Published:Updated:

உங்களை முன்னேற்றும் 7 வழிகள்!

உங்களை முன்னேற்றும் 7 வழிகள்!
பிரீமியம் ஸ்டோரி
உங்களை முன்னேற்றும் 7 வழிகள்!

நாணயம் புக் செல்ஃப்

உங்களை முன்னேற்றும் 7 வழிகள்!

நாணயம் புக் செல்ஃப்

Published:Updated:
உங்களை முன்னேற்றும் 7 வழிகள்!
பிரீமியம் ஸ்டோரி
உங்களை முன்னேற்றும் 7 வழிகள்!

புத்தகத்தின் பெயர் : Personal Development for Smart People

ஆசிரியர் : Steve Pavlina 

பதிப்பகம் : Hay House

ம் எலோருக்குமே வாழ்க்கையில் ஒரு பெரிய உச்சத்தைத் தொட வேண்டும் என்ற ஆசை இருக்கவே செய்கிறது. ஆனால், அதற்கான உந்துதல் ஏதாவது ஒரு சந்தர்ப்பத்தில் ஒவ்வொருவருக்கும் வந்திருக்கும். ஸ்டீவ் பவ்லினா எழுதிய ‘பர்சனல் டெவலப்மென்ட் ஃபார் ஸ்மார்ட் பீப்பிள்’ எனும் புத்தகம் தனிநபர் மேம்பாட்டைச் செய்துகொள்வது எப்படி என்பதைச் சொல்லித் தருகிறது.

“நாம் நம்மை முன்னேற்றிக்கொண்டே ஆகவேண்டும் என்ற எண்ணம் எப்போது முதல் முதலாகத் தோன்றியது என்பது உங்களுக்கு நினைவிருக்கிறதா? உங்களுக்கு இருக்கிறதோ இல்லையோ எனக்கு நன்றாக நினைவிருக்கிறது. 1991-ம் ஆண்டு ஜனவரி மாதம் ஒரு திருட்டு கேஸில் மாட்டிக்கொண்டு ஜெயிலில் இருக்கும்போது எனக்குத் தோன்றியது” என்று அதிரடியாக ஆரம்பிக்கிறது இந்தப் புத்தகம்.

“ அப்போது எனக்கு வயது 19. கல்லூரி முதலாண்டு படிக்கும்போது நான் திருட ஆரம்பித்தேன். பணத்துக்காக இல்லை. திருட்டின்போது கிடைக்கும் த்ரில்லுக்காக! கொஞ்சம் கொஞ்சமாக அதற்கு அடிமையாகவே ஆகிப்போய், மாட்டிக்கொண்டு குறைந்தபட்சம் இரண்டுஆண்டுகள் தண்டனை கிடைக்க வாய்ப்புள்ள விசாரணைக் கைதியாக அப்போது கம்பி எண்ணிக்கொண்டிருந்தேன்.

ஒட்டுமொத்த விகடனுக்கும் ஒரே ஷார்ட்கட்!

உங்களை முன்னேற்றும் 7 வழிகள்!

பள்ளிப்படிப்பு மற்றும் படிப்பு சார் நடவடிக்கைகளில் நான் கில்லி. பெரிய கம்ப்யூட்டர் சயின்ஸ் ஸ்பெஷலிஸ்ட் ஆவாய் என ஆசிரியர்கள் சொல்லிக்கொண்டிருந்தனர். இன்றைக்குக் கம்பிக்கு பின்னால் காத்திருக்கி றோமே என நினைத்தேன். பள்ளிக்கூடம் என்னை வெளியேற்றிவிட்டது. முதல் முறை குற்றம் செய்திருப்பதால் இதை ஒரு பெட்டிகேஸ் எனக் கருதச்சொல்லி மன்னிப்புக் கேட்டு, சிறை தண்டனையிலிருந்து தப்பித்து, சமூக சேவைக்கான கட்டளையாக மாற்ற வாய்ப்புள்ளது என்று என்னுடைய வக்கீல் சொன்னார். என் மனதிலோ முதல்முறை குற்றமா? இத்துடன் சேர்த்து எத்தனை ஆகிவிட்டன. மாட்டிக்கொண்டதில் முதல் குற்றம் என்று வேண்டுமென்றால் வைத்துக் கொள்ளலாம் என்ற எண்ணமே ஓடியது. நீதிமன்றத்தில் ஒட்டப்பட்டிருந்த கேஸ் குறித்த குறிப்பில் முதல் குற்றம் என்று இருந்தது.

வாயை மூடிக்கொண்டு இருந்தால் தப்பித்து விடலாம் என்று எனக்குத் தோன்றியது. அமைதியாக இருந்து அறுபது மணிநேர சமூக சேவை என்ற உத்தரவைப் பெற்று சேவை செய்யப் போனேன். பெரிய பாரத்தை இறக்கி வைத்ததைப்போல் இருந்தது. சுதந்திரம் என்றால் என்ன என்று சுதந்திரத்தை இழக்க வாய்ப்பு உறுதியாக இருக்கும் சூழலியேயே நன்றாக எனக்குப் புரிந்தது. 

