Published:Updated:

ஷேர்லக்: திடீர் இறக்க சந்தையில் லாபம் பார்க்க... நீண்டகால முதலீட்டுக்கு ஏற்ற பங்குகள்..!

ஷேர்லக்
பிரீமியம் ஸ்டோரி
News
ஷேர்லக்

S H A R E L U C K

காலையிலேயே ஷேர்லக் கேட்டுக் கொண்டபடி கேள்விகளை அனுப்பி விட்டுக் காத்திருந்தோம். சரியாக மாலை 4 மணிக்கு நம் மெயிலுக்கு பதில்களை அனுப்பி வைத்தார் ஷேர்லக்.

வரலாற்றுச் சாதனையான 50000 புள்ளிகளை சென்செக்ஸ் தொட்டுவிட்டு, அதில் நிலைத்து நிற்க முடியாமல் இறங்கி இருக்கிறதே!

“சென்செக்ஸ் 50000 புள்ளிகளைத் தொட்டவுடன் இறங்கும் என்று எல்லோரும் எதிர்பார்த்ததுதான். சென்செக்ஸ் 50000 உச்சபட்ச புள்ளிகளைத் தொட்டபின், சுமார் 4000 புள்ளிகள் இறக்கம் கண்டிருக்கிறது.

இதற்கு முதல் முக்கியக் காரணம் பிராஃபிட் புக்கிங்தான். கடந்த ஏப்ரல் மாதத்தில் முதலீடு செய்தவர்களும் ஒன்றிரண்டு ஆண்டுகளுக்கு முன்பு முதலீடு செய்தவர்களும் நல்ல லாபத்தில் இருந்தார்கள். கண்ணில் தெரியும் இந்த லாபத்தை எடுத்து ருசி பார்த்துவிடலாம் என்கிற எண்ணம் எல்லா முதலீட்டாளர்களிடமும் இருந்ததால் பங்கை விற்கத் தொடங்கினார்கள். இதனால் சந்தை தொடர்ந்து ஐந்து நாள்களாக இறங்கிக்கொண்டிருக்கிறது.

தவிர, அமெரிக்கா, ஜப்பான், தென் கொரியா, சீனா உள்ளிட்ட சர்வதேச பங்குச் சந்தைகளில் அண்மை நாள்களில் அதிக ஏற்ற இறக்கம் காணப்படுகிறது. இது இந்தியப் பங்குச் சந்தையிலும் எதிரொலிக்கத் தொடங்கியிருக்கிறது.

ஆனால், இன்றைக்கு (வியாழக் கிழமை) சந்தை இறங்கியதற்கு முக்கிய மான காரணம், அமெரிக்காவில் கேம்ஸ்டாப் என்ற பங்கு நிறுவனத்தில் நடந்த குளறுபடிதான். இதனால் சிறு முதலீட்டாளர்கள் பல ஆயிரம் கோடிகளை இழந்திருக்கிறார்கள். இதனால்தான் நம் பங்குச் சந்தை இன்று இறக்கம் கண்டது. இந்த இறக்கம் நாளையும் தொடர்ந்தாலும் ஆச்சர்யப்படுவதற்கில்லை என்கிறார்கள் நிபுணர்கள். காரணம், நம் நாட்டில் உள்ள பிரச்னையால் இந்த இறக்கம் ஏற்பட்டுவிடவில்லை. எனவே, இந்த இறக்கத்தைப் பயன்படுத்தி, நல்ல பங்குகளை நீண்ட கால நோக்கில் வாங்கலாம்.’’

ஷேர்லக்
ஷேர்லக்

அரபிந்தோ பார்மா பங்கு விலை அதிகரிக்க என்ன காரணம்?

“மருந்துப் பொருள்களின் உள்நாட்டு உற்பத்தியை ஊக்குவிக்கும், மானியத் திட்டத்தின் கீழ் அரபிந்தோ பார்மா நிறுவனத்தின் பெனிசிலின் ஜி மருத்தைத் தயாரிப்பதற்கு அனுமதி கிடைத்திருக்கிறது. இதன் காரணமாக கடந்த வாரம் திங்கள்கிழமை அன்று இந்த நிறுவனத்தின் பங்கு விலை 8% வரை அதிகரித்து வர்த்தகமானது. இந்த புராஜெக்ட் மூலம் மொத்தம் 15,000 டன் பெனிசிலின் ஜி மருந்து தயாரிக்கப்பட இருக்கிறது. இதற்கான மொத்த முதலீடு 1,392 கோடி ரூபாய்.”

ஹோம் ஃபர்ஸ்ட் ஐ.பி.ஓ வெளியீடு எப்படி முடிந்தது?

“நடப்பு 2021-ம் ஆண்டின் மூன்றாவது பதிய பங்கு வெளியீடான (ஐ.பி.ஓ) ஹோம் ஃபர்ஸ்ட் ஃபைனான்ஸ் கம்பெனி 1,154 கோடி ரூபாய் நிதி திரட்டும் நோக்கில் பங்குகளை வெளியிட்டது. புதிய பங்கு வெளியீட்டின் மூலம் 265 கோடி ரூபாயும், 88.72 கோடி ரூபாயை ஆஃபர் ஃபார் சேல் முறையில் விற்பனை செய்வது மூலமும் திரட்ட இந்த நிறுவனம் திட்டமிட்டிருந்தது.

பங்கு ஒன்றின் விலைப்பட்டை 517-518 ரூபாயாக நிர்ணயம் செய்யப்பட்டு இருந்தது. ஜனவரி 21-ம் தேதி முதல் 25-ம் தேதி வரை நடந்த இந்தப் பங்கு வெளியீட்டுக்கு முதலீட்டாளர்கள் மத்தியில் நல்ல வரவேற்பு கிடைத்திருக்கிறது. கடைசி தினத்தில் 27 மடங்கு அதிக பங்கு களைக் கேட்டு முதலீடாளர்கள் விண்ணப்பித்துள்ளனர்.

வெளியிடப்படும் பங்குகளின் எண்ணிக்கை 1.55 கோடி. ஆனால் 41.43 கோடி பங்குகளுக்கு விண்ணப்பிக்கப் பட்டிருக்கிறது. ரீடெயில் முதலீட்டாளர் கள் 6.43 மடங்கும், தகுதிவாய்ந்த முதலீட் டாளர்கள் 52.63 மடங்கும், நிறுவனம் இல்லாத முதலீட்டாளர்கள் 38.82 மடங்கும் விண்ணப்பம் செய்திருக்கிறார்கள்.”

ஆதார் ஹவுஸிங் ஃபைனான்ஸ் நிறுவனம் ஐ.பி.ஓ வெளியிடுகிறதாமே?

“ஆதார் ஹவுஸிங் ஃபைனான்ஸ் நிறுவனம் ஐ.பி.ஓ வெளியிடுவதற்காக அனுமதி கேட்டு பங்குச் சந்தைக் கட்டுப்பாட்டு அமைப்பான செபியிடம் விண்ணப்பித்துள்ளது. இந்த ஐ.பி.ஓ வெளியீட்டின் மூலம் 7,300 கோடி ரூபாய் நிதி திரட்ட இந்த நிறுவனம் திட்டமிட்டிருக்கிறது. புதிய பங்குகளை வெளியிடுவதன் மூலம் 1,500 கோடி ரூபாயும், ஆஃபர் ஃபார் சேல் விற்பனை மூலம் 5,800 கோடி ரூபாயும் திரட்ட வேண்டும் என்பது திட்டம். மார்ச் 31, 2020-ம் தேதி நிலவரப்படி இந்நிறுவனம் நிர்வகித்துவரும் சொத்து மதிப்பு 11,431.66 கோடி ரூபாயாக அதிகரித்துள்ளது. இது இதற்கு முந்தைய 2018-19-ம் நிதி ஆண்டின் இதே காலகட்டத்தில் 10,015.75 கோடி ரூபாயாக இருந்தது. அதற்கு முந்தைய 2017-18-ம் நிதி ஆண்டில் 7,965.92 கோடி ரூபாயாக இருந்தது.”

ஹிந்துஸ்தான் யூனிலீவர் பங்கு விலை அதிகரிக்க என்ன காரணம்?

“ஹிந்துஸ்தான் யூனிலீவர் நிறுவனம் டிசம்பர் காலாண்டு முடிவுகளை வெளியிட்டிருக்கிறது. இதன் லாபம் 19% அதிகரித்து, 1,921 கோடி ரூபாயாக இருகிறது. இது கடந்த ஆண்டின் இதே காலாண்டில் 1,616 கோடி ரூபாயாக இருந்தது. இதன் வருமானம் 21% அதிகரித்து 11,872 கோடி ரூபாயாக அதிகரித்திருக்கிறது. இது கடந்த ஆண்டின் இதே காலகட்டத்தில் 9,808 கோடி ரூபாயாக இருந்தது. டிசம்பர் காலாண்டில் இந்நிறுவனத்தின் பங்கு விலை 15.8% அதிகரித்தது. முந்தைய 2020–ம் ஆண்டில் பங்கு விலை 24% உயர்ந்திருக்கிறது.”

இந்தியா சிமென்ட்ஸ் காலாண்டு முடிவுகள் எப்படி வந்திருக்கிறது?

“இந்தியா சிமென்ட்ஸ் நிறுவனத்தின் டிசம்பர் காலாண்டு முடிவுகள் வெளியாகியிருக்கிறது. கடந்த ஆண்டின் இதே கால கட்டத்தில் 5.4 கோடி ரூபாய் நிகர இழப்பில் இருந்தது. இப்போது 62 கோடி ரூபாய் நிகர லாபம் ஈட்டி உள்ளது. இந்த நிறுவனத்தின் வருமானம் 2.6% குறைந்து 1,160 கோடி ரூபாயாகக் குறைந்துள்ளது. இது கடந்த ஆண்டின் இதே காலகட்டத்தில் 1,191.10 கோடி ரூபாயாக இருந்தது.”

சென்னை பெட்ரோலியம் கார்ப்ப ரேஷன் நிறுவனத்தின் பங்கு விலை வீழ்ச்சிக்கு என்ன காரணம்?

“மோசமான காலாண்டு முடிவுகள் வெளியிட்டத்தை அடுத்து சென்னை பெட்ரோலியம் கார்பரேஷன் நிறுவனத்தின் பங்கு விலை ஒரே நாளில் 16% வரை வீழ்ச்சியைச் சந்தித்திருக்கிறது. டிசம்பர் காலாண்டில் நிறுவனத்தின் இழப்பு 556.44 கோடியாக இருக்கிறது. இது கடந்த ஆண்டின் இதே கால கட்டத்தில் 290.58 கோடி ரூபாய் லாபத்தில் இருந்தது. செயல்பாட்டு வருமானமும் 11,458.32 கோடி ரூபாயாகக் குறைந்துள்ளது. இது கடந்த ஆண்டின் இதே காலகட்டத்தில் 11,965.01 கோடி ரூபாயாக இருந்தது. இதன் காரணமாக, ஜனவரி 27-ம் தேதி வர்த்தகத்தில் 19.20 ரூபாய் குறைந்து, 100.25 ரூபாயாக வர்த்தகமானது. கடந்த 2020-ம் ஆண்டில் முதல் அரையாண்டில், கொரோனா காரணமாகப் பிறப்பிக்கப்பட்ட ஊரடங்கு காரணமாக பெட்ரோல் மற்றும் டீசல் தேவை பெருமளவு குறைந்து காணப்பட்டது. அக்டோபர் முதல் டிசம்பர் வரையிலான காலகட்டத்தில்தான் அதற்கான தேவை கொஞ்சம் கொஞ்சமாக அதிகரிக்க ஆரம்பித்திருக்கிறது.”

நடப்பு 2021-ம் ஆண்டிலும் ஐ.பி.ஓ வெளியீடு அதிகம் இருக்குமா?

“2020-ம் ஆண்டின் அக்டோபர் முதல் டிசம்பர் காலகட்டத்தில் 19 ஐ.பி.ஓ-க்கள் வெளியிடப்பட்டு உள்ளன. இதன் மூலம் பங்குச் சந்தை முதலீட்டாளர்களிடம் இருந்து 1.8 பில்லியன் டாலர் நிதி திரட்டப்பட்டிருக்கிறது. கடந்த ஆண்டின் இதே காலகட்டத்தில் 11 ஐ.பி.ஓ மட்டுமே வெளியிடப் பட்டிருந்தது. 2020-ல் உலக அளவில் வெளியான ஐ.பி.ஓ எண்ணிக்கை அடிப்படையில் இந்தியா ஒன்பதாவது இடத்தைப் பிடித்திருக்கிறது. புதிய பங்கு வெளியீட்டுக்கு முதலீட்டாளர் கள் மத்தியில் நல்ல வரவேற்பு இருப்பதால், நடப்பு 2021-ம் ஆண்டிலும் அதிக ஐ.பி.ஓ-க்கள் வெளியாகும் என எதிர்பார்க்கப் படுகிறது.”

கிளென்மார்க் பார்மா பங்கு விலை ஏன் அதிகரித்தது?

“கிளென்மார்க் பார்மா நிறுவனம், ஆம்பெட்டமைன் சல்ஃபேட் (Amphetamine Sulfate) மாத்திரைகள் தயாரிப்பதற்கான இறுதி அனுமதியை அமெரிக்கா வின் உணவு மற்றும் மருந்து நிர்வாகத்திடமிருந்து (யு.எஸ்.எஃப்.டி.ஏ) இறுதி ஒப்புதல் பெற்றிருக்கிறது. இதன் காரணமாக, கடந்த ஜனவரி 28-ம் தேதி இந்நிறுவனத்தின் பங்குகள் விலை அதிகரித்து வர்த்தகமானது.”

கனரா வங்கியின் பங்கு விலை திடீரென குறைந்துள்ளதே!

“கடந்த ஜனவரி 28-ம் தேதி கனரா பேங்க் தனது மூன்றாம் காலாண்டு முடிவுகளை வெளியிட்டது. டிசம்பர் காலாண்டில் இதன் நிகர லாபம் 9% குறைந்து 696 கோடி ரூபாயாக உள்ளது. இதன் காரணமாக கனரா வங்கியின் பங்கு விலை 2.95% வரை குறைந்து வர்த்தகமானது.”

நிப்பான் லைஃப் இந்தியா ஏ.எம்.சி காலாண்டு முடிவுகள் எப்படி வந்திருக்கின்றன?

“நிப்பான் லைஃப் இந்தியா ஏ.எம்.சி நிறுவனத்தின் நிகர லாபம் டிசம்பர் காலாண்டில் 42% அதிகரித்து, 212 கோடி ரூபாயாக இருக்கிறது. பங்கு ஒன்றுக்கு ரூ.3 டிவிடெண்ட் வழங்கப்படுகிறது. இதற்கான ரெக்கார்ட் தேதி பிப்ரவரி 8 ஆகும். நிறுவனத்தின் செயல்பாட்டு வருமானம் 303 கோடி ரூபாயிலிருந்து 268 கோடி ரூபாயாகக் குறைந்துள்ளது. இதர வருமானம் 57 கோடி ரூபாயி லிருந்து 130 கோடி ரூபாயாக அதிகரித்துள்ளது.”

ஸ்டவ் கிராஃப்ட் நிறுவனத்தின் ஐ.பி.ஓ வெளியீடு பற்றி...

“ஸ்டவ் கிராஃப்ட் (Stove Kraft) நிறுவனம் பங்கு முதலீட்டாளர்களிடம் இருந்து ரூ.413 கோடி நிதி திரட்டும் நோக்கில் புதிய பங்கு வெளியீட்டில் களமிறங்கியது. 58.94 லட்சம் பங்குகள் வெளியிடப்படும் நிலையில் 3.05 கோடி பங்குகள் வேண்டி முதலீட் டாளர்கள் விண்ணப்பித்துள்ளனர். தகுதிவாய்ந்த நிறுவன முதலீட் டாளர்கள் 1.54 மடங்கும், நிறுவன மல்லாத முதலீட்டாளர்கள் 2.78 மடங்கும், சிறு முதலீட்டாளர்கள் 19.7 மடங்கும் விண்ணப்பித்திருக் கிறார்கள். மொத்தத்தில் 5.2 மடங்கு அதிக விண்ணப்பங்கள் வந்துள்ளன.’’

அப்போலோ ஹாஸ்பிடல்ஸ் நிதி திரட்டுகிறதே?!

“அப்போலோ ஹாஸ்பிடல்ஸ் தகுதிவாய்ந்த நிறுவன முதலீட்டாளர் களுக்குப் பங்குகளை ஒதுக்குவது மூலம் 1,169.99 கோடி ரூபாய் நிதியைத் திரட்டுகிறது. இதற்கு அந்நிறுவனத்தின் இயக்குநர் குழு, ஒப்புதல் அளித்திருக் கிறது. 5 ரூபாய் முகமதிப்பு கொண்ட பங்கு 2,511 ரூபாய்க்கு ஒதுக்கப்படுகிறது. இந்தத் தகவலை அடுத்து பங்கின் விலை ஏற்றத்தில் உள்ளது.”

இந்த இறக்கச் சந்தையில் நீண்டகால முதலீட்டுக்கு ஏதாவது பங்குகளைச் சொல்ல முடியுமா?

“ஷேர்கான் பங்குச் சந்தை தரகு நிறுவனம் நீண்டகால முதலீட்டுக்கு ஏற்ற 10 பங்குகளைப் பரிந்துரை செய்திருக்கிறது. அந்த விவரத்தை நான் உங்களுக்குச் சொல்கிறேன். செஞ்சுரி பிளேபோர்ட்ஸ், டைட்டான், அர்விந்த், எஸ்.ஆர்.எஃப், வினாதி ஆர்கானிக்ஸ், ரெப்கோ ஹோம் ஃபைனான்ஸ், ஹெச்.சி.எல் டெக்னாலஜிஸ், மாஸ்டெக், டாடா கன்ஸ்யூமர் புராடெக்ட்ஸ் ஆகிய பங்குகளை முதலீட்டுக் கவனிக்கலாம் என ஷேர்கான் சொல்லியிருக்கிறது. இந்தப் பங்குகளின் விலை ஓராண்டு காலத்தில் 10% முதல் 35% அதிகரிக்கக் கூடும் எனச் சொல்லியிருக்கிறது” என்று முடித்திருந்தார்.

