Published:Updated:

"தீனதயாளனை விசாரித்தால் உண்மைகள் வெளியே வரும்!"

"தீனதயாளனை விசாரித்தால் உண்மைகள் வெளியே வரும்!"
பிரீமியம் ஸ்டோரி
"தீனதயாளனை விசாரித்தால் உண்மைகள் வெளியே வரும்!"

பொன்.மாணிக்கவேலை நெருக்கும் அதிகாரிகள்...

"தீனதயாளனை விசாரித்தால் உண்மைகள் வெளியே வரும்!"

பொன்.மாணிக்கவேலை நெருக்கும் அதிகாரிகள்...

Published:Updated:
"தீனதயாளனை விசாரித்தால் உண்மைகள் வெளியே வரும்!"
பிரீமியம் ஸ்டோரி
"தீனதயாளனை விசாரித்தால் உண்மைகள் வெளியே வரும்!"

சிலைக்கடத்தல் தடுப்புப் பிரிவில் ஐ.ஜி-யாக இருந்த, இப்போது சிறப்பு அதிகாரியாக இருக்கும் பொன்.மாணிக்கவேலை அந்தப் பொறுப்பிலிருந்து எப்படியாவது நீக்கிவிட வேண்டும் என்கிற முனைப்பில் உள்ளது தமிழகக் காவல்துறை. பொன்.மாணிக்கவேலுக்கு எதிராக போலீஸ் அதிகாரிகள் டி.ஜி.பி-யிடம் கொடுத்த புகார்கள் தீவிரமாக விசாரிக்கப்பட்டுவருகின்றன. இன்னொரு பக்கம், பொன்.மாணிக்கவேல் பறிமுதல் செய்த சிலைகள், உண்மையிலேயே புராதனத் தன்மை கொண்டவைதானா என்பதை மறுவிசாரணை செய்ய சி.பி.சி.ஐ.டி-க்கு உத்தரவிடவும் திட்டமிடப்பட்டிருப்பதாகவும் தகவல்கள் வெளியாகியுள்ளன.

இந்தச் சூழலில், பொன்.மாணிக்கவேல் மீது புகார் கொடுத்தவர்களில் ஒருவரான ஏ.டி.எஸ்.பி இளங்கோவிடம் பேசினோம். ``ஏ.டி.எஸ்.பி-க்கள் முதல் காவலர்கள் வரை 208 பேர்  மாற்றுப்பணியில்  பொன்.மாணிக்கவேலின் கீழ் பணியாற்றினோம். சிலைக் கடத்தல் வழக்குகளைப் பிரித்துக்  கொடுத்து  விசாரிக்கும்படிப் பணிகளை அவர் எங்களிடம் ஒப்படைத்தார். ஆனால், அவர் எங்களைச் சுதந்திரமாக விசாரணை செய்ய அனுமதிக்கவில்லை. அவரின் டார்ச்சர் தாங்க முடியாமல் ஏ.டி.எஸ்.பி குமார், மருத்துவ விடுப்பில் சென்றுவிட்டார். ஏ.டி.எஸ்.பி-க்கள் அசோக்குமார், சந்திரசேகர் ஆகியோர் விருப்ப ஓய்வில் சென்றுவிட்டனர். 

"தீனதயாளனை விசாரித்தால் உண்மைகள் வெளியே வரும்!"

நாங்கள் டி.ஜி.பி-யிடம் இடமாறுதல் கேட்டும், சிலைக்கடத்தல் பிரிவில் நடந்த உள் விவகாரங்களைக் குறிப்பிட்டும் புகார் கொடுத்துள்ளோம். எங்களின் குற்றச்சாட்டுகளுக்குப் பதிலளித்த பொன்.மாணிக்கவேல், எங்களுக்குப் போதுமான சட்டஅறிவு இல்லை என்று குறிப்பிட்டுள்ளார். மேலும், ஏ.டி.எஸ்.பி ரேங்கில் உள்ள எங்களைச் சிலைகளைத் தூக்கத்தான் பயன்படுத்தியதாகவும் தெரிவித்துள்ளார். அதிலிருந்தே எங்களை அவர் விசாரணை நடத்த அனுமதிக்கவில்லை என்பது தெரிகிறது. ‘இடமாறுதல் கேட்டு என்னிடம் யாரும் மனுக் கொடுக்கவில்லை’ என்று பொன்.மாணிக்கவேல் சொல்கிறார். அது பொய். நானே அவரிடம் இடமாறுதல் கேட்டு மனுக் கொடுத்துள்ளேன். ரன்வீர்ஷாவிடமிருந்து மீட்கப்பட்ட சிலைகள், எந்தக் கோயில்களிலிருந்து திருடப் பட்டவை என்பது இதுவரை கண்டறியப்படவில்லை. தவிர அது புராதனச் சிலையா என்பதும் கண்டறியப்படவில்லை. பொன்.மாணிக்கவேல் நேர்மையான அதிகாரிதான். ஆனால், அவர் ஹீரோவாக ஆவதற்கு எங்களைப் பழிவாங்குகிறார். அதேசமயம், இந்து சமய அறநிலையத்துறை மீதும் தவறுகள் உள்ளன. அவையும் களையப்பட வேண்டும்” என்றார்.

