Published:Updated:

அயோத்தி தீர்ப்பு - அன்வர் ராஜா வேதனை - நவாஸ்கனி விரக்தி

நாடு முழுவதும் பலத்த விவாதங்களை ஏற்படுத்தியுள்ளது அயோத்தி தீர்ப்பு. ஆனாலும், தீர்ப்புகுறித்து பிரதான கட்சிகள் எதுவும் பெரிதாக வாய் திறக்கவில்லை.

பிரீமியம் ஸ்டோரி

தமிழகத்தின் பிரதான கட்சிகளான அ.தி.மு.க-வும் தி.மு.க-வும் இந்தத் தீர்ப்பை ஏற்றுக்கொள் வதாக மட்டும் சொல்லியிருக் கின்றன. “சிறுபான்மையின மக்களின் பாதுகாவலர்கள் என்று சொல்லிக்கொள்ளும் திராவிடக் கட்சிகள், அயோத்தி தீர்ப்புகுறித்து எந்த எதிர்வினையும் ஆற்றாதது வருத்தத்தை ஏற்படுத்து கிறது’’ என்று குமுறுகிறார்கள் நடுநிலையாளர்கள்.

“அயோத்தி தீர்ப்பில் அ.தி.மு.க மற்றும் தி.மு.க கட்சிகளின் நிலைப்பாடுகளை எப்படிப் பார்க்கிறீர்கள்?” என்ற கேள்வியை, அந்த இரு கட்சிகள் சார்ந்த சிறுபான்மை சமூகத் தலைவர்களிடம் முன்வைத்தோம்.

“தீர்ப்பை ஏற்பதைத் தவிர வேறு வழியில்லை”

- அன்வர் ராஜா, முன்னாள் எம்.பி., மாநில சிறுபான்மை நலப் பிரிவு செயலாளர், அ.தி.மு.க.

Anwar Raja
Anwar Raja

“ஜனநாயக நாட்டில் சட்டப்படியான தீர்ப்புதான் வர வேண்டும். ஆனால், இது நம்பிக்கையின் அடிப்படையிலான தீர்ப்பு என்கிறார்கள். இப்படியான தீர்ப்புகளை ஏற்றுக்கொள்ள முடியாது. ஆனாலும் நாட்டின் பொது அமைதி, மதநல்லிணக்கத்தைக் கருத்தில்கொண்டு தீர்ப்பை ஏற்றுக்கொள்ள வேண்டிய கட்டாயத்தில் இருக்கிறோம். தவிர, இந்தியா போன்ற பெரிய நாட்டில், பெரும்பான்மை மக்களின் அரவணைப்பில்தான் சிறுபான்மை மக்கள் வாழ முடியும் என்ற சூழ்நிலை உருவாகியிருக்கிறது. அதனால், இந்தத் தீர்ப்பை அமைதியாக ஏற்றுக்கொள்வதைத் தவிர எங்களுக்கு வேறு வழி இல்லை. என்ன... நம்பிக்கை அடிப்படையிலான இந்தத் தீர்ப்பு, எதிர்காலத்தில் இதுபோன்ற வேறு வழக்குகளுக்கு முன்னுதாரணமாகிவிடக் கூடாது.!’’

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

“ஏமாற்றம், அதிர்ச்சி!”

- நவாஸ்கனி, எம்.பி., இந்திய யூனியன் முஸ்லிம் லீக் (தி.மு.க கூட்டணி)

Navaskani
Navaskani

“தி.மு.க தரப்பில், ‘நீண்ட நெடுங்காலம் நடந்துவரும் அயோத்தி வழக்கில் இவ்வளவு நாள் கழித்தாவது உச்ச நீதிமன்றம் தீர்ப்பு அளித்திருக்கிறதே... இத்துடன் பிரச்னை முடிந்துபோய்விடும். தீர்ப்பை விமர்சித்து மறுபடியும் பிரச்னை செய்ய வேண்டாம்’ என்றுகூட நினைத்திருக்கலாம். அதனால்தான் தீர்ப்புக்கு எதிரான நிலைப்பாட்டை அந்தக் கட்சி எடுக்கவில்லை. தேர்தலில் நாங்கள் தி.மு.க கூட்டணியில் அங்கம் வகித்திருந்தாலும்கூட, பிரச்னைகளைப் பொறுத்து எங்களிடையே மாற்றுக் கருத்துகள் இருக்கும். அயோத்தி வழக்கில் உச்ச நீதிமன்றம் அளித்திருக்கும் தீர்ப்பை நாங்களும் மதிக்கிறோம். ஆனாலும், இந்தத் தீர்ப்பு இஸ்லாமியச் சமூகத்தினருக்கு மிகப்பெரிய ஏமாற்றத்தையும் அதிர்ச்சியையும் அளிக்கிறது.

அதேநேரத்தில் இந்தத் தீர்ப்பில் மத்திய அரசின் தலையீடு இருக்கிறதா, நாளை சீராய்வு மனு தாக்கல் செய்தாலும் அதில் கிடைக்கக்கூடிய தீர்ப்பு என்னவாக இருக்கும் என்பதையெல்லாம் மக்களும் புரிந்துவைத்திருக் கிறார்கள். எங்கள் கட்சியைப் பொறுத்தவரை, தீர்ப்பின் அடிப்படையில் கொடுக்கப்படவிருக்கும் ஐந்து ஏக்கர் நிலத்தை வாங்கலாமா, வேண்டாமா என்பதை அதை வாங்கும் பொறுப்பில் இருக்கும் சன்னி வஃபு வாரியத்திடம் ஆலோசித்துவிட்டுத்தான் சொல்வோம்’’ என்றார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு