Published:Updated:

பங்கு சார்ந்த ஃபண்டில் முதலீடு..! - கைகொடுக்கும் எஸ்.ஐ.பி!

‘ஃப்ராங்க்ளின் டெம்பிள்டன் இந்தியா ஏ.எம்.சி’ ரோஸி ஜெயின்
பிரீமியம் ஸ்டோரி
‘ஃப்ராங்க்ளின் டெம்பிள்டன் இந்தியா ஏ.எம்.சி’ ரோஸி ஜெயின்

சிறப்புப் பேட்டி

பங்கு சார்ந்த ஃபண்டில் முதலீடு..! - கைகொடுக்கும் எஸ்.ஐ.பி!

சிறப்புப் பேட்டி

Published:Updated:
‘ஃப்ராங்க்ளின் டெம்பிள்டன் இந்தியா ஏ.எம்.சி’ ரோஸி ஜெயின்
பிரீமியம் ஸ்டோரி
‘ஃப்ராங்க்ளின் டெம்பிள்டன் இந்தியா ஏ.எம்.சி’ ரோஸி ஜெயின்

ச்சத்தில் இருந்த பங்குச் சந்தை தற்போது கொஞ்சம் இறக்கம்கண்டிருக்கிறது. இந்த நிலையில் மியூச்சுவல் ஃபண்ட் முதலீட்டாளர்கள் பலரும் இப்போது முதலீடு செய்யலாமா, இன்னும் கொஞ்சம் காத்திருந்து முதலீடு செய்யலாமா என்ற யோசனையில் இருக்கிறார்கள். ஃபண்ட் முதலீட்டைப் பொறுத்தவரை, சிறு முதலீட்டாளர்களின் மனதிலிருக்கும் கேள்விகளை ஃப்ராங்க்ளின் டெம்பிள்டன் இந்தியா ஏ.எம்.சி நிறுவனத்தின் துணைத் தலைவர் மற்றும் போர்ட்ஃபோலியோ மேனேஜர் (ஈக்விட்டி) ரோஸி ஜெயினிடம் கேட்டோம். அந்தக் கேள்விகளுக்கு அவர் அளித்த பதில்கள்...

‘ஃப்ராங்க்ளின் டெம்பிள்டன் இந்தியா ஏ.எம்.சி’ ரோஸி ஜெயின்
‘ஃப்ராங்க்ளின் டெம்பிள்டன் இந்தியா ஏ.எம்.சி’ ரோஸி ஜெயின்

இந்தியப் பங்குச் சந்தை உச்சத்தில் இருந்தபோது பெரும்பாலான முதலீட்டாளர்கள் மகிழ்ச்சியாக இல்லையே... ஏன்?

“இந்தியப் பங்குச் சந்தை சமீபத்தில் புதிய உச்சத்தைத் தொட்டது. அதேநேரத்தில், நாட்டின் பொருளாதாரம் பல்வேறு சிக்கல்களில் சிக்கி மந்தநிலையில் காணப்படுகிறது. சென்செக்ஸ், நிஃப்டி போன்ற குறியீடுகள் முன்னணி நிறுவனங்களின் செயல்பாடுகளின் அடிப்படையில் அதிகரிக்க அல்லது குறையக் கூடியவை. சென்செக்ஸ் மற்றும் நிஃப்டி குறியீடுகளில் இடம்பெற்றுள்ள சில பங்குகளின் விலை உயர்வால் மட்டுமே இந்த இண்டெக்ஸ் ஏற்றம் கண்டுவருகின்றன. மற்றபடி மிட்கேப் மற்றும் ஸ்மால்கேப் பங்குகள் ஏற்றம் காணவில்லை. முதலீட்டாளர்கள் மகிழ்ச்சியாக இல்லாமலிருப்பதற்கு இதுதான் முக்கியக் காரணம்.”

‘ஃப்ராங்க்ளின் டெம்பிள்டன் இந்தியா ஏ.எம்.சி’ ரோஸி ஜெயின்
‘ஃப்ராங்க்ளின் டெம்பிள்டன் இந்தியா ஏ.எம்.சி’ ரோஸி ஜெயின்

பி.எஸ்.இ இன்ஃப்ரா இண்டெக்ஸ் கடந்த 10 ஆண்டுகளில் சுமார் 3% அதிகரித்திருக்கும் நிலையில், உங்களின் ஃப்ராங்க்ளின் பில்ட் இந்தியா ஃபண்ட் 14.55% வருமானம் தந்துள்ளதே... இது எப்படி சாத்தியமானது?

“எங்கள் முதலீட்டு முறையே முக்கியக் காரணம். நாங்கள் பங்குகளின் விலை ஏற்றத்தை துரத்திச் செல்வதில்லை. நிறுவனங்களின் அடிப்படை (ஃபண்டமென்டல்) நிர்வாகத் திறன், எதிர்கால வளர்ச்சி போன்றவற்றை அடிப்படையாகக்கொண்டு, நீண்டகால நோக்கில் பங்குகளை முதலீட்டுக்குத் தேர்வு செய்வதால் இது சாத்தியமானது.’’

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

மோசமான நிறுவனப் பங்குகளை எப்படித் தவிர்க்கிறீர்கள்?

“100% அவற்றைத் தவிர்க்க முடியாது. குறிப்பாக, ஒரு நிறுவனத்தின் நிர்வாகம் சரியில்லாமல் போய் அதன் வளர்ச்சி குறையும்போது, பங்கு விலை வீழ்ச்சியைச் சந்திக்கத்தான் செய்யும். இதுபோன்ற சூழ்நிலைகளைத் தவிர்ப்பது கொஞ்சம் கஷ்டம். ஆனாலும், ஆழ்ந்த ஆய்வின் மூலம் இது போன்ற பங்குகளை ஓரளவுக்குத் தவிர்க்க முடியும். பங்கு போர்ட்ஃபோலியோ பரவலாக (டைவர்சிஃபிகேஷன்) இருந்தால், ஒருசில பங்குகளில் விலை குறைவால் குறிப்பிட்ட ஃபண்டின் வருமானம் பெரிதாக பாதிக்காது.”

பங்கு சார்ந்த ஃபண்டில் முதலீடு..! - கைகொடுக்கும் எஸ்.ஐ.பி!

தற்போதைய நிலையில் எந்தெந்தத் துறைகள் சிறப்பாகச் செயல்படும் என நினைக்கிறீர்கள்?

``நாங்கள் டைவர்சிஃபைடு போர்ட்ஃபோலியோவைப் பின்பற்றுவதால், அதிக ரிஸ்க்கில் சிக்குவதில்லை. எந்தத் துறை எப்போது சிறப்பாகச் செயல்படும் என்று உறுதியாகச் சொல்ல முடியாது. நீண்ட காலத்தில், நிதிச் சேவை, நுகர்வோர் சார்ந்த நிறுவனங்கள் சிறப்பாகச் செயல்பட வாய்ப்பிருக்கிறது.”

பங்குச் சந்தை சார்ந்த மியூச்சுவல் ஃபண்ட் சிறு முதலீட்டாளர்களுக்கு உங்களின் ஆலோசனை என்ன?

“பங்குச் சந்தையின் ஏற்றம் மற்றும் இறக்கத்தை யாராலும் சரியாக கணிக்க முடியாது. அந்த வகையில், எஸ்.ஐ.பி முறையில் முதலீட்டைத் தொடர்ந்து செய்துவருவதுதான் லாபகரமாக அமையும். சிறு முதலீட்டாளர்கள் பங்குச் சந்தையின் செயல்பாடு பற்றி அதிகம் கவலைகொள்ளத் தேவையில்லை. தொடர்ந்து முதலீடு செய்து வந்தாலே போதும். மேலும், குடும்ப மருத்துவர் போல, குடும்ப நிதி ஆலோசகர் ஒருவர் இருந்து, அவர் சரியாக வழிகாட்டுபவராக இருந்தால், முதலீட்டாளர்கள் பெரிதாகக் கவலைப்படத் தேவையில்லை. மேலும், முதலீட்டாளரின் வயது, வருமானம், இலக்கு ஆகியவற்றின் அடிப்படையில் பிரித்து முதலீட்டை மேற்கொள்வது நல்லது.

சிறு முதலீட்டாளர்கள் பங்குச் சந்தை பற்றிக் கவலைப்பட வேண்டாம். தொடர்ந்து முதலீடு செய்தாலே போதும்!

சிறு முதலீட்டாளர்கள் எடுத்தவுடன் முழுத் தொகையையும் ஈக்விட்டி ஃபண்டுகளில் போட்டுவிடக் கூடாது. ஆரம்பத்தில் சிறு தொகையை முதலீடு செய்து, அதன் மூலம் கிடைக்கும் அனுபவத்தின் அடிப்படையில் முதலீட்டுத் தொகையைப் படிப்படியாக அதிகரிக்க வேண்டும். குறைந்தது 10 முதல் 15 ஆண்டுகளுக்கு முதலீடு செய்வதுடன், குறிப்பிட்ட கால இடைவெளியில் முதலீட்டுத் தொகையை அதிகரித்துவந்தால், நல்ல வருமானத்தைப் பெற முடியும்.

தற்போது சிறு முதலீட்டாளர்களின் மனநிலை வெகுவாக மாறியிருக்கிறது. ஈக்விட்டி ஃபண்டைப் பொறுத்தவரை, அவர்கள் இடையில் நிறுத்தாமல் தொடர்ந்து முதலீடு செய்துவருகிறார்கள். இதனால் நீண்ட காலத்தில் பார்க்கும்போது, அவர்களின் முதலீடு சராசரியாக லாபகரமாக இருக்கிறது.பொறுமை, நீண்டகால முதலீடு, பங்குச் சந்தை இறக்கத்தில் முதலீடு போன்றவற்றை முறையாக மேற்கொண்டுவரும் பட்சத்தில் பணவீக்கம் மற்றும் வருமான வரியைத் தாண்டி நல்ல வருமானம் கிடைக்கும்.’’