வெளியிடப்பட்ட நேரம்: 15:53 (21/05/2018)

கடைசி தொடர்பு:15:53 (21/05/2018)

முகச் சுருக்கம்... கருவளையம்... முக வறட்சி... ஐந்து ஃபேஸ் பேக் மூலம் வீட்டிலேயே அழகாகலாம்! #BeautyCare

தினமுமோ அல்லது இரண்டு நாளுக்கு ஒருமுறையோ பேஸ் பேக்குகள் போட்டுக்கொள்வதன் மூலம் இழந்த அழகைத் திரும்பிப் பெறமுடியும்''

முகச் சுருக்கம்... கருவளையம்... முக வறட்சி... ஐந்து ஃபேஸ் பேக் மூலம் வீட்டிலேயே அழகாகலாம்! #BeautyCare

``கோடை வெயிலினால் சருமத்தில் நிறமாற்றம், வறட்சி, பிசுபிசுப்புத்தன்மை எனப் பலவிதமான பிரச்னைகளைச் சந்திக்கவேண்டியிருக்கும். இதுபோன்ற பிரச்னைகளை பார்லர் செல்லாமல், வீட்டிலே சரிசெய்துகொள்ளலாம். தினமுமோ அல்லது இரண்டு நாள்களுக்கு ஒருமுறையோ ஃபேஸ் பேக்குகள் போட்டுக்கொள்வதன் மூலம், இழந்த அழகைத் திரும்பப் பெறமுடியும்'' என்கிறார் கோவையைச் சேர்ந்த அழகுக்கலை நிபுணர், லட்சுமி மனோகரன்.

ஃபேஸ் பேக்

1.பளிச் சருமத்துக்கான ஃபேஸ் பேக்:

தேவையானவை:

அரிசி கழுவிய நீர்- 6 டீஸ்பூன்

மஞ்சள்தூள்- 2 டீஸ்பூன்

பாசிப்பயறு மாவு- ஒரு டீஸ்பூன்

பேக் :

மூன்றையும் ஒன்றாகக் கலந்து பேக்காகப் போடவும். அரை மணி நேரம் கழித்து குளிர்ந்த நீரால் முகத்தைக் கழுவவும். சரும துவாரங்களில் அடைந்துள்ள அழுக்குகள் நீங்கி, முகம் பளிச் என மிளிரும்.

2.முகச்சுருக்கத்துக்கான பேக்:

தேவையானவை:

தேங்காய் எண்ணெய் - அரை டீஸ்பூன்

முட்டை வெள்ளைக் கரு - ஒரு டீஸ்பூன்

எலுமிச்சை சாறு - கால் டீஸ்பூன்

பேக்:

தேவையான எல்லாவற்றையும் ஒன்றாகக் கலந்து, அரை மணி நேரம் பேக் போட்டு, பின்னர் முகத்தைக் கழுவவும். மாதம் நான்கு முறை இப்படிச் செய்துவந்தால், சருமச் சுருக்கங்கள் நீங்கி இளமையான தோற்றம் பெறலாம்.

3. முகத்தொய்வை நீக்கும் பேக்:

தேவையானவை:

யோகர்ட் - 5 டீஸ்பூன்

காபித்தூள்- கால் டீஸ்பூன்

தேன் - 2 டீஸ்பூன்

பேக்:

மூன்றையும் பேஸ்ட் பதத்துக்குக் கலந்து முகத்தில் அப்ளை செய்யவும். 20 நிமிடங்களுக்குப் பிறகு ஈரமான துணியால் முகத்தைத் துடைத்துவிட்டு, ரோஸ் வாட்டரால் முகத்தை லேசாக ஒற்றி எடுக்கவும். வாரம் ஒருமுறை இதைச் செய்துவர, முகத்தொய்வு சரியாகும்.

4. வறட்சியைப் போக்கும் பேக்:

கோடைக்காலத்தில் அதிகப்படியான நீர்ச்சத்து இழப்பு ஏற்படும். இதனால், சருமம் வறட்சி அடையும். இதனைத் தடுக்க வாழைப்பழ பேக் முயற்சி செய்யலாம்.

தேவையானவை:

வாழைப்பழம் - பாதி

தேன் - 2 டீஸ்பூன்

தயிர் - கால் டீஸ்பூன்

பேக்:

வாழைப்பழம், தேன், தயிர் ஆகியவற்றை ஒன்றாகக் கலந்து முகத்தில் தேய்த்து, 20 நிமிடங்கள் கழித்து முகத்தைக் கழுவவும். இப்படித் தினமும் செய்துவர, முகத்தில் ஏற்பட்டுள்ள வறட்சி நீங்கி, முகம் பொலிவுடன் இருக்கும்.

5 .கருவளையத்திற்கான பேக் :

தேவையானவை:

தக்காளிச்சாறு - கால் டீஸ்பூன்

உருளைக்கிழங்கு சாறு - கால் டீஸ்பூன்

மஞ்சள்தூள் - ஒரு டீஸ்பூன்

பேக்:

தக்காளிச்சாறு, உருளைகிழங்குச்சாறு, மஞ்சள்தூள் ஆகியவற்றை ஒன்றாகக் கலந்து, கருவளையம் உள்ள இடத்தில் அப்ளை செய்யவும். 20 நிமிடங்கள் கழித்து கண்களைக் குளிர்ந்த நீரால் துடைக்க, கருவளையத்துக்கு டாட்டா சொல்லலாம்.

வேலைக்குச் செல்லும் பெண்களுக்குப் பொதுவாக பார்லர் செல்ல நேரம் இருப்பதில்லை. அந்த மாதிரியான சூழலில், வீட்டில் உள்ள சில பொருள்களைவைத்தே அழகை தக்கவைத்துக்கொள்ள முடியும். வீட்டில் கிடைக்கும் பொருள்களைவைத்து எளிமையான பேக்குகளை முயற்சிசெய்து, உங்களின் அழகை மெருகேற்றுங்கள். இனி பார்லர் செல்வதால் கிடைக்கும் அழகை வீட்டிலேயே பெறமுடியும்.


டிரெண்டிங் @ விகடன்