Published:Updated:

30-ல் முதலீடு... 60-ல் வருமானம்!

முதலீட்டு வழிகள்
பிரீமியம் ஸ்டோரி
முதலீட்டு வழிகள்

கைகொடுக்கும் முதலீட்டு வழிகள்!

30-ல் முதலீடு... 60-ல் வருமானம்!

கைகொடுக்கும் முதலீட்டு வழிகள்!

Published:Updated:
முதலீட்டு வழிகள்
பிரீமியம் ஸ்டோரி
முதலீட்டு வழிகள்

முன்பெல்லாம் பெரும்பாலானவர்களின் எதிர்கால முதலீடு, அவர்களின் குழந்தைகளைச் சார்ந்ததாகத்தான் இருக்கும். காரணம், பெற்றோர்களை அவர்களின் குழந்தைகள் ஓய்வுக்காலத்தில் கவனித்து வந்ததுதான். இந்தக் கலாசாரம் இன்றைக்குச் சிறிது சிறிதாகத் தேய ஆரம்பித்திருக்கிறது.

இன்றைய இளைஞர்கள் ஒரு வித்தியாசமான காலகட்டத்தில் இருக்கிறார்கள். எல்லோரையும்போல தங்கள் குடும்பத்தையும் குழந்தைகளையும் பராமரிக்க வேண்டிய அதே நேரத்தில், தங்கள் பெற்றோர்களுக்கும் இயன்றளவு உதவி செய்ய வேண்டிய சூழல். இவற்றைத் தாண்டி தங்கள் எதிர்காலத்துக்காக முதலீடு செய்ய வேண்டிய கடமையும் அவர்களுக்கு இருக்கிறது.

முதலீடு
முதலீடு

மாறிவரும் வாழ்க்கைச்சூழலில், இன்றைய குழந்தைகள் எதிர்காலத்தில் அவர்களின் பெற்றோர்களுக்கு ஆதரவாக இருப்பார்கள் என்பதற்கு எந்த உத்தரவாதமும் இல்லை. இன்றைய இளைஞர்கள் கடந்தகாலத்தைப் போலல்லாமல், குறுகியகாலத்தில் நிறைய சம்பாதிக்க வேண்டிய கட்டாயத்தில் இருக்கிறார்கள். இந்த நிலையில், பெற்றோர்களுக்கு ஆதரவாக இருப்பதும், குழந்தைகளையும் / குடும்பத்தையும் பராமரிப்பதும் நிகழ்காலத்தில் நடந்துவிடுகிறது. ஆனால், எதிர்காலத்துக்காகச் சேமிக்க வேண்டும் என்பதை உரியகாலத்தில் பலரும் செய்யத் தவறிவிடுகிறார்கள். 40 – 45 வயதில்தான் பலரும் ஓய்வுக்காலத்தைப் பற்றித் தீவிரமாக யோசிக்கத் தொடங்குகிறார்கள். அந்த வயதில் முதலீட்டைத் தொடங்கும்போது, பலருக்கும் முதலீட்டைப் பெருக்கப் போதுமான கால அவகாசம் இருப்பதில்லை. எனவே, எதிர்காலத்துக்காக எல்லோருமே இளம் வயதிலேயே முதலீட்டை ஆரம்பிக்க வேண்டியது அவசியம். அந்த வகையில் எதிர்கால முதலீட்டுக்கேற்ற முக்கியமான ஆப்ஷன்கள்...

1. பி.பி.எஃப் – பப்ளிக் பிராவிடன்ட் ஃபண்ட், 2. என்.பி.எஸ் – நேஷனல் பென்ஷன் சிஸ்டம் 3.பிற ரிட்டையர்மென்ட் பிளான்கள் - மியூச்சுவல் ஃபண்டுகள், இன்ஷூரன்ஸ், வீட்டின் மூலம் கிடைக்கும் வாடகை வருமானம், ஃபிக்ஸட் டெபாசிட் / பாண்டுகள்.

ஒட்டுமொத்த விகடனுக்கும் ஒரே ஷார்ட்கட்!

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

பி.பி.எஃப்

முதலீட்டாளர்கள் மிகவும் எளிதாகத் தொடங்கக்கூடியது `பி.பி.எஃப்’ என்று சொல்லப்படும் பப்ளிக் பிராவிடன்ட் ஃபண்ட் திட்டம். வங்கிகள் மற்றும் அஞ்சலகங்கள்மூலம் இந்தக் கணக்கைத் திறந்து கொள்ளலாம். இது 15 வருடகாலத் திட்டம். பிறகு, ஐந்து ஆண்டுகளுக்கு ஒரு முறை என நீட்டித்துக்கொள்ளலாம்.

