Published:Updated:

குழந்தையின் எதிர்காலம்... பெற்றோர்கள் எடுக்க வேண்டிய 5 நடவடிக்கைகள்..!

முதலீடு
பிரீமியம் ஸ்டோரி
News
முதலீடு

இவற்றையெல்லாம் நீங்கள் செய்றீங்களா?

PLANNING

குழந்தைகளின் எதிர்காலம் சிறப்பாகவும் வளமாகவும் இருக்க வேண்டும் என அனைத்துப் பெற்றோர் களுமே நினைக்கிறார்கள். அதற்கு அவர்கள் என்ன நடவடிக்கை எடுத் திருக்கிறார்கள் என்று கேட்டால், நகை வாங்கி வைத்திருக்கிறேன், மனை வாங்கி வைத்திருக்கிறேன் என்பார்கள். பெற்றோர்கள் தங்களுடைய குழந்தைகளின் எதிர்காலம் சிறப்பாக இருக்க வேண்டும் என நினைத்தால், அவர்கள் அவசியம் செய்ய வேண்டிய விஷயங்கள் என்னென்ன என்பது குறித்து நிதி ஆலோசகர் வித்யா பாலாவிடம் கேட்டோம். பெற்றோர்கள் அவசியம் கடைப் பிடிக்க வேண்டிய ஐந்து விஷயங்களை அவர் சொன்னார்.

1. சீக்கிரமாக ஆரம்பிக்கவும்!

‘இளைமையில் கல்’ என்பதுபோல எந்தவொரு முதலீடாக இருந்தாலும் இளம் வயதில் ஆரம்பிப்பதுதான் புத்திசாலித்தனம். குறிப்பாக, குழந்தைகளுக்கான முதலீடு என்று வரும்போது, குழந்தை பிறந்த உடனே ஆரம்பித்துவிடுவது நல்லது.

உதாரணத்துக்கு, ஒருவர் தன் குழந்தையின் மேற்படிப்புக்காகக் குழந்தையின் முதல் வயதில் முதலீட்டை ஆரம்பிக்கிறார். மற்றொருவர் குழந்தையின் 8 வயதில் முதலீட்டைத் தொடங்குகிறார் எனில், குழந்தையின் 16-வது வயதில் குறைவான முதலீட்டின் மூலம் அதிக லாபத்தைச் சம்பாதிப்பவர் முதல் நபராகத்தான் இருப்பார்.

நீண்டகால அடிப்படையில் முதலீடு செய்யும்போது, எந்தத் தேவைக் காக முதலீடு செய்கிறோமோ, அதற்கான பணத்தை பெற்றோர்களால் நிச்சயமாக ஈட்ட முடியும். இதே போலத்தான் குழந்தைகளின் திருமணம் போன்ற இதர தேவைகளுக்கான முதலீடும் இருக்க வேண்டும்.

2. பணவீக்கத்தை மனதில் கொள்ளுங்கள்!

மற்ற முதலீடுகளைக் காட்டிலும் குழந்தைகளுக்கான முதலீடு மிகவும் முக்கியமானது. அதனால் அவர்களுக்கான முதலீட்டு விஷயத்தில் ஒவ்வொரு விஷயத்தையும் கவனிக்க வேண்டியது அவசியம். ஆனால், பெரும்பாலான பெற்றோர்கள் அதைச் செய்வதில்லை. குறிப்பாக, பணவீக்கம் என்பதை நம்மில் பலரும் ஒரு விஷயமாக எடுத்துப் பேசுவதில்லை.

குழந்தைகளுக்கான முதலீடுகளை ஆரம்பிக்கும் பெற்றோர்கள், குழந்தைகளின் பெயர்களைக் கொண்டுள்ள திட்டங்களைக் கண்மூடித்தனமாக நம்ப வேண்டாம். இன்ஷூரன்ஸில் இது மாதிரியான திட்டங்கள் அதிகம்!

தற்போதையை நிலையில், ஒரு பிள்ளையின் கல்லூரிக் கல்விக் கட்டணம் ஒரு வருடத்துக்கு ரூ.1 லட்சம் செலவாகிறது எனக் கொண்டால், இன்னும் 15 வருடம் கழித்து இதே அளவுதான் செலவாகும் என்று சொல்ல முடியாது. பணவீக்க விகித வளர்ச்சியின் அடிப்படையில் அது கண்டிப்பாக அதிகமாகவே இருக்கும். எனவே, பணவீக்கத்தைக் கருத்தில் கொண்டுதான் நமது முதலீட்டுத் தொகையை முடிவு செய்ய வேண்டும்.

3. பெயரைப் பார்த்து முதலீடு செய்ய வேண்டாம்!

மக்களின் கவனம் எதன் மீது அதிகமாக இருக்கிறதோ, அதற்கான விற்பனை விளம்பர உத்திகளும் அதிகமாகத்தான் இருக்கும். அதனால்தான் குழந்தைகளுக்கான முதலீட்டுத் திட்டங்களிலும் ‘சில்ட்ரன்ஸ் பிளான்’, ‘சைல்டு கேர் பிளான்’ என்ற பெயரை வைத்து பல முதலீட்டுத் திட்டங்கள் உலா வருகின்றன. இந்தத் திட்டங்களின் விளம்பரங்களைப் பார்த்து, இவற்றில் சேர்ந்து முதலீடு செய்யத் தொடங்கிவிடுகிறார்கள். பிற்பாடு இவை சரியான திட்டமல்ல என்று தெரிந்து கொண்டு வருத்தத்துடன் வெளியேறுகிறார்கள்.

வித்யா பாலா
வித்யா பாலா

குழந்தைகளுக்கான முதலீடுகளை ஆரம்பிக்கும் பெற்றோர்கள், குழந்தைகளின் பெயர்களைக் கொண்டிருக்கும் திட்டங்களைக் கண்மூடித் தனமாக நம்ப வேண்டாம். குறிப்பாக, இன்ஷூரன்ஸ் திட்டங்களில் தான் இது மாதிரியான விஷயங்கள் அரங்கேறுகின்றன.

இன்ஷூரன்ஸ் என்பது குடும்ப உறுப்பினர்களின் பாதுகாப்பு மட்டுமே. அது ஒரு முதலீடோ, சேமிப்போ கிடையாது என்பதைக் கவனத்தில் கொள்ளுங்கள்.

4. ‘மிக்ஸ்டு’ போர்ட் ஃபோலியோ!

பெரும்பாலான பெற்றோர்கள், குழந்தைகளுக் கான முதலீடு என்று வரும்போது மட்டும் மிகவும் பாதுகாப்பான அஞ்சலக சேமிப்புத் திட்டங்கள், வங்கி சார்ந்த சேமிப்புத் திட்டங்களை மட்டும் தேர்வு செய்கிறார்கள். இதன்மூலம் மட்டுமே எதிர்காலத் தேவை களுக்கான பணத்தை ஈட்ட முடியாது.

ஏனெனில், இந்தச் சேமிப்புத் திட்டங்களில் கிடைக்கக்கூடிய வருமானம் குறைவு. பி.பி.எஃப், ஆர்.டி மற்றும் ஃபிக்ஸட் டெபாசிட்டுகளில் முதலீடு செய்யும் அதே நேரத்தில், மியூச்சுவல் ஃபண்ட் மற்றும் பங்கு சார்ந்த முதலீட்டுத் திட்டங்களிலும் முதலீட்டை ஆரம்பிக்கலாம்.

இந்த மாதிரியான முதலீடுகளில் இளம் வயதில் முதலீடு செய்யும்போது, நீண்டகால அடிப்படையில் அதிக லாபத்தைச் சம்பாதிப்பதுடன், ரிஸ்க் அளவும் குறையும்.

5. தொடர்ந்து சேமியுங்கள்!

நாம் தொடர்ந்து உயிர் வாழ்வதற்கு நிறுத்தாமல் சுவாசிப்பது எவ்வளவுக்கு முக்கியமோ, அதைவிட முக்கியமானது இடையில் நிறுத்தாமல் முதலீடு செய்து கொண்டே இருப்பது.

முதலீடு
முதலீடு

குழந்தைகளுக்கான முதலீட்டை ஆரம்பிக்கும் பெற்றோர்கள், எக்காரணத் தைக் கொண்டும் அந்த முதலீட்டை இடையில் நிறுத்தக்கூடாது. அது மட்டுமல்லாமல், குழந்தை களின் முதலீட்டை எஸ்.ஐ.பி மாதிரியான திட்டங்களில் மாதம்தோறும் செய்யலாமே தவிர, பணம் இருக்கும்போது செய்வேன் என மொத்த முதலீட்டில் இறங்குவது சரியாக இருக்காது.

சிறுகச் சிறுக முதலீடு செய்யும்போது அதன் மூலம் கிடைக்கும் பலன் அதிகமாக இருக்கும். அதே நேரம், அந்த முதலீட்டின் மீதான சுமையும் தெரியாது” என்றார் தெளிவாக.

ஆக, குழந்தைகளுக்கான முதலீட்டை ஆரம்பிக்கும் பெற்றோர்கள், மேலே சொன்ன ஐந்து விஷயங்களையும் கவனத்தில் எடுத்துக்கொண்டு செயல் பட்டால், குழந்தைகளின் எதிர் காலத்துக்குத் தேவையான பணத்தைக் குறையில்லாமல் சேர்க்க முடியும். உத்தரவாதமான வருமானத்தை மட்டும் கருத்தில்கொண்டு செயல்பட்டால், நம்மால் பெரிய அளவில் பணம் சேர்க்க முடியாது என்பதை மனதில் கொண்டு செயல்படுவது அவசியம்!

”கல்வி மற்றும் திருமணச் செலவுக்கு..!

“குழந்தைகளின் திருமணத்தை விடவும், குழந்தைகளுக்கான கல்வி எனும்போது, பெரும்பாலான பெற்றோர்கள் அதைத் திட்டமிடத் தவறுகிறார்கள். குழந்தைகளின் பள்ளிப் படிப்புக்கு அதிக செலவாகும் இந்தக் காலத்தில், அவர்களின் மேற்படிப்புக்கான செலவுகளை முன்னரே திட்டமிட வேண்டியது அவசியம். குழந்தைகளின் மேற்படிப்புக்காகத் திட்டமிடும்போது, அது ஒரு நீண்டகால இலக்கு என்பதை நாம் மறக்கக் கூடாது. உதாரணமாக, குழந்தையின் வயது ஒன்று என்றால், 16 வருடங்களுக்குப் பின்புதான் குழந்தைக்கான மேற்படிப்பு செலவுக்குத் தேவைப்படும். சுமார் 24 வருடம் கழித்து, திருமணச் செலவுக்கு பணம் தேவைப்படும். இப்படி ஒவ்வொரு விஷயத்தையும் பெற்றோர்கள் மனதில் கொண்டு, முதலீட்டை ஆரம்பிப்பது அவசியம்”

பிட்ஸ்

ணியாளர் வேலைப் பகிர்வு தொடர்பான சேவையைத் தரும் ஸ்லாக் (Slack) நிறுவனத்தை சேல்ஸ் ஃபோர்ஸ் நிறுவனம் 27.7 பில்லியன் டாலர் தந்து வாங்க ஒப்புதல் தெரிவித்து உள்ளது!