Published:Updated:

சொல்வனம்

kavithai
பிரீமியம் ஸ்டோரி
News
kavithai

உங்கள் வீட்டிலும் உண்டா?

க்கட்டுமென

மண் புழுக்களுக்கு

உணவாக்கியாயிற்று

மென்னுணர்வுகளை

அந்துப்பூச்சி அரித்தது போக

எஞ்சிய நிராசைகளும்

பழம்பொருள் கடையில்

எடைக்கு எடை விலை பேசியாயிற்று

நெற்றிப்பொட்டு

வட்டத்திற்குள் மட்டுமே

புழங்க அனுமதித்ததில்

குறுகிப்போயின

பால் வீதிக் கனவுகள்

பலியானவையெல்லாம்

அரைபடுகின்றன

தினம் தினம்

மசாலாவாய்

அது

வழி வழியாய்

பாலூட்டியாக மட்டுமே

அறியப்படுமொரு

சரிபாதி ஜந்து.

- ஜெயநதி

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
சொல்வனம்

முதுமையின் பரிசு

க்தி ததும்பிய அம்முகத்தில்

கொஞ்சம் அச்சமும் இருந்தது-அது

வயோதிகத்தின் தாக்கமெனப்

புரிந்துகொண்ட எனக்கு

வழிசொல்லத் தெரியவில்லை...

வாஞ்சையாய் வீசிய பார்வையில் சிறிது

பெற்றிருக்கலாம் ஆறுதல்...

ஊன்றிய கைப்பிடியை

தூக்கிப் பிடித்து வழங்கிய

ஆசீர்வாதத்தின் பாக்கியசாலி நான்...

கடந்து செல்கையில்

உள்ளங்கையில்

ஒத்தியெடுத்து

அனுப்பி வைத்த முகம்

தெரிந்தே

எடுத்துச் சென்றது

பாசத்தின் வாசனையை...

கரைய கரைய

சேகரித்த நொடிகளை

நெஞ்சுக்குழியில் பத்திரமாக்கினேன்

அன்பு நாணயமாய்...

இருக்கட்டும் அப்படியே...

வேண்டுமெனக் கேட்க வரும்

வேறொரு முதியவளுக்கும்

பகிர்ந்தளிக்க உத்தேசமெனக்கு...!

- கனகா பாலன்

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

தாக்கம்

நினைத்த நேரத்தில்

பறந்துவிடுகின்றன பறவைகள்

பாவம் கிளைகள்தான்

நீண்ட நேரம் அசைந்துகொண்டிருக்கின்றன.

- திருவெங்கட்