Published:Updated:

கூடங்குளம்: போராட்டக்காரர்கள் மீது தடியடி; பலர் படுகாயம்

கூடங்குளம்: போராட்டக்காரர்கள் மீது தடியடி; பலர்  படுகாயம்
கூடங்குளம்: போராட்டக்காரர்கள் மீது தடியடி; பலர் படுகாயம்

கூடங்குளம்: போராட்டக்காரர்கள் மீது தடியடி; பலர் படுகாயம்

கூடங்குளம்: போராட்டக்காரர்கள் மீது தடியடி; பலர்  படுகாயம்

ராதாபுரம்: கூடங்குளம் அணு உலைக்கு எதிர்ப்பு தெரிவித்து அணு மின்நிலையம் அருகே 2-வது நாளாக இன்று போராட்டம் நடத்திய போராட்டக்காரர்கள் மீது  போலீசார் தடியடி நடத்தியும், கண்ணீர்ப்புகை குண்டுகளையும் வீசியும் விரட்டியடித்தனர். .இதில் பலர் காயமடைந்துள்ளதாக தகவல்கள் தெரிவிக்கின்றன.

கலவரம் வெடித்தது
 
கூடங்குளம் அணுமின்நிலையம் அருகே கடற்கரையில் போராட்டக்காரர்கள்  நடத்தும் முற்றுகை போராட்டம் 2-வது நாளாக இன்று தொடர்ந்த நிலையில், முற்றுகையை கைவிடுமாறு எஸ்.பி. விஜயேந்திர பிதரி கேட்டுக்கொண்டார். ஆனால் போராட்டத்தில் ஈடுபட்டவர்கள் முற்றுகையை கைவிட மறுப்பு தெரிவித்தனர்.

அந்த நேரத்தில் போராட்டக்குழுவை சேர்ந்த 7 பேர் 2 படகுகளில் கடல் வழியாக சென்று கூடங்குளம் அணுமின் நிலையத்தின் பின் பகுதியில், அணுமின் நிலைய சுற்றுச்சுவருக்கு அருகில் இறங்கி நின்றனர். இதனை பார்த்த போலீசார் அவர்களை பிடிக்க சென்றனர். அப்போது அவர்கள் தாங்கள் வந்த படகில் ஏறி திரும்பி சென்று விட்டனர்.

இந்நிலையில் முற்றுகை போராட்டத்தில் பங்கேற்றிருந்த இடிந்தகரையை சேர்ந்த டென்சிலின் (வயது45) உள்பட 2 பேர், போலீசாரின் தடுப்பை மீறி அணுமின் நிலையத்தை நோக்கி சென்றனர். அவர்களை போலீசார் தடுத்து நிறுத்தி பிடித்து சென்றனர்.

இதனை பார்த்த கடற்கரையில் அமர்ந்திருந்த போராட்டக்குழுவினர் அதிர்ச்சியடைந்தனர். அவர்கள் டென்சிலின் உள்பட 2 பேரை பிடித்து செல்வதற்கு எதிர்ப்பு தெரிவித்து ஆக்ரோஷமாக கோஷம் எழுப்பி போலீஸ் தடுப்பை மீறி முன்னால் வர முயன்றனர். அப்போதுதான்  அவர்களை போலீசார் தடியடி நடத்தி விரட்டத் தொடங்கினர்..மேலும் அவர்கள் மீது கண்ணீர் புகைக் குண்டும் வீசப்பட்டது. இதனால் அங்கு பரபரப்பு ஏற்பட்டது.

கடந்த ஒரு வருடத்திற்கு மேலாக அணு உலைக்கு எதிராக நடைபெற்று வந்த  போராட்டங்களில் இதுவரை மோதல் எதுவும் நடைபெற்றதில்லை.அமைதியாகவே  நடைபெற்றது.

ஆனால் இன்று கலவரம் வெடித்துள்ளது. போலீசார் மீது போராட்டக்காரர்கள் முதலில்  தாக்குதல் நடத்தியதாக காவல்துறை தரப்பில் கூறப்பட்டு, அவர்கள் மீது காவல்துறையினர்  தடியடி நடத்தியுள்ளனர்.

போலீசாரின் தடியடியை தொடர்ந்து போராட்டக்காரர்கள் நாலாபுறமும் சிதறி ஓடினர்.போராட்டத்தில் ஈடுபட்ட  மீனவர்கள்  பலர் படகில் ஏறி கடலுக்குள் புகுந்து தப்பிச் சென்றனர்.

கூடங்குளம்: போராட்டக்காரர்கள் மீது தடியடி; பலர்  படுகாயம்

இந்நிலையில் இந்த மோதலில் போலீசார் சிலருக்கும் காயம் ஏற்பட்டதாக காவ்ல்துறை தரப்பில் தெரிவிக்கப்பட்டுள்ளது.

இதனிடையே போலீசார் தாக்குதல்  குறித்த தகவல் பரவியதால் கூடங்குளம், இடிந்தகரை உள்ளிட்ட சுற்றுவட்டார  கிராமங்களில் கடும் பதட்டம் நிலவுகிறது.கிராமங்களை சுற்றி அதிரடிப்படை  வீரர்கள், காவல்துறையினர் சுற்றிவளைத்துள்ளனர்.

இதனிடையே காவல்துறை தாக்குதல் குறித்து இடிந்தகரை மக்கள் தேவாயல மணியை  அடித்து மக்களை திரட்டி வருகின்றனர். 

கூடங்குளம்: போராட்டக்காரர்கள் மீது தடியடி; பலர்  படுகாயம்

உதயகுமார் படகில் தப்பினார்

இந்நிலையில் போலீசாரின் தாக்குதலை தொடர்ந்து,  போராட்ட்க்குழு ஒருங்கிணைப்பாளரான உதயகுமார், மை.பா. ஜேசுராஜ் உள்ளிட்ட போராட்டக்குழு தலைவர்கள் கடலுக்குள்  தயாராக நின்றிருந்த படகில் ஏறி தப்பிச் சென்றதாக தகவல்கள், இதனால் காவல்துறையினரால் போராட்டக்குழு தலைவர்களை கைது செய்ய முடியாமல் போய்விட்டதாகவும் தகவல்கள் தெரிவிக்கின்றன.

அணுமின் நிலையத்தில் பாதுகாப்பு

இந்நிலையில், இந்த கலவரத்தை தொடர்ந்து அணு மின் நிலையத்தை சுற்றி மத்திய தொழில் பாதுகாப்பு படையினர் குவிக்கப்பட்டுள்ள்னர்.


முன்னதாக கூடங்குளம் அணுமின் நிலையத்தின் முதல் அணு உலையில் எரிபொருள்  நிரப்ப இந்திய அணுசக்தி ஒழுங்குமுறை ஆணையம் மற்றும் சென்னை உயர் நீதிமன்றம்  அனுமதி அளித்ததை தொடர்ந்து, முதல் அணு உலையில் யுரேனியம் எரிபொருள்  நிரப்புவதற்கான அனைத்து முன்னேற்பாடு நடவடிக்கைகளும் மேற்கொள்ளப்பட்டு  வருகின்றன.
 
இது கூடங்குளம் அணு உலைக்கு எதிராக போராடும் அப்பகுதியை சுற்றியுள்ள  மக்களிடையே அதிர்ச்சியை ஏற்படுத்தியது.இதனைத் தொடர்ந்து அணுசக்திக்கு எதிரான  மக்கள் இயக்கத்தினர் இடிந்தகரையில் இருந்து பேரணியாகசென்று கூடங்குளம் அணுமின்  நிலையத்தை முற்றுகையிடுவதாக அறிவித்தனர்.

தடையை மீறி இந்த போராட்டம் 9-ம் தேதி (நேற்று) நடத்தப்படும் என போராட்டக்குழு  அறிவித்தது.
 
இதனைத்தொடர்ந்து கூடங்குளம், இடிந்தகரை, வைராவிகிணறு, பெருமணல்,  கூத்தங்குளி, தாமஸ் மண்டபம் ஆகிய பகுதிகளில் அதிரடிப்படை, அதிவிரைவுப்படை,  மத்திய ரிசர்வ் போலீஸ் படை ஆகியபோலீசார் ஏராளமானோர் குவிக்கப்பட்டனர்.7000  போலீசார் பாதுகாப்பு பணியில் ஈடுபட்டனர்.
 
தடையை மீறி பேரணியாக வருபவர்களை தடுத்துநிறுத்தி கைது செய்வதற்காக  போராட்டக்காரர்கள் வரமுடிவு செய்திருந்த வைராவி கிணறு மற்றும் தாமஸ் மண்டபம்  பகுதியில் ஆயிரக்கணக்கான போலீசார் கலவர தடுப்பு வாகனங்களுடன் தயாராக  நின்றனர். ஆனால் போராட்டக்காரர்களோ, முதலில் திட்டமிட்டபடி சாலை வழியாக  வராமல், இடிந்தகரை கடற்கரை வழியாக கூடங்குளம் அணுமின் நிலையத்தை நோக்கி  பேரணியாக சென்றனர்.
 
இதனை போலீசார் சற்றும் எதிர்பார்க்கவில்லை.இதனைத் தொடர்ந்து வைராவிகிணறு  மற்றும் தாமஸ் மண்டபம் பகுதியில் பாதுகாப்பு பணியில் ஈடுபட்டிருந்த போலீசார்  உடனடியாக கூடங்குளம் அணுமின்நிலையத்தின் கிழக்கு கண்காணிப்பு கோபுரம் இருக்கும்  பகுதிக்கு 3 கிலோமீட்டர் தூரம் நடந்தே வந்து சேர்ந்தனர்.
 
அவர்கள் வந்த அதே நேரத்தில் போராட்டக்கார்கள் ஆயிரக்கணக்கானோர்  ஒருங்கிணைப்பாளர் உதயகுமார், புஷ்பராயன் ஆகியோர் தலைமையில் திரண்டுவந்தனர்.  அவர்களை தொடர்ந்து முன்னேறவிடாமல் போலீசார் தடுத்துநிறுத்தினர்.  இதனைத்தொடர்ந்து போராட்டக்காரர்கள் அணுமின்நிலையத்திலிருந்து 500 மீட்டர்  தொலைவே உள்ள கடற்கரையில் அமர்ந்து முற்றுகை போராட்டத்தில் ஈடுபட்டனர்.
 
போராட்டத்தில் 3 ஆயிரத்திற்கும் மேற்பட்டவர்கள் பங்கேற்றிருந்தனர்.ஏராளமான  பெண்கள், குழந்தைகளுடன் வந்திருந்தனர் இதனைத்தொடர்ந்து போராட்டக்காரர்களுடன்  தென்மண்டல போலீஸ் ஐ.ஜி ராஜேஷ்தாஸ், நெல்லை மாவட்ட கலெக்டர் செல்வராஜ்,  போலீஸ் சூப்பிரண்டு விஜயேந்திர பிதாரி ஆகியோர் பேச்சுவார்த்தை நடத்த  போராட்டக்குழு ஒருங்கிணைப்பாளர் உதயகுமார் மற்றும் நிர்வாகிகளை அழைத்தனர்.
 
ஆனால் அவர்கள் தனியாக வந்து பேச்சுவார்த்தையில் ஈடுபட மறுத்துவிட்டனர்.  எதுவானாலும் அனைவரின் முன்னிலையில் பேசுங்கள் என்று கூறிவிட்டனர்.  இதனைத்தொடர்ந்து எஸ்.பி. ஒலிபெருக்கி மூலம் பேச்சுவார்த்தை நடத்தினார். ஆனால்  போராட்டகாரர்கள் அணுமின்நிலையத்தை மூடும் வரை தங்களது போராட்டத்தை  கைவிடமாட்டோம் என்று கூறி தொடர்ந்து போராட்டத்தில் ஈடுபட்டனர்.
 
இதனைத்தொடர்ந்து போராட்டம் நடந்த கடற்கரை பகுதிக்கு தொடர்ந்து ஏராளமானோர்  வந்து கொண்டே இருந்தனர். உதயகுமார் தலைமையில் 3ஆயிரத்திற்கும் மேற்பட்டோர்  இரவு கடற்கரையிலேயே தங்கினர்.அவர்களுக்கு இடிந்தகரையில் இருந்து உணவு  தயாரித்து போராட்டம் நடந்த இடத்திற்கு கொண்டுவரப்பட்டு வழங்கப்பட்டது.
 
போராட்டக்காரர்கள் முன்னேறிச்செல்லாத வகையில் போலீசாரும் அவர்களுக்கு முன்பு  அமர்ந்தபடி இரவு முழுவதும் பாதுகாப்பு பணியில் ஈடுபட்டனர்.சுமார் 2 ஆயிரம் போலீசார்  கடற்கரையில் தங்கி விடியவிடிய தீவிரமாக கண்காணித்தபடி இருந்தனர்.

அடுத்த கட்டுரைக்கு