முதலீடு
முதலீடு

தற்போது இந்தத் திட்டம் ஆண்டுக்கு 7.90% வருமானம் தருகிறது. இதில் ஆண்டுக்கு குறைந்தபட்ச முதலீடு ரூ.500. அதிகபட்ச முதலீடு ரூ.1,50,000. வருடத்துக்கு ஒரு முறை முதல் 12 முறை முதலீடு செய்யலாம். 80சி பிரிவின்கீழ் இந்தத் திட்டத்தில் செய்யும் முதலீட்டுக்கு வரி விலக்குக் கிடைக்கும். மேலும், வட்டி வருமானம் மற்றும் முதிர்வுத் தொகைக்கும் வரிவிலக்கு இருக்கிறது.

இந்தத் திட்டத்தின் வட்டி வருமானத்தை அரசு அவ்வப்போது மறுபரிசீலனை செய்து மாற்றியமைக்கும். நீண்ட காலத்தில் இந்தத் திட்டம் 7.50% வருமானத்தைத் தரும் என நாம் எடுத்துக் கொண்டிருக்கிறோம்.

30-ல் முதலீடு... 60-ல் வருமானம்!

இந்தத் திட்டத்தில் ஒருவர் ஓராண்டுக்கு அதிகபட்சமாக ரூ.1.50 லட்சம் முதலீடு செய்வதாகவும், 61-வது வயதில் ஆண்டுக்கு 7% வருமானம் கிடைக்கும் எனவும் கணக்கில் எடுத்துக் கொண்டிருக்கிறோம். (பார்க்க அட்டவணை 1)

Investment
Investment

பி.பி.எஃப் முதலீட்டை இளமையில் ஆரம்பிப்பதே நல்லது. மேலும், பி.பி.எஃப்-ல் அதிகபட்ச முதலீடு ஆண்டுக்கு ரூ.1.50 லட்சம் என்பதால், 48 வயதில் நீங்கள் அதிகமாக முதலீடு செய்ய முடிந்தாலும், விதிமுறைகள் அதற்கு இடம் தராது. உங்கள் வாழ்க்கைத் துணையின் பெயரில் மற்றொரு கணக்கைத் தொடங்கி, இன்னொரு 1.5 லட்ச ரூபாயை முதலீடு செய்யலாம். அப்படிச் செய்தாலும் உங்களின் முதிர்வுத் தொகையும், மாத வருமானமும் நீங்கள் 28 வயதில் ஆரம்பித்ததைப் போல் வராது என்பதை நினைவில்கொள்ள வேண்டும். வெளிநாடுவாழ் இந்தியர்கள் இந்தத் திட்டத்தின் மூலம் சேமிக்க முடியாது.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

என்.பி.எஸ்

நேஷனல் பென்ஷன் சிஸ்டத்தில் இந்தியாவில் தற்போது 1.28 கோடிக்கும் மேலான சந்தாதாரர்கள் இருக்கிறார்கள். (பார்க்க... என்.பி.எஸ் முதலீட்டு விவரங்கள்- அட்டவணை). இப்போது பொதுமக்கள் மத்தியில் இந்தத் திட்டம் பிரபலமடைந்து வருகிறது. எனினும், எதிர்காலத் தேவைகளுக்காக இந்தத் திட்டத்தில் யார் வேண்டுமானாலும் தாராளமாக முதலீடு செய்யலாம்.

30-ல் முதலீடு... 60-ல் வருமானம்!

80சி பிரிவின்கீழ் கிடைக்கும் ரூ.1.50 லட்சத்துக்கான வரிவிலக்குக்குமேல் கூடுதலாக வரிச் சலுகை பெற நினைப்பவர்களுக்கு இது ஓர் உன்னதமான திட்டம். 80சிசிடி(1பி) பிரிவின்கீழ் ரூ.50,000 வரை வரி விலக்குக் கிடைக்கும். பி.பி.எஃப்போல் அல்லாமல் வெளிநாடுவாழ் இந்திய பிரஜைகளும் இந்தத் திட்டத்தில் முதலீடு செய்யலாம்.

இந்தத் திட்டத்தில் ஈக்விட்டி (E), கார்ப்பரேட் பாண்ட் (C), கவர்ன்மென்ட் பாண்ட் (G), ஆல்டர்நேட் முதலீடுகள் (A) என நான்கு வகை முதலீட்டு வகைகள் உள்ளன. பங்குச் சந்தை முதலீடான ஈக்விட்டியில் ஆக்டிவ் மேனேஜ்மென்ட் கிடையாது. இண்டெக்ஸில் மட்டுமே இந்தத் திட்டம் முதலீடு செய்யும். 50 வயதுக்கு உட்பட்டவர்கள் 75% வரை அதிகபட்சமாக ஈக்விட்டியில் முதலீடு செய்யலாம். 50 வயதுக்குமேல் வருடத்துக்கு 2.5% ஈக்விட்டி முதலீடு குறைந்துகொண்டே வந்து, 60 வயதில் அதிகபட்சமாக ஈக்விட்டி முதலீடு 50 சதவிகிதமாக ஆகிவிடும். அதேபோல், ஆல்டர்நேட்டிவ் முதலீடுகளில் ஐந்து சதவிகிதத்துக்கு மேல் முதலீடு செய்ய முடியாது.

retirement
retirement

இந்தத் திட்டத்தில் முதலீடு செய்வதற்கு பிரான் கார்டு (PRAN Card) வாங்க வேண்டும். மேலும், இந்தத் திட்டத்தில் செலவினங்கள் குறைவு. தற்போது இதில் சுமார் ரூ.3.75 லட்சம் கோடி சொத்து நிர்வகிக்கப்படுகிறது. எட்டு ஃபண்ட் மேனேஜர்கள் இந்தத் தொகையை நிர்வகித்துவருகிறார்கள்.

40 – 45 வயதில்தான் நம்மில் பலரும் ஓய்வுக்காலம் பற்றித் தீவிரமாக யோசிக்கத் தொடங்குகிறோம்!

முதலீட்டாளர்களுக்காக மூன்று வகை ஆட்டோ சாய்ஸ் வழங்கப்படுகிறது. அக்ரெஸிவ், மாடரேட், கன்சர்வேட்டிவ் என ஆட்டோ சாய்ஸுக்கு பதிலாக ஆக்டிவ்வாக முதலீட்டாளர்களும் வரையறைக்கு உட்பட்டு அலொகேஷனை மாற்றிக்கொள்ளலாம். இந்தத் திட்டத்தில் முதலீடு செய்ய உச்சவரம்பு ஏதுமில்லை.

30-ல் முதலீடு... 60-ல் வருமானம்!

60 வயதுக்கு மேல் 70 வயதுக்குள் இந்தத் திட்டத்திலுள்ள முதிர்வுத் தொகையை 60% வரை மொத்தமாக எடுத்துக்கொள்ளலாம். மீதமுள்ள 40% தொகையை இன்ஷூரன்ஸ் நிறுவனத்திடம் தந்துவிடுவார்கள். இன்ஷூரன்ஸ் நிறுவனத்திடமிருந்து நாம் மாத வருமானமாகப் பெற்றுக்கொள்ளலாம்.

நம் கணக்குக்காக ஒருவர் 50% ஈக்விட்டியிலும், 25% கார்ப்பரேட் பாண்டுகளிலும், 25% கவர்ன்மென்ட் பாண்டுகளிலும் முதலீடு செய்கிறார் என வைத்திருக்கிறோம். அந்த அலொகேஷன் ஆண்டுக்கு 8.50% (ஈக்விட்டி – 10%, கவர்ன்மென்ட் பாண்ட் – 6.50%, கார்ப்பரேட் பாண்ட் – 7.50%) வருமானம் தரும் என்றும் எடுத்துக் கொண்டிருக்கிறோம். அதன்படி கணக்கிட்டு, வெவ்வேறு வயதினருக்கான எதிர்பார்ப்பைத் தந்திருக்கிறோம் (பார்க்க: அட்டவணை - 2). இதில் ஆண்டு முதலீடு ரூ.1.50 லட்சம் (மாதத்துக்கு ரூ.12,500) எனவும், 61-வது வயதிலிருந்து ஆனுயிட்டி (Annuity - ஓய்வுக்காலத் தொகை) வருடத்துக்கு 7% கிடைக்கும் என எடுத்துக் கொண்டிருக்கிறோம்.

பிற ரிட்டையர்மென்ட் பிளான்கள்

முதலீட்டாளர்கள் தங்கள் ஓய்வுக் காலத்துக்கென பல வகைகளில் திட்டமிட்டு முதலீடு செய்கிறார்கள். அவற்றில் முக்கியமானவை, மியூச்சுவல் ஃபண்டுகள் வழங்கும் ரிட்டையர்மென்ட் திட்டங்கள். இந்த வகைத் திட்டங்கள் மியூச்சுவல் ஃபண்ட் நிறுவனங்களால் நிர்வகிக்கப்படுகின்றன. வெளிநாடுவாழ் இந்தியர்களும் இவற்றில் முதலீடு செய்யலாம். உச்சபட்ச முதலீட்டு வரம்பு எதுவும் கிடையாது. சில மியூச்சுவல் ஃபண்ட் நிறுவனங்கள் வழங்கும் ரிட்டையர்மென்ட் ஃபண்டுகளுக்கு 80சி பிரிவின்கீழ் வரிவிலக்கு உண்டு. 60 வயதுக்குமேல் ஒரு குறிப்பிட்ட மாத வருமானத்தை இந்தத் திட்டங்களிலிருந்து முதலீட்டாளர்கள் பெற்றுக்கொள்ளலாம்.

30-ல் முதலீடு... 60-ல் வருமானம்!

பொதுவாக, அக்ரெஸிவ் (100% ஈக்விட்டி), மாடரேட் (65% ஈக்விட்டி, 35% பாண்டுகள்) மற்றும் கன்சர்வேட்டிவ் (20% ஈக்விட்டி, 80% பாண்டுகள்) பிளான்களை நிறுவனங்கள் வழங்கு கின்றன.

இவற்றில் ஒருவரின் ரிஸ்க் எடுக்கும் திறனுக்கேற்ப பிளானைத் தேர்வு செய்துகொள்ளலாம். குறைந்தபட்ச முதலீடாக மாதம் 500 ரூபாயிலிருந்து ஒருவர் முதலீட்டை ஆரம்பிக்கலாம்.

இந்த வகைத் திட்டங்களுக்கு, மேலே குறிப்பிட்டிருக்கும் இரண்டு வகைகளையும்விட, (பி.பி.எஃப், என்.பி.எஸ்) வளைந்துகொடுக்கும் திறன் அதிகம். நீண்டகாலத்தில் அக்ரெஸிவ் மற்றும் மாடரேட் பிளான்களில், பி.பி.எஃப் மற்றும் என்.பி.எஸ்-ஐவிட அதிக வருமானத்தையும் எதிர்பார்க்கலாம்.

முதலீட்டாளர்கள் தங்கள் ஓய்வுக்காலத்துக்கென பல வகைகளில் முதலீடு செய்கிறார்கள். அவற்றில் முக்கியமானவை, மியூச்சுவல் ஃபண்டுகள் வழங்கும் பென்ஷன் பிளான்கள்!

இந்த வகை பிளான்கள் ஆண்டுக்கு 11% வருமானம் தரும் என எடுத்துக் கொண்டிருக்கிறோம். அதன்படி அட்டவணை 3-ல், வெவ்வேறு வயதினருக்கான எதிர்பார்ப்பைத் தந்திருக்கிறோம். வருடாந்தர முதலீடு ரூ.1.50 லட்சம் (மாதத்துக்கு ரூ.12,500) என எடுத்துக்கொண்டிருக்கிறோம். வருட வருமானம் 61-வது வயதிலிருந்து 7% கிடைக்கும் என எடுத்துக்கொண்டிருக்கிறோம்.

எது பெஸ்ட்?

மேலே பார்த்த மூன்று வகை முதலீடுகளிலும், பி.பி.எஃப் மிகவும் கன்சர்வேட்டிவ்வான முதலீடு எனச் சொல்லலாம். மியூச்சுவல் ஃபண்ட் திட்டங்கள் ஓய்வுக்காலத்துக்கு அதிக லாபம் தரக்கூடிய முதலீடு. என்.பி.எஸ் இவை இரண்டுக்கும் இடைப் பட்ட வருமா னத்தைத் தரக் கூடியது. அதேபோல், இவை மூன்றிலும் அதிகமான வளைந்து கொடுக்கும் தன்மை உடையது ரிட்டையர் மென்ட் மியூச்சுவல் ஃபண்ட் முதலீடுதான். இந்த மூன்றில் ஒன்றை மட்டுமே நம்பியிருக்காமல், மூன்று வகை முதலீடுகளிலும் சரியாகப் பிரித்து முதலீடு செய்வது புத்திசாலித்தனமான முடிவாக இருக்கும்.

மூன்று வகைகளிலும் முதலீடு செய்தாலும் 30 வயதில் முதலீட்டை ஆரம்பிக்கும் நபருக்கே கணிசமான தொகை முடிவில் கிடைக்கும் என்பது தெளிவாகத் தெரிகிறது. கூட்டு வட்டி யின் மகிமையாலும், நீண்டநாள் முதலீட்டாலும் தான் இது சாத்தியமாகிறது.

எனவே, உங்கள் எதிர்காலத் தேவைகளுக்கு பி.பி.எஃப், என்.பி.எஸ், மியூச்சுவல் ஃபண்டுகள் அல்லது இவை மூன்றிலும் கலந்து இன்றே உங்கள் முதலீட்டைத் தொடங்குங்கள்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism