Published:Updated:

இன்பாக்ஸ்

இன்பாக்ஸ்
பிரீமியம் ஸ்டோரி
இன்பாக்ஸ்

இன்பாக்ஸ்

இன்பாக்ஸ்

இன்பாக்ஸ்

Published:Updated:
இன்பாக்ஸ்
பிரீமியம் ஸ்டோரி
இன்பாக்ஸ்
இன்பாக்ஸ்

* தொடர் தோல்விகளுக்குப் பிறகு ஃபகத் பாசிலுக்கு `மகேஷின்டே பிரதிகாரம்' கொலவெறி ஹிட். அந்த உற்சாகத்தில் வரிசையாக படங்கள் நடிக்க ஒப்பந்தமாகியிருக்கிறார். மீண்டும் `மகேஷின்டே பிரதிகாரம்' இயக்குநர் திலேஷ் போத்தனுடன் ஒரு படம், ஒரு டபுள் ரோல் படம், பார்வதி மேனனுடன் ஒரு படம், சிவகார்த்திகேயனுடன்  தமிழ்ப் படம் என அடுத்த சுற்றுக்கு சேட்டன் ரெடி. ஃபகத்தின்டே பிரதிகாரம்!

* சாமில் வெள்ளம் வந்து, பல கிராமங்களும் காட்டுப்பகுதிகளும் மூழ்கிப்போயின. அவற்றால், மக்கள் மட்டும் அல்ல... காஸிரங்கா வன உயிரின சரணாலயத்தைச் சேர்ந்த காட்டுயிர்களும் பாதிக்கப்பட்டன. அந்தக் காண்டாமிருகக் குட்டிகளை மீட்டுக் காத்துவரும் வனத்துறையிடம், காண்டாமிருகக் குட்டிகளுக்குக் கொடுக்க போதிய பால் இல்லை. இதைக் கேள்விப்பட்ட அருகில் உள்ள கிராமங்களைச் சேர்ந்த ஏழைக் குழந்தைகள், தங்களுடைய இலவச மதிய உணவுக்காகத் தரப்படும் பாலை, காண்டாமிருகக் குட்டிகளுக்குத் தர முடிவெடுத்து மொத்தமாகக் கொண்டுபோய்க் கொடுத்துவிட்டனர். குழந்தைகள் கொடுத்த பாலில் இப்போது பசியாறுகின்றன காண்டாமிருகங்கள். தெய்வக் குழந்தைகள்!

ஒட்டுமொத்த விகடனுக்கும் ஒரே ஷார்ட்கட்!

* அஸ்தியைக் கரைக்க, ராமேஸ்வரம் போவது... காசிக்குப் போவது... கொஞ்சம் அதிக பட்ஜெட்டில் ஹெலிகாப்டரில் பறந்து ஊரெங்கும் தூவுவது... இவை எல்லாம் ஓல்டு ஸ்டைல். `நிலாவுக்கு எடுத்துச் சென்று அதைப் போடுகிறோம் வாங்க!' என அழைக்கிறது அமெரிக்காவைச் சேர்ந்த மூன் எக்ஸ்பிரஸ் நிறுவனம். இது மாதிரி ஐடியா எல்லாம் இந்தியர்களைத் தவிர வேறு யாருக்கு வரப்போகிறது. இதைத் தொடங்கியிருப்பதும் நவீன் ஜெயின் என்கிற அமெரிக்க வாழ் இந்தியர்தான். 2017-ம் ஆண்டில் நிலாவுக்கு ஒரு ராக்கெட்டை அனுப்ப இருக்கிறார்கள். அதில் நமக்கு வேண்டப்பட்டவர்களின் அஸ்தியைக் கொடுத்து அனுப்பினால், அங்கே போய்க் கொட்டிவிடுவார்கள். இப்படிக் கொட்ட விரும்புபவர்கள், 18 கோடி ரூபாயை எடுத்துக்கொண்டு உடனே நவீன் ஜெயினைத் தொடர்புகொண்டால், சாதனை படைக்கலாம். ஏன் என்றால், `ஏற்கெனவே நூற்றுக்கணக்கானவர்கள் புக் பண்ணிட்டாங்க... முந்துங்கள்!' என்று பேட்டி கொடுத்திருக்கிறார் நவீன் ஜெயின். நிலா... நிலா.. ஓடிவா!

இன்பாக்ஸ்

*  `உலகிலேயே அதிகத் தொகைக்கு ஒப்பந்தம் செய்யப்பட்ட கால்பந்து வீரர்' என்ற பெருமையைப் பெற்றிருக்கிறார், 23 வயது பால் போக்பா. 740 கோடி ரூபாய்க்கு போக்பாவை ஒப்பந்தம் செய்துள்ளது இங்கிலாந்தின் மான்செஸ்டர் யுனைடெட் அணி. `23 வயதிலேயே இவ்வளவு பணத்துக்கு நான் சொந்தக்காரன் ஆவேன் என எதிர்பார்க்கவில்லை. மிகப்பெரிய பொறுப்பு. என்னுடைய கவனம் ஆட்டத்தில் மட்டுமே இருக்க நீங்கள்தான் உதவவேண்டும்' என ரசிகர்களுக்கு ரிக்வெஸ்ட் கொடுத்திருக்கிறார் போக்பா. தூள்பா!

இன்பாக்ஸ்

லகின் மிகப்பெரிய பணக்காரர்கள் பட்டியலில் பில்கேட்ஸுக்கு அடுத்தபடியாக இரண்டாம் இடத்தைப் பிடித்திருக்கிறார் ஜெஃப் பிசோஸ். 1994-ம் ஆண்டு பார்த்துக்கொண்டிருந்த பெரிய வேலையை விட்டுவிட்டு, அவர் சின்னதாகத் தொடங்கிய நிறுவனம்தான் அமேஸான். புத்தகம் விற்பதற்காகத் தொடங்கப்பட்ட இந்த நிறுவனத்தில் இன்று விற்காத பொருட்களே இல்லை. ஆன்லைன் வர்த்தகத்தில், இன்று உலக அளவில் நம்பர் ஒன்னாக உருவெடுத்து நிற்கிறது அமேஸான். 52 வயதான ஜெஃப் பிசோஸின் தற்போதைய சொத்துமதிப்பு ஜஸ்ட் 44 லட்சம் கோடி ரூபாய்தான். இன்ஸ்பைரிங்!

இன்பாக்ஸ்

* `டென்னிஸ்ல இதெல்லாம் சகஜம். இவ்வளவு நாள் ஒன்றாகத்தான் ஆடினோம். வெற்றிகள் கிடைக்கவில்லை. அதனால் பிரிகிறோம்' என ஸ்டேட்டஸ் போட்டுப் பிரிந்துவிட்டது சானியா-ஹிங்கிஸ் ஜோடி. பெண்கள் இரட்டையர் பிரிவில் வலுவாக ஆதிக்கம் செலுத்திய ஜோடியின் பிரிவு, ரசிகர்களுக்கு செம ஷாக். சானியா-ஹிங்கிஸ், தொடர்ச்சியாக மூன்று கிராண்ட்ஸ்லாம் பட்டங்களை வென்று அசத்தியவர்கள். ஆனால் சமீபமாக இருவரும் தொடர்ந்து தோல்விகளைச் சந்திக்க, இந்தப் பிரிவு முடிவை எடுத்திருக்கிறார்கள். சானியா இனி, ஹிங்கிஸுக்குப் பதிலாக செக் குடியரசின் பார்போரா ஸ்ட்ரைகோவாவுடன் இணைந்து விளையாடப்போகிறார். புதிய கூட்டணி வெல்லட்டும்!
 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism