண்ட் முதலீடு பாதிப்பு! - கொரோனாகால யோசனைகள்

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

இது போன்ற வளர்ச்சிக்குப் பொருந்தாத சூழ்நிலையில், மியூச்சுவல் ஃபண்ட் திட்டங்களில் முதலீடு செய்திருக்கும் புது முதலீட்டாளர்களும், நீண்டகால இலக்குகளுக்காக முதலீடு செய்திருக்கும் சிறு முதலீட்டாளர்களும் குழப்பத்தில் தவிக்கிறார்கள். திரிசங்கு நிலையிலிருக்கும் இந்தச் சூழ்நிலையில் என்ன செய்ய வேண்டும், முதலீட்டைத் தொடரலாமா அல்லது இப்போதைய நிலையிலேயே வெளியேறி விடலாமா போன்ற கேள்விகள்தான் அவர்களின் மனதில் எழுகின்றன. இப்போதைய குழப்பத்திலிருந்து ஃபண்ட் முதலீட்டாளர் மீண்டுவர என்ன செய்ய வேண்டும்..?

ஃபண்ட் முதலீடு
ஃபண்ட் முதலீடு

பயத்தைத் தணியுங்கள்!

சந்தை இறங்கியிருக்கிறது, அதனால் உங்களுடைய முதலீடும் பாதிக்கப்பட்டிருப்பது உண்மைதான் . ஆனால், உங்களுடைய முதலீடு நஷ்டமடைந்திருக்கிறது என்று நீங்கள் நினைத்தால் அது தவறான பார்வை. உங்கள் முதலீட்டின் மதிப்பு, சற்று அதிகரித்திருக்கலாம் அல்லது குறைந்திருக்கலாம். இப்போதைய நிலையில், உங்கள் முதலீட்டிலிருந்து நீங்கள் வெளியேறினால்தான் நஷ்டம். நீங்கள் விற்றுவிட்டு வெளியேறாத வரை உங்கள் முதலீட்டின் மதிப்பு குறைந்திருப்பதாகவே கருதப்படும். அதனால், முதலில் உங்கள் மனதிலுள்ள முதலீடு குறித்த பயத்தைத் தணியுங்கள். இப்போது கிடைத்திருக்கும் தனிமையில், நீங்கள் முதலீடு செய்திருக்கும் அனைத்துத் திட்டங்களையும் ஆராயுங்கள். அவை சரியான திட்டங்கள்தானா என்பதை உங்களின் நிதி ஆலோசகரிடம் கலந்து ஆலோசியுங்கள். `இன்றைய உங்கள் முதலீட்டின் மதிப்பு குறைவு’ எனும் எதிர்மறைச் சூழலை, `நாளைய அதீத லாபம்’ எனும் நேர்மறைச் சூழலாக மாற்ற முடியும் என்று நம்புங்கள்.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

முதலீட்டை அதிகரியுங்கள்!

மியூச்சுவல் ஃபண்டுகளில் இரு வகைகளில் முதலீடு செய்யலாம். ஒன்று, மொத்த முதலீடு; இன்னொன்று, `எஸ்.ஐ.பி’ எனப்படும் மாதத் தொடர் முதலீடு. இப்போதைய சூழ்நிலையில், சந்தை தன் இயல்புநிலையை அடைவதற்கு எப்படியும் 20 முதல் 30 மாதங்கள் தேவைப்படலாம். இப்போது இழப்பைச் சந்தித்திருக்கும் உங்கள் முதலீடு வளரும் என்று அந்தக் காலகட்டம் வரும்வரை காத்திருப்பது சரியான அணுகுமுறை அல்ல. அதற்கு பதிலாக நீங்கள் மொத்தமாக முதலீடு செய்திருக்கும் முதலீட்டாளர்கள் எனில், ஏற்கெனவே முதலீடு செய்திருக்கும் திட்டங்களில் கூடுதலாக முதலீடு செய்ய ஆரம்பிக்கலாம். இப்படிச் செய்வதன் மூலம், உங்களிடமுள்ள திட்டத்தின் யூனிட்களின் எண்ணிக்கையை அதிகப்படுத்த முடியும். பின்னாளில் சந்தையின் மதிப்பு உயரும்போது, உங்கள் முதலீட்டின் மதிப்பும் பன்மடங்கு உயர இந்த நடவடிக்கை உதவும். ஆனால், இப்போதே எல்லாப் பணத்தையும் ஒரே தவணையில் முதலீடு செய்வதும் ஏற்புடையதல்ல. சந்தையின் போக்கை அனுசரித்து, குறிப்பிட்ட மாத இடைவெளிவிட்டு முதலீடு செய்வதே சரி. உங்கள் கையிலுள்ள தொகையின் அளவுக்கேற்ப முதலீடு செய்யலாம்.

ஃபண்ட் முதலீடு
ஃபண்ட் முதலீடு

எஸ்.ஐ.பி முறையில் முதலீட்டைத் தொடரும் முதலீட்டாளர்கள் எனில், ‘ஸ்டெப்அப் எஸ்.ஐ.பி’ அல்லது ‘டாப்அப் எஸ்.ஐ.பி’-யின் மூலம் உங்கள் எஸ்.ஐ.பி திட்டங்களின் மாத முதலீட்டுத் தொகையை, குறிப்பிட்ட காலம் வரை அதிகப்படுத்தலாம். பங்குச் சந்தையின் இறக்கமான காலகட்டங்களில் இப்படிச் செய்வதன் மூலம் அதிகமான யூனிட்டுகளைப் பெற முடியும். இந்த முறையைச் செயல்படுத்த, எந்தவொரு கூடுதல் ஆவணமும் முதலீட்டாளர் தரத் தேவையில்லை. வீட்டில் இருந்தபடியே நீங்கள் முதலீடு செய்திருக்கும் மியூச்சுவல் ஃபண்ட் நிறுவனத்தின் ஆப் மூலம் ஆன்லைனிலேயே இதைச் செய்ய முடியும்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

முதலீட்டுக் கலவையை உறுதிப்படுத்துங்கள்!

