Published:Updated:

படிப்பறை

படிப்பறை
பிரீமியம் ஸ்டோரி
படிப்பறை

1970 முதல் 2019 வரை வெளியான இலக்கியச் சிந்தனை பரிசுபெற்ற சிறுகதைகளின் தொகுப்பு.

படிப்பறை

1970 முதல் 2019 வரை வெளியான இலக்கியச் சிந்தனை பரிசுபெற்ற சிறுகதைகளின் தொகுப்பு.

Published:Updated:
படிப்பறை
பிரீமியம் ஸ்டோரி
படிப்பறை

இலக்கியத்தைக் காலவரிசைப்படி வாசிப்பதென்பது மிகவும் சுவாரசியமான அனுபவம். பொதுவாகப் பரிணாம வளர்ச்சியில் பழையது, புதியது என்னும் பேதம் உண்டு. ஆனால், இலக்கியத்தில் மட்டுமே பழைமை என்பது காலம் சார்ந்ததல்ல. ஈராயிரம் ஆண்டுப் பழைமை வாய்ந்த சங்கப்பாடல்கள் எப்போதும் புதுமையாகவும், நேற்று எழுதப்பட்டவை பழைமையின் சாயலோடும் இருப்பது இலக்கியத்தின் பண்பு. 50 ஆண்டுக்காலத் தமிழ்ச் சிறுகதைகளை அடையாளப்படுத்தும்வகையில் வெளியாகியிருக்கும் ‘இலக்கியச் சிந்தனை பரிசுபெற்ற 50 சிறந்த சிறுகதைகள்’ நூல் அந்த வரிசையில் மிக முக்கியமானது.

படிப்பறை

1970 முதல் 2019 வரை வெளியான இலக்கியச் சிந்தனை பரிசுபெற்ற சிறுகதைகளின் தொகுப்பு. ஓர் ஆண்டுக்கு ஒரு கதை என்று தொகுக்கப்பட்டிருக்கும் இந்தத் தொகுப்பில் இருக்கும் கதைகள் அனைத்தும் சிறப்பானவை. இதில் இருக்கும் பல கதைகள் ஏற்கெனவே உருவாக்கப்பட்டிருக்கும் எழுத்தாளர்களின் சிறந்த சிறுகதைகளின் பட்டியலில் இருப்பவையே.

ஏ.எஸ்.ராகவன், சார்வாகன், ஆர். சூடாமணி, ஆதவன், வண்ணதாசன் எனத் தொடங்கி எஸ்.ராமகிருஷ்ணன், லட்சுமி சரவணகுமார், கலைச்செல்வி எனத் தமிழ்ச் சிறுகதை உலகில் கோலோச்சிய, கோலோச்சும் கதாசிரியர்களின் கதைகள் இந்தத் தொகுப்பில் உள்ளன. குறிப்பாக 70களிலும் 80களிலும் தமிழ்ச் சிறுகதை எப்படிப் புத்துணர்வோடு இயங்கியது என்பதன் சான்றுகளாக இந்தத் தொகுப்பின் கதைகள் அமைகின்றன. சார்வாகனின் ‘கனவுக்கதை’, ஆதவனின் ‘ஒரு பழைய கிழவர்; ஒரு புதிய உலகம்’, வண்ணதாசனின் ‘தனுமை’, திலிப் குமாரின் ‘தீர்வு’ ஆகிய கதைகள் மிகவும் முக்கியமானவை மட்டுமல்ல, அந்தக் காலத்தின் புதிய எழுத்துமுறையையும் சிந்தனைப் போக்கையும் முன்வைப்பவை.

இந்தத் தொகுப்பில் இருக்கும் ஆர். சூடாமணியின் ‘நான்காம் ஆசிரமம்’ கதை மிகவும் குறிப்பிடத்தக்கது. பெண்ணியம் பேசும் தற்காலத்திலும் அரை நூற்றாண்டுக்கு முன்பாகப் பெண் சுதந்திரம் பற்றிப் பேசும் இந்தக் கதை மிகவும் புதியது. பெண்கள் பிரச்னையைப் பெண்கள் பேசும்போது அது எவ்வளவு வீரியமாக இருக்கும் என்பதை உணர்த்தும் கதை இது. இதுபோன்று தொகுப்பில் சுட்டிக்காட்டப் பல கதைகள் உள்ளன.

சிறுகதை வாசிப்பில் ஆர்வம் உள்ளவர்கள் கட்டாயம் வாசிக்க வேண்டிய தொகுப்பு இது என்று சொல்லலாம்.

வானதி பதிப்பகம்

23, தீனதயாளு தெரு,
தி. நகர், சென்னை - 17
போன் : 044-24342810

பக்கங்கள் : 608

விலை : ரூ.500