Published:Updated:

நம்ம ஊரு நம்ம மண் - நம்ம ஊரு விளையாட்டு

நம்ம ஊரு நம்ம மண் - நம்ம ஊரு விளையாட்டு
பிரீமியம் ஸ்டோரி
News
நம்ம ஊரு நம்ம மண் - நம்ம ஊரு விளையாட்டு

நம்ம ஊரு நம்ம மண் - நம்ம ஊரு விளையாட்டு

லகின் முதல் தொழில், முதன்மையான தொழில் விவசாயம். அதுதான் நமக்கு உணவு அளித்து, நம்மை எல்லாம் வாழவைக்கிறது. அந்த விவசாயிகள் வாழுமிடமே, ஒவ்வொரு நாட்டின் உயிர்மூச்சான கிராமங்கள்தான்.

அந்தக் கிராமங்களின் மனிதர்களும், இடங்களும், விளையாட்டுகளும், விழாக்களும் இயற்கையுடன் இணைந்தவை. அதிலும், தமிழர்களின் தனித்துவம் சிறப்பானது. நகரத்தில் வசிக்கும் ஒவ்வொருவரும் ஆண்டின் சில நாள்களாவது கிராமத்துக்குச் சென்று, அந்த வாழ்வை வாழ வேண்டும்.

நம்ம ஊரு நம்ம மண் - நம்ம ஊரு விளையாட்டு

இந்தப் பொங்கல் தினத்தை கிராமம் சார்ந்த சில அடையாளங்களை, ‘நம்ம ஊரு நம்ம  மண்’ என அடுத்தடுத்து பார்க்கலாம் வாங்க!

கிராமத்து விளையாட்டுகள்!


இயற்கையுடனும் இசையுடனும் இணைந்தது கிராமத்து விளையாட்டுகள். அந்த விளையாட்டில் பாடலோ, இயற்கையைச் சார்ந்த விஷயமோ இருக்கும். அன்பு, உறவுகளின் உன்னதம், விட்டுக்கொடுத்தல் எனப் பல விஷயங்களைச் சொல்லும் கிராமத்து விளையாட்டுகளைச் சொல்லிக்கொண்டே போகலாம். அவற்றில் சில சுருக்கமாக...

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
நம்ம ஊரு நம்ம மண் - நம்ம ஊரு விளையாட்டு
நம்ம ஊரு நம்ம மண் - நம்ம ஊரு விளையாட்டு

பூப்பறிக்க வருகிறோம்...

சிறுவர்களும் சிறுமிகளும் கலந்து விளையாடும், பாடலுடன் பலம் சார்ந்த உற்சாக விளையாட்டு. இரண்டு குழுவாகப் பிரிந்துகொண்டு, நடுவில் ஒரு கோடு போட்டுக்கொள்வார்கள். ஒவ்வொருவருக்கும் ஒரு பூவின் பெயர் வைத்துக்கொள்வார்கள். ஒருவர் தோளில் ஒருவர் கை போட்டுக்கொண்டு, ‘பூப்பறிக்க வருகிறோம்... பூப்பறிக்க வருகிறோம்’ ‘எந்த மாதத்தில் வருகிறீர்? எந்த மாதத்தில் வருகிறீர்?’ எனக் கேள்வி பதிலாகப் பாடியவாறு முன்னும் பின்னுமாகச் சென்று பிறகு, ஒரு பூவின் பெயரை ஒரு குழு சொல்லும். எதிர் குழுவில் அந்தப் பூவின் பெயர் இருப்பவரை கோட்டுக்கு இந்தப் பக்கம் இழுப்பார்கள். அவரை எதிர் குழுவில் இருப்பவர்கள் காப்பாற்ற முயல்வார்கள். இதில் கோடு தாண்டுபவர்கள் அவுட்.

நம்ம ஊரு நம்ம மண் - நம்ம ஊரு விளையாட்டு

நொண்டி ஆட்டம்

இரண்டு முதல் நான்கு பேர் ஆடும் ஆட்டம். தரையில்  6 கட்டங்களும், ஆறாவது கட்டத்தில் ஒரு வட்டமும் போடுவர். முதல் கட்டத்தில் இருந்தவாறு கல் அல்லது உடைந்த ஓடு வீசுவர். வட்டத்துக்குள் சரியாகப் போடுபவர் ஆட்டத்தை ஆரம்பிப்பார். அந்தக் கல்லை முதல் ஒரு கட்டத்தில் போட்டு, ஒரு காலை தூக்கி நொண்டி அடித்தவாறு, அடுத்தடுத்த கட்டங்களுக்குக் கோடுகளை மிதிக்காமல் தள்ள வேண்டும்.

நம்ம ஊரு நம்ம மண் - நம்ம ஊரு விளையாட்டு

பல்லாங்குழி

பெரும்பாலும் பெண்கள் ஆடும் விளையாட்டு. சிறுமி முதல் பாட்டி வரை விரும்பி விளையாடுவது. இரண்டு பக்கமும் தலா 7 குழிகள். புளியங்கொட்டை, சோழி அல்லது சிறுகற்கள் எடுத்துக்கொள்வார்கள். இதற்கு ‘முத்து’ என்று பெயர். ஒவ்வொரு குழிக்கும் 6 அல்லது 12 முத்துகள் வைத்து விளையாடுவது. முத்துகளைப் போட்டுக்கொண்டே வந்து, காலியாகும் குழிக்கு அடுத்த குழியில் இருக்கும் முத்துகளை எடுத்துக்கொள்வது. சதுரங்க விளையாட்டுக்குத் தாத்தா என்றால் மிகையில்லை. அறிவு நுணுக்கத்துக்கும் ஞாபகத்திறனுக்கும் வேலை கொடுக்கும் விளையாட்டு.

நம்ம ஊரு நம்ம மண் - நம்ம ஊரு விளையாட்டு

காக்கா குஞ்சு

மரம் சார்ந்து விளையாடும் சுறுசுறு விறுவிறு விளையாட்டு. ஒரு மரத்தைச் சுற்றி வட்டம் போடப்படும். அந்த வட்டத்தில் ஒரு குச்சி இருக்கும். ஒரு சிறுவன் காக்கா. வட்டத்துக்கு வெளியே இருப்பான். மற்ற சிறுவர்கள் காக்கா குஞ்சுகளாக மரத்தில் ஆங்காங்கே இருப்பார்கள். ஒருத்தன் மட்டும் வட்டத்தில் இருந்தவாறு குச்சியை வேகமாக எறிஞ்சுட்டு மரத்தில் ஏறிப்பான். வெளியே இருக்கிறவன், அந்தக் குச்சியை எடுத்துவந்து வட்டத்தில் வெச்சுட்டு, மரத்தில் ஏறி யாரையாவது தொடணும். அதற்குள் வேற யாரும் இறங்கிவந்து குச்சியை எடுத்து வீசிடாமலும் பார்த்துக்கணும். இந்த ரெண்டையும் செஞ்சுட்டா, பிடிபட்டவன் அவுட். மரம் ஏறுதல், ஓட்டம், வீசி எறிதல் எனப் பலவற்றுக்கும் பயிற்சி அளிக்கும் விளையாட்டு.

நம்ம ஊரு நம்ம மண் - நம்ம ஊரு விளையாட்டு

அணில் தவ்வு

‘பச்சைக் குதிரை’ எனப் பெரும்பாலும் அழைக்கப்படும். ‘அணில் தவ்வு’ என்றும் கிராமங்களில் அழகான பெயர் உண்டு. ஒருவர் குனிந்துகொள்ள, வரிசையாக வந்து முதுகுக்கு அந்தப் பக்கமாகத் தாவுவது. குனிந்திருப்பவர் இரண்டு கைகளாலும் முதலில் கெண்டைக்காலைத் தொட்டுக்கொண்டு நிற்பார். பிறகு, மூட்டு, தொடைப் பகுதி எனக் கைகளாலே தடுப்பை மாற்றி, உயரத்தை அதிகரித்துக்கொண்டே போவார். உடம்புக்கு உறுதி தந்து உற்சாகமூட்டும் விளையாட்டு.

நம்ம ஊரு நம்ம மண் - நம்ம ஊரு விளையாட்டு

கிட்டி புல்

கிரிக்கெட் விளையாட்டின் முதல்வன். நமது தற்காப்புக் கலையான சிலம்பத்திலிருந்து தோன்றியதாகச் சொல்லப்படுகிறது. ‘கீந்துக் குச்சி’ என்ற முழம் நீளமுள்ள ஒரு குச்சி. ‘பிள்ளைக் குச்சி’ என்கிற சாண் அளவு குச்சி வைத்து ஆடுவார்கள். கிரிக்கெட்டில் பேட்டிங், ஃபீல்டிங், பெளலிங் போலத்தான். சிறிய குச்சியைப் பெரிய குச்சியால் ஒருவர் அடித்துத் தள்ள, அதைப் பிடிக்க சுற்றிலும் ஆட்கள் இருக்க என விறுவிறுப்பான விளையாட்டு. அதற்கு முன்பும் பின்புமான விஷயங்களும் சுவாரஸ்யமானவை.

நம்ம ஊரு நம்ம மண் - நம்ம ஊரு விளையாட்டு

பம்பரம்

வேகம், பரபரப்பு, பொறுமை என அனைத்தும் கலந்த அற்புதமான விளையாட்டு. குறிப்பிட்ட சுற்றளவு வட்டம் போட்டு, அதில் கல் அல்லது மாங்கொட்டை போன்ற ஒன்றை வைக்க வேண்டும். விளையாடுபவர்கள் சாட்டையில் பம்பரத்தைச் சுற்றிக்கொண்டு, வேகமாக விடுவித்து அந்தப் பொருளில் அடித்து, வட்டத்திலிருந்து வெளியே வரவைக்க வேண்டும். அப்படிப் பம்பரம் விடும்போது வட்டத்துக்கு வெளியே குத்திவிட்டால், அவரது பம்பரத்தை வட்டத்தில் வைத்து மற்றவர்கள் அடிப்பார்கள். அபீட், கைகளில் சுழல விடுவது என அடுத்தடுத்து பல விஷயங்கள் உண்டு.

நம்ம ஊரு நம்ம மண் - நம்ம ஊரு விளையாட்டு

சொட்டாங்கல்

பெண்கள் ஆடும் விளையாட்டு. ஐந்து கல், ஏழு கல் என இதில் வயதுக்கு ஏற்ப வகைகள் உண்டு. கற்களை உள்ளங்கையில் குவித்து, தூக்கிப் போட்டு, கையின் மேல் பக்கத்தில் நிற்கவைப்பர். தரையில் நான்கு கற்கள் இருக்க, ஒரு கல்லைத் தூக்கிப் போட்டு அது கீழே வருவதற்குள் கீழே உள்ள கல்லையும் எடுத்து, அந்தக் கல்லையும் பிடிப்பர். இரண்டு கற்களாக, மூன்று கற்களாகப் பிடிப்பது என விளையாட்டு தொடரும். 'சின்னச் சின்னக் கல்லெடுத்து, சீரக சம்பா கல்லெடுத்து' என சின்னச் சின்னப் பாடல்களும் விளையாட்டின்போது பாடுவார்கள்.

நம்ம ஊரு நம்ம மண் - நம்ம ஊரு விளையாட்டு

கோலிக்குண்டு

சிறுவர்களின் விருப்பமான விளையாட்டுகளில் ஒன்று. ‘தேக்கு பேந்தாங் குண்டு’, ‘குழிக் குண்டு’ எனச் சில வகைகள் உண்டு. அதிகமாக குழி குண்டு விளையாடப்படும். தரையில் ஒரு குழி தோண்டி, குறிப்பிட்ட தூரத்திலிருந்து ஒவ்வொருவராகப் போடுவர். குண்டு குழிக்குள் விழுந்தால் 5 பாயின்ட். தள்ளி விழும் தூரத்துக்கு ஏற்ப பாயின்ட் குறையும். குழிக்குள் போட்டவர், அதற்குள் கட்டை விரலை ஊன்றி, நடுவிரலில் கோலிக்குண்டு பிடித்து, அம்பு விடுவதுபோல மற்றவர் கோலிக்குண்டை அடிக்க வேண்டும். இப்படி, இதில் அடுத்தடுத்த கட்டங்கள் உண்டு.  பார்வையின் கூர்மைக்கும், கால்களைத் தரையில் ஊன்றி அமர்வதால் உடலுக்கும் நல்ல பயிற்சி.

தொகுப்பு: யுவா, துரை.நாகராஜன், ஜி.லட்சுமணன், சி.வெற்றிவேல்

படங்கள்: வீ.சக்தி அருணகிரி