Published:Updated:

சபரிமலையில் பெண்கள் - தீர்ப்பு 2

சபரிமலையில் பெண்கள் - தீர்ப்பு 2
பிரீமியம் ஸ்டோரி
சபரிமலையில் பெண்கள் - தீர்ப்பு 2

விவாதம்

சபரிமலையில் பெண்கள் - தீர்ப்பு 2

விவாதம்

Published:Updated:
சபரிமலையில் பெண்கள் - தீர்ப்பு 2
பிரீமியம் ஸ்டோரி
சபரிமலையில் பெண்கள் - தீர்ப்பு 2

பரிமலை ஐயப்பன் கோயிலுக்குள் அனைத்துப் பெண்களையும் அனுமதிக்கலாம் என்று உச்ச நீதிமன்றம் தீர்ப்பு வழங்கியுள்ளது. இதில் பெண் நீதிபதி ‘இந்து மல்கோத்ரா’ தவிர மற்ற நான்கு நீதிபதிகளும், சபரிமலையில் பெண்களை அனுமதிக்கலாம் என்றே தீர்ப்பு வழங்கினர். நாட்டில் உள்ள பெரும்பாலான பெண்கள், இந்தத் தீர்ப்புக்கு வரவேற்பு தெரிவித்துள்ளனர். சேலத்தில் மாவட்ட ஆட்சியர் அலுவலகம் அருகே பெண்கள் இனிப்புகளைப் பகிர்ந்து மகிழ்ச்சியை வெளிப்படுத்தி கொண்டாடி யிருக்கின்றனர். `பெண்களைக் கோயிலுக்குள் அனுமதிக்காமல் இருப்பது இந்திய அரசியல் அமைப்புக்கு எதிரானது' என்கிறது உச்ச நீதிமன்றம். இந்துத்துவ அமைப்புகளோ, `மத நம்பிக்கையில் மாற்றம் கொண்டுவரக் கூடாது' என்கின்றன. இதுகுறித்து அரசியல், சமூகச் செயற்பாட்டாளர்களிடம் கேட்டோம்.

சபரிமலையில் பெண்கள் - தீர்ப்பு 2

கனிமொழி, தி.மு.க மாநிலங்களவை உறுப்பினர்

சபரிமலையில் பெண் களை அனுமதிக்கும் உச்ச நீதிமன்றத் தீர்ப்பு வரலாற்றுச் சிறப்புமிக்கது. குறிப்பாக, கடவுள் மனிதர்களைச் சமமாக படைத்தார் என்று நம்பும் பக்தர்களுக்கு இது மகிழ்வைத் தரும். நாடாளுமன்றமும் சட்ட
மன்றங்களும் இதைப் பின்பற்றி பெண்களுக்கு இட ஒதுக்கீடு வழங்கு வார்கள் என்று நம்புகிறேன்.  ஆணும் பெண்ணும் சமம் என்பது பக்தியிலும் இருக்க வேண்டும். அதைத்தான் இந்தத் தீர்ப்பும் சொல்லி இருக்கிறது.

ஒட்டுமொத்த விகடனுக்கும் ஒரே ஷார்ட்கட்!

சபரிமலையில் பெண்கள் - தீர்ப்பு 2

ஜீவசுந்தரி, சமூக செயற்பாட்டாளர்

சபரிமலையில் பெண்கள் - தீர்ப்பு 2



சபரிமலைக்குள் பெண் களை அனுமதிக்கக் கூடாது என்பது பெண்களைக் கீழ்த்தரமாக எண்ணும் அடிப்படைவாதிகளின் கருத்து. கோயில் மற்றும் மதம் சார்ந்த விஷயங்களில் பெண்களிடையே ஒருவித பயத்தை ஏற்படுத்தவே இதுபோன்ற ஆதாரமற்ற விஷயங்களைப் பேசி வருகிறார்கள். வளர்ச்சியும் எண்ணமும் எப்போதும் முன்னோக்கியே இருக்க வேண்டும். இந்துத்துவ அமைப்புகளின் செயல்பாடுகளோ பின்னோக்கியே இருக்கின்றன. கோயிலுக்குள் செல்வது பெண்களின் அடிப்படை உரிமை. அதை தடுக்க யாருக்கும் உரிமை இல்லை.

சபரிமலையில் பெண்கள் - தீர்ப்பு 2

அர்ஜுன் சம்பத், இந்து மக்கள் கட்சி தலைவர்

கோயிலின் புனிதத்தைக் கெடுக்கும் வகையில் தீர்ப்பு உள்ளது. எல்லாக் கோயில் களுக்கும் ஆகம விதி உள்ளது. அதுபோலதான், சபரிமலை கோயிலில் பெண்களை அனுமதிக்காமல் இருப்பதும். ஐயப்பன் பிரம்மச்சரிய விரதத்தைக் கடைப்பிடிக்கிறார். ஐயப்பனுக்கு ஆண் பெண் பேதம் கிடையாது. ஆனால், பிரம்மச்சரிய விரதத்தை ஆண்கள்தானே கடைப்பிடிக்க முடியும்? உண்மையான ஐயப்ப பக்தர்கள் இந்தத் தீர்ப்பை ஏற்றுக் கொள்ள மாட்டார்கள். ஐயப்பன் கோயிலில் சில நடைமுறைகளை மாற்ற வேண்டும் என்றால்கூட பிரசன்னம் பார்த்துதான் செய்வார்கள். மத விவகாரங்களில் நீதிமன்றம் தலையிட முடியாது.

இ.லோகேஸ்வரி

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism