Published:Updated:

ஆட்டுத் தொகை

ஆட்டுத் தொகை
பிரீமியம் ஸ்டோரி
ஆட்டுத் தொகை

கவிதை

ஆட்டுத் தொகை

கவிதை

Published:Updated:
ஆட்டுத் தொகை
பிரீமியம் ஸ்டோரி
ஆட்டுத் தொகை

ச்சிலை வாசமுள்ள

ஆடுகளின் காற்குளம்பை

முகருங்கால்

வானவில்லை உழப்பி வந்த

நிறங்களின் மிச்சம் இருந்தன

குளத்தலையாய்ப் பாய்ந்து

எனை நோக்கி

என் மந்தையாடு வருகையில்

ஊற்றுச் சொட்டுகள்

உடம்பிற் கண்டேன்

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer
கவிதை
கவிதை

காற்றில் ஆய்கின்றன

கட்டமண்ணில் ஆய்கின்றன

வட்டவளையமிடுகின்றன வானில்

வீண்மீனைப் பிணையல் அடிக்கின்றன

மேக வரிசையில் ஊர்கின்றன

என் விசிற் சத்தம் கேட்டு

சப்பாத்திக் கள்ளியை

ஒரே தவ்வாய்த் தவ்வி வருகின்றன

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

என் உள்ளங்கையை உதறினால்

ஒரு குத்து செம்மறிகள் பிறந்துவிடும்

ஒரு குத்து வெள்ளாடுகள் உதிர்ந்து வரும்

நான் மந்திரவாதியில்லை

ஆட்டு வீச்சமுள்ள ஆளேதான்

எனக்கு இரண்டு பிள்ளைகள்

மகள் ஒரு மயிலம்பாரிக் குட்டி

மகன் ஒரு போர்ப் புருவை

எத்தனை ஆடுகள்

என் மந்தையில் உள்ளனவோ

அத்தனை எழுத்துகள்

என்னிடம் உள்ளன

அத்தனை கவிதைகள்

என்னிடமுள்ளன

அத்தனை பாட்டுகள்

என்னிடமுள்ளன

அத்தனை கதைகள்

என்னிடமுள்ளன

இனி என்னை

வழிமறிக்க முடியாது...

தொரட்டிக்கம்போடு

நான் பட்டி திறக்கிற நேரம் இது.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism