Published:Updated:

தூத்துக்குடி துப்பாக்கிச்சூடு விசாரணை: ஜனவரி 19-ம் தேதி ஆஜராக ரஜினிக்கு சம்மன்!

ரஜினிகாந்த்

தூத்துக்குடி துப்பாக்கிச்சூடு தொடர்பான விசாரணை ஆணையத்தில் ஆஜராக ரஜினிகாந்துக்கு ஏற்கெனவே அனுப்பிய சம்மனுக்கு, படப்பிடிப்பைக் காரணம்காட்டி விலக்கு கேட்கப்பட்ட நிலையில், அடுத்த மாதம் 19-ம் தேதி நேரில் ஆஜராக இன்று சம்மன் அனுப்பப்பட்டுள்ளது.

தூத்துக்குடி துப்பாக்கிச்சூடு விசாரணை: ஜனவரி 19-ம் தேதி ஆஜராக ரஜினிக்கு சம்மன்!

தூத்துக்குடி துப்பாக்கிச்சூடு தொடர்பான விசாரணை ஆணையத்தில் ஆஜராக ரஜினிகாந்துக்கு ஏற்கெனவே அனுப்பிய சம்மனுக்கு, படப்பிடிப்பைக் காரணம்காட்டி விலக்கு கேட்கப்பட்ட நிலையில், அடுத்த மாதம் 19-ம் தேதி நேரில் ஆஜராக இன்று சம்மன் அனுப்பப்பட்டுள்ளது.

Published:Updated:
ரஜினிகாந்த்

தூத்துக்குடியிலுள்ள ஸ்டெர்லைட் ஆலையை மூட வலியுறுத்தி கடந்த 2018-ம் ஆண்டு, மே 22-ம் தேதி முற்றுகைப் போராட்டம் நடந்தது. அப்போது திடீரென ஏற்பட்ட கலவரத்தில் போலீஸார் நடத்திய தடியடி மற்றும் துப்பாக்கிச்சூட்டில் இரண்டு பெண்கள் உட்பட 13 பேர் உயிரிழந்தனர். இந்தச் சம்பவம் குறித்து விசாரணை செய்ய, ஓய்வுபெற்ற உயர் நீதிமன்ற நீதிபதி அருணா ஜெகதீசன் தலைமையிலான ஒருநபர் விசாரணை ஆணையத்தை நியமித்தது தமிழக அரசு.

அருள் வடிவேல் - ஆணையத்தின் வழக்கறிஞர்
அருள் வடிவேல் - ஆணையத்தின் வழக்கறிஞர்

கடந்த இரண்டு ஆண்டுகளுக்கும் மேலாக தொடர்ந்து விசாரணை நடைபெற்று வந்த நிலையில், கொரோனா ஊரடங்கால் கடந்த எட்டு மாதங்களாக விசாரணை தடைப்பட்டது. இதுவரை, 775 ஆவணங்கள் குறியீடு செய்யப்பட்டு, 586 சாட்சிகளிடம் விசாரணை செய்யப்பட்டிருக்கிறது. இதுவரை 23 கட்ட விசாரணையை நடத்தி முடித்திருக்கிறது விசாரணை ஆணையம். கடந்த ஐந்து நாள்களாக நடந்தவந்த 23-வதுகட்ட விசாரணையில் 49 பேர் விசாரணை செய்யப்பட்டனர்.

ஒட்டுமொத்த விகடனுக்கும் ஒரே ஷார்ட்கட்!

விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

விசாரணையின் நிறைவில் செய்தியாளர்களைச் சந்தித்த ஆணையத்தின் வழக்கறிஞர் அருள் வடிவேலிடம், ``விசாரணை ஆணையத்தில் நடிகர் ரஜினிகாந்த் எப்போது விசாரணைக்கு அழைக்கப்படுவார்?” எனக் கேள்வி எழுப்பப்பட்டது. அதற்கு, ``இம்மாதத்தில் சம்மன் அனுப்பப்பட்டு, அடுத்த மாதம் நடைபெறவுள்ள 24-வது கட்ட விசாரணையின்போது ரஜினிகாந்த் விசாரணைக்கு அழைக்கப்படுவார்” என்றார். இந்தநிலையில், அடுத்த மாதம் 19-ம் தேதி தூத்துக்குடி பீச்ரோட்டில் அரசினர் சுற்றுலா மாளிகையில் செயல்பட்டுவரும் ஒருநபர் விசாரணை ஆணைய அலுவலகத்தில் ஆஜராக இன்று சம்மன் அனுப்பப்பட்டிருக்கிறது.

ரஜினிகாந்த்
ரஜினிகாந்த்

துப்பாக்கிச்சூடு சம்பவத்தைத் தொடர்ந்து தூத்துக்குடி அரசு மருத்துவமனையில் பாதிக்கப்பட்டவர்களை நேரில் சந்தித்து ஆறுதல் கூறினார் ரஜினிகாந்த். பின்னர் செய்தியாளர்களிடம் பேசிய போது, ``ஸ்டெர்லைட் ஆலைக்கு எதிரான மக்களின் போராட்டத்தில் கலவரம் ஏற்பட சமூக விரோதிகளின் ஊடுருவல்தான் காரணம்” எனக் கூறியிருந்தார். ரஜினியின் இந்தச் சர்ச்சைப் பேச்சு பல தரப்பினர் மத்தியிலும் கொந்தளிப்பை ஏற்படுத்தியது.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

இதையடுத்து, ``ரஜினியை விசாரணைக்கு ஆஜர்படுத்த வேண்டும்” எனப் பல தரப்பினரும் ஆணையத்தில் மனு அளித்தனர். இதையடுத்து கடந்த பிப்ரவரி மாதம் ஆஜராக சம்மன் அனுப்பப்பட்டது. ஆனால், தனக்குப் படிப்பிடிப்புப் பணிகள் இருப்பதாலும், தான் தூத்துக்குடிக்கு வந்தால் தன்னைக் காண அதிகப்படியான ரசிகர்கள் திரள்வதால் சட்டம் ஒழுங்கு பிரச்னை ஏற்பட வாய்ப்பிருக்கிறது.

ரஜினிகாந்த்
ரஜினிகாந்த்

அதனால், நேரில் ஆஜராவதிலிருந்து விலக்கு அளிக்கும்படியும், ஆணையம் கேட்கும் கேள்விகளுக்கு எழுத்துபூர்வமாக பதிலளிக்கத் தயாராக இருப்பதாகவும் அவர் தரப்பில் கோரிக்கை மனுவை ரஜினியின் வழக்கறிஞர் இளம்பாரதி ஆணையத்தில் சமர்ப்பித்தார். ரஜினியின் இரண்டு காரணங்களில் முதல் காரணத்தை மட்டும் ஆணையம் ஏற்றுக்கொண்டது. ஏற்கெனவே 17-ம் தேதி கட்சி தொடங்க திட்டமிட்டிருப்பதாகக் கூறப்பட்டுவந்த நிலையில், அடுத்த மாதம் 19-ம் தேதி நேரில் ஆஜராக இரண்டாவது முறையாக சம்மன் அனுப்பியிருக்கிறது ஆணையம்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism