ஆட்டம் ஓட்டம் கவனம்!

பூ ங்கா, தெரு என்று ஓடியாடி விளையாடும்போது எப்படியெல்லாம் கவனமாக இருக்கணும்? சொல்கிறார், விருதுநகரைச் சேர்ந்த உடற்கல்வி ஆசிரியர் கதிரேசன்.

. செயின், தாயத்துக் கயிறு, ஸ்கார்ஃப் போன்றவற்றை அணிந்திருந்தால் கவனம். எதிலேனும் சிக்கி இழுத்துவிடும்.

வீட்டு முகவரி, பெற்றோர்களின் தொலைபேசி எண்ணை ஒரு தாளில் எழுதி வைத்திருங்கள்.

விளையாடும் பகுதியில் நாய்கள் இருந்தால் தள்ளிச்சென்று விளையாடுங்கள்.

. பூங்காவில் விளையாடும்போது, அங்குள்ள விளையாட்டுச் சாதனங்கள் நல்லநிலையில் உள்ளதா என்று கவனிக்கவும்.

. கண்ணாடித் துண்டுகள், முள் போன்றவை தரையில் இருக்கலாம். காலணிகள் இல்லாமல் விளையாடாதீர்கள்.

. கூர்மையான பொருள்களை பயன்படுத்தி விளையாடாதீர்கள்.

தனியாக விளையாடாமல் நண்பர்களுடன் சேர்ந்து விளையாடுங்கள்.

. சறுக்குமரம், ஊஞ்சல் போன்றவற்றின் அடிப்பகுதியில், மணல் அல்லது ரப்பர் மேட் இருக்கிறதா என்று கவனியுங்கள்.

. தெருவில் விளையாடும்போது வாகனங்கள், மனிதர்களின் நடமாட்டத்தை கவனித்து விளையாடுங்கள்.

யாரேனும் தவறாக நடந்துகொள்ள முயன்றால், கூச்சல் போட்டு அருகில் இருப்பவர்களை அழையுங்கள்.

. நண்பர்களைத் தள்ளிவிடுவது, அவர்கள் மீது விழுவது போன்ற சேட்டைகள் வேண்டாம்.

. தெரியாத யாரேனும் பெற்றோர் அழைப்பதாகச் சொன்னால் அவர்களுடன் செல்லாதீர்கள்.

. வெளியிடங்களுக்கு விளையாடச் செல்லும் முன்பு, பெற்றோரிடம் செல்லும் இடத்தைச் சொல்லிவிட்டு செல்லுங்கள்.

- சு.சூர்யா கோமதி