Published:Updated:

பிட்காயின் பித்தலாட்டம் - த்ரில் தொடர் - 25

பிட்காயின் பித்தலாட்டம் - த்ரில் தொடர் - 25
பிரீமியம் ஸ்டோரி
News
பிட்காயின் பித்தலாட்டம் - த்ரில் தொடர் - 25

பிட்காயின் பித்தலாட்டம் - த்ரில் தொடர் - 25

டி.ஒ.டி-யில் (DOT) ஆஃபிசர் ஆன்ட்யூடியாகப் பணிபுரிந்துவந்த ஃப்ராங்க்ளின் டஸ்டர், டோனியையும்

பிட்காயின் பித்தலாட்டம் - த்ரில் தொடர் - 25

ஏட்ரியனையும் லாபியில் சந்தித்தபின் அங்கிருந்து அவர்களைக் கட்டுப்பாட்டு அறைக்குக் கூட்டிச் சென்றார். அவர் களுக்குமுன்னால் நியூயார்க் நகரமெங்கும் பல்வேறு இடங்களில் பொருத்தப்பட்டிருக் கும் கேமராக்களிலிருந்து நேரலையாகப் பதிவுகள் வந்துகொண்டிருந்தன.

‘‘கோனே ஐலாண்ட் அவென்யூவைச் சுற்றி மூன்று கேமராக்கள் இருக்கின்றன’’ என்று சொல்லிக்கொண்டே டஸ்டர், ஒரு கேமராவின் பதிவுகளைத் திரையில் தெரியும்படி செய்தார். அவை கொள்ளை நடந்த அன்று பதிவானவை. டோனியும், ஏட்ரியனும் காலை 9.30 மணியிலிருந்து 10.40 மணிவரை பதிவாகியிருந்ததைப் பார்த்தனர். அந்த நேரத்தில்தான் கோனே ஐலேண்ட் ஏ.டி.எம்-ல் முதல் கொள்ளை நடந்திருந்தது. ஆனால், கேமராப் பதிவிலிருந்து குறிப்பிட்டுச் சொல்லும்படி எந்தத் தகவலும் கிடைக்கவில்லை.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
பிட்காயின் பித்தலாட்டம் - த்ரில் தொடர் - 25

இரண்டாவது கேமரா அன்றைக்கு வேலை செய்யவில்லை. `பல கேமராக்கள் ஏதாவது ஒரு நேரத்தில் வேலை செய்யாமல் இருந்திருக்கிறது’ என்பதை ஃப்ராங்க்ளின் விளக்கினார். அதன்பின் அவர்கள் மூன்றாவது கேமராவின் பதிவைப் பார்க்கத் தயாராயினர்.

முதல் 58 நிமிடப் பதிவை வேகமாக ஃபார்வர்டு செய்து 20 நிமிடம் பார்த்தனர். சுவாரஸ்யமான விஷயம் எதுவும் கிடைக்கவில்லை என்றாலும் இறுதியில் அதிர்ஷ்டம் அவர் களைப் பார்த்து சிரித்தது.
கொள்ளை நடந்த அன்று காலை 10.28 மணிக்கு மூன்று பேர், அதில் இரண்டு பேர் ஹுடி அணிந்திருந்ததுடன் ஒரே மாதிரி யான பேக்குடன் அந்த கேமராவைக் கடந்து சென்றது அதில் பதிவாகியிருந்தது. அதில் அவர்களுடைய பின்பக்கம்தான் தெரிந்ததே தவிர, முகம் தெரிய வில்லை.

டோனி வேகமாக அவருடைய பேக்கிலிருந்து கத்தையாக பல போட்டோக்களை எடுத்து அதை வேகமாகப் பார்த்துக்கொண்டே வரும்போது, ‘`வெயிட், வெயிட்’’ என்று கத்தினார். டஸ்டர் வீடியோவை நிறுத்தினார்.

‘`அவர்களில் இவனும் ஒருவன்...’’ என டோனி அதிலிருந்த மூன்று பேரில் கேமராவுக்குப் பக்கத்தில் பேக்கைத் தூக்கிச் சென்ற ஒருவனைக் காண்பித்துக் கத்தினார். ‘`அவனுடைய ஹூடியைப் பாருங்கள். மரூன் பேட்டர்னாக இருக்கிறது. இதேபோல, ஒன்றை ஏதோவொரு ஏ.டி.எம் கேமராப் பதிவுகளில் நான் பார்த்ததுபோல இருக்கிறது’’ என்றார்.

பிட்காயின் பித்தலாட்டம் - த்ரில் தொடர் - 25

‘`உறுதியாகவா..?” ஏட்ரியன் கேட்டார். டோனியின் மிகப் பெரிய வலிமை `யானைக்கிருப்பது போன்ற நினைவாற்றல்’ என்பது அவருக்குத் தெரியும். கத்தையாக இருந்த புகைப்படங்களிலிருந்து ஒன்றை எடுத்து ஏட்ரியனிடம் டோனி காண்பித்தார். அது       ஏ.டி.எம் கேமரா பதிவு செய்திருந்த இமேஜின் ஸ்கிரீன்ஷாட் ஆகும். படத்தில் இருந்தவர்கள் அணிந்த ஹூடியின் பேட்டர்னும் அவர்கள் பார்த்துக்கொண்டிருக்கும்           ஏ.டி.எம் கேமரா பதிவில் உள்ளவர்கள் அணிந்திருந்த ஹூடியின் பேட்டர்னும் ஒரே மாதிரியாக இருந்ததைப் பார்த்து ஏட்ரியன் தலையசைத்தார். அவர் கேமராவில் தெரிந்த நேரத்தைக் குறித்துக்கொண்டு கேமராப் பதிவுகளைத் தொடர்ந்து பார்த்துக் கொண்டே ‘‘போற போக்கப் பார்த்தா நாம நெருங்கிட்டு இருக்கோம்னு நினைக்கிறேன்’’ என்றார்.

இருவரும் திரையை மீண்டும் பார்த்தார்கள். டோனி அதி தீவிரமாகத் திரையை உற்றுப் பார்த்துக்கொண்டிருந்தார். டஸ்டர் கொஞ்சநேர நிறுத்தலுக்குப் பிறகு டேப்பைப் பத்து நிமிடங்கள் பின்னோக்கி நகர்த்தினார்.

‘`நிறுத்துங்கள்! இப்போது ஓடவிடுங்கள்’’ என டோனி கூறினார். இரண்டு விநாடிகளுக்குப் பிறகு, ‘`ஸ்டாப்!’’ என டோனி கத்தியதோடு தொடர்ந்து அவ்வப்போது, ‘‘ஸ்டாப், ஸ்டாப், ஸ்டாப், ஸ்டாப், ஸ்டாப்” என்று கத்திக்கொண்டே இருந்தார். ‘`வாட் தி ஹெல் ஆர் யூ டூயிங், டோனி?’’ ஏட்ரியன் எரிச்சலுடன் கேட்டார்.

“இங்கே பாருங்கள்’’ என்று திரையில் வலதுபக்க மூலையில் ட்வீட் கோட்டும், தொப்பியும் போட்டுக்கொண்டு முகத்தை மறைத்து நின்றுகொண்டிருந்த உயரமான ஒருவனைக் காண்பித்தார். டஸ்டர் மெதுவாக அந்த வீடியோவைச் சுழலவிட்டார். திரையின் இடதுபக்க மூலையில் தெரிந்த மூன்றுபேரில் ஒருவன் ட்வீட் கோட் போட்டுக் கொண்டிருந்தவனைப் பார்த்து மெதுவாகத் தலையசைத்தான். ட்வீட் கோட் போட்டவன் அதற்கு மறுமொழி எதுவும் கூறவில்லை என்றாலும், அவனது உடம்பில் ஏற்பட்ட மாற்றத்தைக் காண முடிந்தது.

‘`இவன் யாராக இருக்கும்..?” ஏட்ரியன் திரையில் தெரிந்த நேரத்தைக் குறித்துக் கொண்டிருக்கும்போது டோனி இதைக் கேட்டுக்கொண்டே டஸ்டரிடம் வீடியோவை முன்னோக்கி ஓட்டுமாறு கூறினார். ‘`அவன் ஏன் திடீரென்று இறுக்கமானான்? என்ன நடக்கிறது என்பது அவனுக்குத் தெரிந்திருக்கக்கூடும் என்பதை என்னால் உறுதியாக உணரமுடிகிறது’’ என்றார்.

