Published:Updated:

“பழைய தீர்ப்புகளைக் கவனத்தில் கொண்டிருக்க வேண்டாமா?”

“பழைய தீர்ப்புகளைக் கவனத்தில் கொண்டிருக்க வேண்டாமா?”
பிரீமியம் ஸ்டோரி
“பழைய தீர்ப்புகளைக் கவனத்தில் கொண்டிருக்க வேண்டாமா?”

பதற்றத்தை அதிகரிக்கும் மேக்கேதாட்டூ விவகாரம்

“பழைய தீர்ப்புகளைக் கவனத்தில் கொண்டிருக்க வேண்டாமா?”

பதற்றத்தை அதிகரிக்கும் மேக்கேதாட்டூ விவகாரம்

Published:Updated:
“பழைய தீர்ப்புகளைக் கவனத்தில் கொண்டிருக்க வேண்டாமா?”
பிரீமியம் ஸ்டோரி
“பழைய தீர்ப்புகளைக் கவனத்தில் கொண்டிருக்க வேண்டாமா?”

காவிரியின் குறுக்கே மேக்கேதாட்டூவில் அணை கட்டுவது தொடர்பான விரிவான திட்ட அறிக்கையை கர்நாடக அரசு தயார் செய்வதற்குத் தடைவிதிக்க உச்ச நீதிமன்றம் மறுத்திருப்பது தமிழக விவசாயிகளை கவலைகொள்ள வைத்துள்ளது. மேலும், காவிரி நீர் பங்கீடு தொடர்பான வழக்கில் உச்ச நீதிமன்றம் ஏற்கெனவே வழங்கிய தீர்ப்புகளைக் கணக்கில் கொள்ளாமல் இந்த உத்தரவு பிறப்பிக்கப்பட்டிருப்பதாக விமர்சனமும் எழுந்துள்ளது.

மேக்கேதாட்டூ அணை தொடர்பாக விரிவான திட்ட அறிக்கை தயாரிக்க, கர்நாடக அரசுக்கு மத்திய நீர் ஆணையம் அளித்துள்ள அனுமதிக்குத் தடை விதிக்க வேண்டுமென்று உச்ச நீதிமன்றத்தில் தமிழக அரசு நவம்பர் 30-ம் தேதி மனுத் தாக்கல் செய்தது. இதை, டிசம்பர் 12-ம் தேதி விசாரித்த உச்ச நீதிமன்றம், ‘மேக்கேதாட்டூ அணை கட்டுவது தொடர்பாக விரிவான திட்ட அறிக்கை தயார் செய்வதற்குத் தடை விதிக்க முடியாது’ என்று உத்தரவில் கூறியது.

இந்த விவகாரம் குறித்து தமிழ்நாடு பொதுப் பணித்துறை மூத்த பொறியாளர் சங்கத்தின் மாநிலச் செயலாளர் வீரப்பன் நம்மிடம் கருத்து களைப் பகிர்ந்துகொண்டார்.

“ ‘திட்ட அறிக்கைதானே தயாரிக்கப் போகிறார் கள்... அணையையா கட்டப் போகிறார்கள்...’ என்று நீதிபதிகள் கேட்டிருக்கின்றனர். அணை கட்டுவதற்கு, எதிர்காலத்தில் தடை விதிக்க வாய்ப்பு உள்ளது என்கிறபோது, எதற்காக வரைவு திட்ட அறிக்கையைத் தயாரிக்க அனுமதி கொடுக்க வேண்டும்?

“பழைய தீர்ப்புகளைக் கவனத்தில் கொண்டிருக்க வேண்டாமா?”

ஏற்கெனவே 1991, 2007, 2018 ஆகிய ஆண்டுகளில் உச்ச நீதிமன்றம் காவிரி வழக்கில் வழங்கிய தீர்ப்புகளை நீதிபதிகள் கவனத்தில் எடுத்துக்கொள்ளவில்லை என்று தெரிகிறது. அதாவது, 1991-ல், காவிரி நடுவர் மன்ற இடைக்காலத் தீர்ப்பு வந்தவுடனே கர்நாடக அரசு, காவிரியில் எங்கு வேண்டுமானாலும் அணை கட்டிக் கொள்ளலாம் என்று அவசரச் சட்டம் இயற்றியது. அதை எதிர்த்து உச்ச நீதிமன்றத்தில் தொடரப்பட்ட வழக்கை விசாரித்த ஐந்து நீதிபதிகள் அடங்கிய அரசியல் சாசன அமர்வு, ‘பன்மாநில நதி ஒன்று ஒரு மாநிலத்தின் வழியாகப் பாயும்போது, அந்த மாநிலம் அந்த நதியின் மீது முழு உரிமை கோர முடியாது. மேலும், மாநிலங்களுக்கிடையே போடப்பட்ட  ஒப்பந்தங்களின்படி கீழ்ப்படுகையில் உள்ள மாநிலங்களின் தண்ணீர்ப் பங்கைக் குறைக்கும் வகையில், எந்தச் செயலிலும் ஈடுபடக் கூடாது. இத்துடன், நதியின் நீருக்கு உரிமையுடைய மாநிலங்களின் பங்கை ஒப்பந்தப்படித் தவறாது வழங்கிட வேண்டும். இந்தக் கொள்கையின் அடிப்படையில் கர்நாடகாவின் அவசரச் சட்டம் செல்லாது. அது ரத்துசெய்யப்படுகிறது’ என்று தீர்ப்பளித்தது. 

“பழைய தீர்ப்புகளைக் கவனத்தில் கொண்டிருக்க வேண்டாமா?”

இதேபோன்று 5.2.2007 அன்று வழங்கப்பட்ட காவிரி நடுவர் மன்ற இறுதித் தீர்ப்பில், ‘கீழ்ப்படுகை மாநிலங்களுக்கு உரிமையான தண்ணீர் பங்கீட்டை உறுதி செய்திட, பன்மாநில நதியின் குறுக்கே மேல் படுகை மாநிலம், சமப் பங்கீட்டைப் பாதிக்கும் வகையில் எந்த நடவடிக்கையும் மேற்கொள்ளக் கூடாது; குறிப்பிட்ட மாநிலங்களின் ஒப்புதலுடனோ, காவிரி மேலாண்மை ஆணையத்தின் சம்மதத்துடனோ, தண்ணீர்ப் பங்கீட்டை மாற்றியமைக்கத் திருத்தங்கள் செய்யலாம்’ என்று சொல்லப் பட்டுள்ளது. 16.2.2018 அன்று, உச்ச நீதிமன்றம் வழங்கிய காவிரி நதிநீர் வழக்கின் மேல்முறையீட்டுத் தீர்ப்பிலும், 1991-ல் உச்ச நீதிமன்ற ஐந்து நீதிபதிகள் அடங்கிய அமர்வின் தீர்ப்பைச் சரியென உறுதி செய்கிறது. ‘பன்மாநில நதியின் நீர்ப்பங்கீட்டில் தன் மாநிலத்தில் ஓடும்போது முழு உரிமை கோரமுடியாது. பன்னாட்டு ஹெல்சிங்கி கொள்கைப் படி, கீழ்ப்படுகை மாநிலங்களுக்கு உரிமையான தண்ணீரின் உரிய பங்கீட்டை உறுதிசெய்ய வேண்டும் என்கிறது. இதன்படியேதான், பன்மாநில நதியின் தண்ணீரைப் பங்கிட்டுக்கொள்ள, வழிகாட்டும் நெறியாக இது கருதப்பட வேண்டும்’ என்று தெரிவிக்கப்பட்டுள்ளது.

மேலே சொல்லப்பட்டுள்ள அனைத்தும் உச்ச நீதிமன்றம் கடந்த காலங்களில் காவிரி வழக்கில் வழங்கப்பட்டுள்ள தீர்ப்புகள். இவற்றில் எதையும் கவனத்தில் கொள்ளாமல் உச்ச நீதிமன்ற நீதிபதிகள் உத்தரவிட்டிருப்பது கவலையளிக்கிறது.

“பழைய தீர்ப்புகளைக் கவனத்தில் கொண்டிருக்க வேண்டாமா?”

காவிரி நதிநீர்ப் பங்கீட்டில் ஓரவஞ்சனையுடன் கர்நாடக மாநிலம் செயல்படுகிறது. கர்நாடக அரசு இந்த அணையைக் கட்டுவதற்கான நோக்கம் வெளிப்படையாகத் தெரிகிறது. அப்படியிருக்கும்போது, இதற்கு உச்ச நீதிமன்றம் தடை விதிக்காமல் இருப்பது தமிழக மக்களிடையே பதற்றத்தை அதிகரிக்கிறது. டிசம்பர் 12-ம் தேதி தமிழக எம்.பி-க்கள் மேக்கேதாட்டூ பிரச்னையைக் கிளப்பி மாநிலங்களவையை முடக்கியதுடன், நாடாளுமன்றத்தின் முன்பு போராட்டத்தை முன்னெடுத்து வருகின்றனர். காவிரி நதி விவகாரத்தில், மீண்டும் மீண்டும் தமிழகத்தை ஒரு போராட்டக் களமாகவே மத்திய அரசு வைத்திருக் கிறது. உச்ச நீதிமன்றம் விரைவில் உரிய தீர்ப்பை அளித்தால்தான், தமிழகத்தின் பதற்றம் தணியும்” என்றார் பொறியாளர் வீரப்பன்.

- த.ஜெயகுமார்