Published:Updated:

``இலக்கியத்துல இட ஒதுக்கீடு வேண்டாம்!" - சோ.தர்மன் சிறப்புப் பேட்டி

நிச்சயமாக ஏற்கவில்லை. என் கதைகள்ல எல்லாச் சாதிக்காரங்களும் வாராங்க. கதைகள்ல கதாபாத்திரங்கள்தாம் பேசும். நான் பேசறதில்லை. ஒரு எழுத்தாளனை தலித் எழுத்தாளன்னு ஏன் சொல்றீங்க?

சோ.தர்மன்
சோ.தர்மன்

"முன்னாள் முதல்வர்கள் கருணாநிதி, ஜெயலலிதா ஆகியோரிடமிருந்து மாநில அரசு விருதுகளும், மனோன்மணியம் சுந்தரனார் பல்கலைக்கழகத்தில் நீதியரசர் வி.ஆர்.கிருஷ்ணய்யர் விருது, சுந்தரனார் விருது, கனடா தோட்ட விருது, சுஜாதா விருது, வெகுஜன மக்களிடையே என் எழுத்துகளை அறிமுகப்படுத்திய ஆனந்த விகடன் விருது எனப் பல விருதுகள் வாங்கியிருந்தாலும், மத்திய அரசு இலக்கியத்திற்குத் தரும் உயரிய விருதான சாகித்ய அகாடமி எனக்கு அறிவித்திருப்பது ரொம்ப சந்தோஷமாக இருக்கு" என்று அவருக்கே உரிய உரத்த சிரிப்போடு பேசத்தொடங்குகிறார் எழுத்தாளர் சோ.தர்மன். கோவில்பட்டியில் வசிக்கும் சோ.தர்மன் எழுத்தில், நான்கு நாவல்களும் நான்கு சிறுகதைத் தொகுப்புகளும் வெளிவந்துள்ளன. 2019-ம் ஆண்டுக்கான சாகித்ய அகாடமி விருதை வென்றிருக்கிறது இவரின் 'சூல்' நாவல்.

" 'சூல்' நாவல் உருவான பின்னணி பற்றி..."

"பிரசவத்துக்கு நாள் நெருங்கிட்டிருக்கும் கர்ப்பிணியை, கிராமத்துல 'நிறை சூலி'ன்னு சொல்வாங்க. அதை அடிப்படையாக வெச்சுதான் 'சூல்'னு பெயர் வெச்சேன். அவள் எப்படி புதுசா ஒரு உயிரை இந்த உலகத்துக்குக் கொடுக்கப்போகிறாளோ அதேபோல, நீர்வாழ் பறவைகள், தவளைகள், மீன்கள், செடிகொடிகள்னு பல்லாயிரக் கணக்கான உயிர்களை ஒவ்வொரு கண்மாயும் கொடுத்துட்டிருக்கு. கண்மாயும் நிறை சூலிதான். வெள்ளைக்காரன் நமக்கு சுதந்திரம் கொடுக்கிறப்ப, 40,000 கண்மாய், 6,00,000 கிணறுகள். இவை தவிர தெப்பம், ஓடை, குளம்னு எத்தனை இருந்துச்சு..? இந்த நீர்நிலைகளை மன்னர்களும் ஜமீன்களும்தான் உருவாக்கினாங்க. எங்க ஊரு கண்மாய் எட்டயப்ப மகாராஜா உருவாக்கினது. எங்க நிலங்கள்கூட மகாராஜாவுக்குப் பாத்தியப் பட்டதுதான். வெள்ளைக்காரன் காலம்வரை 'நீர்ப்பாய்ச்சி'ன்னு ஆளுங்களைப் போட்டு, காப்பாத்திட்டு இருந்தாங்க. எல்லாச் சமுதாய மக்களுக்கும் கண்மாய்த் தண்ணீரைப் பகிர்ந் தளிச்சாங்க. கண்மாயைக் காவல் காக்கும் தெய்வங்கள், அதை யொட்டிய கதைகள், மனிதர்கள் இதெல்லாம் சேர்ந்துதான் 'சூல்' நாவல்.

"கி.ரா-வைப்போலவே நீங்களும் வட்டார மொழியில்..." விரிவான பேட்டிக்கு க்ளிக் செய்க... http://bit.ly/2SLZf0s

தலித் எழுத்தாளர்னு சொன்னா, நாடார் எழுத்தாளர், தேவர் எழுத்தாளர், பிள்ளைமார் எழுத்தாளார்னு தனித்தனியா ஏன் சொல்ல மாட்டேங்கிறீங்க.

