Vikatan.com

www.vikatan.com would like to send you push notifications.

Notifications can be turned off anytime from browser settings.

குட்பை லெக்கிங்ஸ்... வெல்கம்பேக் டு டைட்ஸ்... 2018 -ன் ஃபேஷன் கணிப்பு!

புது வருடம் பிறக்கும்போது கூடவே பல புது விஷயங்களும் பிறக்கும். அதில் எல்லோருக்கும் ரொம்பப் பிடிச்சது ஆடைகளின் அணிவகுப்பு. கலம்காரி, சாலிட், பிங்க் போன்றவை சென்ற ஆண்டின் ஃபேஷன் எலிமென்ட். இந்த ஆண்டு பல சுவாரஸ்யமான, அனைவருக்கும் ஏற்கெனவே பரிட்சயமான பல எலிமென்ட்ஸ் ட்ரெண்ட் ஆகவுள்ளது. 2018 -ன் ஃபேஷன் எலிமென்ட்ஸ் லிஸ்ட் இதோ.

Trend 2018


நிறம் :
சென்ற வருடம் பேஸ்டல் ஷேட்ஸ் மற்றும் பிங்க் நிறங்கள் ட்ரெண்டாக இருந்தது. இந்த வருடத்தின் நிறமாக 'வைலட்' எதிர்பார்க்கப்படுகிறது. இந்த ஆண்டு முழுவதும் ஆடை முதல் காலணி வரை வைலட் நிறம் அதிகம் காணலாம். ஊதா, பேஸ்டல், லாவண்டர் போன்ற வைலட் ஷேட்ஸ், கேஷுவல் ஆடைகள் முதல் அலுவலகத்துக்கு உடுத்திச் செல்லும் ஃபார்மல் உடைகள் வரை அனைத்திலும் அதிகம் கிடைக்கும்.

வைலட் ஃபேஷன்


அனிமல் ப்ரின்ட்ஸ் :
உங்கள் அலமாரி முழுக்க விலங்குகளின் தோல் மற்றும் தத்ரூபமான வண்ணங்களில் பிரின்ட் பேட்டர்ன் உள்ள ஆடைகள் நிரம்பி வழியப்போகுது. வரிக்குதிரை, சிறுத்தை, புலி, ஒட்டகச்சிவிங்கி முதலிய விலங்குகளின் தோல் அமைப்பைப் போல ஆடைகளில் பிரின்ட் செய்யப்படுவதே அனிமல் ப்ரின்ட்ஸ். மூன்று வருடம் முன்பு ட்ரெண்டில் இருந்த இந்த வகையான ப்ரின்ட்ஸ் மீண்டும் இந்த வருடம் ஃபேஷனாகும் என எதிர்பார்க்கப்படுகிறது.

அனிமல் ப்ரிண்ட்ஸ்


பூக்களின் தேசம் :
2017, 'சாலிட்' அல்லது 'பிளைன்', பேட்டர்ன்களுக்குச் சொந்தமானது. 2018 பூக்களின் ராஜ்ஜியம். எத்னிக் முதல் வெஸ்டர்ன் உடைகள் வரை அனைத்திலும் பூக்கள் அச்சிடப்பட்டிருக்கும். எம்ப்ராய்டரி முதல் பிரின்ட் வரை, ஒற்றைப் பூ முதல் பூங்கொத்து வரை ஆடைகளில் பதிக்கப்படும் பூக்கள் அனைத்துமே பெண்களுக்கு தனி அழகு. ஆண்களின் ஆடைகளிலும் இவ்வகையான பிரின்ட் பேட்டர்னைக் காணலாம். மொத்தத்தில் இந்த வருடம் ஃபேஷனில் பூக்கள் மற்றும் விலங்குகளின் தாக்கம் அதிகம் இருக்கலாம். 

Floral Prints


பீக்கபூ சைடு ஸ்லிட்ஸ் (Peekaboo Side Slits) :
குர்த்தா, கமீஸ் போன்ற ஆடைகளின் இரு பக்கத்திலும் நீண்ட குறுகிய பிளவு இருக்கும். அதுதான் ஸ்லிட். பீக்கபூ சைடு ஸ்லிட் என்றால் வழக்கத்தைவிட மிக அதிகமாக பிளவு நீண்டிருக்கும். அதிலும் இருபக்கம் இல்லாமல் ஒரு பக்கத்தில் மட்டுமே இந்த பீக்கபூ ஸ்லிட் இருக்கும். இதுவே இந்த ஆண்டின் ட்ரெண்ட் என வடிவமைப்பாளர்கள் கூறுகின்றனர். இது எத்னிக் உடைகளைவிட வெஸ்டர்ன் உடைகளில்தான் அதிகம் காணப்படும். சென்ற ஆண்டு சென்டர் ஸ்லிட் ஃபேஷன். இந்த ஆண்டு பீக்கபூ சைட் ஸ்லிட் ட்ரெண்ட்.

Peekaboo Side Slits


லெக்கிங்ஸ் அவுட் டைட்ஸ் இன் :
கடந்த சில வருடங்களாகவே லெக்கிங்ஸின் ஆக்கிரமிப்பு பெண்களிடையே அதிகம். குழந்தைகள் முதல் வயது வரம்பின்றி அனைவரின் அலமாரியிலும் லெக்கிங்ஸ் இல்லாமல் இல்லை. ஆனால், இந்த வருடம் Active Wear-களில் ஒன்றான டைட்ஸ், லெக்கிங்ஸை வீழ்த்த உள்ளது. சில வருடங்களுக்கு முன்பு டைட்ஸ் அனைவரின் ஃபேவரைட். வெவ்வேறு வண்ணங்களிலும், பேட்டர்ன்களிலும் வரும் இது 2018 -ன் ஹாட் ரீஎன்ட்ரி.

Printed Tights


பேரே ஹேட் (Beret Hat):
தொப்பிகளுக்கும் ஃபேஷனில் மிகப் பெரிய இடமுண்டு. உடைகளுக்கு எந்தளவு முக்கியத்துவம் கொடுக்குறோமோ அதே அளவு உடைகளை மெருகேற்றும் இணை ஆபரணங்களுக்கும் கொடுப்போம். அதில் மிக முக்கியமான ஒன்று தொப்பி. ட்ரேட் மார்க் பதிக்கும் இணை ஆபரணம் தொப்பிதான். அதிலும் இந்த ஆண்டு பேரே ஹேட் தான் ட்ரெண்ட். ஆண், பெண் என அனைவருக்கும் கண்டிப்பா இந்த பேரே தொப்பி பிடிக்கும்.

Beret Hat


ஸ்டேட்மென்ட் ஜுவல்லரி :  
'போல்ட் அண்ட் பியூட்டிஃபுல்' என்பதற்கு ஏற்றதுபோல ஸ்டேட்மென்ட் ஜுவல்லரி இந்த ஆண்டின் ட்ரெண்ட். அணிகலன்களில், ஸ்டேட்மென்ட் ஜுவல்லரி என்பது மிகப் பெரிதாகவும், எடை குறைவாகவும், ஆன்ட்டிக் போன்ற வின்டேஜ் மாடலாகவும் இருக்கும். எந்த உடை உடுத்தியிருந்தாலும் ஒரே ஒரு ஸ்டேட்மென்ட் நெக்லஸ் போதும். கண்டிப்பா அந்த அவுட்ஃபிட் முழுமை அடைந்திருக்கும். காதணி, நெக்லஸ், சுட்டி, மூக்குத்தி உள்ளிட்டவைகளும் ஸ்டேட்மென்ட் ஜுவல்லரியில் அடங்கும்.

Statement Jewellery


 

உங்கள் கருத்தைப் பதிவு செய்யுங்கள்

Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement