Published:Updated:

தங்கம் வாங்கும்போது இவற்றையெல்லாம் கவனியுங்கள்! - தகதக டிப்ஸ்

தங்கம்
பிரீமியம் ஸ்டோரி
தங்கம்

GOLD INVESTMENT

தங்கம் வாங்கும்போது இவற்றையெல்லாம் கவனியுங்கள்! - தகதக டிப்ஸ்

GOLD INVESTMENT

Published:Updated:
தங்கம்
பிரீமியம் ஸ்டோரி
தங்கம்

நாணயம் விகடன் மற்றும் அவள் விகடன் இணைந்து, ‘தங்க நகை வாங்கும்போது கவனிக்க வேண்டிய விஷயங்கள்!’ என்ற நிகழ்ச்சியை சமீபத்தில் நடத்தியது. இதில், ஈரோட்டிலுள்ள ஜெம் & ஜுவல்லரி டெக்னாலஜி டிரைனிங் சென்டரின் இயக்குநர் கே.சுவாமிநாதன் கலந்துகொண்டு பேசினார். வாசகர்களின் கேள்விகளுக்கும் பதில் அளித்தார். அதன் தொகுப்பு இனி...

‘916 நகைகள்’ என்றால் என்ன?

‘‘916 நகைகள்’ நகைகள் என்றால் தரமான நகைகள் என்று நினைக்கிறோம். பூமியிலிருந்து வெட்டியெடுக்கப்படும் தங்கம்தான் கலப்படமில்லாத தங்கம். இதை ‘சொக்கத்தங்கம்’ என்று கூறுவார்கள். தூய்மையான தங்கத்தில் ஆபரணங்கள் செய்ய முடியாது என்பதால், தங்கத்தில் சிறிதளவு பிற உலோகம் கலக்கப்படுகிறது. வெள்ளி அல்லது செம்பு சேர்க்கப்பட்ட 22 கேரட் தங்கத்தில்தான் நகைகள் செய்ய முடியும். 916 ஹால்மார்க் தங்க நகையில் 91.6% தங்கமும், 8.4% செம்பு அல்லது வெள்ளி போன்ற உலோகங்களும் சேர்க்கப்பட்டிருக்கும். இந்த நகைகளே ‘916 நகைகள்’ எனப்படுகின்றன.

கே.சுவாமிநாதன்
கே.சுவாமிநாதன்

கே.டி.எம் நகைகளை வாங்கலாமா?

‘‘கே.டி.எம் என்பது கேட்மியம் (Cadmium or KDM) என்பதன் சுருக்கம். இது ஓர் உலோகம். நகை செய்யும்போது இதைப் பற்றவைத்து இணைப்பதற்குப் பயன்படுத்தப்படு கின்றன. இவ்வாறு செய்யப்பட்ட பழைய 22 கேரட் தங்கத்தை உருக்கி புது நகை செய்யும்போது, மேலும் இணைப்பு உலோகங்கள் பயன்படும். இதனால் ஒவ்வொரு முறை உருக்கி புது நகை செய்யும்போதும் நகையின் தரம் குறைந்துகொண்டே போகும். இந்தப் பிரச்னைக்குத் தீர்வாக கேட்மியம் (Cadmium or KDM) என்ற வெள்ளை நிறுத்தாலான உலோகம் பயன் படுத்தப்படுகிறது. கே.டி.எம் வைத்து நகைகளை இணைத்துப் பற்றவைக்கும் போது, அது ஆவியாகிவிடும். இதனால் அதில் தங்கத்தைத் தவிர, வேறெந்த உலோகமும் இருக்காது.

ஆனால், இந்த கே.டி.எம் பயன்படுத்தி நகைகளைச் செய்ய உலக சுகாதார நிறுவனம் தடைவிதித்துள்ளது. ஏனெனில், கே.டி.எம் நகை செய்யும் பொற்கொல்லர் ஆவியாகும் கேட் மியத்தை சுவாசிக்கும்போது அவருக்குப் புற்றுநோய் வருவதற்கான வாய்ப்புகள் அதிகம். கே.டி.எம் கலந்து செய்யப்படும் நகைகளை வாங்குவதை மக்கள் தவிர்க்க வேண்டும்.’’

கே.டி.எம் நகை செய்பவர் ஆவியாகும் கேட்மியத்தை சுவாசித்தால் புற்றுநோய் வர வாய்ப்புகள் அதிகம். எனவே, கே.டி.எம் கலந்து செய்யப்படும் நகைகளை வாங்குவதைத் தவிர்க்க வேண்டும்!

சில நகைகளுக்கு மட்டும் சேதாரம், செய்கூலி அதிகமாக வாங்கப்படுவது ஏன்?

‘‘தங்க நகைகள் மட்டுமல்ல. எந்தப் பொருள்களையும் புதியதாக உருவாக்கும் போது சேதாரம் ஏற்படுவது இயல்புதான். தங்கத்தை உருக்கி, வேலைப்பாடுகள் நிறைந்த ஆரமாகவோ, மோதிரமாகவோ, அணியக்கூடிய ஆபரங்களாகவோ செய்யும்போது அந்த நகையின் அளவைப் பொறுத்து சில மில்லி தங்கத் துகள்கள் சேதாரமடைய நிறையவே வாய்ப்புள்ளது. இதற்கான விலையும், நகையில் வேலைப் பாடுகள் செய்வதற்குரிய செய் கூலியும் தொகையும் சேர்ந்தது தான் நகையின் முழு விலை. பொற்கொல்லருக்குக் குறிப்பிட்ட சேதாரம், செய்கூலி தொகையைக் கொடுத்து நகை வாங்கும் கடைக் காரர்கள், அவர்கள் கொடுத்ததை விட மூன்று மடங்கு சேதாரம் வைத்து விற்பனை செய்கிறார்கள். தினம்தோறும் விலை ஏறி இறங்கும் தங்கத்தில் செய்கூலி, சேதாரத்தில் மட்டுமே லாபம் காண முடியும் என்பதால், ஆபரணத்தின் வேலைப்பாடு களைப் பொறுத்து இதற்கான தொகை அதிகமாக வாங்கப் படலாம். எனவே, தங்க நகையில் சேதாரம் தவிர்க்க முடியாததாக இருக்கிறது.’’

தங்கக் கட்டி வாங்குவது சிறந்ததா?

‘‘தங்கக்கட்டி வாங்க வேண்டும் என்றால் அதை எதற்காக வாங்கு கிறோம், எவ்வளவு தொகையில் வாங்குகிறோம் என்பன போன்ற காரணங்களையெல்லாம் கூறி தனியாக பில் கேட்டு வாங்க வேண்டும். இது நிறைய விதிமுறை களை உள்ளடக்கியது. வாங்கி சிறிது காலத்திலேயே நகையாக மாற்றப்போகிறீர்கள் என்றால், தங்கக் கட்டியை வாங்க வேண்டாம். அதற்கும் கடை களைப் பொறுத்து 2% முதல் 7% வரை செய்கூலி மற்றும் சேதாரம் இருக்கிறது. நீண்ட காலம் கழித்துதான் நகையாக மாற்றப் போகிறீர்கள் என்றால் தங்கக் கட்டி அல்லது தங்க நாணயமாக வாங்கலாம்.’’

தங்கம் வாங்கும்போது இவற்றையெல்லாம் கவனியுங்கள்! - தகதக டிப்ஸ்

தங்கத்தின் விலை தினசரி ஏன் மாறுபடுகிறது?

‘‘தங்கத்தின் விலையை அரசு நிர்ணயிப்பதில்லை. லண்டன் உலோக சந்தையில்தான் இதற்கான தினசரி விலை நிர்ணயம் செய்கிறார்கள். ஹெ.எஸ்.பி.சி, பேங்க் ஆஃப் சைனா உள்ளிட்ட 15 வங்கி களின் பிரதிநிதிகள் மற்றும் சுரங்க அமைப்புகளின் பிரதிநிதிகள் நால்வர் இணைந்து இந்த விலையை நிர்ணயம் செய் கின்றனர். தங்கத்தின் தேவை, கச்சா எண்ணெய்யின் தேவை மற்றும் அமெரிக்க டாலரின் மதிப்பை அடிப்படையாகக் கொண்டே இந்த விலை தினமும் மாறுபடுகிறது.’’

தங்க நகை வாங்கும்போது கவனிக்க வேண்டிய சில முக்கியமான விஷயங்கள் என்னென்ன?

‘‘எந்தக் கடையில் தங்க நகை வாங்க வேண்டும் என்பதில் கவனம் செலுத்துவதைவிட எந்த மாதிரியான நகை வாங்கு கிறோம் என்பதில் கவனம் தேவை. முடிந்தவரையில் ஹால்மார்க் நகைகளாக வாங்குவது சிறந்தது. நகை வாங்குக்கும்போது மறக்காமல் அதற்கான பில்லையும் வாங்க வேண்டும். நீங்கள் வாங்கும் நகைகளில் அங்கீகரிக்கப்பட்ட முத்திரைகள் எல்லாம் இருக் கின்றனவா என்பதைச் சரிபார்த்துக் கொள்வது நல்லது.’’

தங்கம், பிளாட்டினம், வைரம்... எது நல்லது?

‘‘நமது நாட்டைப் பொறுத்தவரை, தங்கம்தான் பெஸ்ட். தங்கத்தைவிட விலை அதிகமுள்ள உலோகம் பிளாட்டினம். ஆனாலும், அது நம் மக்களிடையே பிரபலமடையவில்லை. இதை உடனடியாகப் பணமாகவும் மாற்ற முடியாது என்பதால் தங்க நகையாக வாங்குவதே சிறந்தது.’’

இந்த நிகழ்ச்சியை ஃபேஸ்புக்கில் உள்ள வீடியோவில் பார்க்கலாம்: https://www.facebook.com/204945246245336/videos/1030113667492090

கல் வைத்த தங்க நகைகள்

தங்கம் வாங்கும்போது இவற்றையெல்லாம் கவனியுங்கள்! - தகதக டிப்ஸ்

‘‘கல் வைத்த நகைகளை வாங்காமல் தவிர்ப்பது நல்லது. கல் நகையைக் கடையில் வாங்கும்போது அதற்கான விலை மற்றும் சேதாரம், செய்கூலி அனைத்தையும் கொடுக்க வேண்டும். அதையே நீங்கள் விற்கும்போது நகையில் உள்ள கல்லின் எடைக்குப் பணம் கிடைக்காது. கல்லை எல்லாம் நீக்கிவிட்டு மீதமிருக்கும் தங்கத்தின் எடைக்கு மட்டுமே பணம் தருவார்கள். அதனால் கல் நகை வாங்குவதைத் தவிர்க்கவும். கல் வைத்த நகை அணிய விரும்புவோர் மட்டுமே அந்த வகை நகைகளை வாங்கலாம்.’’

பிட்ஸ்

டந்த நவம்பரில் பங்கு சார்ந்த திட்டங்களில் இருந்து ஃபண்ட் நிறுவனங்கள் ரூ.30,760 கோடி மதிப்பிலான முதலீட்டைத் திரும்ப எடுத்துள்ளன. லாபத்தைத் திரும்ப எடுப்பதன் அடிப்படையில் இந்த முதலீட்டை ஃபண்ட் நிறுவனங்கள் விற்றுள்ளன!

பிட்ஸ்

ல்.ஐ.சி நிறுவனம் கடந்த இரண்டாம் ஆண்டின் முடிவில் பங்குச் சந்தையில் 77 பில்லியன் டாலர் (ரூ.5.7 லட்சம் கோடி) முதலீடு செய்துள்ளது. 2018 நான்காம் காலாண்டில் இது 84 பில்லியன் டாலராக இருந்தது!