Published:Updated:

தாழ் திறவாய்! - கதவு 4 - பின்னி மில் - கவிதை

தாழ் திறவாய்
பிரீமியம் ஸ்டோரி
தாழ் திறவாய்

கபிலன், ஓவியம்: திண்டுக்கல் தமிழ்ப்பித்தன்

தாழ் திறவாய்! - கதவு 4 - பின்னி மில் - கவிதை

கபிலன், ஓவியம்: திண்டுக்கல் தமிழ்ப்பித்தன்

Published:Updated:
தாழ் திறவாய்
பிரீமியம் ஸ்டோரி
தாழ் திறவாய்

பின்னி மில்லில் வேலை செய்யும்
அப்பாவுக்கு
சோறு கொண்டுபோவேன்
ரெண்டு பேரும் பங்கிட்டுச் சாப்பிடுவோம்
யார்கிட்டயாவது காசுவாங்கிக் கொடுப்பார்
பத்தாந்தேதி சம்பள நாளுல
மில்லு வாசலில்
அவருக்காகக் காத்திருப்பேன்
அந்த தேதியில் சந்தைபோல்
எல்லாப் பொருள்களும் விற்கும்
விக்டோரியா ஓட்டலில்
என்னை உட்கார வெச்சுட்டுக்
குடிச்சுட்டு வருவாரு

போதையில அவருகூட
ரிக்சாவுல வீட்டுக்குப்போவேன்
அப்பா கொடுத்த பத்துரூபாவ
அம்மா புடுங்கிக்குவாங்க
சில சமயம் மறச்சுவச்சு
ஸ்கூல் போகும்போது
காட்டுக்கலக்கா எலந்தப்பழம்
மூக்குச்சளிப்பழம் வாங்கித் திம்பேன்

தாழ் திறவாய்! - கதவு 4 - பின்னி மில் - கவிதை

எனக்கு விபூதி வெச்சிவிடுவாரு
தோளில தூக்கிட்டுப்போவாரு
கேட்டதெல்லாம் வாங்கித் தருவாரு
ஒரு நாள் மில்லு முழுக்க
சுத்திக் காட்டினாரு

நேத்து இயக்குநர் போன் பண்ணி
``பின்னி மில்லுல சூட்டிங்
பாட்டப் பத்திப் பேசணும்
கார் அனுப்புறேன் வந்திரு’’ன்னாரு
எத்தனை வருஷமாச்சி
ஆலையின் கதவுக்குள் நுழைந்து...
எல்லா இடங்களிலும் அப்பாவின் சுவடுகள்
என் பாதம் எங்கே வைப்பது..?