பிட்காயின் பித்தலாட்டம் - த்ரில் தொடர் - 25

அடுத்த சில நிமிடங்களில், அவர்கள் தொடர்ந்து முன்னேறிச் செல்வதற்கு உதவும்படியாக எதுவும் திரையில் தோன்றவில்லை. அதன்பின் ஏதோவொன்று நடந்தது. தலை மூடப்பட்டிருந்த நிலையில் இரண்டு பேர் பேக்கைத் தூக்கிக்கொண்டு வெளியே வந்து காத்திருந்த டாக்ஸியை நோக்கிச் சென்றனர். டஸ்டரிடம் ஃப்ரேமை அப்படியே வைத்திருக்கும்படி ஏட்ரியன் கூறினார்.

ஏ.டி.எம் வீடியோ பதிவிலிருந்து அந்தப் படத்தை எடுத்துத் திரையில் தெரியும் முகத்துடன் ஒப்பிட்டுப் பார்த்து ஏதாவது அகப்படுகிறதா எனப் பார்த்தனர். மன்ஹாட்டன் ஏ.டி.எம்-மில் பொருத்தப்பட்டிருந்த கேமராக்கள் ஒன்றில் பதிவாகியிருந்த இமேஜுடன் இதில் ஒருவன் அணிந்திருந்த ஹூடி பேட்டர்ன் ஒரே மாதிரியாக இருந்தது. முழங்கைப் பகுதியில் இருந்த பேட்ச்-ம் அப்படியே பொருந்தியது.

தாங்கள் சரியான திசையில் சென்றுகொண்டிருப்பதாக அவர் களுக்குத் தோன்றியது. ‘`அந்த டாக்ஸியின் ரெஜிஸ்ட்ரேஷன் நம்பர் கிடைக்குமா?” என்று ஏட்ரியன் கேட்டார். “அதன்மூலம் இவர்கள் எல்லாம் யார் என்கிற தகவல் கிடைக்கலாம்’’ என்றார். 

‘`அது ஒரு பொய்யான எண்ணாக இருக்கலாம்’’ என டோனி கூறினார். இருந்தபோதிலும், ஏட்ரியன் நம்பரைக் குறித்துக்கொண்டார். அடுத்தடுத்து என அவர்கள் மோசடி செய்த பத்துக் குழுக்களும் அந்த இடத்தை விட்டுச் செல்வதைத் தெரிந்துகொண்டனர்.

நான்கு பேர் டாக்ஸியிலும், மீதியுள்ளவர்கள் நடந்தும் சென்றனர். ஆனால், எந்த ஒரு வீடியோவிலும் அவர்களின் முகம் தெளிவாகத் தெரியவில்லை.

ஒட்டுமொத்தமாகப் பார்த்தால், இந்த கேமராப் பதிவுகள் ஏட்ரியனுக்கு ஏமாற்றத்தையே கொடுத்தது. ஆனால், அவர்களின் ஆரம்ப அனுமானம் சரி என்பது இதிலிருந்து தெரியவந்தது. இங்கே அருகில் எங்கேயோதான் இந்தக் கொள்ளையைக் குறித்துத் திட்டமிட்டிருக்க வேண்டும் என்பதையும், ஏ.டி.எம் கொள்ளை ஆரம்பமாவதற்குமுன்பாக இந்த பத்துக் குழுக்களும் இங்கே எங்கேயோதான் இருந்திருக்க வேண்டும் என்பதையும் இது உறுதிப்படுத்தியது.

ஏட்ரியன் எழுந்து, ‘`சரி, நாம் போகலாம்’’ என்றார். டஸ்டரும் எழுந்தார்.

‘`குறைந்த கால அளவில் இதை ஏற்பாடு செய்ததற்கு தாங்க்ஸ் ஃப்ராங்க்ளின். ஏட்ரியனைத் தொடர்ந்து சென்ற டோனி, டக்கென்று பின்னால் திரும்பித் திரையைப் பார்த்தார். டஸ்டர், ஸ்விட்ச் ஆஃப் செய்திருக்க வில்லை. இன்னும் கேமராப் பதிவு ஓடிக்கொண்டிருந்தது.

‘`ஏட்ரியன், இதைக் கொஞ்சம் பாருங்கள்” என்றார். சத்தம் கேட்டு ஏட்ரியன் திரும்பினார்.

தனது சுட்டுவிரலால் திரையின் ஒருபகுதியை டோனி காட்டினார். ‘`அவனேதான், இல்லையா?” என்றார்.

அதே ட்வீட் கோட், தொப்பி, தெரியாத முகம். ஆனால், இந்த முறை, அவன் யாரோ ஒரு பெண்ணோடு இருந்தான். அவள் பூப்போட்ட உடையும், ஸ்டைலான தொப்பியும், டிசைனர் பேக் ஒன்றும் வைத்திருந்தாள். டோனி அந்தப் பதிவை மீண்டும் ஓடவிட்டார்.

அவனை அந்தப் பெண் இறுக்கமாகக் கட்டிப்பிடித்தபின், கோனே ஐலாண்ட் ப்ரிட்ஜை நோக்கிச் சென்றாள். அந்த இடம் கேமராவின் ரேஞ்சுக்கு அப்பால் இருந்தது. அவனும் திரும்பி எந்தத் திசையிலிருந்து வந்தானோ அந்தத் திசையை நோக்கித் திரும்பி நடந்துசென்றான்.

‘`மேலேயிருந்து ஓடவிடுங்கள்” என ஏட்ரியன் கூற, டோனி அவனும், அவளும் ஃப்ரேமுக்குள் நுழையும் அந்தப் பகுதியை ஓடவிடுவதற்குத் தயாராக இருந்தார். அவனுடைய முகம் திரையில் தெரிய ஆரம்பித்தவுடன், ‘`ஸ்டாப்!” என்று கத்தினார்  ஏட்ரியன்.

‘`இதனுடைய பெரிய இமேஜ் கிடைக்குமா?” என்று கேட்டார். டஸ்டர் ஜூம் செய்வதை ஏட்ரியன் பார்த்துக் கொண்டிருந்தார். திரையில் தெரிந்தவன் கறுப்பாகவும், வயதானவராகவும், மீசையுடனும், கண்ணாடியுடனும் இருந்தார்.

‘`முகத்தை மட்டும் ஸ்கேன் செய்ய முடியுமா?” எனத் தயவாகக் கேட்டார். டஸ்டர் தலையசைத்தார்.

பிட்காயின் பித்தலாட்டம் - த்ரில் தொடர் - 25

ரிமோட்டில் டோனி `ப்ளே’யை ஆன் செய்ய வீடியோ தொடர்ந்து ஓடியது. அடுத்தப் பத்து விநாடிகளில் அந்தப் பெண்ணின் முகம் திரையில் தெரிந்தது. ஏட்ரியன் கையை உயர்த்த டோனி நிறுத்தினார்.

‘`நான் இதையும் ஜூம் செய்தால் இதனுடைய இமேஜ் இன்னும் நன்றாக இருக்கும்’’ டஸ்டர் அவராகவே கூறினார்.

பூப்போட்ட உடையிலிருந்த அந்தப் பெண்ணைப் பார்த்த ஏட்ரியனுக்கு அதிர்ச்சியாக இருந்தது.

‘`ஜூம் இன் செய்யவா?’’ டஸ்டர் கேட்டார்.

அவர் இப்போது அந்தக் கருவிக்குப் பக்கத்தில் இருந்தார்.

‘`தேவையில்லை’’ என ஏட்ரியன் சொல்லிவிட்டு டோனி பக்கம் திரும்பினார்.

‘`நாம் போகலாம். இதற்கான விடையை நமக்கு ஒருவரால் கொடுக்க முடியும்’’ எனச் சொன்ன அவரின் முகம் வெளிறிப் போயிருந்தது.

(பித்தலாட்டம் தொடரும்)

தமிழில்: சித்தார்த்தன் சுந்தரம்

- ரவி சுப்ரமணியன், (GOD IS A GAMER - Published by Penguin Random House India Pvt Ltd)

ஓவியங்கள்: ராஜன்