(குறுக்கிட்டு) என்னுடைய படைப்புகள் வட்டார வழக்கில் எழுதப்பட்டாலும், அது உலகம் தழுவிய விஷயத்தைத்தான் பேசும். வரும் ஆண்டுகள்ல உலகம் முழுக்க தண்ணீருக்காக 25 சதவிகித மக்கள் இடம்பெயர்வாங்கன்னு ஐ.நா அறிக்கை சொல்லுது. இதைப் பற்றிக் கவலைப்பட யாருமில்லை. எங்க பக்கத்துக் கண்மாய்கள சரியாப் பராமரிச்சாலே சென்னையில பாதி ஜனத்தொகை குறைஞ்சிடும். நானே ஒரு விவசாயிதான். ஆனா விவசாயம் பண்ணத் தண்ணீர் இல்ல. அதனால, கிராமங்கள் எல்லாம் முதியோர் இல்லங்களாக மாறிட்டு இருக்கு. இளவட்ட ஆளுங்க எல்லாம் நகரத்துக்கும் வெளிநாட்டுக்கும் போய்ட்டி ருக்காங்க. பிறகு, நான் தனி மனித விஷயங்களைக்கூடப் பொதுப் பிரச்னையாகத்தான் எழுதறேன். என் படைப்பின் மொழி வட்டார மொழியாக இருந்தாலும் படைப்பு எல்லோருக்கு மானதாகத்தான் இருக்கும்."

"அப்படியெனில், ஒரு படைப்பைப் பெண்ணிய இலக்கியம், தலித்திய இலக்கியம், வட்டார இலக்கியம் என்பன போன்ற வகைமைக்குள் அடைப்பதை ஏற்பதில்லையா?"

"நிச்சயமாக ஏற்கவில்லை. என் கதைகள்ல எல்லாச் சாதிக்காரங்களும் வாராங்க. கதைகள்ல கதாபாத்திரங்கள்தாம் பேசும். நான் பேசறதில்லை. ஒரு எழுத்தாளனை தலித் எழுத்தாளன்னு ஏன் சொல்றீங்க? அவன் ஜாதி என்னவா இருந்தா உங்களுக்கென்ன? அவரை தலித் எழுத்தாளர்னு சொன்னா, நாடார் எழுத்தாளர், தேவர் எழுத்தாளர், பிள்ளைமார் எழுத்தாளார்னு தனித்தனியா ஏன் சொல்ல மாட்டேங்கிறீங்க. ஒருத்தரை தலித் எழுத்தாளர்னு முத்திரை குத்திட்டா, அவர் எழுத்து பத்தி முன் அபிப்ராயம் வந்து பல பேரு அவர் படைப்புகளைப் படிக் காமலே விட்டுட வாய்ப்பிருக்கு. இன்னொரு முக்கியமான பிரச்னை என்னன்னா, 'நீ தலித் எழுத்தாளர்தானே... அப்ப உங்க பிரச்னையைப் பத்தி மட்டும் எழுது; எங்க ஏரியாவுக்குள்ள வராதே'ன்னு சொல்லவும் செய்யலாம். இலக்கியத்துல இட ஒதுக்கீடு வேண்டாம்."

> "மனிதர்களை நுட்பமாகக் கவனித்து எழுதுபவர் நீங்கள். இந்த நூற்றாண்டில் மனிதர்களால் கைவிட முடியாத விஷயம் எது?"

> "... நாட்டார் தெய்வங்களைத் தவிர்த்து, பெரும்தெய்வ வழிபாட்டை முன்னிறுத்தும் சூழல் இருப்பதாகச் சொல்லப்படுகிறதே?"

> "நீங்கள் எழுத்தாளர் ஆனதுக்கும் உங்கள் குடும்பத்துக்கும் தொடர்பு இருக்கிறதா?"

> "குடும்பம் பற்றி..."

- இந்தக் கேள்விகளுக்கான பதில்களை உள்ளடக்கிய முழுமையான நேர்காணலை ஆனந்த விகடன் இதழில் வாசிக்க > "கிராமங்கள் இப்போ முதியோர் இல்லங்கள்!" https://www.vikatan.com/arts/literature/exclusive-interview-with-writer-so-dharman

* சிறப்புச் சலுகை > விகடன் இதழ்கள் அனைத்தையும் டிஜிட்டலில் சுடச்சுட வாசித்து பயன்பெறுவதுடன், 2006 முதல் இப்போது வரை வெளிவந்த லட்சக்கணக்கான கட்டுரைகளையும் வாசிக்கலாம். ஒரேநேரத்தில் 5 டிவைஸ் வரை லாகின் செய்யும் வசதியும் உண்டு. உங்களுக்காக இதோ ஒரு சிறப்புச் சலுகை. ரூ.1499 மதிப்பிலான 1 வருட டிஜிட்டல் சந்தாவை ரூ.999-க்குப் பெற இங்கே க்ளிக் செய்க > http://bit.ly/2sUCtJ9