Published:Updated:

நடிகை அஞ்சலியை 15 நாளில் ஆஜர்படுத்த போலீசுக்கு ஐகோர்ட் உத்தரவு

நடிகை அஞ்சலியை 15 நாளில் ஆஜர்படுத்த போலீசுக்கு ஐகோர்ட் உத்தரவு
நடிகை அஞ்சலியை 15 நாளில் ஆஜர்படுத்த போலீசுக்கு ஐகோர்ட் உத்தரவு

சென்னை: காணாமல் போன நடிகை அஞ்சலியை 15 நாளில் நீதிமன்றத்தில் ஆஜர்படுத்த தமிழக போலீசுக்கு சென்னை உயர் நீதிமன்றம் உத்தரவிட்டுள்ளது.
 

நடிகை அஞ்சலியை 15 நாளில் ஆஜர்படுத்த போலீசுக்கு ஐகோர்ட் உத்தரவு

நடிகை அஞ்சலியை கண்டுபிடித்து நீதிமன்றத்தில் ஆஜர்படுத்த போலீசுக்கு உத்தரவிட கோரி அவரது சித்தி  எஸ்.பாரதிதேவி சென்னை உயர் நீதிமன்றத்தில் தாக்கல் செய்த ஆள்கொணர்வு மனுவில், "அஞ்சலி என்கிற பாலா என்கிற திரிபுரசுந்தரி (27), எனது சகோதரி பார்வதிதேவியின் மகள். அஞ்சலியை நான் தத்து மகளாக எடுத்துக்கொண்டேன். இதற்கான நடைமுறைகளை கோடம்பாக்கம் சார் பதிவாளர் அலுவலகத்தில் 2003ஆம் ஆண்டு டிசம்பர் மாதத்தில் செய்திருக்கிறேன்.

அதிலிருந்து எனது மகளாக அஞ்சலியை கவனித்து வருகிறேன். இந்த நிலையில் சினிமா இயக்குனர் களஞ்சியத்திடம் அஞ்சலியை அறிமுகம் செய்துவைத்தேன். "சத்தமின்றி முத்தமிடு" என்ற படம் அஞ்சலியின் முதல் சினிமாவாகும். இதன் பிறகு தமிழ், தெலுங்கு படங்களில் அஞ்சலி நடித்து வந்தார். தற்போது "பலுப்பு" என்ற தெலுங்கு படத்தில் அவர் நடிக்கிறார். இதற்காக அவர் மார்ச் 31ஆம் தேதி எனது கணவருடன் ஹைதராபாத் சென்றிருந்தார்.

##~~##
அங்கு தாஸ்பல்லா என்ற ஓட்டலில் இரண்டு பேரும் அறை எடுத்து தங்கி இருந்தனர். கடந்த 8ஆம் தேதி காலையில் என் கணவர் கண்விழித்து பார்த்தபோது, அஞ்சலியைக் காணவில்லை. இதுகுறித்து போலீசில் புகார் செய்யப்பட்டது.
நான் வளசரவாக்கம் போலீசில் புகார் கொடுத்தேன். சென்னை போலீஸ் கமிஷனரிடமும் 10ஆம் தேதி புகார் கொடுத்தேன். இதுசம்பந்தமாக வழக்கு பதிவு செய்யப்பட்டுள்ளது. ஆனால் அஞ்சலியை மீட்க எந்த நடவடிக்கையும் எடுக்கப்படவில்லை.
தமிழ், தெலுங்கு படங்களில் நடித்து வரும் அஞ்சலியின் உயிருக்கு ஆபத்து இருப்பதாக அஞ்சுகிறேன். அவர் காணாமல் போய் சில நாட்கள் ஆகிவிட்டதால், உயிருடன் இருப்பாரோ என்ற அச்சம் உள்ளது. எனவே அஞ்சலியை கண்டுபிடித்து நீதிமன்றத்தில் ஆஜர்படுத்த போலீசுக்கு உத்தரவிட வேண்டும்" என்று மனுவில் கூறியிருந்தார்.
இந்த மனு உயர் நீதிமன்றத்தில் இன்று விசாரணைக்கு வந்தது. அப்போது, நடிகை அஞ்சலியை 15 நாளில் ஆஜர்படுத்த காவல்துறைக்கு உயர் நீதிமன்றம் உத்தரவிட்டுள்ளது.
இதனிடையே, நடிகை அஞ்சலி, ஹைதாபாத்தில் உள்ள காவல்நிலையத்தில் இன்று ஆஜராக உள்ளதாக தகவல்கள் வெளியாகி உள்ளன. அப்படி அஞ்சலி ஆஜராகும் பட்சத்தில் அவரை, சென்னை உயர் நீதிமன்றத்தில் ஆஜர்படுத்த தமிழக காவல்துறையினர் முடிவு செய்துள்ளனர்.