“பிப்ரவரி 1-ம் தேதி 2021-22-ம் ஆண்டுக்கான பட்ஜெட் தாக்கல் செய்யப்பட்ட பின் பங்குச் சந்தை நிபுணர்கள், தொழில்துறை வல்லுநர் கள் பட்ஜெட் பற்றித் தங்கள் கருத்து களைப் பகிர்ந்துகொள்ள இருக் கின்றனர். நாணயம் விகடன் ஃபேஸ் புக்கில் இது வெளியாகவிருக்கிறது’’ என்ற தகவலை அவருக்கு வாட்ஸ் அப்பில் அனுப்ப, ‘‘சூப்பர், நானும் பார்க்கிறேன்’’ எனப் பதில்போட்டார்.

கு.ஞானசம்பந்தன்
கு.ஞானசம்பந்தன்

பட்ஜெட்டும் நீங்களும்..!

நாணயம் விகடன் மற்றும் ஆதித்ய பிர்லா சன் லைஃப் மியூச்சுவல் ஃபண்ட் இணைந்து நடத்தும் ‘பட்ஜெட்டும் நீங்களும்’ என்ற நிகழ்ச்சி, பிப்ரவரி 7, காலை 10 - 12 மணிக்கு ஆன்லைனில் நடைபெறவுள்ளது. இந்த நிகழ்வில் பேராசிரியர் கு.ஞானசம்பந்தன், முதலீட்டு ஆலோசகர் வ.நாகப்பன் ஆகியோர் சிறப்புரையாற்றுகிறார்கள். மேலும் ஆதித்ய பிர்லா சன் லைஃப் மியூச்சுவல் ஃபண்ட் நிறுவனத்தின் மூத்த துணை தலைவர் கே.எஸ்.ராவ், முதலீட்டாளர் கல்வி உதவி துணை தலைவர் எஸ்.குருராஜ், தமிழ்நாடு பிரிவுத் தலைவர் சுவாமிநாதன் கருணாநிதி ஆகியோர் பேசுகிறார்கள்.

அனுமதி இலவசம்! பதிவு செய்ய: https://bit.ly/2IX53S2

எம்.வெங்கடேஸ்வரன்
எம்.வெங்கடேஸ்வரன்

மியூச்சுவல் ஃபண்ட் முதலீடு: லாபகரமாகப் பயன்படுத்தும் உத்திகள்..!‘

நாணயம் விகடன் நடத்தும் மியூச்சுவல் ஃபண்ட் முதலீடு: லாபகரமாகப் பயன்படுத்தும் உத்திகள்..!’ என்கிற நிகழ்ச்சி ஆன்லைனில் நடைபெறுகிறது. மியூச்சுவல் ஃபண்ட் முதலீட்டில் பல்வேறு வகைகள், திட்டங்கள், ஃபண்டுகள் உள்ளன. அவற்றை சரியாகத் தேர்ந்தெடுப்பது எப்படி, மியூச்சுவல் ஃபண்ட் முதலீட்டை லாபகரமாகச் செய்வது எப்படி என்பன குறித்த விரிவான விளக்கம்தான் இந்த நிகழ்ச்சி, 2021. பிப்ரவரி 20-ம் தேதி காலை 10.30 மணி முதல் மதியம் 1 மணி வரைக்கும் நடக்கும் இந்த ஆன்லைன் நிகழ்வில் பங்கேற்க கட்டணம் ரூ.600. நிதி ஆலோசனையில் 20 ஆண்டுகளுக்கு மேல் அனுபவம் கொண்ட நிதி ஆலோசகர் எம்.வெங்கடேஸ்வரன் இந்த நிகழ்ச்சியை நடத்துகிறார். இவர் Acuwealth.com–ன் நிறுவனர். இந்த நிகழ்ச்சிக்குப் பதிவு செய்ய: https://bit.ly/2KZ8F7w

பிட்ஸ்

ல்வேறு சிக்கலில் இருக்கும் அரசு மின் பகிர்மான நிறுவனத்தை சீரமைப்பு செய்ய ரூ.3 லட்சம் கோடி மதிப்பில் திட்டங்களை அறிவிக்க மத்திய அரசாங்கம் திட்டமிட்டு வருகிறது!