Published:Updated:

சிரிக்கும் பூந்தொட்டி!

சிரிக்கும் பூந்தொட்டி!
பிரீமியம் ஸ்டோரி
News
சிரிக்கும் பூந்தொட்டி!

சிரிக்கும் பூந்தொட்டி!

ஹாய் சுட்டீஸ்!

செடிகள் வளர்க்க நம் எல்லோருக்கும் ஆசை இருக்கும்தானே? அதுவும் கலர்ஃபுல் தொட்டியில் செடி வளர்ப்பதென்றால் கூடுதல் சந்தோஷம். உங்கள் வீட்டில் இருக்கும் பழைய பிளாஸ்டிக் வாட்டர்  பாட்டில்களில், வண்ணமயமான தொட்டியைச் செய்யலாம் என்கிறார்கள், சாய் சம்யுக்தாவும் அம்மா ஷோபனாவும்.

தேவையானவை:

வெள்ளை நிற சார்ட் - 1, வாட்டர் பாட்டில் - 1, ஃபேப்ரிக் பெயின்ட் -2 (வெள்ளை, கறுப்பு, சிவப்பு நிறங்களில்), கத்தரிக்கோல், ஃபெவிக்கால், பென்சில், பிரெஷ், மணல், செயற்கைப் பூக்கள்

ஸ்டெப் 1

பயன்படுத்தாத வாட்டர் பாட்டிலில், உங்களுக்கு எவ்வளவு உயரமான பூந்தொட்டி வேண்டுமோ, அந்த அளவுக்கு பென்சிலால் மார்க் செய்துகொள்ளவும்.

சிரிக்கும் பூந்தொட்டி!

ஸ்டெப் 2

மார்க் செய்த இடத்தைக் கத்தரிக்கோல் அல்லது கத்தியைப் பயன்படுத்தி வெட்டி எடுக்கவும். இதுதான் பூந்தொட்டிக்கான பேஸ்.

ஸ்டெப் 3

இதில், வெள்ளை நிற ஃபேப்ரிக் பெயின்ட்டை படத்தில் காட்டிபடி இடைவெளியில்லாமல் அடித்துக்கொள்ளவும்.

ஸ்டெப் 4

20 நிமிடங்கள் காயவிடவும்.

ஸ்டெப் 5

பெயின்ட் அடித்துக் காய்ந்த பேஸில், கறுப்பு, சிவப்பு நிற பெயின்டால் உங்களுக்குப் பிடித்தாற்போல கண், மூக்கு, வாய் என வரைந்துகொள்ளவும்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
சிரிக்கும் பூந்தொட்டி!

ஸ்டெப் 6

வெள்ளை நிறச் சார்ட்டில் காதுகள் வரைந்து, வெட்டி எடுத்துக்கொள்ளவும்.

ஸ்டெப் 7

அந்தக் காதுகளில் கறுப்பு நிற பெயின்ட் அடித்துக் காயவிடவும்.

ஸ்டெப் 8

பாட்டிலின் உட்பகுதியில் ஃபெவிக்கால் தடவி, கலர் செய்த காதுகளைப்  படத்தில் காட்டியபடி உட்புறமாக ஒட்டவும்.

கார்ட்டூன் பூந்தொட்டி தயார்.

ஸ்டெப் 9

பூந்தொட்டியின் உட்புறம் மணலால் நிரப்பவும்.

சிரிக்கும் பூந்தொட்டி!

ஸ்டெப் 10

பூச்செடிகளின் விதைகளை மண்ணில் இட்டு, தினமும் தண்ணீர் ஊற்றினால், ஒரு வாரத்தில் துளிர்த்து வந்துவிடும் உங்களின் மனதை மயக்கும் பூச்செடி!

- சு.சூர்யா கோமதி, படங்கள்: பா.காளிமுத்து