Published:Updated:

படிப்பறை

படிப்பறை
பிரீமியம் ஸ்டோரி
படிப்பறை

பாரம்பரியம், பண்பாடுகள் குறித்து ஆராயும்போது ‘உடனிகழ்காலம்’ என்னும் புதிய கலைச்சொல்லை முன்வைக்கிறார் ரொமிலா.

படிப்பறை

பாரம்பரியம், பண்பாடுகள் குறித்து ஆராயும்போது ‘உடனிகழ்காலம்’ என்னும் புதிய கலைச்சொல்லை முன்வைக்கிறார் ரொமிலா.

Published:Updated:
படிப்பறை
பிரீமியம் ஸ்டோரி
படிப்பறை

பாரம்பரியம், பண்பாடு போன்ற சொற்கள் அதிகம் உச்சரிக்கப்படும் சூழலில் பாரம்பரிய இந்தியப் பண்பாடுகள் குறித்த புதிய உரையாடலை இந்த நூலின் மூலம் முன்வைக்கிறார் வரலாற்றாசிரியர் ரொமிலா தாப்பர்.

இந்திய வரலாற்றெழுத்தியலில் ரொமிலா தாப்பரின் பங்கு முக்கியமானது. வரலாற்றை வெறுமனே சம்பவங்களின் தொகுப்பாகவோ ஆண்டுக்கணக்காகவோ அணுகாமல் சமூகவியல் பார்வையுடன் அணுக வேண்டும் எனத் தொடர்ந்து வலியுறுத்தி வருபவர் ரொமிலா. இருமுறை பத்ம பூஷண் விருது அறிவிக்கப்பட்டும் அதை வாங்க மறுத்தவர். அதிகார மையங்களிலிருந்து விலகி பன்முகத்தன்மையுடன் கூடிய சமூகப்பார்வையுடன் வரலாற்றை அணுகுபவர். அதை இந்தக் கட்டுரைகளிலும் காணலாம்.

படிப்பறை

பாரம்பரியம், பண்பாடுகள் குறித்து ஆராயும்போது ‘உடனிகழ்காலம்’ என்னும் புதிய கலைச்சொல்லை முன்வைக்கிறார் ரொமிலா. பாரம்பரியம் என்பதே கடந்தகாலச் சேகரம்தான். ஆனால் நிகழ்காலத்தில் அதை முன்னிறுத்த வேண்டிய அல்லது ஆராய வேண்டிய தேவை, கடந்த காலத்தில் இருந்த அதே அர்த்தத்தில் நிகழ்காலத்திலும் இருக்கிறதா என்ற கேள்வி எழும். நிகழ்காலத்தில் அந்தப் பாரம்பரியத்தின் மதிப்பு என்ன என்பதைக் கொண்டு பாரம்பரியத்தை ஆராய வேண்டும் என்கிறார் ரொமிலா தாப்பர். இந்த ‘உடனிகழ்காலம்’ என்னும் ரொமிலாவின் ஆய்வுமுறையைக் கொண்டு நாம் மனுஸ்மிருதியில் இருந்து அயோத்திதாசர் வரை ஆய்வுக்குட்படுத்தலாம். எந்தப் பாரம்பரியமும் பண்பாடும் தூக்கிப்பிடிக்கப்படுகின்றன, எந்தப் பண்பாடுகளெல்லாம் கண்டுகொள்ளப்படுவதில்லை என்ற கேள்வியும் மிக முக்கியம்.

‘பண்பாடுகளைக் கட்டவிழ்க்கும் பெண்கள்’ என்னும் கட்டுரை இத்தொகுப்பில் முக்கியமான ஒன்று. வைதீக மரபும், பௌத்தம், சமணம் போன்ற சிரமண மரபும் பெண்களை எப்படி அணுகின என்பதைப் பொறுத்து பண்பாட்டு மாற்றங்கள் நிகழ்ந்ததை விரிவாக விளக்குகிறது அக்கட்டுரை. இதுபோன்ற செறிவான கட்டுரைகளின் மொழிநடை கொஞ்சம் கடினமானது என்றாலும், சா.தேவதாஸின் மொழிபெயர்ப்பு இன்னும் கொஞ்சம் இலகுவாக இருக்கலாமோ என்று தோன்றுகிறது.

இந்திய வரலாற்றை சமூக - பண்பாட்டுப் பார்வையில் புரிந்துகொள்ள உதவும் முக்கியமான புத்தகமிது.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

பாரம்பரிய இந்தியப் பண்பாடுகள்

- ரொமிலா தாப்பர்

வெளியீடு : எதிர் வெளியீடு, 96, நியூ ஸ்கீம் ரோடு, பொள்ளாச்சி - 642 002

போன் : 99425 11302

பக்கங்கள் : 304

விலை : ரூபாய் 350