ஒரு முதலீட்டாளர் ஐந்து மியூச்சுவல் ஃபண்ட் திட்டங்களில் முதலீடு செய்திருந்தால், அந்த ஐந்து திட்டங்களும் வெவ்வேறு மியூச்சுவல் ஃபண்ட் நிறுவனங்களின் ஸ்மால் கேப் / மிட்கேப் / லார்ஜ்கேப் வகையைச் சார்ந்த திட்டங்களாகவோ, ஈக்விட்டி திட்டங்களில் மட்டும் முதலீட்டைக் கொண்டிருந்தாலோ அவை சரியான முதலீட்டுக் கலவைகொண்ட திட்டங்கள் அல்ல. ஒரே மாதிரியான திட்டங்களில் மட்டும் முதலீடு என்பது சந்தை உயரும்போது முதலீட்டின் லாபத்தை அதிகரிக்க உதவலாமே தவிர, சந்தையின் எதிர்பாராத இறக்கத்தில் கண்டிப்பாக முதலீட்டைச் சமநிலைப்படுத்த உதவுவதில்லை.

ஃபண்ட் முதலீடு
ஃபண்ட் முதலீடு

இதனால் முதலீட்டாளர்கள் முதலீட்டின் மொத்த மதிப்பை அதிகமாக இழக்க நேரிடும். அதனால் நீங்கள் உங்களுக்கான சரியான முதலீட்டுக் கலவையைத் தேர்வு செய்யுங்கள். லார்ஜ் கேப், மல்டிகேப், போன்ற ஈக்விட்டி திட்டங்கள் அக்ரஸிவ், கன்சர்வேட்டிவ் திட்டங்கள் கொண்ட ஹைபிரிட் ஃபண்டுகள், லிக்விட் ஃபண்ட், கில்ட் பண்ட் போன்றவை அடங்கிய கடன் சார்ந்த மியூச்சுவல் ஃபண்டுகள் ஆகிய திட்டங்களில் சிறந்தவற்றைக் கலவையாகத் தேர்வு செய்யுங்கள். இந்த முதலீட்டுக் கலவை எனும் அரண், பங்குச் சந்தையின் தொடர் சரிவு காலங்களில், இழப்புகள் அதிகம் ஏற்படும் சமயங்களில் உங்கள் முதலீட்டின் மதிப்பை சமன்படுத்த கண்டிப்பாக உதவும்.

இலக்கில் மட்டும் கவனம் செலுத்துங்கள்!

கொரோனா வைரஸ் மட்டுமல்ல, அதற்கு முன்பாகவே 2003-ம் ஆண்டில் சார்ஸ் வைரஸ், 2013-2014-ல் எபோலா வைரஸ், 2015-2016-ல் ஜிகா வைரஸ் போன்ற பல வைரஸ்களைக் கண்டு, வென்று வந்திருக்கிறது இந்தியப் பங்குச் சந்தை. இது போன்ற அச்சுறுத்தல் வரும் சமயங்களில், பங்குச் சந்தை தற்காலிகமாக இறக்கத்தைச் சந்திக்க வேண்டியிருக்கும். அந்த நேரத்தில் சந்தையிலிருந்து வெளியேறி, நிலைமை சீரானதும் உள்ளே வரலாம் என்று நினைக்கிறார்கள். அந்த எண்ணம் முற்றிலும் தவறானது.

பங்குகளில் டிரேடிங் செய்வது வேறு. பங்கு சார்ந்த மியூச்சுவல் ஃபண்ட் திட்டங்களின் முதலீடு செய்வது வேறு என்பதைப் புரிந்துகொள்ளுங்கள்.

இது போன்ற நேரங்களில், நீண்டகால இலக்கின் மீது மட்டும் கவனத்தைத் தொடர வேண்டும். அடிக்கடி உள்நுழைவதும், செய்தி களின் அடிப்படையில் வெளியேறுவதும் நீண்டகால முதலீட்டாளர் களுக்கான வழியல்ல.

சந்தையில் இழப்புகள் ஏற்படும் சமயங்களில், உங்கள் எதிர்கால இலக்கின்மீது மட்டும் கவனம் வையுங்கள்.

உங்களிடம் உபரிப் பணமிருந்தால், அதைச் சரியான திட்டங்களில் முதலீடு செய்ய முன்வாருங்கள். இது போன்ற செயல்பாடுகள் மூலம் உங்களின் இலக்கை எதிர்பார்க்கும் சில ஆண்டுகளுக்கு முன்னதாகவே அடையவும் முடியும். சந்தையில் அதிக வீழ்ச்சியை எதிர்பார்க்கும் செய்திகள் இருக்கலாம். இருப்பினும், மியூச்சுவல் ஃபண்ட் முதலீட்டாளர்கள் தொடர்ந்து முதலீடு செய்வதை நிறுத்தக் கூடாது.