பின்னர் கல்லூரிக்குச் சென்று படித்து கம்யூட்டர் சயின்ஸ் துறையில் சிறந்த மாணவனாகப் பட்டம் பெற்றேன். இடையில் கொஞ்சம் உருப்படலாமே என்று நிறைய சுய முன்னேற்றப் புத்தகங்களைப் படிக்கும்போதுதான் தெரிந்தது நடப்புக்கு உதவாத உதவாக்கரையான இரவல் ஐடியாக்களையே அவர்களில் பெரும்பாலானோர் கூறுகின்றனர் என்பது.

உங்களை முன்னேற்றும் 7 வழிகள்!

படிப்பை முடித்த பிறகு கம்ப்யூட்டர் கேம்களை உருவாக்கி விற்றுக் கொண்டிருந்த நான், அதில் என்னுடைய நாட்டம் குறைய ஆரம்பிக்கும்போதே பர்சனல் டெவலப்மென்ட் என்பதை என்னுடைய கேரியராக மாற்ற முனைந்தேன்” என்கிறார் ஆசிரியர்.

“எக்கச்சக்க தனிநபர் முன்னேற்ற புத்தகங்களைப் படித்தபிறகு எனக்கு ஒன்று தெளிவாகப் புரிந்தது.  அனைவரும் சேர்ந்து ஒட்டு மொத்தமாகக் குழப்புகிறார் கள். என்னைப் பொறுத்த வரை அனைவருக்கும் உதவும் வகையிலான தனிநபர் முன்னேற்றத்துக்கு உதவும் விஷயங்கள் எப்படி இருக்கவேண்டும் என நான் பட்டியலிட ஆரம்பித்தேன்.

 தனிநபர் முன்னேற்றம் என்பது இயற்பியல் விதிகளைப் போன்ற அனைவருக்கும் பொருத்தமான விதிகளைக் கொண்டிருக்க வேண்டும். இந்த விதிகள் தனிநபர் முன்னேற்றத்திற்குத் தேவையான அனைத்து விஷயங்களையும் கொண்டிருக்க வேண்டும். இந்த விதிகளின் அடிப்படைகள் மாற்றம் செய்ய முடியாததாக இருக்கவேண்டும். இந்த விதிகள் எல்லாம் ஒன்றுக்கொன்று இசைந்து செல்லும் வகையில் இருக்கவேண்டுமே தவிர, ஒன்றுக்கொன்று எதிர்வினையாற்றுவதாக இருக்கக்கூடாது. நடப்பு உலகுக்கும் இந்த விதிமுறைகளுக்கும் முழுமையான சம்பந்தம் இருக்க வேண்டும்” என்கிறார் ஆசிரியர்.

இரண்டு பிரிவாக  உள்ள இந்தப் புத்தகத்தில் முதல் பிரிவில் ஏழு அடிப்படை விதிமுறைகள் விலாவாரியாக விவரிக்கப்பட்டுள்ளன.  இரண்டாவது பிரிவு எப்படி இந்த விதிமுறை களை நடைமுறைப்படுத்துவது என்பதைத் தெளிவுபடுத்துகிறது.

முதல் விதிமுறை : உண்மை

தனிநபர் முன்னேற்றம் வரவேண்டுமென்றால் நீங்கள் உண்மையாக நடந்துகொள்ள வேண்டியது மிகமிக அவசியம். நம்மைப் பற்றியும் உலகத்தைப் பற்றியும் பல உண்மைகள் நம் வாழ்க்கையில் தொடர்ந்து நமக்குப் புரியவரும். அதனால் உண்மையைக் கண்டறிந்து உணர்ந்து செயல்படுவேன் என்று நீங்கள் உறுதியாய் இருக்கவேண்டும். நம்மிடம் ஒரு பிரச்னை இருக்கிறது என்பதை நாம் உண்மையாக ஒப்புக்கொண்டால் மட்டுமே நம்மால் அதைத் தீர்க்க முடியும். நாமே ஒப்புக் கொள்ளாத பிரச்னையை நம்மால் எப்படி தீர்ப்பதற்கான முயற்சிகளை எடுக்கமுடியும்” என்ற அர்த்தம் பொதிந்த கேள்வியை நம்மிடையே எழுப்புகிறார் ஆசிரியர். உண்மையை அறிவதில் கருத்து, கணிப்பு, துல்லியம், ஏற்பு, விழிப்பு உணர்வு போன்றவற்றின் பங்கைத் தெளிவாக எடுத்துரைக்கிறார் ஆசிரியர்.

இரண்டாவது விதிமுறை : அன்பு

“அன்பு என்பது மற்றவர்களை நோக்கி நம்மைச் செல்லவைக்கிறது. அன்பில்லாமை நம்மை மற்றவர்களிடம் இருந்து நம்மை விலக வைக்கிறது. நல்லதொரு வளர்ச்சியை நீங்கள் அடைய வேண்டுமென்றால் நீங்கள் யாருடனெல்லாம் தொடர்பில் இருக்கவேண்டும் என்ற விஷயத்தில் நீங்கள் தெளிவாக இருக்கவேண்டும். அன்பிற்கு உதவும் விஷயங்கள் இணைந்திருத்தல், தொடர்பிலிருத்தல் மற்றும் தோழமை போன்றவை என்பதை மிகவும் சிறப்பாகத் தெளிவுபடுத்தி யுள்ளார் ஆசிரியர்.

மூன்றாவது விதிமுறை : ஆளுமை

அடுத்து உங்களிடம் உள்ள ஆளுமை எனும் சக்தி (பவர்). நீங்கள் உங்களைச் சுற்றி இருப்பவர்களிடம் எந்த விதமான ஆளுமையைக் கொண்டிருக்கின்றீர்கள் என்பது உங்களுடைய தனிநபர் வளர்ச்சிக்கு மிகமிக முக்கியமானதாகும். சிலர் பவர் என்பது மிகவும் மோசமான வார்த்தை என்பார்கள். அப்படியில்லை. பவர் என்பதை உண்மை மற்றும் அன்புடன் இணைத்துப் பார்த்தால் அது நல்ல விஷயங்களுக்கு மட்டுமே பயன்படுவதாக இருக்கும். இந்த இரண்டையும் விலக்கிவிட்டு இருக்கும் வெறும் பவரே மிக மோசமானதாக இருக்கும் என்பதைப் புரிந்துகொள்ளுங்கள் என்கிறார் ஆசிரியர்.

உங்களை முன்னேற்றும் 7 வழிகள்!

நான்காவது விதிமுறை : ஒருமை

அடுத்து ஒருமை (Oneness) எனும் பண்பு. அன்பு என்பது மற்றவர் களுடன் தொடர்பில் இருக்க உதவுவது. ஒருமை என்பது நாம் இணைந்திருப்பதை உணரச்செய்வது என்கிறார் ஆசிரியர். இதற்குத் துணைபுரியும் விஷயங்கள் பச்சாதாபம், இரக்கம், நேர்மை, பங்களிப்பு, ஒற்றுமை போன்றவை யாகும் என்கிறார் ஆசிரியர்.

ஐந்தாவது விதிமுறை : அதிகாரம்

அடுத்து ஆசிரியர் சொல்வது அதிகாரம் (Authority) என்பதை. அதிகாரம் என்பது உண்மை மற்றும் ஆளுமை என்ற இரண்டும் கலப்பதால் வருவது என்கிறார். அதிகாரமே நீங்கள் உங்களை உபயோகமான பாதையில் செல்லவைக்கும் ஒரு முக்கியக் காரணியாக இருக்கிறது. அதிகாரம் இல்லாத வாழ்க்கையை நீங்கள் வாழ்ந்தீர்கள் என்றால் உங்களுக்கு அறிவு வளரும். ஆனால், அதை உபயோகிக்க முடியாது போய்விடும். அதிகாரமே உங்களை ஒரு பொறுப்பான நபராக்கி வாழ்க்கையில் உருப்படவைக்கிறது என்கிறார் ஆசிரியர்.

ஆறாவது விதிமுறை : துணிவு

துணிவு என்பதும் அன்பு மற்றும் சக்தி என்பதுடன் கலந்து செயல்படுத்த வேண்டிய ஒன்று என்று சொல்லும் ஆசிரியர், மனம், முயற்சி, நேரடித் தன்மை மற்றும் மரியாதை போன்றவற்றைத் துணிச்சலின் பல்வேறு அங்கங்களாகச் சொல்கிறார்.

ஏழாவது விதிமுறை : புத்திசாலித்தனம்

உண்மை, அன்பு மற்றும் சக்தி சரிவிகிதத்தில் உங்களிடம் இருக்கும்போது, புத்திசாலித்தனம் என்பது ஏனைய அனைத்து விஷயங்களையும் ஒருங்கிணைத்து உங்களை வெற்றிப்பாதையில் செல்லவைக்கும் வல்லமை படைத்தது என்கிறார் ஆசிரியர். நம்பகத்தன்மை, சுய வெளிப்பாடு, வளர்ச்சி, அழகுணர்ச்சி போன்றவை புத்திசாலித்தனத்தைப் பரிமளிக்கச்செய்யும் குணாதிசயங்களாகும் என்கிறார் ஆசிரியர்.

இந்த ஏழு விதிமுறைகளையும் எப்படி நடைமுறைப்படுத்துவது என்பதை மிகவும் விளக்கமாகப் புத்தகத்தின் இரண்டாவது பகுதியில் கொடுத்துள்ளார் ஆசிரியர். மிகவும் எளிய நடையில் எழுதப்பட்டிருக்கும் இந்தப் புத்தகத்தை முன்னேற்றம் அடைய நினைக்கும் அனைவரும் ஒரு முறை கட்டாயம் படிக்கலாம்.

நாணயம் விகடன் டீம்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism