Vikatan.com

www.vikatan.com would like to send you push notifications.

Notifications can be turned off anytime from browser settings.

ஹாய் லேடீஸ்... பீரியட்ஸ் முதல் மெனோபாஸ் வரை... நமக்கு நாமே செக்கப் பண்ணிக்கலாமா? #NationalWomensHealthFitnessDay

மைக்கும் உணவில் சத்தான காய்கறிகளையெல்லாம் சல்லடை போட்டு எடுத்து கணவருக்கும், குழந்தைக்கும் பரிமாறிவிட்டு, மிஞ்சி இருக்கும் சாரையே தங்கள் தட்டுக்கு வைத்துக்கொள்வார்கள் பெண்கள். தங்களைச் சுற்றியிருப்பவர்களைச் சிறப்பாகக் கவனித்துக்கொள்ளும் அந்த ஜீவன்களுக்கு, தங்கள் நலனில் அக்கறைசெலுத்தத் தோணாது. ஆனால், அந்த வழக்கத்தை மாற்ற வேண்டியது கட்டாயம்.

பெண்கள் தங்கள் வயதுக்கு ஏற்ப உடல்நலனில் அக்கறைகொள்ள வேண்டிய விஷயங்கள் பற்றிச் சொல்கிறார், மகளிர் மற்றும் மகப்பேறு மருத்துவர் மனுலட்சுமி.

பெண்கள்



“டீன் ஏஜ் பெண்கள்... டேக் நோட்ஸ்!

* மாதவிடாய் நாள்களில் ஏற்படும் ரத்த இழப்பை ஈடுசெய்ய இரும்புச்சத்து அதிகமுள்ள உணவு வகைகளை தினசரி உணவில் சேர்த்துக்கொள்ள வேண்டும். 
* காய்கறிகளை ஒதுக்குவதுதான் பல பருவப் பெண்களுக்கும் சத்துக்குறைபாடும் ரத்தச் சோகையும் ஏற்பட முக்கியக் காரணம். எனவே இரும்புச்சத்துள்ள பசலைக்கீரை, பீட்ரூட்,கேரட் போன்றவற்றை சேர்த்துக்கொள்ள வேண்டும். 
* வெள்ளைப்படுதல் இயல்பான ஒன்றுதான். ஒருவேளை அது அளவுக்கு அதிகமானாலோ, துர்நாற்றம், பிறப்புறுப்பில் அரிப்பு ஏற்பட்டாலோ மருத்துவரை அணுகவும். 
* கீரை, பருப்பு, பேரீட்சை போன்றவற்றை அதிகம் சேர்த்துக்கொள்ள வேண்டும். அசைவப் பிரியர்கள் சிக்கன் அல்லது மட்டனை வாரத்துக்கு ஒருமுறையாவது நிச்சயமாக சேர்த்துக்கொள்ள வேண்டும்.
* ஆய்லி ஹேர் உள்ளவர்கள் வாரத்துக்கு இரண்டு முறையும், டிரை ஹேர் உள்ளவர்கள் வாரத்துக்கு ஒரு முறையும் தலைக்குக் குளிக்கலாம்.  
* உயரத்துக்கு ஏற்ற உடல் எடை முக்கியம். உதாரணமாக, ஒருவரின் உயரம் 160 செ.மீ எனில் அவரது எடை 160 - 100, அதாவது 60 கிலோ இருக்க வேண்டும். ஒருவேளை உயரத்துக்குக் குறைவான எடை இருப்பின் உணவில் அக்கறை காட்டவேண்டும்.
* சரியான உணவுமுறைகளை, உணவு இடைவேளைகளைப் பின்பற்ற வேண்டும். எக்காரணத்தைக் கொண்டும் உணவைத் தவிர்க்கக் கூடாது. 
* தினமும் தியானம் செய்யலாம். அது ஆரோக்கியத்துடன்  மன உளைச்சலுக்கும் தீர்வாக இருக்கும்.
* துரித உணவுகளை அதிகமாக சாப்பிடக்கூடாது. இவை உடலுக்குக் கெடுதலை ஏற்படுத்தும். ஒபிஸிட்டிக்கு வாசல் திறந்துவிடும். 
* உடலுக்குத் தேவையான கால்சியம் சத்தைப் பெற தினமும் பால், தயிர் இரண்டையும் தவறாமல் சேர்த்துக்கொள்ள வேண்டும்.
* ஒருவேளை மார்பகத்தில் வீக்கமோ, கட்டியோ தென்பட்டால் உடனடியாக மருத்துவ ஆலோசனை பெறவேண்டும். 

பெண்கள்


திருமணமான பெண்கள் கவனத்துக்கு!

* டீன் ஏஜ் பெண்களுக்கு அறிவுறுத்திய உணவு முறைகளைப் பின்பற்றவும்.
* தினசரி நடைப்பயிற்சி, உடற்பயிற்சி செய்ய வேண்டும்.
* கணவர் சாப்பிட்டு, குழந்தைகள் சாப்பிட்டு 12 மணிக்கு காலை சாப்பாடு சாப்பிடும் பழக்கம் இருந்தால் தயவுசெய்து அதை விட்டொழிக்கவும். இவர்கள் அனைவரையும் கவனிக்க இவர்களையெல்லாம்விட உங்களுக்குதான் அதிக எனர்ஜி தேவைப்படும். எனவே, சரியான நேர இடைவேளையில் சாப்பிடவும். 
* மருத்துவரிடம் மார்பகச் சுயபரிசோதனை செய்யும் வழிமுறையைத் தெரிந்துகொண்டு, மூன்று மாதங்களுக்கு ஒருமுறை செய்ய வேண்டும். மாதவிடாய் முடிவடையும் நாள்களில் இதைச் செய்யவும். 
* மூன்று ஆண்டுகளுக்கு ஒருமுறை கர்ப்பப்பை வாய் பரிசோதனை செய்துகொள்ளவும். 
* தாம்பத்யத்துக்குப் பிறகு பிறப்புறுப்பிலோ, சிறுநீர் கழிக்கும்போதோ துர்நாற்றம் ஏற்பட்டால் மருத்துவ ஆலோசனை அவசியம். மாதவிடாய் நாள்களில் கண்டிப்பாகத் தாம்பத்யத்தைத் தவிர்க்கவும். 

40 ப்ளஸிலும் பெர்ஃபெக்டாக இருக்கலாம்! 

* இந்த வயதுகளில் உடல் நலனில் அதிக அக்கறை தேவை. 
* பச்சைக் காய்கறிகளை அதிகமாக உணவில் சேர்த்துக்கொள்ளவும். 
* ஆண்டுக்கு ஒருமுறை மாஸ்டர் ஹெல்த் செக் அப் செய்துகொள்ளவும். 
* மூன்று வருடங்களுக்கு ஒருமுறை மேமோகிராம் பரிசோதனை அவசியம். 
* சிறிதாக உடலில் வலி ஏற்பட்டாலும், உடனடியாக மருத்துவ ஆலோசனை பெறவும். 
* நடைப்பயிற்சியையும், தியானத்தையும் வழக்கமாக்கவும். 
*இந்த வயதுகளில் எலும்பு அடர்த்தி குறைய ஆரம்பிக்கும் என்பதால் கால்சியம் சத்து அதிகமுள்ள உணவுகளுக்கு முக்கியத்துவம் கொடுக்கவும்.

* மெனோபாஸ் சிரமங்களை மருத்துவ ஆலோசனைகளுடன் எதிர்கொள்ளவும்.

உங்கள் கருத்தைப் பதிவு செய்யுங்கள்

Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement