Published:Updated:

கட்டட அனுமதிக்கான புதிய விதிமுறைகள்... சாதகமா, பாதகமா?

கட்டட அனுமதிக்கான புதிய விதிமுறைகள்... சாதகமா, பாதகமா?
பிரீமியம் ஸ்டோரி
கட்டட அனுமதிக்கான புதிய விதிமுறைகள்... சாதகமா, பாதகமா?

கட்டட அனுமதிக்கான புதிய விதிமுறைகள்... சாதகமா, பாதகமா?

கட்டட அனுமதிக்கான புதிய விதிமுறைகள்... சாதகமா, பாதகமா?

கட்டட அனுமதிக்கான புதிய விதிமுறைகள்... சாதகமா, பாதகமா?

Published:Updated:
கட்டட அனுமதிக்கான புதிய விதிமுறைகள்... சாதகமா, பாதகமா?
பிரீமியம் ஸ்டோரி
கட்டட அனுமதிக்கான புதிய விதிமுறைகள்... சாதகமா, பாதகமா?

ட்டடங்கள் கட்டுவதற்கும், அதற்கான திட்ட அனுமதியைப் பெறுவதற்குமாக உருவாக்கப்பட்டுள்ள புதிய வரைவு விதிமுறைகளைப் பொதுமக்களின் கருத்துக் கேட்பிற்காக தமிழக அரசு வெளியிட்டுள்ளது.

மக்கள் தொகையும் நகரங்களும் பரந்துவிரிந்துகொண்டே போகிறது. இதனால் புதிதாக புதிதாக கட்டடங்கள் கட்டப்பட்டு வருகின்றன. இயற்கைப் பேரீடர் நிகழ்வுகள் நடக்கும்போது விதிமுறைகளுக்கு உட்படாத கட்டடங்களால் பலவிதமான இன்னல்களுக்கு ஆளாக வேண்டியிருப்பதை இரண்டு ஆண்டுகளுக்குமுன் சென்னையில் பெருவெள்ளம் வந்தபோது நாம் நேரடியாக அனுபவித்தோம். எனவே, பெருகிவரும் கட்டடங்களை முறைப்படுத்துவது அரசாங்கத்திற்கு அவசியமான ஒன்றாகவும், சவால்  நிறைந்ததாகவும் இருக்கிறது. 

கட்டடங்களை முறைப்படுத்துவதற்கு முதன்முதலில் பஞ்சாயத்தின் வாயிலாக விதிமுறைகள் வகுக்கப்பட்டன. நகரங்கள் உருவானபின் மாநகராட்சி சார்பாக அதற்்கென புதிதாக விதிமுறைகள் கொண்டுவரப் பட்டன. பின்னர் நகரமும் மிகவும் பெரிதான சூழலில் சென்னைப் பெருநகர வளர்ச்சிக் குழுமத்துக்கென (சி.எம்.டி.ஏ.) பல விதிமுறைகள் வரையறுக்கப் பட்டன. அதுமட்டுமின்றி, பல்வேறு நகரங்களுக்கு அங்குள்ள சுற்றுச்சூழலைக் கருத்தில்கொண்டு தனித்தனிக் கட்டட விதிமுறைகள் உருவாக்கப்பட்டன.குறிப்பாக ஊட்டி, கொடைக்கானல் போன்ற மலைவாசஸ்தலங்களுக்குத் தனித்துவமான விதிமுறைகள் உண்டு.

கட்டட அனுமதிக்கான புதிய விதிமுறைகள்... சாதகமா, பாதகமா?

ஒட்டுமொத்த விகடனுக்கும் ஒரே ஷார்ட்கட்!

இப்படியாகப் பலதரப்பட்ட விதிமுறைகளால், விதிமுறைகளை மீறிக் கட்டப்பட்ட வீடுகளைக் கண்காணிப்பது கடினமான பணியாக இருந்தது. இந்த விதிமுறைகளில் அவ்வப்போது மாற்றங்களைக் கொண்டுவரும்போது அது மேலும் பல சிக்கல்களை உருவாக்கின.

இந்தச் சூழலில் இரண்டு ஆண்டுகளுக்குமுன் வீட்டுமனை அங்கீகாரம் தொடர்பாகப் புதிய விதிமுறைகளை சி.எம்.டி.ஏ மற்றும் டி.டி.சி.பி கொண்டு  வந்தது. அதை அமல்படுத்துவதில் நடைமுறைச் சிக்கல்கள் இருப்பதால், காலக்கெடு நீட்டிக்கப்பட்டு வருகிறது.

இத்தகைய குழப்பங்கள் அனைத்திற்கும் ஒரே தீர்வாக, தமிழகம் முழுமைக்கும் ஒரே மாதிரியான விதிமுறைகள் வகுக்கப்பட்டு அந்த வரைவு விதிமுறைகள் பற்றி பொதுமக்களின் கருத்துகளைக் கேட்டறிய சி.எம்.டி.ஏ, டி.டி.சி.பி, சென்னை மாநகராட்சி, நகராட்சி இயக்குநரகம், ஊரக வளர்ச்சி மற்றும் பஞ்சாயத்து ராஜ் இயக்குநரகம் ஆகிய இணைய தளங்களில் வெளியிடப்பட்டுள்ளன. இதன் மீதான கருத்துகளைத் தெரிவிக்க வரும் 20.8.18 வரை காலக்கெடு கொடுக்கப்பட்டுள்ளது.

இந்த வரைவு விதிமுறைகளில் குறிப்பிடத்தக்க அம்சங்களாவன... பஞ்சாயத்து, நகராட்சி, மாநகராட்சி, சி.எம்.டி.ஏ உள்ளிட்ட அனைத்துக் கட்டட விதிமுறைகளும் ஒருங்கிணைக்கப்பட்டு ‘தமிழ்நாடு ஒருங்கிணைந்த வளர்ச்சி விதிமுறைகள் மற்றும் கட்டட விதிகள் 2018’ என்ற பெயரில் ஒற்றைக் குடையின்கீழ் கொண்டு வரப்பட்டுள்ளன.

வாங்கும் விலையில் வீடுகள் கட்டப்படுவதை ஊக்கப்படுத்துவதற்காக விதிமுறைகள் எளிதாக்கப்பட்டுள்ளன.

ஒரு வீட்டில் வசிக்கும் குழந்தைகள், வயதானவர்கள், மாற்றுத் திறனாளிகள் என அனைவருக்கும் உதவக்கூடிய வகையில் அவர்களையும் மனதில்கொண்டு இந்த விதிமுறைகள் வகுக்கப்பட்டு உள்ளன.

அடுக்குமாடிக் குடியிருப்புகள் கட்டுவதற்கான தளப்பரப்புக் குறியீட்டு அளவு (எஃப்.எஸ்.ஐ)அதிகரிக்கப்பட்டுள்ளது. (தளப் பரப்புக் குறியீடு எனப்படுவது, கட்டடத்தின் நிலப்பரப்புக்கும், அதில், கட்டப்படும் மொத்தக் கட்டுமானத் தளங்களின் பரப்பிற்குமான விகிதாச்சாரம் ஆகும்.)

இந்த வரைவு விதிமுறைகள் குறித்து ஃபெடரேஷன் ஆஃப் தமிழ்நாடு ஃப்ளாட் அண்டு ஹவுஸிங் புரமோட்டர்ஸ் அசோசியேஷன் தலைவர் மணிசங்கரிடம் கேடோம்.

‘‘தற்போதைய கட்டட வளர்ச்சி வரையறையில் ஐந்து மாடிகளுக்கு உட்பட்ட கட்டடங்களுக்கு மாநகராட்சி விதிமுறைகள் என்றும், ஐந்து மாடிகளுக்கு அதிகமாக உள்ள கட்டடங்களுக்கு சி.எம்.டி.ஏ வகுக்கும் விதிமுறைகளைப் பின்பற்ற வேண்டுமென்றும் குறிப்பிட்டுள்ளார்கள். 

கட்டட வளர்ச்சியை உயரத்தை வைத்துக் கணக்கிடுகிறார்கள். நில மதிப்பு அதிகரித்துக்கொண்டே வரும் காரணத்தால் கட்டடங்களில் நிறைய தளங்களை உயர்த்திக் கொண்டே சென்று பல மாடிக் கட்டடங்களை உருவாக்குவதை ஊக்குவிக்க நடவடிக்கை எடுக் கிறார்கள். இதில் எந்த மாற்றுக் கருத்தும் இல்லை.

ஆனால், இந்த விதிமுறைகளில் பல அடுக்குக் கட்டடங்களுக்கு, 2.75 முதல் 3.5 வரையிலான       எஃப்.எஸ்.ஐ தருகிறார்கள். அதுபோல, பிரீமியம் தளப்பரப்புக் குறியீடும் வாங்கிக்கொள்ளலாம். தளப்பரப்புக் குறியீட்டு அளவு 2.5 என இருந்ததை தற்போது 3.5 வரை உயர்த்தியிருக்கிறார்கள். இதனால், சிறிய இடத்தில், அதிக வீடுகளை/ பெரிய வீடுகளைக் கட்ட முடியும்.

அதேபோல், வியாபாரநோக்குக் கட்டடங்களில் 2 முதல் 2.25 வரை இருந்த எஃப்.எஸ்.ஐ 3-ஆக உயர்த்துகிறார்கள்.  மாநகராட்சிக்கு இந்தச் சலுகை அதிகம் அளிக்கப்படவில்லை. ஏற்கெனவே 1.5 என்றிருந்த எஃப்.எஸ்.ஐ, தற்போது 1.75 எனச் சிறிதளவு மட்டும் உயர்த்தியிருக்கிறார்கள். இந்தச் சிறிய மாற்றத்தால் மாநகராட்சிக்கு உட்பட்ட கட்டட வளர்ச்சியில் எவ்விதப் பயனும் இருக்கப்போவ தில்லை. கார்ப்பரேஷன் விதிமுறைகளின்படி, ஐந்தடுக்கு வரை கட்டிக்கொள்ள அனுமதிக்கிறார்கள்.

உதாரணமாக, 2,400 ச.அடி இடத்தில், 1,200 ச.அடி அளவிற்கு ஐந்து மாடி கட்டுவோமெனில், கிட்டத்தட்ட 6,000 ச.அடி அளவிற்குக் கட்டுகிறோம். இதைக் கணக்கிட்டுப் பார்த்தால், 2.5 எஃப்.எஸ்.ஐ இருந்தால்தான் அதனைக் கட்ட முடியும்.

கட்டட அனுமதிக்கான புதிய விதிமுறைகள்... சாதகமா, பாதகமா?

இந்த வரைவு விதிமுறைகளில், தெரு அகலம் 20 அடியாக இருந்தால் ஏற்கமுடியாதென்றும் அங்குள்ள கட்டடங்களுக்கு அனுமதி தர முடியாது என்றும் கூறப்பட்டுள்ளது. இன்று சென்னை புறநகர்ப் பகுதிகளான மேடவாக்கம், பள்ளிக்கரணை போன்ற இடங்களில்  தெருவின் அகலம் பெரும்பாலும் 20 அடி, 24 அடி என்றுதான் இருக்கின்றன. எனவே, இந்த விதிமுறையில் மாற்றம் கொண்டுவர வேண்டும்.

தற்போது, தொகுப்பு ஃப்ளாட்களில் கட்டும் வீடுகளின் எண்ணிக்கையை வரையறுத்திருக்கிறார்கள். உதாரணமாக, 3600 ச.அடி மனை அளவாக இருந்தால், ஆறு வீடுதான் கட்டலாம் என்கிறார்கள். இப்படிக் கட்டினால் பொருளாதாரத்தில் நலிவுற்ற மக்களால அதிக விலை தந்து அந்த வீடுகளை வாங்க இயலாது. 

கட்டடங்களில் கார் பார்க்கிங் விதிமுறைகளில் சிலவற்றைச் சீர்படுத்த வேண்டும். பார்க்கிங்கில் கார் உள்ளே நுழைவதற்காகக் கொடுக்கும் விதிமுறையில் தவறு இருக்கிறது. கார் போகும் பாதைக்கு 6 மீட்டர் என்ற அளவில் இடம்விடச் சொல்கிறார்கள்.அப்படியெல்லாம் கொடுத்தால் கட்டடம் கட்ட இடமில்லாமல் போகக்கூடும். அதேபோல, இரண்டு பக்கமும் கார் நுழைவதற்குப் பாதை கொடுக்கச் சொல்கிறார்கள். அதையும் மாற்றி ஒரு வழி மட்டும் கொடுக்கும்படி வலியுறுத்தியுள்ளோம்.

அதேபோல, கார் பார்க்கிங்கிலும் சின்ன கார், பெரிய கார் என்று இரண்டு நிலைப்பாட்டைக் கேட்கிறோம். ஏனெனில்,    தற்போதைய போக்குவரத்தில் இரண்டு அளவிலான கார்கள் பயன்பாட்டில் உள்ளன. எனவே, இருவிதமான அளவீடுகளை வைத்திருப்பதே சரியாகும்” என்றார்.

கட்டடம் கட்டும் விதிமுறைகளில் பல்லாண்டுகளாக நிலவிவந்த குழப்பங்களுக்குத் தீர்வு காண முற்படும் தமிழக அரசின் செயல்பாடு வரவேற்கத்தக்கதே. இந்த வரைவு விதிமுறைகளில் கொண்டுவரப்பட வேண்டிய மாற்றங்களையும் கொண்டுவந்து செயல்படுத்தினால், இதன் பயன் அனைத்து மக்களுக்கும் மட்டுமல்லாமல் மக்களுக்கான வசிப்பிடங்களை உருவாக்கித்தரும் புரமோட்டர்களுக்கும் பயனுள்ள வகையில் அமையும்.

- தெ.சு.கவுதமன்

மக்களுக்கான இருப்பிடத் தேவைகளும் முக்கியம்தான்!

நவீன்ஸ் இயக்குநர் ஆர்.குமார் “ஒரேவிதமான விதிமுறைகள் தமிழ்நாடு முழுமைக்கும் கொண்டுவருவது நல்ல விஷயம். பஞ்சாயத்துக்கு ஒரு விதிமுறை, கார்ப்பரேஷனுக்கு ஒரு விதிமுறை, சி.எம்.டி.ஏ-வுக்கு ஒரு விதிமுறை, டவுன் பிளானிங்கிற்கு ஒரு விதிமுறை, நகரத்திற்கு நகரம் ஒரு விதிமுறை என்ற குழப்பமெல்லாம் இனி வராது. இது கட்டட விதிமுறைகளை , அனுமதிக்கான விதிமுறைகளை எளிமைப்படுத்துவதற்கான முயற்சிதான்.

கட்டட அனுமதிக்கான புதிய விதிமுறைகள்... சாதகமா, பாதகமா?

இந்த விதிமுறைகளை முறையாகப் பின்பற்றினால் பெரும்பாலான திட்டங்களுக்குப் பசுமை தீர்ப்பாயத்தின் தடையில்லாச் சான்று பெறுவது அவசியமில்லை என்று மத்திய அரசு அறிவித்திருந்தது. ஆனால், அதற்குள்  பசுமைத் தீர்ப்பாயம் அதற்கு எதிராக வழக்கு போட்டுவிட்டது. தங்களிடமும் ஒப்புதல் பெறவேண்டியது அவசியமென்று அவர்கள் வாதிடுகிறார்கள். விலங்குகளுக்குப் பாதிப்பு வரக்கூடாது, மரம் செடி கொடிகளுக்குப் பாதிப்பு வரக்கூடாது என்று வாதிடுபவர்கள், நாளுக்குநாள் மக்கள்தொகை அதிகரித்துவரும் சூழலில் மக்களுக்கான இருப்பிடத் தேவைகளைப்பற்றி கவலைப்படுவதில்லை.

எந்த புரமோட்டர்களும் புதிதாக மக்களைக் கொண்டுவந்து குடியேற்றுவதில்லை. அந்தந்த நகரங்களில் வசிக்கும் வீட்டுத் தேவையை மட்டுமே பூர்த்தி செய்கிறார்கள். மாஸ்டர் பிளானில் குடியிருக்கும் பகுதி என்று அறிவித்து விட்டு, அங்கு கட்டடம் கட்டப் பசுமைத் தீர்ப்பாயத்தின் தடை யில்லாச் சான்றிதழ் எதற்குத் தேவை? 

அவர்களின் செயல்பாடுதான் கட்டடங்களின் வளர்ச்சிக்குத் தடையான ஒன்றாக இருக்கிறது. இந்த வரைவு விதிகளை மக்களும், இந்தத் துறை சார்ந்த நிபுணர்களும் வாசித்து தங்களது கருத்துக்களைப் பதிவு செய்ய வேண்டும். ஆனால், இவர்கள் கொடுத்துள்ள காலக்கெடு மிகவும் குறைவு. இந்த காலக்கெடுவை நீட்டிக்க வேண்டும். அப்போதுதான் பலதரப்பட்ட கருத்துக்களைப் பெற்று சிறப்பாக இந்த விதிமுறை களை உருவாக்க முடியும்.”

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism