Published:Updated:

மியூச்சுவல் ஃபண்டின் மூன்று ரகசியங்கள்... பலன்கள் என்ன? - புரிந்துகொண்டால் நன்மை!

முதலீடு
பிரீமியம் ஸ்டோரி
முதலீடு

ஒருமுறை மட்டும் முதலீட்டை மேற்கொள்ளும் நபர்களுக்கு எஸ்.டி.பி திட்டம் பெரிதும் உதவும்.

மியூச்சுவல் ஃபண்டின் மூன்று ரகசியங்கள்... பலன்கள் என்ன? - புரிந்துகொண்டால் நன்மை!

ஒருமுறை மட்டும் முதலீட்டை மேற்கொள்ளும் நபர்களுக்கு எஸ்.டி.பி திட்டம் பெரிதும் உதவும்.

Published:Updated:
முதலீடு
பிரீமியம் ஸ்டோரி
முதலீடு
மியூச்சுவல் ஃபண்டுகளின் சிறப்பம்சமே மற்ற சிறு சேமிப்பு மற்றும் முதலீட்டுத் திட்டங்களைப் போல இங்கு முதிர்வுக்காலம் என்ற கட்டுப்பாடுகள் இல்லை. சில குளோஸ்டு எண்டடு ஃபண்டுகள், வரிச் சேமிப்பு ஃபண்டுகள், குழந்தைகள் மற்றும் ஓய்வுக்கால திட்டங்களைத் தவிர, அனைத்து திட்டங்களிலும் நாம் எப்போது வேண்டுமானாலும் நமது முதலீட்டை எடுத்துக் கொள்ளலாம்.
மியூச்சுவல் ஃபண்டின் மூன்று ரகசியங்கள்... பலன்கள் என்ன? - புரிந்துகொண்டால் நன்மை!

மியூச்சுவல் ஃபண்டில் மற்றொரு சிறப்பம்சம், தானியங்கிச் சேவைதான். பொதுவாக, இதுபோன்ற சேவை நமக்கு வங்கி மற்றும் அஞ்சலக சேமிப்புகளில் கிடைக்காது. உதாரணமாக ஒருவர் தனக்குத் தேவையான மாத முதலீட்டை ஒரே கணக்கில் அதிகரிக்கவும் குறைக்கவும் செய்யலாம். இலக்குகளுக்கான காலத்தையும் மாற்றலாம். உங்களால் ஏதாவது சில காரணங்களால் சில மாதங்கள் முதலீடு செய்ய முடியவில்லையெனில், நீங்கள் தற்காலிகமாக நிறுத்தி வைக்கலாம். இதுபோன்ற வசதிகள் மற்ற சாதனங்களில் காண முடியாது. மியூச்சுவல் ஃபண்டில் தானியங்கிச் சேவைகள் எனச் சொல்லும்போது, அவை மூன்று வகைப்படும். மூன்றும் முத்தான தன்மைகள் கொண்டவை எனலாம். அவற்றின் செயல்பாடுகள் எந்தவொரு முதலீட்டாளருக்கும், எந்தவொரு காலத்துக்கும் பொருந்தும் வண்ணம் இருக்கும்.

ஒட்டுமொத்த விகடனுக்கும் ஒரே ஷார்ட்கட்!

மியூச்சுவல் ஃபண்டின் மூன்று ரகசியங்கள்... பலன்கள் என்ன? - புரிந்துகொண்டால் நன்மை!

எஸ்.ஐ.பி (Systematic Investment Plan - SIP)

இது ஒரு முறையான முதலீட்டுத் திட்டம். ஒரு குறிப்பிட்ட தொகையை ஏதேனும் ஒரு திட்டத்தில் சீரான இடைவெளியில் முதலீடு செய்வது சிஸ்டமேட்டிக் இன்வெஸ்ட் மென்ட் பிளான் (எஸ்.ஐ.பி). உங்களுக்கு பிற்காலத்தில் தேவையான ஒரு தொகையைப் பெற, சீரான இடைவெளியில் ஒரு தொகையை முதலீடு செய்ய இந்தத் திட்டம் உதவுகிறது.

உதாரணமாக, 20 வருடங்களின் முடிவில் உங்களுக்கு ரூ.20 லட்சம் தேவை என வைத்துக் கொள்வோம். நீங்கள் அதற்காக மாதம்தோறும் 2,000 ரூபாயைத் தொடர்ச்சியாக அடுத்த 20 வருடங்களுக்கு முதலீடு செய்யும் நிலையில் (எதிர்பார்க்கும் வருமானம் ஆண்டுக்கு சராசரியாக 12%) 20 லட்சம் ரூபாயைப் பெறலாம். இதுவே ஒரு முறை முதலீடாக ரூ.2.10 லட்சத்தை முதலீடு செய்தால், 20 வருட முடிவில் மேலே சொன்ன தொகையை அடையலாம்.

இளம் வயதில் எஸ்.ஐ.பி திட்டத்தில் ஓய்வுக்காக முதலீடு செய்துள்ளவர்கள், ஓய்வுக்காலத்தில் மாதம்தோறும் ஒரு குறிப்பிட்ட தொகையைப் பெறுவதற்கான வாய்ப்பு எஸ்.டபிள்யூ.பி திட்டம் மூலமாக அமையும்!

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

பயன்கள்: 1. சந்தை ஏற்ற - இறக்கத்தைப் பற்றிய கவலை அதிகம் தேவையில்லை 2. தொடர் முதலீடு நல்லதொரு தொகுப்பு தொகையை ஏற்படுத்தும் 3. முதலீட்டின் சீரான இடைவெளியாக மாதம்தோறும் காலாண்டுக்கு ஒருமுறை அல்லது வருடத்துக்கு ஒருமுறை முதலீடு செய்யலாம். சில திட்டங்களில் வார முதலீடு, தினசரி அனுமதிக்கப்படுகிறது. வார முதலீடு சந்தை இறக்க காலங்களில் பெரிதும் உதவக் கூடும். 4. நீண்டகாலத்தில் பணவீக்கத்தைத் தாண்டிய வருவாயை அளிக்கும். 5. உங்கள் மாத முதலீட்டுத் தொகையை அதிகப்படுத்தலாம் அல்லது குறைத்தும் கொள்ளலாம். 6. உங்கள் வங்கியிலிருந்து ஒவ்வொரு மாதத்துக்கும் அல்லது வாரத்துக்குத் தேவையான தொகையைத் தானாகவே எடுத்து, முதலீடு செய்யும் வசதி. 7. ஒவ்வொரு நிதி இலக்கை நிர்ணயித்து, அதற்கேற்றாற்போல ஒவ்வொரு ஃபண்டையும் தேர்ந்தெடுக்கலாம். 8. குறுகிய காலத்துக்கு ரிஸ்க் அதிகம் எடுக்காமல் லிக்விட் மற்றும் கடன் திட்டங்களின் மூலம் வங்கி வட்டி விகிதத்தைக் காட்டிலும் அதிக வருவாய் பெறலாம். நீண்டகாலத்தில் தொடர்ச்சியாக முதலீடு செய்யும் நிலையில், கூட்டுவட்டியின் வலிமையை உணரலாம். இளம் வயது முதலீட்டாளர்களுக்குப் பலனளிக்கும்.

மியூச்சுவல் ஃபண்டின் மூன்று ரகசியங்கள்... பலன்கள் என்ன? - புரிந்துகொண்டால் நன்மை!

சிஸ்டமேட்டிக் டிரான்ஸ்பர் பிளான் (SystematicTransfer Plan -STP)

இது ஒரு முறையான பரிமாற்றத் திட்டம். ஒருமுறை மட்டும் முதலீட்டை மேற்கொள் பவருக்கு இந்த எஸ்.டி.பி திட்டம் பெரிதும் உதவும். பொதுவாக, சந்தையில் தனிநபர் ஒருவர் ஒரு முறை மட்டுமே முதலீடு செய்வது சிறந்த முதலீடாகக் கருதப்படாது. சந்தை ஏற்ற இறக்கத்தில் முதலீட்டைத் தொடர்ச்சியாக மேற்கொள்வது அவசியம். அதே வேளையில் ஒருவர் ஒரு முறை முதலீட்டை சந்தை ஏற்றமாக உள்ள காலங்களில் செய்துவிட்டு, பின்பு சந்தை வீழ்ச்சியடையும்போது மறுமுறை முதலீடு செய்வது தேவையான ஒன்றாகும். அவ்வாறு முதலீடு செய்ய முடியாத நிலையில், முந்தைய முதலீடு மீண்டு வருவதற்கு சில காலங்கள் பிடிக்கும்.

இதைத் தவிர்க்க சிஸ்டமேட்டிக் டிரான்ஸ்பர் பிளானைப் பயன்படுத்தலாம். அதாவது, உங்களிடம் ஒரு முறை முதலீடாக ரூ. 5 லட்சம் இருந்தால் அதை ஒரே ஒரு திட்டத்தில் ஒரு முறை முதலீடாகச் செய்யாமல், ரிஸ்க் குறைந்த கடன் திட்டத்தில் முதலீடு செய்யலாம். பின்பு கடன் திட்டத்திலிருந்து மற்றொரு ரிஸ்க் நிறைந்த ஈக்விட்டி திட்டத்துக்கு மாதாமாதம் ஒரு குறிப்பிட்ட தொகையை அனுப்புமாறு கட்டளையிடலாம். இதனால் சந்தையின் பெருத்த இறக்க காலத்தில் ஒரு முறை முதலீட்டின் தன்மை அதிகமாகப் பாதிப்படையாது.

உதாரணமாக, 5 லட்ச ரூபாயை கடன் திட்டங்களில் (Debt or Liquid Funds) முதலீடு செய்துவிட்டு, வாராவாரம் 500 ரூபாய் அல்லது மாதமாதம் ரூ.2,000 என எஸ்.டி.பி பரிமாற்றத்தை ஏற்படுத்தலாம். சந்தை இறக்கம் கண்டாலும், நாம் செய்துள்ள ரிஸ்க் முதலீடு மாதம் ரூ.2,000 மட்டுமே.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

பயன்கள்: இரு திட்டத்திலும் வருவாய் கிடைக்கும். ஒருமுறை முதலீடாகக் கடன் திட்டத்தில் மேற்கொள்ளும் போது, அங்கு அதிக ரிஸ்க் இல்லாத வருவாய் கிடைக்கப்பெறும். அதே வேளையில் மாதம்தோறும் ரிஸ்க் நிறைந்த திட்டத்துக்கு பரிமாற்றம் செய்யும்போது, அங்கும் நமக்கான வருவாய் வாய்ப்பு நீண்டகாலத்தில் உள்ளது. ஒரு முறை மட்டும் முதலீடு செய்வதில் உள்ள ரிஸ்க் தன்மையைப் பரவலாக்கலாம். பெரிய தொகையை வங்கியில் வைத்திருக்க மனமில்லாதவர்கள், மியூச்சுவல் ஃபண்டின் எஸ்.டி.பி திட்டத்தைத் தேர்ந்தெடுக்கலாம்.

மியூச்சுவல் ஃபண்டின் மூன்று ரகசியங்கள்... பலன்கள் என்ன? - புரிந்துகொண்டால் நன்மை!

சந்தை இறக்க காலங்களில் மொத்த முதலீட்டைப் பாதுகாப்பது மட்டுமல்லாமல், அதிக வருவாய் கிடைக்கும் வாய்ப்பும் அதிகம். கடன் திட்டத்திலிருந்து பங்கு சார்ந்த திட்டம் மற்றும் பங்கு சார்ந்த திட்டத்திலிருந்து கடன் திட்டத்துக்குப் பரிமாற்றம் செய்யும் வசதி.

சிஸ்டமேட்டிக் வித்ட்ராயல் பிளான் (SystematicWithdrawal Plan - SWP)

இது ஒரு முறையாகத் திரும்பப் பெறும் திட்டம். ஒரு குறிப்பிட்ட தொகையை, ஏற்கெனவே முதலீடு செய்யப்பட்ட ஃபண்டி லிருந்து சீரான இடைவெளியில் திரும்பப் பெறுவது. இளம் வயதில் எஸ்.ஐ.பி திட்டத்தில் ஓய்வுக்காக முதலீடு செய்துள்ளவர்கள், அவர்களது ஓய்வுக்காலத்தில் மாதம்தோறும் ஒரு குறிப்பிட்ட தொகையைப் பெறுவதற்கான வாய்ப்பு சிஸ்டமேட்டிக் வித்ட்ராயல் பிளான் திட்டம் மூலமாக அமையும்.

உதாரணமாக, ஒருவர் தனது 30 வயதில் மாதம்தோறும் 5,000 ரூபாயை அடுத்த 30 வருடங்களுக்கு முதலீடு செய்தால், 60 வயதின் முடிவில் அவருக்குக் கிடைக்கப்பெறுவது ரூ.3.5 கோடி (எதிர்பார்க்கும் ஆண்டு சராசரி வருமானம் 15%).

முதிர்வில் இந்தத் தொகையை முழுவதுமாக எடுக்காமல், மாதம்தோறும் ஓய்வூதியம் போல ஒரு குறிப்பிட்ட தொகையை வங்கி கணக்குக்குப் பெறலாம். மாதம் ரூ.50,000 வேண்டுமெனில் அவரது ஓய்வுக்குப் பிறகு, அடுத்த 7 வருடங்களுக்கு இந்தத் தொகையை வங்கிக் கணக்கில் (ஓய்வுக்கால முதலீட்டின் மூலம் ஆண்டுக்குச் சராசரியாக 8% வருமானம் கிடைக்கும் நிலையில்) பெறலாம்.

பயன்கள்: 1. ஓய்வுக்காலத்தில் இருப்பவர்களுக்கு பலனளிக்கும் திட்டமாக அமையும். 2. இந்த முறையின் மூலம் சந்தை இறக்கத்தைப் பெருமளவில் தவிர்க்கலாம். 3. மியூச்சுவல் ஃபண்டில் கிடைக்கப்பெறும் டிவிடெண்ட் திட்டத்துக்கு மாற்றாக இந்தத் திட்டத்தைப் பயன்படுத்தலாம். சுருக்கமாக, இளம் வயது முதலீட்டாளர் ஒருவர் மாதம்தோறும் எஸ்.ஐ.பி திட்டத்தின் மூலம் முதலீடு செய்துவிட்டு, ஓய்வுக்காலத்துக்கு அருகில் எஸ்.டி.பி மூலம் ரிஸ்க் குறைந்த ஃபண்டுக்கு பரிமாற்றிக் கொண்டு, ஓய்வுக்காலத்தில் எஸ்.டபிள்யூ.பி மூலம் தொடர் வருமானத்தைப் பெறலாம்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism