Published:Updated:

ஜனநாயகத்துக்கான எச்சரிக்கை மணி!

ஜனநாயகத்துக்கான எச்சரிக்கை மணி!
பிரீமியம் ஸ்டோரி
ஜனநாயகத்துக்கான எச்சரிக்கை மணி!

ஜனநாயகத்துக்கான எச்சரிக்கை மணி!

ஜனநாயகத்துக்கான எச்சரிக்கை மணி!

ஜனநாயகத்துக்கான எச்சரிக்கை மணி!

Published:Updated:
ஜனநாயகத்துக்கான எச்சரிக்கை மணி!
பிரீமியம் ஸ்டோரி
ஜனநாயகத்துக்கான எச்சரிக்கை மணி!

ச்சநீதிமன்றத் தலைமை நீதிபதி தீபக் மிஸ்ராமீது எதிர்க்கட்சிகள் கொண்டுவந்த பதவி நீக்கத் தீர்மானத்தை

ஜனநாயகத்துக்கான எச்சரிக்கை மணி!

நிராகரித்திருக்கிறார் மாநிலங்களவைத் தலைவரும் துணைக் குடியரசுத் தலைவருமான வெங்கய்யா நாயுடு. இந்தத் தீர்மானம் கொண்டுவரப்படும்போதே இது சட்டப்படி சரியானதுதானா, தீர்மானம் விவாதத்துக்கு எடுத்துக்கொள்ளப்படுமா, விவாதத்துக்கு எடுத்துக்கொள்ளப்பட்டாலும் நாடாளுமன்றத்தின் இரு அவைகளிலும் பெரும்பான்மை இல்லாத எதிர்க்கட்சிகளால் கொண்டுவரப்படும் இந்தத் தீர்மானம் வெற்றிபெறுமா என்று பல்வேறு கேள்விகள் இருந்தன. ஆனால் இந்தக் கேள்விகளைவிட முக்கியமானது, இந்தப் பதவிநீக்கத் தீர்மானத்துக்குக் காரணமான சூழல்.

நீதிபதிகள் நியமனம் தொடர்பாக உச்சநீதிமன்றத்துக்கும் மத்திய அரசுக்கும் முரண்பாடுகள் எழுந்ததிலிருந்தே இந்தப் பிரச்னை ஆரம்பித்தது. ஏப்ரல் 24, 2016 அன்று “லட்சக்கணக்கில் வழக்குகள் குவிந்துள்ள நிலையில் மத்திய அரசு நீதிபதிகள் நியமனத்தில் அலட்சியம் காட்டுகிறது” என்று அப்போதைய உச்சநீதிமன்றத் தலைமை நீதிபதி பி.எஸ்.தாக்கூர் ஒரு நிகழ்ச்சியில் பிரதமர் மோடி முன்னிலையிலேயே கண்ணீரோடு தெரிவித்தார்.

தீபக் மிஸ்ரா உச்சநீதிமன்றத் தலைமை நீதிபதியாகப் பதவியேற்றபிறகு, நீதித்துறையில் மத்திய அரசின் தலையீடு இருப்பதாகக் குற்றச்சாட்டுகள் எழுந்தன. இந்த ஆண்டு ஜனவரி 12-ல், தீபக் மிஸ்ரா நீதிபதிகளுக்கு வழக்கை ஒதுக்குவதில் பாரபட்சம் காட்டுவதாகவும், நீதித்துறையில் அரசியல் தலையீடு இருப்பதாகவும் உச்சநீதிமன்ற நீதிபதிகள் செல்லமேஸ்வரர், ரஞ்சன் கோகாய், குரியன் ஜோசப், மதன் பி லோகூர் ஆகியோர் வெளிப்படையாகவே குற்றம் சாட்டினர்.

அமித்ஷா தொடர்புடைய சொராபுதீனின் போலி என்கவுன்டர் வழக்கை விசாரித்த நீதிபதி லோயா மரணத்தில் மர்மம் உள்ளதாக ஆதாரங்களின் அடிப்படையில் பலமான குற்றச்சாட்டுகள் எழுந்தன. இதுகுறித்து வெவ்வேறு நீதிமன்றங்களில் தொடுக்கப்பட்ட பொதுநல வழக்குகளைத் தன் தலைமையிலான பெஞ்சுக்கு தீபக் மிஸ்ரா மாற்றிக்கொண்டதோடு, எல்லா வழக்குகளையும் தள்ளுபடி செய்திருக்கிறார் என்ற குற்றச்சாட்டு எழுந்துள்ளது.

எதிர்க்கட்சிகள் தலைமை நீதிபதிமீது பதவி நீக்கத் தீர்மானம் கொண்டுவரும் அளவுக்கு நிலைமை மோசமடைந்திருப்பது, ஜனநாயகத்தின் முக்கியமான நான்கு தூண்களில் மூன்றாவது தூணாகிய நீதித்துறை ஒருமாற்று குறைந்திருக்கிறதோ என்ற சந்தேகத்தை எழுப்புகிறது. அரசு, நிர்வாகத்துறை என்ற இரண்டு தூண்களும் மூன்றாவது தூணில் ஏற்பட்டுள்ள பிரச்னைகளின் மீது கவனம் செலுத்தாதபோது, இதுகுறித்துத் தொடர்ச்சியாக கவனம் செலுத்துவதும் ஜனநாயகத்தின் மாண்பைக் காப்பதில் அக்கறை கொள்வதும் நான்காவது தூணான ஊடகத்துறையின் முக்கியக் கடமையாகிறது.

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism