பழைய பட்டுச் சேலையில், ட்ரெண்டி பியூட்டி ஆடைகளை உருவாக்கலாம்!

பட்டுச் சேலையிலே நாம் விரும்பும் ட்ரெண்டி ஆடைகளைச் செய்யலாமா என்றால் நிச்சயம் முடியும்.

பழைய பட்டுச் சேலையில், ட்ரெண்டி பியூட்டி ஆடைகளை உருவாக்கலாம்!

டைகளுக்கும் பெண்களுக்குமான காதல், புரியவைக்க முடியாததது. ``நம்மிடம் எத்தனை ஆடைகள் இருந்தாலும். ஒவ்வொரு முறை கடைக்குச் சென்று புத்தம் புது ஆடைகளைப் பார்க்கும்போதும், `அட இது நல்லா இருக்கே... வாங்கலாமே' என்றுதான் தோன்றும். அந்த வகையில், பட்டுப்புடவையைக்கூட இண்டோ வெஸ்டர்ன் ஆடையாக மாற்றமுடியும்'' என்கிறார், சென்னையைச் சேர்ந்த ஆடை வடிவமைப்பாளர், கல்பனா ஜானு. அதற்கான அசத்தல் வழிகளையும் சொல்கிறார்.

``பொதுவாக, கல்லூரி செல்லும் பெண்கள், மாடர்ன் ஆடைகளைத்தாம் அதிகம் விரும்புவார்கள். அவர்களிடம் புடவை என்ற சொல்லே எடுபடாது. அதுவும் பட்டுப்புடவை சுத்தமாக எடுபடாது. சரி, பட்டுப்புடவையிலேயே நாம் விரும்பும் ட்ரெண்டி ஆடைகளைச் செய்ய முடியுமா என்றால், நிச்சயம் முடியும்.

சேலை

பொதுவாக, கொஞ்சம் ஒல்லியா இருக்கும் பெண்கள் தங்களுக்கு டிரெடிஷனல் ஆடைகள் சூட் ஆகாது என நினைப்பார்கள். அவர்களுக்கு இண்டோ வெஸ்டர்ன் நன்றாகப் பொருந்தும். இந்த இண்டோ வெஸ்டர்னை பொறுத்தவரை, டஸ்கி, ஃபேர் என்று எல்லா வகை நிறத்தவர்களுக்கும் சூட் ஆகும்.

உங்கள் வீட்டில் இருக்கும் இரண்டு பட்டுப்புடவையை மிக்ஸ் மேட்ச் செய்தால், ஒரு இண்டோ வெஸ்டர்ன் ஆடை ரெடி. ஒரு புடவையில் ஒரு இண்டோ வெஸ்டர்ன் ஆடைக்கான ஸ்கர்ட் அல்லது டாப் தைத்துவிட்டு, மற்றுமொரு கான்ட்ராஸ்டான நிறமுள்ள புடவையில் நீங்கள் தைத்த ஸ்கர்ட் அல்லது டாப்ஸ்க்கு மேட்ச் டிரஸ் தயாரித்துக்கொள்ளலாம். ஒரு இண்டோ வெஸ்டர்ன் டிரஸுக்கு இரண்டு புடவைகளைச் செலவழிக்க வேண்டுமா என நினைப்பவர்கள், ஸ்கர்ட் அல்லது மாக்ஸி பேன்ட் மட்டும் பட்டுப்புடவையில் தைத்துவிட்டு, மேட்சிங்கை ரெடிமேடாகக் கடைகளில் எடுத்துக்கொள்ளலாம். அம்மா மற்றும் குழந்தை இருவரும் ஒரே மாதிரியாக அணிய வேண்டும் என விருப்பமுள்ளவர்கள், ஒரு புடவையில் குழந்தைக்கும் தனக்கும் ஸ்கர்ட் மட்டும் தைத்துக்கொள்ளலாம்.

உயரமானவர்களுக்கு:

 நடுவில் ஸ்லிட் வைத்த லாங் குர்தா (Slit Long Kurta), அதற்கு கான்ட்ராஸ்ட் நிறத்திலான லாங் ஸ்கர்ட் அணிந்தால், நீட் லுக் கிடைக்கும். அல்லது, அடர் நிறத்தில் கிராப் டாப் (Crop Top) அணிந்து, லாங் அம்பர்லா கட் ஸ்கர்ட் அணியலாம்.

பட்டு சேலை

நடுத்தர உயரம் உடையவர்களுக்கு:

 குர்தாவின் இருபுறமும் ஸ்லிட் வைத்த சில்க் காட்டன் குர்தா அணிந்து, அதற்கு கான்ட்ராஸ்ட் வண்ணத்தில் பலாஸோ பேன்ட் பர்ஃபக்ட் மேட்ச். 

டிரண்டி ஆடை

உயரம் குறைந்தவர்களுக்கு:

கழுத்துக்குக் கீழும் ப்ளீட்ஸ் வரும் இடத்திலும், ஃப்ரில் வருவதுபோன்ற லாங் கவுனை வடிவமைத்துக்கொள்ளலாம். இதில், ஃப்ரில்லும், ஆடையில் உள்ள மற்ற பகுதியும் வெவ்வேறு நிறத்தில் இருப்பது உங்களை அழகாகக் காட்டும்.

பட்டு சேலை

அணிகலன்கள் :

பொதுவாக, இண்டோ வெஸ்டர்ன் ஆடைகளுக்கு அதிகப்படியான அணிகலன்கள் கூடாது. எளிமையான அணிகலன்களைத் தேர்வுசெய்து அணியுங்கள். சாண்ட்பாலி (Chandbali) வளையல், தட்டையான காலணிகள் எனச் சாதாரண அணிகலன்களே மேட்சாக இருக்கும்.

பட்டு

இண்டோ வெஸ்டர்னில் இது புதுசு:

ஹை நெக் பிளவுஸ், ஸ்லிட் டைப் புடவை, கான்ட்ராஸ்ட் நிறத்தில் லெகிங்க்ஸ் அல்லது டைட் பேன்ட் அணிவது, புது ஸ்டைல். கூடவே, ஷூ அணிந்தால் ரிச் லுக் தரும். பாலிவுட்டில் ஷில்பா ஷெட்டி, சோனம் கபூரில் ஆரம்பித்து, பலரும் இந்த வகையான சேலையிலேயே வலம்வருகிறார்கள்.

 

Do you like the story?

Please Appreciate the Author by clapping!