Published:Updated:

மின்னல் வேக ‘க்யூப்’ நாயகன்!

சக்திவேல்
பிரீமியம் ஸ்டோரி
சக்திவேல்

‘‘எனக்கு ரொம்ப பிடிச்ச விஷயத்தை ஜாலியா செஞ்சேன்.

மின்னல் வேக ‘க்யூப்’ நாயகன்!

‘‘எனக்கு ரொம்ப பிடிச்ச விஷயத்தை ஜாலியா செஞ்சேன்.

Published:Updated:
சக்திவேல்
பிரீமியம் ஸ்டோரி
சக்திவேல்

அது ரெக்கார்டு ஆகியிருக்காம்'' - மழலை மொழியில் பேசும் சக்திவேல், சென்னை எஸ்.பி.ஓ.ஏ பள்ளியில் யுகேஜி படிக்கிறார். ரூபிக் க்யூப் விளையாட்டில், ‘இந்தியன் புக் ஆஃப் ரெக்கார்ட்ஸ்’ மற்றும் ‘யுனிவெர்சல் புக் ஆஃப் ரெக்கார்ட்ஸ்’ சாதனைகளைப் படைத்துள்ள சுட்டி.

‘‘மூணு வயசிலிருந்து க்யூப்ஸ் மேலே ஆசை வந்துச்சு. ஒரே லைன்ல கலர்ஸைச் சேர்க்கணும்னு தெரியாது. கையில் வெச்சு சும்மா சுத்திட்டிருப்பேன். அப்பா, அம்மா சொல்லிக்கொடுத்ததும் ரொம்ப பிடிச்சுப் போச்சு.

மின்னல் வேக ‘க்யூப்’ நாயகன்!

அப்புறம், டிரெய்னிங்ல சேர்த்துவிட்டாங்க. அதை வெச்சுட்டு எவ்வளவு நேரம் விளையாடினாலும் எனக்கு டயர்டே ஆகாது. போரிங்காவும் இருக்காது. மாஸ்டர் சந்திரிகா ஆன்ட்டி நிறைய டெக்னிக்ஸ் சொல்லிக்கொடுத்தார். எனக்கு ஸ்பைடர்மேன் மாதிரி கார்ட்டூன்ஸ் ரொம்பப் பிடிக்கும். அதனால், ஒவ்வொரு கலருக்கும் ஸ்பைடர்மேன், அயர்ன் மேன் பெயர்களை வெச்சு, ஒரு கதையும் ரெடி பண்ணி, சேர்க்கிற மாதிரி மாஸ்டர் சொல்லிக்கொடுத்தாங்க’’ என்று புன்னகைக்கும் சக்திவேலைத் தொடர்ந்து பேச ஆரம்பிக்கிறார், அம்மா சரண்யா தேவி.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

‘‘சக்தி ரொம்ப துருதுரு. இவனை கன்ட்ரோல் பண்ணி ஒரு இடத்தில் உட்காரவைக்கவும், கவனத்தை ஒரே விஷயத்தில் குவிக்கவைக்கவும் என்ன செய்யலாம்னு யோசிச்சோம். ஆரம்பத்தில், ஸ்மார்ட்போன் கொடுத்துட்டிருந்தோம்.

பயிற்சியாளர், அம்மாவுடன்...
பயிற்சியாளர், அம்மாவுடன்...

அப்புறம்தான், அது தப்புன்னு மைண்ட் கேம் பயிற்சியில் சேர்க்க முடிவெடுத்தோம். எங்க ஏரியாவில் இருக்கும் ரூபிக் க்யூப்ஸ் க்ளாஸ் பத்தி தெரிஞ்சு சேர்த்தோம். க்யூப்ஸ் கத்துக்க ஆரம்பிச்ச பிறகு, கேட்ஜெட்ஸ் பார்க்கிறதையே விட்டுட்டான்’’ எனப் பெருமிதப்படுகிறார் அம்மா.

மின்னல் வேக ‘க்யூப்’ நாயகன்!

‘‘க்யூப்ஸில் மூன்றாயிரத்துக்கும் மேற்பட்ட வகைகள் இருக்கு. ஸ்நேக், டூ பை டூ, பிரமிடுனு மூணு வகைகள் எனக்குத் தெரியும். ஆரம்பத்துல, சால்வ் பண்றதுக்கு ஒரு மணி நேரம் ஆகியிருக்கு. அப்புறம், 40 செகண்ட்ஸ்ல சால்வ் பண்ற அளவுக்கு வந்துச்சு. என்னோட ஸ்பீடு பார்த்துட்டு நேஷனல் ரெக்கார்டுக்கு ட்ரை பண்ணலாம்னு மாஸ்டர் சொன்னார். டூ பை டூவை செலக்ட் பண்ணினேன். 28 விநாடிகளில் சால்வ் பண்ணி, ‘இந்தியன் புக் ஆஃப் ரெக்கார்டு', ‘யுனிவெர்சல் புக் ஆஃப் ரெக்கார்டு', ‘தமிழ்நாடு க்யூப் அசோசியேஷன் ரெக்கார்டு' என மூணு சாதனைகளை செஞ்சேன்'' என்கிறார் இந்த க்யூட் க்யூபி.

அடுத்ததா, கண்களை கட்டிக்கிட்டு கலர்ஸை ஒன்று சேர்க்கும் பிராக்டீஸும் முடிச்சுட்டேன். லிம்கா, கின்னஸ் சாதனைகளுக்காக ரெடியாகிட்டிருக்கேன்'' என்கிற சக்திவேலின் விரல்களுக்குள் கடகடவென உருண்டு சேர்கின்றன நிறங்கள்!