Published:Updated:

எஸ்.ஐ.பி முதலீடு... முக்கியமான 6 அம்சங்கள்! - ஆரம்பிக்கும்முன் கவனிக்க வேண்டியவை!

எஸ்.ஐ.பி முதலீடு
பிரீமியம் ஸ்டோரி
News
எஸ்.ஐ.பி முதலீடு

மியூச்சுவல் ஃபண்டில் எஸ்.ஐ.பி மூலம் முதலீட்டாளர்கள் குறைந்த அளவாக மாதம் ரூ.500-லிருந்து முதலீடு செய்ய ஆரம்பிக்கலாம்!

மியூச்சுவல் ஃபண்டில் ஒரே நேரத்தில் ஒரு பெரிய தொகையை முதலீடு செய்வதைவிட, அடிக்கடி முதலீடு செய்ய விரும்புவோருக்கு எஸ்.ஐ.பி என்று சொல்லப்படும் ‘சிஸ்டமேட்டிக் இன்வெஸ்ட்மென்ட் பிளான்’ ஒரு சிறந்த முதலீட்டு முறை ஆகும். முதலீட்டாளர்கள் குறைந்த அளவாக மாதம் ரூ.500-லிருந்து முதலீடு செய்ய ஆரம்பிக்கலாம்.

(சில திட்டங்களில் ரூ.100கூட மாதம்தோறும் முதலீடு செய்யத் தொடங்கலாம்.) மேலும், அனைத்து முக்கிய சொத்துப் பிரிவுகளிலும் எஸ்.ஐ.பி முறையில் முதலீடு செய்யலாம். பங்குச் சந்தை சார்ந்த ஃபண்டுகள், ஃபிக்ஸட் இன்கம் ஃபண்டுகள் மற்றும் ஹைபிரிட் ஃபண்டுகளில் எஸ்.ஐ.பி முறையில் முதலீடு செய்யலாம்.

எஸ்.ஐ.பி முதலீடு... முக்கியமான 6 அம்சங்கள்! - ஆரம்பிக்கும்முன் கவனிக்க வேண்டியவை!

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

எஸ்.ஐ.பி முறையில் முதலீடு செய்வதற்கு முன் பின்வரும் ஆறு முக்கிய அம்சங்களை மனதில் கொள்வது அவசியம்.

சரியான எஸ்.ஐ.பி தொகை தேர்வு!

எஸ்.ஐ.பி என்பது தொடர்ந்து ஒரு குறிப்பிட்ட காலத்துக்கு தொடர்ந்து முதலீடு செய்யும் முறை ஆகும். அது ஒரே நேரத்தில் செய்யும் மொத்தத் தொகை முதலீடல்ல என்பதை முதலீட்டாளர்கள் நினைவில் கொள்ள வேண்டும். எஸ்.ஐ.பி முறையில் முதலீடு செய்ய தேர்ந்தெடுக்கப்பட்ட தொகை, உங்களால் தொடர்ந்து மாதம்தோறும் முதலீடு செய்யக் கூடியதாக இருக்க வேண்டும். இந்தத் தொகையைக் கஷ்டப்பட்டு மாதம்தோறும் கட்டும் விதமாக இருக்கக் கூடாது. இதைச் செய்வதற்கான சரியான வழி, முதலில் உங்கள் நிதி இலக்கை இறுதி செய்து, பின்னர் அதை உங்களால் எவ்வளவு காலத்துக்குத் தொடர்ந்து செய்ய முடியும் என்பதைத் தீர்மானித்து முதலீட்டுத் தொகையை முதலீடு செய்யவும். முதலீட்டாளர்கள், ஆரம்பத்தில் குறைந்த தொகைக்கு எஸ்.ஐ.பி முதலீட்டை ஆரம்பிப்பது நல்லது. பின்னர், உங்களின் வருமானம் அதிகரிக்கும்போது அடுத்து வரும் ஆண்டுகளில் எஸ்.ஐ.பி தொகையை அதிகரித்துக்கொள்ளலாம்

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

நீண்ட காலத்துக்கு எஸ்.ஐ.பி முதலீடு!

பங்குச் சந்தை சார்ந்த ஃபண்டுகள் குறுகிய காலத்தில் சிறப்பாகச் செயல்படவில்லை என்றால், அதிலிருந்து குறைந்த லாபம் அல்லது சிறிய இழப்புடன் வெளியேறிவிடுகிறார்கள். இது தவறு. எஸ்.ஐ.பி முறை முதலீடு என்பது பங்குச் சந்தையின் ஏற்ற இறக்கத்தால், ரூபாய் அடக்க விலை சராசரி (rupee cost averaging) அணுகுமுறையில் சராசரியாகக் குறைந்த விலையில் அதிக யூனிட்டுகள் கிடைக்க உதவுகிறது. இது நீண்டகாலத்தில் செல்வத்தை உருவாக்க உதவுகிறது. எனவே, அதிகபட்ச லாபத்தைப் பெற ஒருவர் எஸ்.ஐ.பி முறையில் நீண்டகாலத்துக்கு முதலீடு செய்து வர வேண்டும்.

எஸ்.ஐ.பி முதலீடு... முக்கியமான 6 அம்சங்கள்! - ஆரம்பிக்கும்முன் கவனிக்க வேண்டியவை!

இலக்குக்கு ஏற்ற எஸ்.ஐ.பி ஃபண்டுகள்!

தேர்ந்தெடுக்கப்பட்ட முதலீட்டுக் கலவை (போர்ட்ஃபோலியோ) ஒருவரின் நிதி இலக்குக்கு ஏற்றதாக இருந்தால் மட்டுமே முதலீட்டாளர் களின் எஸ்.ஐ.பி முதலீடுகள் மூலம் செல்வத்தை உருவாக்க முடியும். ஒருவரின் சம்பளம் / வருமானம், சேமிப்புப் பழக்கம், ரிஸ்க்கை எதிர்கொள்ளும் திறன் மற்றும் பணப்புழக்கம் ஆகியவற்றின் அடிப்படையில், முதலீட்டாளர்கள் தங்களது ஒவ்வொரு நிதி இலக்குக்கும் குறிப்பிட்ட காலத்துக்கு குறிப்பிட்ட ஃபண்டுகளில் முதலீடு செய்து வர வேண்டும். தவறான போர்ட்ஃபோலியோவைத் தேர்ந்தெடுத்தால் முதலீடு மூலம் வருமானம் கிடைப்பதற்குப் பதில் முதலீட்டின் மதிப்பு குறைந்து இழப்புக்கு வழிவகுக்கும். முதலீட்டாளர் எதிர்பார்க்கும் வருமானத்தை அவரின் முதலீட்டுக் கலவை வழங்காது. எனவே, முதலீடு செய்வதற்கு முன், உங்கள் நிதி இலக்குக்கு ஏற்ற முதலீட்டுக் கலவையை உருவாக்க வேண்டும்

உங்களின் முதலீட்டுக் காலம் குறைவாக இருக்கும்பட்சத்தில், கடன் சார்ந்த ஃபண்டுகளைக் கொண்ட முதலீட்டுக் கலவையை உருவாக்க வேண்டும். உங்களின் முதலீட்டுக் காலம் நடுத்தரக் காலமாக இருக்கும்பட்சத்தில், ஹைபிரிட் ஃபண்டுகளில் முதலீடு செய்யலாம். நீண்டகாலமாக இருக்கும் பட்சத்தில் ஈக்விட்டி ஃபண்டுகளில் முதலீடு செய்து வரலாம். பிள்ளைகளின் மேற்படிப்பு, திருமணம் போன்றவற்றுக்கு முன்கூட்டியே திட்டமிட்டு, எஸ்.ஐ.பி முறையில் முதலீடு செய்துவந்தால்தான், அது நீண்டகாலத்தில் செல்வத்தை உருவாக்கி, இலக்கை சுலபமாக நிறைவேற்ற உதவும். நீண்டகால எஸ்.ஐ.பி என்கிறபோது மாதம்தோறும் முதலீடு செய்ய வேண்டிய தொகையும் குறைவாக இருக்கும்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

பங்குச் சந்தையில் பதறக் கூடாது!

நீங்கள் எஸ்.ஐ.பி முறையில் முதலீட்டை இடையில் நிறுத்தாமல் தொடர்ந்து செய்துவந்தால் மட்டுமே செல்வத்தை உருவாக்கும். நீண்டகாலத்துக்கு முதலீடு நீங்கள் செய்தால், எஸ்.ஐ.பி முதலீட்டு முறை அதிசயங்களைச் செய்யும். முதலீட்டாளர்கள் பொறுமையை இழந்து, முதலீடுகளை பலமுறை வெளியே எடுத்து விடுகிறார்கள். பங்குச் சந்தையில் குறுகியகாலத்தில் நிலவும் பீதி, பதற்றம் உங்கள் போர்ட் ஃபோலியோவைப் பாதிக்கலாம். ஆனால், நீண்டகாலத்தில் சந்தை மீண்டும் முன்னேறுவதை நாம் கண்டிருக்கிறோம். எனவே, சந்தையில் ஏற்றம் இறக்கம் காணப் படும் குழப்பமான சூழ்நிலைகளில், ஒருவர் அமைதியாகத் தொடர்ந்து முதலீடு செய்ய வேண்டும். எக்காரணம் கொண்டும் எஸ்.ஐ.பி முதலீட்டை இடையில் நிறுத்திவிடக் கூடாது. அப்படிச் செய்யும்பட்சத்தில் செல்வம் உருவாகாது; கூடவே உங்கள் நிதி இலக்கு நிறைவேறாமல் போகக்கூடும்.

எஸ்.ஐ.பி முதலீடு... முக்கியமான 6 அம்சங்கள்! - ஆரம்பிக்கும்முன் கவனிக்க வேண்டியவை!

பயிற்சி உங்களைச் சீராக்கும்!

குடும்பத்தில் ஏற்கெனவே ஏகப்பட்ட செலவுகள் இருப்பதால், முதலீடுகளை மற்றொரு செலவாகக் கருதக் கூடாது. மியூச்சுவல் ஃபண்டில் முதலீடு செய்வது ஒப்பீட்டளவில் எளிதானது என்றாலும், முதலீட்டாளர்கள், குறிப்பிட்ட இடைவெளியில் குறிப்பாக, ஆண்டுக்கு ஒருமுறை மறுபகுப்பாய்வு (Re-analyzing) செய்வதை வழக்கமாகக் கொள்ள வேண்டும். அதற்கேற்ப நிதி ஆலோசகரிடம் ஆலோசித்து தேவைப்பட்டால், எஸ்.ஐ.பி முதலீட்டை மாற்றி அமைக்கலாம்.

சேமிப்புப் பழக்கம், செலவிடும் பழக்கம், ரிஸ்க் எடுக்கும் திறன், பணப் புழக்கத்தில் ஏதேனும் மாற்றங்கள் ஏற்பட்டால், அதற்கேற்ப நீங்கள் உங்கள் முதலீட்டுக் கலவையை மாற்றிக்கொள்வது நல்லது. உதாரணத்துக்கு, பங்குச் சந்தையின் நெளிவுசுழிவுகளை எஸ்.ஐ.பி முதலீட்டை ஆரம்பிக்கும் காலத்தைவிட இப்போது நன்கு புரிந்துகொண்டிருக்கிறீர்கள் என்றால், உங்களின் ஓய்வுக்காலம் போன்ற இலக்கை அடைய நீண்டகாலம் இருக்கிறது என்றால், நீங்கள் இப்போது உங்களின் எஸ்.ஐ.பி முதலீட்டைக் கடன் ஃபண்டுகளில் குறைத்து பங்குச் சந்தை சார்ந்த ஃபண்டுகளில் அதிகரிக்கலாம். அல்லது புதிதாக மேற்கொள்ளும் முதலீட்டை ஈக்விட்டி ஃபண்டுகளில் மேற்கொள்ளலாம்.

எஸ்.ஐ.பி-யை இன்றே தொடங்குங்கள்..!

பங்குச் சந்தை முன்னோடிகள் மற்றும் முதலீட்டுக் குருக்கள், ‘சந்தையில் நுழைய நல்ல நேரம் இல்லை; நீங்கள் முடிவு செய்த நாளை தவிர’ என்கிறார்கள். எஸ்.ஐ.பி முறையில் முதலீடு செய்யும்போது, முதலீட்டாளர்கள், அதைத் தொடங்குவதற்குச் சரியான நேரம் குறித்துக் கவலைப்படத் தேவையில்லை. ஏனெனில், இது சந்தையின் ஏற்ற இறக்கத்தில் சராசரியாக அதிக யூனிட்டுகளை உங்களுக்குக் கொடுக்கிறது. விரைவில் நீங்கள் முதலீடு செய்யத் தொடங்கினால், நீங்கள் சிறப்பான வருமானத்தை எதிர்பார்க்கலாம்.

எஸ்.ஐ.பி முறையிலான உங்கள் முதலீடுகள் உங்கள் நிதி இலக்குகளை அடையவும், செல்வத்தை உருவாக்கவும் நீண்டகாலத்துக்குத் திட்டமிட்டு நீங்கள் சீராக முதலீடு செய்து வர வேண்டியது அவசியம்!