ஒட்டுமொத்த விகடனுக்கும் ஒரே ஷார்ட்கட்!

"தீனதயாளனை விசாரித்தால் உண்மைகள் வெளியே வரும்!"

சிலைக்கடத்தல் தடுப்புப் பிரிவு போலீஸார் சிலர், ``பொன்.மாணிக்கவேல், 1,125 சிலைகளை மீட்டு, 47 குற்றவாளிகளைக் கைது செய்துள்ளதாகக் குறிப்பிடுகிறார். நீதிமன்றம் உத்தரவு பிறப்பித்த 333 வழக்குகளில் எத்தனை வழக்குகள் விசாரிக்கப்பட்டன என்பதை அவர் விளக்க வேண்டும். தமிழக சிலைக்கடத்தல் தடுப்புப் பிரிவின் சாதனையாகக் கருதப்படுவது இன்டர்நேஷனல் சிலைக்கடத்தல் மன்னன் சுபாஷ் கபூரைக் கைது செய்ததுதான். ஆனால், பழவூர் வழக்கில் அவருக்குப் பொது மன்னிப்பு வழங்கப்பட்டது அதிர்ச்சியாக உள்ளது. தீனதயாளன் மற்றும் அப்ரூவர்களை விசாரித்தாலே பல உண்மைகள் வெளிவரும். தீனதயாளனின் வாக்குமூலத்தின் அடிப்படையில்தான் ரன்வீர்ஷா, கிரண் ஆகியோரிடமிருந்து சிலைகள் பறிமுதல் செய்யப்பட்டன. ஆனால், அவர்கள் கைதுசெய்யப்படவில்லை. அதேநேரம், இந்து சமய அறநிலையத்துறையினர் மட்டும் குறிவைத்துக் கைது செய்யப்படுகிறார்கள். ஆஸ்திரேலியா அரசு, 100-க்கும் மேற்பட்ட சிலைகள் தங்களிடம் இருப்பதாகத் தெரிவித்துள்ளது. ஆனால், அதை மீட்க நடவடிக்கை எடுக்கப்படவில்லை” என்றனர்.

பொன்.மாணிக்கவேலிடம் பேசினோம். ``எனக்கு எதிராக யாரும் புகார் கொடுத்ததாக நினைக்கவில்லை. இடமாறுதல் கேட்டுத்தான் மனுக் கொடுத்துள்ளனர். மாற்றுப்பணியில் உள்ள காவலர்களுக்கு, நீதிமன்ற அனுமதியின்றி இடமாறுதல் வழங்க முடியாது. அதே நேரத்தில் மாற்றுப்பணியில் உள்ளவர்கள் தங்களின் கடமைகளை முடித்துவிட்டால் அவர்களை மாலைபோட்டு அனுப்பத் தயாராக இருக்கிறேன். மேலும், என் குழுவுக்கு 50 வயதுக்குக் குறைவான காவலர்களை நியமிக்கும்படி உள்துறைச் செயலாளரிடம் கேட்டுள்ளேன். இந்தப் பிரிவில் ஆளே இல்லை என்றாலும் தனி ஒருவனாகச் செயல்படவும் தயார். வழக்கு விசாரணை நீதிமன்றத்தில் நிலுவையில் இருப்பதால் சிலவற்றை வெளியே சொல்ல முடியாது” என்றார்.

"தீனதயாளனை விசாரித்தால் உண்மைகள் வெளியே வரும்!"

டி.ஜி.பி அலுவலகத்தில் விசாரித்தபோது, “பொன்.மாணிக்கவேல் மீது நீதின்றம் மூலம்தான் நடவடிக்கை எடுக்க முடியும். பேட்டியின்போது காவல்துறை உயரதிகாரிகளை அவர் விமர்சித்துள்ளார். அதுதொடர்பாக மனித உரிமை ஆணையத்திடம் முறையிட முடிவு செய்யப்பட்டுள்ளது. சிலைக்கடத்தல் தடுப்புப் பிரிவில் உள்ள மாற்றுப்பணியில் உள்ள காவலர்களை இடமாற்றம் செய்வது குறித்தும் ஆலோசித்துவருகிறோம்” என்றனர்.

இதற்கிடையே ரன்வீர் ஷா, கிரண் ராவ் ஆகியோரின் வீடுகளில் கைப்பற்றப்பட்ட சிலைகள் உட்பட பல சிலைகளின் தொன்மைத் தன்மை குறித்துச் சிலர் சந்தேகம் எழுப்பியுள்ளனர். பல சிலைகள் சில ஆண்டுகளுக்கு முன்பு தயாரிக்கப்பட்டு, தொன்மையானது போன்றே செயற்கையாக உருவாக்கப்பட்டது என்றும் சிலர் தெரிவித்துள்ளனர். இதைத் தொடர்ந்து பொன்.மாணிக்கவேல் பறிமுதல் செய்த சிலைகள் தொன்மைத் தன்மை கொண்டவையா என்று மறு விசாரணை செய்ய சி.பி.சி.ஐ.டி பிரிவுக்கு உத்தரவிடவும் ஆலோசிக்கப்பட்டுவருகிறது.

- எஸ்.மகேஷ்
படங்கள்: வெ.நரேஷ்குமார்