Vikatan.com

www.vikatan.com would like to send you push notifications.

Notifications can be turned off anytime from browser settings.

வெறுங்காலுடன் ஓடுவதால் ஏதும் நன்மைகள் உண்டா... அறிவியல் சொல்வது என்ன?

வெறுங்காலுடன் ஓடுவது

இயற்கையிலிருந்து விலகி இயந்திர வாழ்க்கைக்குள்  நுழைந்துவிட்டோம். பல பாதிப்புகளுக்குப் பின்னர், மீண்டும் இப்போது இயற்கையைத் தேடிப் போவதை தவிர நம்மிடம் வேறு எந்த வழியும் இல்லை. இயற்கையாக உருவான அனைத்தும் மனிதனுக்கு நன்மை பயக்கும் விதமாகவே உள்ளன. அப்படித்தான் நமது பூமியும். துறவிகள் மற்றும் சித்தர்கள் காலணிகள் அணியாமல் நடந்திருப்பதை அறிவோம். ஆனால், அவர்கள் ஏன் அப்படி வெறுங்காலுடன் நடக்க வேண்டும்? ‘அந்தக் காலத்தில் செருப்புகள் இல்லையாம்’ என மொக்கைப் போடாமல் யோசித்துப் பாருங்கள்.

இந்த ஆன்மிக செயலின்  பின்னால் ஏதேனும் அறிவியல் ஒளிந்திருக்குமோ? 

ஆம். காலணிகள்  அல்லது காலுறைகள் எதுவும் இல்லாமல் வெறும் காலுடன் தரையில் நடப்பதன் பெயர் தான் (Earthing /Grounding)  புவி தொடுப்பு அல்லது மண் அணைத்தல்.
       
வெறும் காலுடன் நடந்து செல்லும்போது நமது உடலுக்கு என்ன நிகழ்கிறது?

ஒரு மொபைலுக்கு எப்படி ரீசார்ஜ் செய்கிறோமோ, அதேபோல் பூமியிலிருந்து வரும் கதிர்வீச்சு நமது உடலை ரீசார்ஜ் செய்கிறது. இப்படி வெறும் காலுடன்  தரையில் நடப்பது மூலம், தரையில் இருந்து  கால்கள் மூலமாக பெரிய அளவிலான எதிர்மறை  எலக்ட்ரான்கள் உறிஞ்சப்படுகின்றன. பூமியைப் போலவே, நமது உடலும் அந்த எதிர்மறை எலக்ட்ரான்களை உள்ளேயே  வைத்துக்கொள்கிறது.

சில ஆண்டுகளுக்கு முன்னர், இதைப் பற்றிய ஓர் ஆய்வானது  சுற்றுச்சூழல் மற்றும் பொதுநலம் என்ற  பிரிவில்  "Earthing " எனும் தலைப்பில் வெளியானது. இந்தப் பயிற்சி பலநாள் பட்ட நொதித்தல் நோய்களுக்கு புத்துயிரூட்டும் சிகிச்சையாக இருக்கலாம் என்று ஆராய்ச்சி முடிவு கூறுகிறது.

ரப்பர்  மற்றும் பிளாஸ்டிக்கால் செய்யப்பட்ட  காலணிகள் மின்கடத்தாப் பொருளாக செயல்படுகிறது . எனவே, இவை பூமியில் இருந்து  கிடைக்கும் எலக்ட்ரான்களைத்  தடை செய்கிறது.  

வெறுங்காலில் நடப்பதால் கிடைக்கும் நன்மைகள்:
    
      1. ஆய்வுகளின்படி  ரத்த ஓட்டத்தை அதிகரிக்கிறது.
   
      2.  இதயத் துடிப்பை சீராக்குகிறது.
 
      3.   பல நாள்பட்ட நோய்களுக்கு வீக்கத்தோடு  ஒரு தொடர்பு உண்டு என்று நவீன அறிவியல் கருதுகிறது. இந்தப் பயிற்சியின்  மூலம்                     வீக்கம் குறைக்கப்படுகிறது.  

      4. பல நாள்பட்ட சோம்பலைக் கூட நீக்கும் தன்மை இந்தப் பயிற்சிக்கு உண்டு.

      5.  நரம்பு மண்டல அமைப்பை சீராக்குகிறது.
        
      6.  மன அழுத்தத்தைக் குறைக்கிறது.
       
      7. போதுமான எலக்ட்ரான்கள்  உடலில் எதிர்ப்பு சக்தி அதிகரிக்கிறது.

      8. பூமியிலிருந்து நாம் பெறும் எலக்ட்ரான்கள் ஆன்டிஆக்ஸிடன்ட்  விளைவுகளை ஏற்படுத்தும். இவை நமது உடலை வீக்கத்திலிருந்தும், பலவிதமான நோய்கள் ஏற்படுவதற்கு முன்னேயும் பாதுகாக்கும். 

      9. வயது முதிர்ச்சி அடைதலையும் குறைக்கிறது. 

இதன்பிறகு நடைப்பயிற்சி மேற்கொள்ளும்போது காலணிகள் இல்லாமல் பயிற்சி மேற்கொள்ளுங்கள். புல்தரை, கான்கிரீட், மணல் என அனைத்துமே எதிர்மறை எலக்ட்ரான்களைத் தருகிறது.

 இந்தப் பயிற்சி செய்து முடித்த 30 நிமிடங்களிலேயே உடலில்  ஏற்படும் மாற்றங்களை உணர முடியும். சூரிய ஒளியிலிருந்து கிடைக்கும் வைட்டமின் D போலவும், தண்ணீரீலிருந்து கிடைக்கும் மினரல் போலவும், பூமியிலிருந்து பெறப்படும் எலக்ட்ரான்களும் முக்கியம். 

 இப்பொழுது யோசித்துப் பாருங்கள்,  வெறும்காலுடன் தரையில் எப்போது, தினமும் எவ்வளவு நேரம்  நடக்கிறீர்கள்?

உங்கள் கருத்தைப் பதிவு செய்யுங்கள்

Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement